ತಾಜಾ - b'ಬಿಸಿ' ಸುದ್ದಿ

« »

: " ಸ್ಪರ್ಧಾರ್ಥಿ ತಾಣದಲ್ಲಿ ಹೊಸತು " ಉಚಿತ NewsLetterಗಾಗಿ ಇಲ್ಲಿ ನಿಮ್ಮ MAIL ID ನೀಡಿ :

ಈ ತಾಣದಲ್ಲಿನ ಯಾವುದೇ ಆಂಗ್ಲ ಶಬ್ದದ ಅರ್ಥ ತಿಳಿಯದಿದ್ದರೆ ಆ ಶಬ್ದದ ಮೇಲೆ Double Click ಮಾಡಿ

e-ಪತ್ರಿಕೆ ನಿಮ್ಮ ಸ್ವಂತದ್ದು. ಲೇಖನ ಬರೆದು ನಿಮ್ಮ ಜ್ಞಾನ ಹಂಚಿಕೊಳ್ಳಿ ..

ನಿಮ್ಮ (ಕೃತಿಚೌರ್ಯವಲ್ಲದ)ಲೇಖನಗಳನ್ನ ಇಲ್ಲಿಗೆ ಕಳಿಸಿ : spardharthi@gmail.com

ಗುಟುಕು ಜ್ಞಾನಕ್ಕಾಗಿ ...

Nov 18, 2010

ಕೆಲ್ವಿನ್ ಮತ್ತು ಹಾಬ್ಸ್

0 ಪ್ರತಿಕ್ರಿಯೆಗಳು
ಚುಟುಕು ಸುದ್ದಿ : ಕೆಲ್ವಿನ್ ಮತ್ತು ಹಾಬ್ಸ್ ಗೀಗ 25 ವರ್ಷ



ಸುದ್ದಿಯ ಒಳನೋಟ :

ನನಗೆ ಮೊದಲಿಗೆ ನಮ್ಮ ಆರ್.ಕೆ.ನಾರಾಯಣ್ ರವರ ಸ್ವಾಮಿ & ಫ್ರೆಂಡ್ಸ್ ಕಾದಂಬರಿಯಲ್ಲಿನ  W.S.Swaminathan ಪಾತ್ರವೇ ಜಗತ್ತಿನ ಅತಿ ಮುಗ್ಧ ಮತ್ತು ನಿಷ್ಕಲ್ಮಶ ಕಲ್ಪನಾಲೋಕದ ವಿಲಾಸಿ ಎಂದಂದುಕೊಂಡಿದ್ದೆ. ನನ್ನ ಮನಸೂ ಅವನ ಮನಸಿನಂತೇಕೆ ಇಲ್ಲ ಎಂದು ಸದಾ ಹಂಬಲಿಸುತ್ತಿದ್ದೆ. ಆದರೆ ಯಾವಾಗ ಕೆಲ್ವಿನ್ ನ ಪರಿಚಯವಾಯಿತೋ ಅಂದಿನಿಂದ ನನ್ನ ಆ ಮುಗ್ಧ & ನಿಷ್ಕಲ್ಮಶ ಕಲ್ಪನಾ ಲೋಕದ ವಿಲಾಸಕ್ಕೆ ನಾನು ಏಕಲವ್ಯನಾದರೆ ಕೆಲ್ವಿನ್ ನೇ ದ್ರೋಣನಾಗಿದ್ದಾನೆ. W.S.Swaminathan, ನನ್ನನ್ನು ಕ್ಷಮಿಸು. ಆದರೆ ನಿನ್ನ ನೆನಪು ಸದಾ ನನ್ನೊಂದಿಗಿದೆ. ನಿನ್ನ ನೆನಪಿನ ದ್ಯೋತಕವಾಗಿ ನನ್ನ ವೈಯಕ್ತಿಕ ಗ್ರಂಥಾಲಯಕ್ಕೆ W.S.Swaminathan Library, Malgudi ಅಂತ ಹೆಸರಿಟ್ಟಿದ್ದೇನೆ.

ಕರ್ತೃ ಬಿಲ್
  • ಬಿಲ್ ವಾಟರಸನ್ ಸದರಿ ಕಾಮಿಕ್ ಸರಣಿಯ ಕರ್ತೃ.
  • ನವೆಂಬರ್ 18, 1985 ರಿಂದ ಡಿಸೆಂಬರ್ 31, 1995 ರವರೆಗೆ ಒಟ್ಟು 3160 ಕಂತುಗಳಲ್ಲಿ ಪ್ರಕಟವಾಗಿದೆ.
  • ಫ್ರೆಂಚ್ Reformation Theologian ಜಾನ್ ಕೆಲ್ವಿನ್ ಮತ್ತು ಆಂಗ್ಲ ರಾಜಕೀಯ ಚಿಂತಕ ಥಾಮಸ್ ಹಾಬ್ಸ್ ಹೆಸರಿನಿಂದ ಪ್ರೇರಿತಗೊಂಡು ಈ ಕಾಮಿಕ್ ಸರಣಿಯ ಪ್ರಮುಖ ಪಾತ್ರಧಾರಿಗಳಿಗೆ ಹೆಸರಿಡಲಾಗಿದೆ.
  • ಕೆಲ್ವಿನ್ ಒಬ್ಬ ಆರು ವರ್ಷದ ಜಾಣ & ಕಲ್ಪನಾಲೋಕದಲ್ಲಿ ಸದಾ ತನ್ಮಯನಾಗಿರುವ ತುಂಟ ಹುಡುಗ. 
  • ಹಾಬ್ಸ್ ಅವನ ಸಂಗಾತಿ. ಅದೊಂದು ಗೊಂಬೆ. ಅದೊಂದು ಹುಲಿ. ಅಂದ್ರೆ ಹುಲಿಯ ರೂಪದ ಗೊಂಬೆ. ಈ ಗೊಂಬೆಗೆ ಅವರಿಬ್ಬರು ಮಾತ್ರ ಇದ್ದಾಗ ಜೀವ ಬಂದಿರುತ್ತೆ. ದೃಶ್ಯದಲ್ಲಿ ಮೂರನೇ ವ್ಯಕ್ತಿ ಕಾಣಿಸಿಕೊಂಡಾಗ ಅದು ನಿರ್ಜೀವ ಗೊಂಬೆ. ಅವರಿಬ್ಬರು ಮಾತ್ರ ಇದ್ದಾಗ ಕೆಲ್ವಿನ್ ನ ಐತಿಹಾಸಿಕ ವಿಚಾರ ಸರಣಿ ಯ ಟೀಕಾಕಾರ ಮತ್ತು ಅವನ ಕಲ್ಪನಾ ಲೋಕದ ವಿಹಾರದಲ್ಲಿ ಸಂಗಾತಿ.
  • ಸದರಿ ಕಾಮಿಕ್ ಮೂಲಕ ಕಲೆ, ಧರ್ಮ, ಪರಿಸರವಾದ, ರಾಜಕೀಯ ವಿಶ್ಲೇಷಣೆ ... ಇತ್ಯಾದಿ ಆಸಕ್ತಿದಾಯಕ ವಿಷಯಗಳನ್ನ ಕೆಲ್ವಿನ್ ನ ಮುಗ್ಧ ವಿಚಾರಸರಣಿಯನ್ನ ಬಳಸಿ ಸಾಣೆ ಹಿಡಿಯಲಾಗಿದೆ.
  • ಇತರ ಪಾತ್ರಧಾರಿಗಳು : 
  • ತಂದೆ ತಾಯಿ - ಅಮೆರಿಕದ ಮಧ್ಯಮವರ್ಗದ ಕೆಲ್ವಿನ್ ಹೆತ್ತವರು. ಇವರ ಬುದ್ಧಿಮತ್ತೆಗೆ ಸವಾಲೆಸೆದು ಮೋಜು ನೋಡುವುದು ಮತ್ತವರನ್ನ ಗೋಳುಹೊಯ್ದುಕೊಳ್ಳುವುದು ಕೆಲ್ವಿನ್ ನ ದಿನಚರಿಯ ಭಾಗ.
  • Susie Derkins - ಕೆಲ್ವಿನ್ ನ ಸಹಪಾಠಿ ಹುಡುಗಿ. ಸದಾ ಇವಳ ಕಾಲೆಳೆಯುವುದು ಕೆಲ್ವಿನ್ ನ ಪ್ರಮುಖ ಆಸಕ್ತಿಗಳಲ್ಲೊಂದು.
  • Rosalyn - ಇವಳು ಕೆಲ್ವಿನ್ ನ ಪೋಷಕರು ಊರಲ್ಲಿ ಇಲ್ಲದಿರುವಾಗ ಅವನನ್ನ ನೋಡಿಕೊಳ್ಳುವ ಹೊಣೆ ಹೊತ್ತ babysitter.
  • Moe - ಕೆಲ್ವಿನ್ ಪಾಲಿಗೆ ದುಸ್ವಪ್ನನಾಗಿರುವ ಭಯಂಕರ ಪುಂಡ ಹುಡುಗ.
  • Miss Wormwood -  ಕೆಲ್ವಿನ್ ನ ಶಿಕ್ಷಕಿ.
  • Mr. Spittle - ಶಾಲೆಗೆ ಹೋದ ದಿನಗಳಷ್ಟೇ ದಿನ ಇವರನ್ನೂ ಕಾಣಲೇಬೇಕಾದಷ್ಟು ತುಂಟತನ ಕೆಲ್ವಿನ್ ನದು. ಇವರು ಶಾಲೆಯ ಪ್ರಿನ್ಸಿಪಾಲ್.
  • Mr. Lockjaw - ಕೆಲ್ವಿನ್ ಸದಾ ಬೈಸಿಕೊಳ್ಳುವ ಬೇಸ್ ಬಾಲ್ ಆಟಕ್ಕೆ ಶಾಲೆಯಲ್ಲಿ  ಬೇಸ್ ಬಾಲ್ ತರಬೇತುದಾರ.

  • ಕೆಲ್ವಿನ್ ನ ಕೆಲವು ಅಮರವಾಣಿಗಳು :
  1. Genius Is Never Understood In Its Own Time.
  2. Weekends Dont Count Unless You Spend Them Doing Something Completely Pointless.
  3. Big Bang = Horrendous Space Kablooie.
  • ಉದಾಹರಣೆಗಳು :
1
2 & 3
  • ಕೆಲ್ವಿನ್ ಮತ್ತು ಹಾಬ್ ರ ಬಾಂಧವ್ಯಕ್ಕೆ ಕನ್ನಡಿ.
ಇನ್ನಷ್ಟು ಸ್ಯಾಂಪಲ್ ಡೋಸ್ ಗಳಿಗಾಗಿ ಇಲ್ಲಿ ಕ್ಲಿಕ್ಕಿಸಿ
. 
  • ಕೆಲ್ವಿನ್ ನ ವಿಚಾರಸರಣಿಯ ಬಗೆಗೆ ವಿಶ್ಲೇಷಿಸುವುದು ಮೂರ್ಖತನದ ಕೆಲಸವಾದೀತು. ಅದೊಂದು ವರ್ಣಿಸಲಸದಳ ಅನುಭವ. ಹಕ್ಕಿಗಳ ಕಲರವದೊಂದಿಗೆ ಮಿಳಿತವಾಗಿರುವ ಸುಂದರ ಮುಂಜಾವಿದ್ದಂತೆ. ಅದನ್ನ ಖುದ್ದು ಓದಿಯೇ ಗ್ರಹಿಸಬೇಕು.

 
: ರವಿ

ಅಜರ್ ಬೈಜಾನ್ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 02

0 ಪ್ರತಿಕ್ರಿಯೆಗಳು
ಸುದ್ದಿ : ಅಝರ್ ಬೈಜಾನ್ ನ ರಾಜಧಾನಿ ಬಾಕು ವಿನಲ್ಲಿ ಕ್ಯಾಸ್ಪಿಯನ್ ಶೃಂಗಸಭೆ ಆರಂಭ. 


ಸುದ್ದಿಯ ಸ್ಥಳ ನಕ್ಷೆ : 



  • ಸ್ಥಳೀಯ ಸಹಕಾರ ಮತ್ತು ಪ್ರದೇಶಾಭಿವೃದ್ಧಿಗಾಗಿ ಅಜರ್ ಬೈಜಾನ್ ನ ರಾಜಧಾನಿ ಬಾಕು ವಿನಲ್ಲಿ ಕ್ಯಾಸ್ಪಿಯನ್ ಶೃಂಗಸಭೆ ಆರಂಭವಾಗಿದೆ. 
  • ಬಾಕು ಇದು ಅಜರ್ ಬೈಜಾನ್ ನ ರಾಜಧಾನಿ.
  • Caspian Five ಎಂದೇ ಗುರುತಿಸಲ್ಪಡುವ - ರಷ್ಯಾ, ಅಜರ್ ಬೈಜಾನ್, ಇರಾನ್, ತುರ್ಕಮೆನಿಸ್ತಾನ್ ಮತ್ತು  ಕಜಕಿಸ್ತಾನ್ ದೇಶಗಳ ನಡುವೆ ಈ ಶೃಂಗಸಮ್ಮೇಳನ.
  • ರಷಿಯಾ ಅಧ್ಯಕ್ಷ ದಿಮಿತ್ರಿ ಮೆಡ್ವೆಡೇವ್ ಸದರಿ ಶೃಂಗಸಭೆಯ ಅಧ್ಯಕ್ಷತೆ ವಹಿಸಲಿದ್ದಾರೆ.

 
: ರವಿ

ಆರೆಸ್ಸೆಸ್ - 2

0 ಪ್ರತಿಕ್ರಿಯೆಗಳು
( ಆರ್.ಎಸ್.ಎಸ್  ಬಗ್ಗೆ ಸ್ಪರ್ಧಾರ್ಥಿ ತಾಣದಲ್ಲಿ ರವಿ ಬರೆದ ಅಂಶಗಳು ಮಾಹಿತಿ ಪ್ರದವಾಗಿದ್ದವು.  ) 


ಈ ಕುರಿತು ಇನ್ನಷ್ಟು ಹೇಳಬೇಕೆಂದರೆ   

  • ಆರ್ ಎಸ್ ಎಸ್  ಭಾರತದ  ಒಂದು  ಅತ್ಯಂತ ದೊಡ್ಡ ಸ್ವಯಂ ಸೇವಾ ಸಂಸ್ಥೆ ಎನ್ನಬಹುದು .
  • ಇದರ ಮುಖ್ಯಸ್ಥನನ್ನು  (ಪರಮೋಚ್ಚನಾಯಕ) ಸರಸಂಘಚಾಲಕ ಎನ್ನಲಾಗುತ್ತದೆ.
  • ಮೊದಲ ಸ.ಸ.ಚಾಲಕರು  ಕೇಶವ ಬಲಿರಾಮ ಹೆಡಗೆವಾರ್ .
  • ಆ ಬಳಿಕ  ಗುರೂಜಿ ಎಂದೇ ಖ್ಯಾತರಾದ ಗೊಳವಲ್ಕರ್ ಸ.ಸ.ಚಾಲಕರಾದರು. ಇವರ ಅವಧಿಯಲ್ಲಿಯೇ  ಸಂಘ ಹೆಚ್ಚು ಜನಪ್ರಿಯವಾಯಿತು. ಹಿಂದುತ್ವ , ಸ್ವದೇಶೀವಾದ ಮುಂತಾದವುಗಳಂತೆ ಈ ಸಂಸ್ಥೆಯ ಬಹುಪಾಲು ತತ್ವ ಸಿದ್ದಾಂತಗಳು ಇವರಿಂದ ರೂಪಿತವಾದವು.
  • ಆ ಬಳಿಕ  ಬಾಲಾಸಾಹೇಬ್, ರಜ್ಜು ಭಯ್ಯಾ, ಸುದರ್ಶನ್ & ಪ್ರಸ್ತುತ ಮೋಹನ್ ಭಾಗವತ್ ಇದನ್ನು ಮುನ್ನಡೆಸುತ್ತಿದ್ದಾರೆ.
  • ಕು.ಸೀ. ಸುದರ್ಶನ್ ( ಕುಪ್ಪಹಳ್ಳಿ ಸೀತಾರಾಮಯ್ಯ ಸುದರ್ಶನ್ ) ಕನ್ನಡಿಗರು. ಇವರೇ ಈಗ ವಿವಾದದಲ್ಲಿರುವವರು. 
  • ಆರ್.ಎಸ್.ಎಸ್  ಬಹಳ ವಿಸ್ತಾರವಾದ ಪರಿವಾರ ಹೊಂದಿದೆ.  ಅವು ವಿಶ್ವ ಹಿಂದೂ ಪರಿಷತ್ , ದುರ್ಗಾವಹಿನಿ , ವನವಾಸಿ ಕಲ್ಯಾಣ ಪರಿಷತ್  ಮುಂತಾದವು. ಇವಲ್ಲದೆ ಸಂಘದಿಂದ ತರಬೇತಿ ಹೊಂದಿ, ಪ್ರೇರಿತರಾಗಿ  ಅನೇಕರು   ಸೇವಾ ಸಂಸ್ಥೆಗಳನ್ನು ಸ್ಥಾಪಿಸಿದ್ದಾರೆ. ಉದಾ ಸು.ರಾಮಣ್ಣನವರ ಸಂಸ್ಕಾರ ಭಾರತಿ, ಅಜಿತ್ ಕುಮಾರರ ಅಜಿತ ಮನೋಚೇತನ ...ಇತ್ಯಾದಿ. 
  • ಈ ಸಂಸ್ಥೆಯ ಬಗ್ಗೆ  ಹೇಳುವಾಗ ಹೇಳಲೇ ಬೇಕಾದ ಇನ್ನೊಂದು ಮುಖ್ಯ ಸಂಗತಿ ಪ್ರಚಾರಕರ ಬಗ್ಗೆ. ಪ್ರಚಾರಕರೆಂದರೆ  ನಿಸ್ವಾರ್ಥ ಸೇವೆಗೆ ಇನ್ನೊಂದು ಹೆಸರು ಎನ್ನಬಹುದು. ಅಥವಾ ಅವರದು ರಾಷ್ಟ್ರ  ಸನ್ಯಾಸ ಎನ್ನಬಹುದು. ಅವರಿಗೆ ಯಾವುದೇ ವೇತನ ಇಲ್ಲ. ಇಡೀ ಜೀವನವನ್ನು ಸಂಸ್ಥೆಗಾಗಿ, ಸೇವೆಗಾಗಿ ಮೀಸಲಿಟ್ಟವರು. ಕವಿವಾಣಿಯಲ್ಲಿ ಹೇಳಿದಂತೆ '' ಹಣವಿಲ್ಲ. ಹಣ ಹಂಬಲವಿಲ್ಲ. ಅಧಿಕಾರದ ಬಂಧನವಿಲ್ಲ. ರಾಷ್ಟ್ರ ಭಕ್ತಿ ಸದ್ಗುಣಗಳನುಳಿದರೆ ಬಡತನವೇ ಮೈ ಮನವೆಲ್ಲ'' ಎನ್ನಬಹುದು. 
  • ಪಾಂಚಜನ್ಯ ಎನ್ನುವುದು ಸಂಘದ ಹಿಂದಿ ಭಾಷೆಯ ಮುಖವಾಣಿ. ಆಂಗ್ಲ ಭಾಷೆಯಲ್ಲಿ ಆರ್ಗನೈಸರ್ ( Organiser ) ಹೊರಡಿಸಲಾಗುತ್ತದೆ.
  • ಹಿಂದುಸ್ತಾನದಲ್ಲಿ  ಬದುಕುತ್ತಿರುವ ಎಲ್ಲರೂ ಹಿಂದುಗಳೇ ಎಂಬ ಸಂಘದ ಏಕತಾ ಮಂತ್ರ  ಭಾರತಿಯರೆಲ್ಲರಿಗೂ  ಅನುಕರಣೀಯವಾಗಿದೆ ಎನ್ನಬಹುದು. ಏಕೆಂದರೆ ಮೂಲತಃ ಹಿಂದೂ ಎನ್ನುವುದು  ಕೇವಲ ಧರ್ಮವಲ್ಲ. ಮಿಗಿಲಾಗಿ ಅದೊಂದು ಸಂಸ್ಕೃತಿ. ಅದೊಂದು Way of Living. ಅದನ್ನ ಪಾಲಿಸಿದರೆ ಧರ್ಮದ ಕಟ್ಟಳೆಗಳನ್ನ ಮೀರಿ ನಿಲ್ಲುವ ತತ್ವಗಳು ಅಲ್ಲಿವೆ. ಪ್ರಸ್ತುತ ನಮ್ಮ ದೇಶದ ಹಲವು ಸಮಸ್ಯೆಗಳಿಗೆ ಇದು ಪರಿಹಾರವು ಹೌದು.
  
 
: ರಾಮ ಭಟ್

Nov 17, 2010

ಈದ್ ಮುಬಾರಕ್

0 ಪ್ರತಿಕ್ರಿಯೆಗಳು
ಚುಟುಕು ಸುದ್ದಿ : ಜಗತ್ತಿನೆಲ್ಲಡೆ ಸಂಭ್ರಮದ ಈದ್ - ಅಲ್ - ಅದಾ ಆಚರಣೆ



ಸುದ್ದಿಯ ಒಳನೋಟ :

  • ಈದ್ ಉಲ್ ಫಿತರ್ ಇದು ರಂಜಾನ್ ಉಪವಾಸ ಕೊನೆಗೊಳ್ಳುವಾಗ ನಡೆಯುವ ಆಚರಣೆ.
  • ಈದ್ ಅಲ್ ಅದಾ ಇದು ತ್ಯಾಗ ಮತ್ತು ಬಲಿದಾನದ ಪ್ರತೀಕವಾಗಿ ಆಚರಿಸಲಾಗುವ ಆಚರಣೆ. ನಿನ್ನೆ ಆಚರಿಸಲ್ಪಟ್ಟ ಈ ಹಬ್ಬಕ್ಕೆ ಗ್ರೇಟರ್ ಈದ್ ಅಂತಲೂ ಹೆಸರಿದೆ.

 
: ರವಿ

ಗಿನಿಯಾ(ಕೊನಾಕ್ರಿ) - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 01

0 ಪ್ರತಿಕ್ರಿಯೆಗಳು
ಸುದ್ದಿ : ಗಿನಿಯಾ ದೇಶದಲ್ಲಿ ಚುನಾವಣಾ ನಂತರ ಭುಗಿಲೆದ್ದ ಹಿಸಾಂಚಾರ

ಸ್ಥಳ ನಕ್ಷೆ : 

  • ಗಿನಿಯಾ ಎನ್ನುವ ಹೆಸರೇ ಗೊಂದಲಮಯವಾಗಿದೆ. ಕಾರಣ ನಮ್ಮ ಭೂಮಿಯಲ್ಲಿ 
  1. ಆಫ್ರಿಕಾ ಖಂಡದ ಪಶ್ಚಿಮಕ್ಕೆ ಕಾಣಸಿಗುವ ಗಿನಿಯಾ ಭೂಪ್ರದೇಶವನ್ನ : ಗಿನಿಯಾ - Bissau & ಗಿನಿಯಾ - Conakry ಎಂದು ಆಯಾ ದೇಶಗಳ ರಾಜಧಾನಿಯ ಹೆಸರಿನ ಮೇಲೆ ವ್ಯತ್ಯಾಸ ಮಾಡಲಾಗುತ್ತದೆ.
  2. ನ್ಯೂ ಗಿನಿಯಾ ಎಂಬ ದ್ವೀಪವೊಂದಿದೆ. ಅದು ಆಸ್ಟ್ರೇಲಿಯಾ ಖಂಡದ ಮೇಲ್ಭಾಗದಲ್ಲಿ ಕಾಣಸಿಗುತ್ತದೆ.
  3. ಪಪುವಾ ನ್ಯೂ ಗಿನಿಯಾ ಇದು ನ್ಯೂ ಗಿನಿಯಾದ ಪೂರ್ವದ ಕಡೆಗಿನ ಭೂಪ್ರದೇಶ.
  • ಈಗ ಸುದ್ದಿಯ ವಸ್ತುವಾಗಿರೋದು ಗಿನಿಯಾ - ಕೊನಾಕ್ರಿ. ಇಲ್ಲಿ ಮಿಲಿಟರಿ ಜುಂತಾ ಆಡಳಿತವಿದ್ದು, ಇದೀಗ ಪ್ರಜಾಪ್ರಭುತ್ವ ಮರುಸ್ಥಾಪನೆಗೆ ಪ್ರಯತ್ನವಾಗಿ ಚುನಾವಣೆಗಳು ಮುಕ್ತಾಯಗೊಂಡಿವೆ.
  • ಚುನಾವಣೆಯಲ್ಲಿ Rally of The Guinean People ಪಕ್ಷದ Alpha Conde ವಿಜಯಿಯಾಗಿದ್ದಾರೆ.
  • ಸದರಿ ದೇಶ ಗಿನಿಯಾ - ಬಿಸ್ಸಾಉ, ಸೆನೆಗಲ್, ಮಾಲಿ, ಕೋಟ್ ಡೆ ಐವರಿ, ಲೈಬೀರಿಯಾ & ಸಿಯೆರಾ ಲಿಯೋನ್ ದೇಶಗಳಿಂದ ಸುತ್ತುವರೆದಿದೆ.
  • ವಿಸ್ತೀರ್ಣದಲ್ಲಿ ಹತ್ತಿರತ್ತಿರ ಯುನೈಟೆಡ್ ಕಿಂಗಡಮ್ ನಷ್ಟು ವಿಸ್ತಾರವಾಗಿದೆ.


: ರವಿ

Nov 16, 2010

ಭರತವರ್ಷದೊಳಗೊಂದು ಭ್ರಷ್ಟ ಭಾರತ

0 ಪ್ರತಿಕ್ರಿಯೆಗಳು
ಚುಟುಕು ಸುದ್ದಿ : ತರಂಗರಾಜನ ದುರಾಸೆ ; ಆದರ್ಶ ಅಕ್ರಮ ; ಭೂಗಳ್ಳ ದೊರೆಗಳು



ಸುದ್ದಿಯ ಒಳನೋಟ :

  • ಭಾರತದಲ್ಲಿ ಮೊದಲಬಾರಿಗೆ ಭ್ರಷ್ಟಾಚಾರದ ವಾಸನೆ ಸುಳಿದಿದ್ದು ೧೯೪೮ರಲ್ಲಿ "ಜೀಪ್ ಸ್ಕ್ಯಾಂಡಲ್" ಮುಖಾಂತರ. ವಿ.ಕೆ. ಮೆನನ್ (ನೆಹರೂರವರಿಗೆ ನಿಷ್ಠರಾಗಿದ್ದರು), ಲಂಡನ್ನಿನಲ್ಲಿ ಭಾರತದ ಹೈಕಮೀಶನರ್, ನಿಯಮಗಳನ್ನು ಗಾಳಿಗೆ ತೂರಿ ರಕ್ಷಣಾ ವಲಯಕ್ಕೆ ಜೀಪುಗಳನ್ನು ಖರೀದಿ ಮಾಡಿದ್ದರು. ಅನಂತಶಯನ ಅಯ್ಯಂಗಾರರ ನೇತೃತ್ವದ ತನಿಖಾ ಸಮಿತಿ ನ್ಯಾಯಾಂಗ ತನಿಖೆಗೆ ಆಗ್ರಹಿಸಿದ್ದರೂ ಅಂದಿನ ಸರ್ಕಾರ ಸಪ್ಟೆಂಬರ್ ೩೦, ೧೯೫೫ ರಂದು ಕೇಸು ಮುಚ್ಚಲ್ಪಟ್ಟಿದೆ ಎಂದು ಘೋಷಿಸಿತು.
  •  ಜವಾಹರಲಾಲ್ ನೆಹರು ನೇತೃತ್ವದ ಸರಕಾರದಲ್ಲಿ ಅನೇಕ ಭ್ರಷ್ಟಾಚಾರದ ಪ್ರಕರಣಗಳು ಬೆಳಕಿಗೆ ಬಂದಿವೆ.
        * ಮುದ್ಗಲ್ ಹಗರಣ(೧೯೫೧)
        * ಮುಂಡ್ರಾ ಹಗರಣ (೧೯೫೭-೧೯೫೮)
        *ಮಾಳವಿಯ-ಸಿರಾಜುದ್ದಿನ ಹಗರಣ (೧೯೬೩)     *ಪ್ರತಾಪ ಸಿಂಗ್ ಕೈರೊನ್ ಕೇಸ್ (೧೯೬೩) ...
  • ೧೯೭೧ ರಲ್ಲಿ ಚುನಾವಣೆಯಲ್ಲಿ ಸರಕಾರಿ ನೌಕರನನ್ನು ಚುನಾವಣಾ ಪ್ರಚಾರ ಕಾರ್ಯದಲ್ಲಿ ಬಳಸಿಕೊಂಡಿದ್ದ ಇಂದಿರಾ ಗಾಂಧಿಯವರಿಗೆ ಅಲಹಾಬಾದ್ ಹೈಕೋರ್ಟ್ ೧೯೭೫ ರಲ್ಲಿ ಲೋಕಸಭಾ ಸದಸ್ಯತ್ವದಿದಿಂದ ವಜಾಗೊಳಿಸಿ ಆರು ವಷಗಳ ಕಾಲ ಆಡಳಿತ ನಡೆಸದಂತೆ ಅವರ ಮೇಲೆ ನಿಷೇಧ ಹೇರಿತ್ತು. ಆದರೆ, ಅವರು ತಮ್ಮ ಸ್ಥಾನದಿಂದ ಕೆಳಕ್ಕಿಳಿಯದೇ ವಿಪಕ್ಷಗಳ ಪ್ರತಿಭಟನೆಗಳನ್ನು ಹತ್ತಿಕ್ಕುವ ನಿಟ್ಟಿನಲ್ಲಿ emergency ಯನ್ನು ಹೊರಡಿಸಿದರು. 
  • ರಾಜೀವ ಗಾಂಧಿ ಪ್ರಧಾನಿಯಾಗಿದ್ದ ಅವಧಿಯಲ್ಲಿ ೧೯೮೭ ರಲ್ಲಿ ಅವರು ಸ್ವೀಡೀಷ್ ಬೋಫೋರ್ಸ್ ಫಿರಂಗಿಗಳನ್ನು ಖರೀದಿಸಿದ್ದರು. ಕೋಟಿಗಟ್ಟಲೆ ಅವ್ಯವಹಾರ ನಡೆದಿತ್ತು. ಗಾಂಧಿ ಕುಟುಂಬದ ಸ್ನೇಹಿತ ಒಟ್ಟೋವಿಯೋ ಕ್ವಟ್ರೋಚಿ ಈ ಪ್ರಕರಣದಲ್ಲಿ ಭಾಗಿಯಾಗಿದ್ದ. ದುರಾದೃಷ್ಟವೆಂದರೆ ಕ್ವಟ್ರೋಚಿಯನ್ನು ಕಳೆದ ವರ್ಶ ಸಿ.ಬಿ.ಐ. ಈತನನ್ನು ಆರೋಪ ಮುಕ್ತಗೊಳಿಸಿದೆ.
  • ಮಾಜಿ ಪ್ರಧಾನಿ ಪಿ.ವಿ. ನರಸಿಂಹರಾವ್  ಲೋಕಸಭೆಯಲ್ಲಿ ಬಹುಮತ ಸಾಬೀತು ಪಡಿಸಲು ಸದಸ್ಯರಿಗೆ ಲಂಚ ನೀಡಿದ್ದರು ಎಂದು ೧೯೯೭ರಲ್ಲಿ ಬೆಳಕಿಗೆ ಬಂತು.
  • ೨೦೦೨-೦೩ ರಲ್ಲಿ ಭಾರತಾದ್ಯಂತ ಚರ್ಚಿತವಾದ ಮತ್ತೊಂದು ಹಗರಣ - ತಾಜ್ ಕಾರಿಡಾರ್ ಹಗರಣ. ಬಿ.ಜೆ.ಪಿ. ನೇತೃತ್ವದ ಎನ್.ಡಿ.ಎ. ಸರಕಾರ ಕೆಂದ್ರದಲ್ಲಿದ್ದಾಗ ಉತ್ತರ ಪ್ರದೇಶದ ಮುಖ್ಯ ಮಂತ್ರಿಯಾಗಿದ್ದವರು ಮಾಯಾವತಿ. ಕೇಂದ್ರ ಪರಿಸರ ಸಚಿವಾಲಯದ ಅನುಮತಿ ಪಡೆಯದೆ ಪ್ರವಾಸಿಗರ ಅನಕೂಲಕ್ಕಾಗಿ ವಸತಿ ಇನ್ನಿತರ ಸೌಕರ್ಯಕ್ಕಾಗ್ಗಿ ಕೇಂದ್ರ ಸರಕಾರ ಮೀಸಲಿಟ್ಟಿದ್ದ ೧೭೫ ಕೋಟಿ ರೂ.ಗಳನ್ನು ಉತ್ತರ ಪ್ರದೇಶದ ಸರಕಾರ ಉಪಯೋಗಿಸಿತ್ತು.
  • ಕಾಂಗ್ರೆಸ್ ಸರ್ಕಾರವನ್ನ ನಾಚಿಸುವಂತೆ ಬಿ.ಜೆ.ಪಿ. & ಎನ್.ಡಿ.ಎ. ಸರ್ಕಾರಗಳು ಸಾಕಷ್ಟು ಭ್ರಷ್ಟಾಚಾರದ ಹಣ ಸಂಪಾದಿಸಿದ್ದಾರೆ. ಸಂಪಾದಿಸಿದ್ದಾರೆ. ಸಂಪಾದಿಸುತ್ತಿರುತ್ತಾರೆ. 
ಏಕೆಂದರೆ ಎಲ್ಲರೂ ಮೂಲತಃ ಭಾರತೀಯರು. ನಮ್ಮಲ್ಲಿ ನೀಡುವ & ಪಡೆಯುವ ಅಲ್ಲಗಳೆಯಲಾಗದ ಅವಶ್ಯಕತೆ ಇದೆ. 
  • ರಾಜಕೀಯ ಪುಢಾರಿಗೆ ಮುಂದಿನ ಚುನಾವಣೆ ಗೆಲ್ಲಬೇಕು. ಒಳ್ಳೆಯ ಕೆಲಸ ಮಾಡಿ ಮುಂದಿನ ಚುನಾವಣೆ ಗೆಲ್ಲಲು ಅವರಪ್ಪ - ಅಮ್ಮಂದಿರು ಹೇಳಿ ಕೊಟ್ಟಿಲ್ಲವಲ್ಲ !!
  • ದೇಶದ ಅತ್ಯುನ್ನತ ಅಧಿಕಾರಿಗಳಿಗೂ ಹಣ ಮಾಡುವ ದುರಾಸೆ. ಅಧಿಕಾರಮತ್ತರಾಗಿದ್ದಾಗ ಅವರ ದಿನಿತ್ಯದ ಪ್ರತಿ ಕ್ಷಣವೂ ಲಕ್ಸುರಿ ಯಾಗೇ ಇರಬೇಕು ಎನ್ನುವ ಅತ್ಯಾಸೆ. ತಾವಷ್ಟೇ ಅಲ್ಲ. ಹೆಂಡತಿ ಮಕ್ಕಳು ಕೂಡ.( ಇದು ಭ್ರಷ್ಟಾಚಾರವಲ್ಲ. ಆದರೆ ಕೆಲವೊಮ್ಮೆ ಅವರು ತೋರಿಸುವ ಸಣ್ಣತನ ನೋಡಿ : ಸಿ ಗುಂಪಿನ ನೌಕರರಿಗೆ ವೈದ್ಯಕೀಯ ವೆಚ್ಚ ಮರುಪಾವತಿ ಯಲ್ಲಿ ಕೆಲವು ಚಿಕಿತ್ಸೆಗಳಿಗೆ ಮಾತ್ರ ಮರುಪಾವತಿ ಮಾಡಲಾಗುತ್ತದೆ. ಆದರೆ ಮೇಲಿನ ಅಧಿಕಾರಿಗಳಿಗೆ  ಒಂದು ಸಣ್ಣ 3 ರೂಪಾಯಿಯ ಮಾತ್ರೆಗೂ ಮರುಪಾವತಿ ಇರುತ್ತದೆ. ಆದರೆ ವಿಪರ್ಯಾಸವೆಂದರೆ : ನೂರಿನ್ನೂರು ರೂಪಾಯಿ ಮಾತ್ರ ಇದ್ದರೆ ಸಾಮಾನ್ಯ ನೌಕರರು ಮರುಪಾವತಿಗೆ ಅರ್ಜಿಯೇ ಸಲ್ಲಿಸೋದಿಲ್ಲ. ಅದೇ ಮೇಲಿನವರು ಆ ಮೂರು ರೂಪಾಯಿಯ ಮಾತ್ರಯನ್ನೂ ಬಿಡೋದಿಲ್ಲ. ಇದು Joke ಅಂತ ಸೃಷ್ಟಿಸಿ ಹೇಳಿದ್ದಲ್ಲ. ನೈಜ ಉದಾಹರಣೆಗಳಿದಾವೆ. ಇಂಥ ಸಣ್ಣತನ ತೋರಿಸಿ ತಮ್ಮ ಹಣಕ್ಕೆ ಆಣೆಕಟ್ಟು ಕಟ್ಟುವ ಬುದ್ಧಿ ಇರಬೇಕಾದರೆ, ಸರಕಾರದ ಹಣವನ್ನ ತಮ್ಮ ತಿಜೋರಿಗೆ ತಿರುಗಿಸುವ ಕಾಲುವೆ ತೋಡಲು ಹಿಂಜರಿಯುವರೇ ಅನ್ನುವುದು ಉದಾಹರಣೆಯ ಔಚಿತ್ಯ. )
  • ಸಾಮಾನ್ಯ ಕಚೇರಿ ನೌಕರರಿಗೂ ಹಣದ ಅವಶ್ಯಕತೆಯಿದೆ. ಕಾರಣ ಹಾಸಿಗೆಗೆ ತಕ್ಕಷ್ಟು ಕಾಲು ಚಾಚುವ ಹವ್ಯಾಸ ಇಲ್ಲದೇ ಇರುವುದು. ಸಂಬಳ ಸಾಲಲ್ಲ. ಭ್ರಷ್ಟಾಚಾರ ಸುಲಭ ದಾರಿ.
  • ಇತರೆ ವರ್ಗಕ್ಕೆ ಸೇರುವವನಿಗೆ ಸಕಾಲದಲ್ಲಿ ಕೆಲಸ ಆಗುತ್ತದೋ ಇಲ್ಲವೋ ಎನ್ನುವ ಆತಂಕವೇ ಭ್ರಷ್ಟಾಚಾರಕ್ಕೆ ಹೆದ್ದಾರಿ.
( ಇದು ಸಾಮಾನ್ಯವಾದ ಚಿತ್ರಣ. ಎಲ್ಲರೂ ಹಾಗೇ ಅಂತ ಆರೋಪ ಮಾಡಲಾಗಿದೆ ಅಂತ ತಿಳಿಯುವುದು ಬಾಲಿಶ )
  • ಕರ್ನಾಟಕದ ಪ್ರಸ್ತುತ ಬಿ.ಜೆ.ಪಿ. ಚುನಾವಣೆಗೆ ಹೋಗುವಾಗ : " ನೀವು 50 ವರ್ಷಗಳಲ್ಲಿ ಮಾಡದೇ ಇರುವುದನ್ನ ನಾವು ಮಾಡಿ ತೋರಿಸುತ್ತೇವೆ " ಎಂದು ಕಾಂಗ್ರೆಸ್ ಗೆ ಹಾಕಿದ ಸವಾಲಿನ ಅರ್ಥ ಇಡೀ ಕರ್ನಾಟಕದ ಜನತೆ ಮನಗಂಡಿದ್ದಾರೆ. 
ವ್ಹಾ !! ಕೇವಲ 30 ತಿಂಗಳ ಭ್ರಷ್ಟಾಚಾರದ ಪ್ರಖರತೆ ಎಷ್ಟಿದೆ ಅಂದ್ರೆ  ಹಿಂದಿನ 60 ವರ್ಷಗಳ ಭ್ರಷ್ಟಾಚಾರ ಇತಿಹಾಸವೇ ಕಾಣದಾಗಿದೆ. ಅಷ್ಟೊಂದು ಕಾಂತಿಯುತ ನಾವು ಇಷ್ಟಪಟ್ಟು ಆರಿಸಿದ ಸರ್ಕಾರದ ಸಾಧನೆ. ಒಬಾಮಾ ಹೇಳಿದ್ದರು : Yes We Can ! ಅದನ್ನ ಶ್ರೀ ಯಡಿಯೂರಪ್ಪನವರು ಕೃತಿಗಿಳಿಸಿ ಕೃತಾರ್ಥರಾಗಿದ್ದಾರೆ. ಮತದಾರ ಬಂಧುಗಳನ್ನೂ ಕೃತಾರ್ಥರನ್ನಾಗಿಸಿದ್ದಾರೆ. ದೊರೆಯೇ ಈ ದಾರಿ ಹಿಡಿದಿರಬೇಕಾದರೆ ಇನ್ನು ಮಂತ್ರಿಗಳ, ಅಧಿಕಾರಿಗಳ ದಾರಿ ಸುಗಮಾತಿ ಸುಗಮ.

ಇಂತಹ ನೂರಾರು ಹಗರಣಗಳು (ಬೆಳಕಿಗೆ ಬಂದವುಗಳು) ಕಾಣಸಿಗುತ್ತವೆ. ಕಳೆದ ಐದಾರು ತಿಂಗಳಲ್ಲಿ ಎಷ್ಟೋ ಹಗರಣಗಳು ಬೆಳಕಿಗೆ ಬಂದವು. ಐ.ಪಿ.ಎಲ್. ಹಗರಣ, ಕಾಮನ್ ವೆಲ್ತ್ ನಲ್ಲಿ ಅವ್ಯವಹಾರ, ಆದರ್ಶ ಹೌಸಿಂಗ್ ಸೊಸೈಟಿ ಹಗರಣ, ಟೆಲಿಕಾಂ ತರಂಗಾತರಗಳ ಹಂಚಿಕೆಯಲ್ಲಿ ಹಗರಣ... ಇಷ್ಟೇ ಅಲ್ಲ  ನ್ಯಾಯಾಂಗ ವ್ಯವಸ್ಥೆಯಲ್ಲೂ ಇವೇ ತುಂಬಿಕೊಂಡಿವೆ. ಕರ್ನಾಟಕದ ಮತ್ತು ಪಶ್ಚಿಮ ಬಂಗಾಳದ ಮಾಜಿ ಮುಖ್ಯ ನ್ಯಾಯಾಧೀಶರು ಸಾವಿರಾರು ಕೋಟಿ ರೂ.ಗಳ ಅವ್ಯವಹಾರದಲ್ಲಿ ಸಿಲುಕಿದ್ದಾರೆ.

ಭ್ರಷ್ಟಾಚಾರ ನಿರ್ಮೂಲನೆ ಮಾಡಿದ ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತಕ್ಕೆ 88 ನೇ ಸ್ಥಾನ. ಇದು ನಿಜವಾಗಿಯೂ ನಾಚಿಕೆಗೇಡಿನ ಸಂಗತಿ. ಹಗರಣಗಳು ಕೇಂದ್ರ ಮತ್ತು ರಾಜ್ಯ ಸರಕಾರಗಳಿಗೆ ಮಾತ್ರ ಸೀಮಿತವಾಗಿಲ್ಲ, ಜಿಲ್ಲಾ ಪಂಚಾಯತಿ, ತಾಲೂಕು ಪಂಚಾಯತಿ, ಗ್ರಾಮ ಪಂಚಾಯತಿಗಳಲ್ಲೂ ಭ್ರಷ್ಟಾಚಾರದ ಪ್ರಕರಣಗಳು ಕಾಣಸಿಗುತ್ತವೆ. ಅಭಿವೃದ್ಧಿಯ ಹಾದಿಯಲ್ಲಿ ಇವುಗಳು ಅಡೆತಡೆಗಳಾಗಿವೆ.



ಜಗತ್ತಿನ ಅತ್ಯುತ್ತಮ ಹಣಕಾಸು ತಜ್ಞರು, ರಾಜಕೀಯ ಚಿಂತಕರು ... ಇತ್ಯಾದಿಯವರು ನಮ್ಮ ದೇಶದಲ್ಲೂ ಇದ್ದರೂ ಅವರು ಪಡುವ ಪ್ರಯತ್ನಕ್ಕೆ ಸಹಕಾರ ನೀಡಬೇಕಿರುವುದು ಸರಕಾರವೇ ತಾನೇ ? ಅಂಥ ತಜ್ಞರು ಅನೇಕ ಸಲಹೆಗಳನ್ನೂ ನೀಡಿದ್ದಾರೆ. ಅದರಲ್ಲಿ ZERO CURRENCY ಕೂಡ ಒಂದು. ಈ ಝೀರೋ ಕರೆನ್ಸಿ ಬಗ್ಗೆ ನಿಮಗೇನಾದ್ರೂ ಗೊತ್ತಾ ?



 
 : ಪವನ್

Nov 15, 2010

Leadership Quotes

0 ಪ್ರತಿಕ್ರಿಯೆಗಳು
ಪ್ರತಿ ಸೋಮವಾರ  ಆತ್ಮವಿಶ್ವಾಸ ಹೆಚ್ಚಿಸುವ ವಾಕ್ಯಗಳನ್ನ ಸಂಗ್ರಹಿಸಿ ಇಲ್ಲಿ ಬರೆಯಲಾಗುವುದು. ನಮ್ಮ ಪತ್ರಿಕೆ ಕನ್ನಕ್ಕೆ ಮುಡಿಪಾಗಿದ್ದರೂ, ನಮ್ಮನ್ನ ಹುರಿದುಂಬಿಸುವ ಈ ವಾಕ್ಯಗಳಿಗೆ ಭಾಷೆಯ ಪರಿಮಿತಿಯನ್ನ ಹಾಕಿಕೊಂಡಿಲ್ಲ. ಕಾರಣ, ಅವೆಲ್ಲವನ್ನೂ ಕನ್ನಡದಲ್ಲಿ ಅನುವಾದ ಮಾಡಿ ಪ್ರಕಟಿಸುವುದರಿಂದ ವಾಕ್ಯ ಕೆಲವೊಮ್ಮೆ ಅಸಮಂಜಸವಾಗುವ ಸಾಧ್ಯತೆಯಿದೆ. ಆ ಕಾರಣಕ್ಕೆ ಸೂಕ್ತ ಅನ್ನಿಸುವಂಥವನ್ನು ಮಾತ್ರ ಕನ್ನಡೀಕರಿಸಲಾಗಿದೆ. ಆ ವಾಕ್ಯ ಯಾವ ಭಾಷೆಯಲ್ಲಿದ್ದರೇನು ? ನಮ್ಮ ಆತ್ಮವಿಶ್ವಾಸ ಹೆಚ್ಚಿಸಿದರೆ ಸಾಕಲ್ವೇ ?!





***
: Leadership Quotes :

" Leadership: The art of getting someone else to do something you want done because he wants to do it. "
- Dwight D. Eisenhower

“ He who has learned how to obey will know how to command. ”
- Solon

" No general can fight his battles alone. He must depend upon his lieutenants, and his success depends upon his ability to select the right man for the right place. "
- Philip Armour

“ The leader has to be practical and a realist, yet must talk the language of the visionary and the idealist. ”
- Eric Hoffer

“ Do not follow where the path may lead. Go instead where there is no path and leave a trail. ”
- Ralph Waldo Emerson



***







.


ಹೇ ಪುಸ್ತಕ ಹಬ್ಬ

0 ಪ್ರತಿಕ್ರಿಯೆಗಳು
ಚುಟುಕು ಸುದ್ದಿ : ಕೇರಳದಲ್ಲಿ ನಿನ್ನೆ ಮುಕ್ತಾಯಗೊಂಡ Hay Festival 
ಸುದ್ದಿಯ ಒಳನೋಟ :
 
  • ಯುನೈಟೆಡ್ ಕಿಂಗಡಮ್ ನ ಭಾಗವಾದ ವೇಲ್ಸ್ ( ಇಂಗ್ಲೆಂಡ್ & ಸ್ಕಾಂಟ್ಲೆಂಡ್ ಉಳಿದೆರಡು ಭಾಗಗಳು ) ನ ಪಟ್ಟಣ Hay-on-Wye ಯನ್ನು "ಪುಸ್ತಕಗಳ ಊರು" ಎಂದು ಕರೆಯುತ್ತಾರೆ.
  • Wye ಹೆಸರಿನ ನದಿಯ ಪೂರ್ವ ದಂಡೆಯ ಮೇಲಿರುವ ಈ ಊರಿಗೆ Hay ಅಂತನೇ ಹೆಸರು. ಆದರೆ ನದಿ ತೀರವನ್ನ ಸೇರಿಕೊಂಡು ಇಂಗ್ಲೀಷರು ಹಾಗೆ ಕರೀತಾರೆ.
  • ಹಿನ್ನೆಲೆ :
    ಹಿಂದೆ ಇಂಗ್ಲೀಷರು ಈ ಊರನ್ನು  Hay-on-Wye ಎಂದು ಕರೆದರೆ ವೇಲ್ಸ್ ದವರು Y Gelli ಎಂದು ಕರೆಯುತ್ತಿದ್ದರಂತೆ. ಇಂಗ್ಲೀಷ ಹಾಗೂ ವೇಲ್ಸ್ ರಾಜರುಗಳಿಗೆ ಈ ಪ್ರದೇಶ ಕಲಹ ಕೇಂದ್ರವಾಗಿತ್ತು. ವೇಲ್ಸ್ ನ ದಾಳಿಕೋರರನ್ನು ತಡೆಗಟ್ಟಲು ಇಂಗ್ಲೆಂಡಿನ ರಾಜ(King Offa) ದೊಡ್ಡ ಕಂದಕವನ್ನು ನಿರ್ಮಾಣ ಮಾಡಿದನು. ಮೇಲಿಂದ ಮೇಲೆ ಈ ಎರಡೂ ದೇಶಗಳ ನಡುವೆ ನಡೆದ ಯುದ್ಧಗಳಿಂದಾಗಿ ೧೨೧೬ ರಲ್ಲಿ ಅದರ ಕೋಟೆಯು ಒಡೆಯಿತು.  ನಂತರ ಉಳಿದ ಅವಶೇಷಗಳನ್ನು ವೇಲ್ಸ್ ನ ರಾಜಕುಮಾರ ಸುಡುತ್ತಾನೆ.

    ಇಂಗ್ಲೆಂಡ್ ಹಾಗೂ ವೇಲ್ಸ್ ನಡುವಣ ಕಲಹ ಮುಕ್ತಾಯವಾಯಿತು. ಆ ಊರಿನ ಮಹತ್ವ ಕಡಿಮೆಯಾಯಿತು; ಕ್ರಮೇಣ ಮರೆತೂ ಹೋಯಿತು. ಮುಂದೆ, ಅಲ್ಲಿ ಬಿದ್ದಂತಹ ಅವಶೇಷಗಳ ಸಹಾಯದಿಂದ  ೧೯೬೦ ರಲ್ಲಿ ಒಂದು ದೊಡ್ಡ ಭವನ  ನಿರ್ಮಾಣವಾಯಿತು. ಅದೇ ಸಮಯದಲ್ಲಿ ಆಕ್ಸಫರ್ಡ್ ನ ಪದವೀಧರ 'ರಿಚರ್ಡ ಬೂಥ್' ಎಂಬುವನು ಒಂದು ಪುಸ್ತಕ ಮಳಿಗೆಯನ್ನು ತೆರೆಯುತ್ತಾನೆ. ಗ್ಯಾರೇಜ್ ಕೆಲಸಗಾರನ ಮಗನಾದ ಈತನು ಕ್ರಮೇಣವಾಗಿ ತನ್ನ ಊರು ನಶಿಸುತ್ತಿರುವುದನ್ನು ಗಮನಿಸುತ್ತಾನೆ. ಪುಸ್ತಕ ಅಂಗಡಿಯನ್ನು ಬೆಳೆಸುವುದಕ್ಕಾಗಿ ಶ್ರಮಪಟ್ಟು ಕೆಲಸ ಮಾಡುತ್ತಾನೆ. ಹೊಸ ಅಂಗಡಿಗಳನ್ನು ತೆರೆಯಲು ಸಾರ್ವಜನಿಕರಿಗೆ ಆಹ್ವಾನವೀಯುತ್ತಾನೆ. 30 ಪುಸ್ತಕ ಅಂಗಡಿಗಳು ಎದ್ದು ನಿಲ್ಲುತ್ತವೆ. ಈ ಊರಿನ ಜನಸಂಖ್ಯೆ ೧೫೦೦ ಮಾತ್ರ.
ಕನಕಕುನ್ನು ಅರಮನೆ
  • ಮುಂದೆ 1988 ರಲ್ಲಿ ಮೊದಲಬಾರಿಗೆ ಪೀಟರ್ ಫ್ಲಾರೆನ್ಸ್ ಎಂಬ ವ್ಯಕ್ತಿ ಆ ಊರಿನಲ್ಲಿ ಪುಸ್ತಕ ಹಬ್ಬ( Hay Festival )ವನ್ನ ಆಯೋಜಿಸುತ್ತಾನೆ.
  • ಪುಸ್ತಕ ಮೇಳವಾಗಿ ಪ್ರಾರಂಭಗೊಂಡದ್ದು ನಂತರದ ದಿನಗಳಲ್ಲಿ ಸಾಹಿತ್ಯಿಕ ಚರ್ಚಾ ಗೋಷ್ಠಿಯ ರೂಪ ಪಡೆಯುತ್ತದೆ. ಹೀಗಾಗಿ ಒಂದು ರೀತಿಯ ಸಾಹಿತ್ಯ ಸಮ್ಮೇಳನ ಎನಿಸಿಕೊಂಡಿದೆ.
ಸಾಮಾನ್ಯವಾಗಿ ಸಾಹಿತ್ಯ ಸಮ್ಮೇಳನಗಳು ಒಂದು ಭಾಷೆಗೆ ಸೀಮಿತವಾಗಿರುತ್ತವೆ. ಆದರೆ ಇಂಥ ವಿವಿಧ ಭಾಷೆಗಳ ಸಾಹಿತ್ಯಗಳನ್ನ ಮಿಳಿತಗೊಳಿಸುವ ಸಮ್ಮೇಳನಗಳು ನಮ್ಮಲ್ಲಿ, ಕರ್ನಾಟಕದಲ್ಲಿ ಕೂಡ ನಡೆದರೆ ಹೇಗೆ ? ವಿಚಾರ ಮಾಡಬೇಕಾದ ವಿಷಯ. ಅಲ್ಲವೇ ? ಆಂಗ್ಲ ಭಾಷೆಯ ಲಾಲಿತ್ಯಕ್ಕೆ ಮರುಳಾಗಿರುವ ನಾವುಗಳು ಸದರಿ ಭಾಷೆಯ Coverage Area ಹೆಚ್ಚಿರುವುದನ್ನ ಮನಗಂಡು ನಮ್ಮ ಭಾಷೆಯ ಸಮಾನಾರ್ಥಕ ಪದಗಳನ್ನ ದಿನಕ್ಕೆ ಹತ್ತರಂತೆ ಪಕ್ಕಕ್ಕಿಟ್ಟು ಅದೇ ವೇಗದಲ್ಲಿ ದಿನಕ್ಕೆ ಹತ್ತರಷ್ಟು ಹೊಸ ಆಂಗ್ಲ ಪದಗಳನ್ನ ಎತ್ತಿಕೊಂಡು ನಮ್ಮ ಜನ - ಪದ - ಕೋಶ ( ಆಡುಭಾಷೆಯ ಪದಕೋಶ )ಕ್ಕೆ ಸೇರಿಸಿಕೊಳ್ತಾ ಇದೀವಿ. ಮುಂಬರುವ 77ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಗೌರವಾಧ್ಯಕ್ಷರಾಗಿರುವ ಜಿ.ವೆಂಕಟಸುಬ್ಬಯ್ಯನವರು ನಿಘಂಟು ತಜ್ಞರು. ಇವರು ಸಿದ್ಧಪಡಿಸಿರುವ ನಿಘಂಟುಗಳು ಕನ್ನಡ ಭಾಷೆಯ ಅಮೂಲ್ಯ ರತ್ನಗಳು. ಆದರೆ ಕರ್ನಾಟಕದ ಜನಸಾಮಾನ್ಯನಿಗೆ ಈ ರತ್ನಗಳು ದುಬಾರಿಯಾಗಿ ಪರಿಣಮಿಸಿವೆ. ಅವನಿಗೆ ಬಳಸಲು ಅಗ್ಗದ ಪದಗಳೇ ಕೈಗಟುಕೋದು. ಹೀಗಾಗಿ ವೆಂಕಟಸುಬ್ಬಯ್ಯನವರು ಕನ್ನಡದ ನಿಘಂಟುಗಳಲ್ಲಿ ದಿನಿತ್ಯದ ಬಳಕೆಯ ಆಂಗ್ಲಪದಗಳಿಗೆ ಸಮನಾಗುವ ಹಾಗೆ ಎಷ್ಟೇ ಸುಂದರ ಪದಗಳನ್ನ ಜೋಡಿಸಿ ಕೊಟ್ಟಿದ್ದರೂ ಕೂಡ ನಾವು ( ಜನಸಾಮಾನ್ಯರು ) ಮಾಡುವುದು ಆಂಗ್ಲ ಪದಗಳ ಬಳಕೆಯನ್ನೇ. ಕಾರಣ ಸರಳವಾಗಿದೆ : ಜಾಗತೀಕರಣದ ಈ ದಿನಗಳಲ್ಲಿ ನಮ್ಮ ಭಾಷೆಯೂ ನಮ್ಮನ್ನ ಮೇಲೆ ಕೊಂಡೊಯ್ಯಲು ಸಹಾಯ ಮಾಡುತ್ತದೆ. ಹೀಗಿರುವಾಗ ಈ Global Village ನಲ್ಲಿ ಅತಿ ಹೆಚ್ಚು ಜನರಿಗೆ ಅರ್ಥವಾಗುವ ಭಾಷೆಯ ಕಡೆ ಒಲವು ಮೂಡುವುದು ತಲೆ ನೆಟ್ಟಗಿರುವ ಎಲ್ಲ ಮನುಷ್ಯರ ಸಹಜ ಗುಣ. ಆದರೆ ಇದೆಲ್ಲವನ್ನೂ ಮೀರಿ Global Village ನಲ್ಲಿ ಕರ್ನಾಟಕವೆಂಬ ನಮ್ಮದೇ ಕೇರಿಯಿದೆ. ಅಲ್ಲಿ ಕನ್ನಡವೇ ಸಾರ್ವಭೌಮ. ಅಲ್ಲಿಯಾದರೂ ನಾವು ಕನ್ನಡ ಬಳಸದೇ ಇದ್ದರೆ, ಮುಂದೊಂದು ದಿನ ನಮ್ಮ ಕೇರಿಯ ಭಾಷೆಗೆ ಕನ್ನಡ(US)  ಅಂತಲೋ , ಕನ್ನಡ(UK) ಅಂತಲೋ .. ನಾಮಕರಣವಾಗುವ ದಿನ ದೂರವಿಲ್ಲ. ಅಲ್ಲವೇ ?!!
  • ತದನಂತರ ಸದರಿ ಪುಸ್ತಕ ಹಬ್ಬ ಕೇವಲ  ಹೇ ನಗರಕ್ಕೆ ಸೀಮಿತವಾಗಿರದೇ ಜಗತ್ತಿನ ವಿವಿಧ ನಗರಗಳಲ್ಲಿಯೂ ನಡೆಯುತ್ತಾ ಬಂದಿದೆ & ಆ ನಗರಗಳಲ್ಲಿಯೂ ನಿರಂತರವಾಗಿ ಸಾಗುತ್ತಾ ಇದೆ.
  • ಪ್ರತಿ ವರ್ಷ ನಡೆಯುವ ಈ ಹಬ್ಬಕ್ಕೆ ಒಂದು ಲಕ್ಷಕ್ಕೂ ಅಧಿಕ ಜನರು ಬರುತ್ತಾರೆ. ಇದರಿಂದಾಗಿ ಈ ನಗರವು "Town of Books"  ಎಂದು ಕರೆಸಿಕೊಂಡಿದೆ. 
  • ಗಾರ್ಡಿಯನ್, ಟೆಲೆಗ್ರಾಫ್,  ದಿ ಸಂಡೇ ಟೈಮ್ಸ್ .. ನಂತಹ ಸುಪ್ರಸಿದ್ಧ ಪತ್ರಿಕೆಗಳು ಸದರಿ ಪುಸ್ತಕ ಹಬ್ಬದ Sponsor ಗಳಾಗಲು ನಾಮುಂದು ತಾಮುಂದು ಎಂದಿವೆ. 
  • ಇದೀಗ ಪ್ರಪ್ರಥಮ ಬಾರಿಗೆ 'Hay Festival' ಭಾರತಕ್ಕೆ ಕಾಲಿಟ್ಟಿದ್ದು, ಕೇರಳದ ಕನಕಕುನ್ನು(kanakakunnu) ಅರಮನೆಯಲ್ಲಿ  ನವೆಂಬರ್ ೧೨ ರಿಂದ ೧೪ ರ ವರೆಗೆ ಜರುಗಿತು.
  • ಭಾರತದ ಅವತರಣಿಕೆಯನ್ನ The Week ನಿಯತಕಾಲಿಕ Sponsor ಮಾಡಿತ್ತು.
  • ಈ ಹಬ್ಬದಲ್ಲಿ 15 ಅಂತರರಾಷ್ತ್ರೀಯ,10 ಭಾರತೀಯ ಹಾಗೂ 15 ಸ್ಥಳೀಯ ಲೇಖಕರು ಪಾಲ್ಗೊಂಡಿದ್ದರು. ಚಿತ್ರ ನಿರ್ಮಾಪಕ ಹಾಗೂ ಲೇಖಕ ಆಡೂರ ಗೋಪಾಲಕೃಷ್ಣನ್, ಸಾಹಿತ್ಯ ಅಕ್ಯಾಡೆಮಿ ಪುರಸ್ಕೃತ ಒ.ಎನ್.ವಿ. ಕುರುಪ್, ಐರ್ಲ್ಯಾಂಡಿನ ಪ್ರಸಿದ್ಧ ಸಂಗೀತಗಾರ-ಲೇಖಕ ಬಾಬ್ ಗೆಲ್ಡಾಫ್, ವಿಕ್ರಂ ಸೇಠ್, ಶಶಿ ಥರೂರ್ .. ಇವರುಗಳು ಹಾಜರಿದ್ದ ಪ್ರಮುಖರು.  
  • ಏಶಿಯನ್ನರ ಹಾಗೂ ಪಾಶ್ಚಿಮಾತ್ಯರ ನಡುವೆ ಹೊಸ ವಿಚಾರಗಳ ಚರ್ಚೆಗೆ ವೇದಿಕೆ ನಿರ್ಮಾಣ ಮಾಡುವುದೇ ಭಾರತದಲ್ಲಿ ಆಯೋಜಿಸಲಾಗಿದ್ದ ಈ ಹಬ್ಬದ ಮುಖ್ಯ ಉದ್ದೇಶ.
  • ಕೇರಳ ಹೇ ಪುಸ್ತಕ ಮೇಳ ದ ಅಧಿಕೃತ ವೆಬ್ ವಿಳಾಸವನ್ನ ಒಮ್ಮೆ ಪರೀಕ್ಷಿಸಿ : ಇಲ್ಲಿ ಕ್ಲಿಕ್ಕಿಸಿ
  • ಕೇರಳದ ಜೊತೆಗೆ ನಡೆದ ಇತರೆ ಹೇ ಹಬ್ಬಗಳ ಪಟ್ಟಿ ಇಂತಿದೆ :
  1. Hay Festival Wales
  2. Hay Festival Zacatecas
  3. Brecon Jazz
  4. Hay Festival Segovia
  5. Storymoja Hay Festival Nairobi
  6. Hay Festival Maldives
  7. Hay Festival Cartagena
  8. Hay Festival Alhambra
  9. Hay Festival Belfast
  10. Hay Festival Winter Weekend
  • ಆದರೆ ಇದೇ ಸಮಯದಲ್ಲಿ ಆಯೋಜಿಸಲಾಗಿರುವ ಬೆಂಗಳೂರು ಪುಸ್ತಕ ಹಬ್ಬದಲ್ಲಿ ಇಂಥ ಚಟುವಟಿಕೆಗಳಿಗೆ ಆಸ್ಪದ ಇಲ್ಲದಿರುವುದನ್ನ ಸಂಘಟಕರು ಗಮನಿಸಿ ಅದಕ್ಕೂ ಅವಕಾಶ ಮಾಡಿಕೊಟ್ಟರೆ ಒಳಿತಲ್ಲವೇ ?!!  

 
 : ಪವನ್

Nov 10, 2010

ರಾಷ್ಟ್ರೀಯ ಸ್ವಯಂ ಸೇವಕ ಸಂಘ

0 ಪ್ರತಿಕ್ರಿಯೆಗಳು
ಚುಟುಕು ಸುದ್ದಿ : ಆರೆಸ್ಸೆಸ್ - ಕಾಂಗ್ರೆಸ್ ವಾಕ್ ಸಮರ


ಸುದ್ದಿಯ ಒಳನೋಟ :

  • ಸ್ವಾತಂತ್ರ್ಯಕ್ಕಾಗಿ ಹೋರಾಟ ನಡೆಯುತ್ತಿದ್ದ ಸಂದರ್ಭದಲ್ಲಿ ಬ್ರಿಟಿಷ್ ವಸಾಹತುಶಾಹಿ ವಿರುದ್ಧ ಮತ್ತು ಮುಸ್ಲಿಂ ನಾಯಕರು ಬಯಸಿದ್ದ ರಾಷ್ಟ್ರವನ್ನು ಒಡೆಯುವ ಹುನ್ನಾರದ ವಿರುದ್ಧ ಹಿಂದೂಗಳಲ್ಲಿ ಐಕ್ಯತೆಯನ್ನು ಮೂಡಿಸಿ ಭಾರತೀಯ ಸಂಸ್ಕೃತಿ ಜಗದಗಲ ಹಬ್ಬಬೇಕೆನ್ನುವ ಸದುದ್ದೇಶದಿಂದ 1925ರ ವಿಜಯದಶಮಿಯಂದು ಡಾ. ಕೇಶವ ಬಲಿರಾಮ ಹೆಡಗೆವಾರರು ನಾಗಪುರದಲ್ಲಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘವನ್ನು ಸ್ಥಾಪಿಸಿದರು.
  • ಸಂಘ ಸ್ಥಾಪನೆಗೂ ಮುಂಚೆ ದೇಶಕ್ಕೆ ಸ್ವಾತಂತ್ರ್ಯ ದೊರಕಿಸಕೊಡುವ ನಿಟ್ಟಿನಲ್ಲಿ & ರಾಷ್ಟ್ರಾಭಿಮಾನ ಮೂಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ ವಂದೇ ಮಾತರಂ ಬರೆದ ಬಂಕಿಂ ಚಂದ್ರ ಚಟರ್ಜಿ ಅವರ ಉಪದೇಶಗಳನ್ನ ಪಾಲಿಸುವ ಉದ್ದೇಶದಿಂದ ( ಆನಂದ ಮಠ ಕಾದಂಬರಿ ಜ್ಞಾಪಿಸಿಕೊಳ್ಳಿ - ಮುಖ್ಯವಾಗಿ ಕಾದಂಬರಿಯಲ್ಲಿ  ತಿಳಿಸಲಾಗಿರುವ ಸ್ವಾತಂತ್ರ್ಯ ಸಾಧನೆಯ ಮಾರ್ಗವನ್ನ ಜ್ಞಾಪಿಸಿಕೊಳ್ಳಿ ) ಪ್ರಾರಂಭವಾದ ಅನುಶೀಲನ್ ಸಮಿತಿ & ಅದೇ ಆತ್ಮ ಹೊಂದಿದ್ದ ಜುಗಾಂತರ್ (ಯುಗಾಂತರ್) ಎಂಬೆರಡು ಸಂಸ್ಥೆಗಳಿಗಾಗಿ ಹೆಡಗೆವಾರ್ ಸದಸ್ಯರಾಗಿದ್ದರು.
  • ಕೆಲವರು ಈ ವಿಪರ್ಯಾಸವನ್ನ Quote ಮಾಡಬಹುದು. : 
ಕಾಂಗ್ರೆಸ್ ನ ಅಧೀಕ್ಷಕಿಯನ್ನ ಸಿ.ಐ.ಎ. ಏಜೆಂಟ್ ಎಂದು ನಿಂದಿಸಿದ್ದಾರೆ ಆರೆಸ್ಸೆಸ್ ಸುದರ್ಶನ್, ಆದರೆ ಹೆಡಗೆವಾರ್ ಅವರು ಸಂಘ ಸ್ಥಾಪಿಸುವ ಮುಂಚೆ ಕೆಲದಿನ ಕಾಂಗ್ರೆಸ್ ಸದಸ್ಯರಾಗಿದ್ದರು. 
ಆದರೆ  ಅಂದಿನ ಕಾಂಗ್ರೆಸ್ಸೇ ಬೇರೆ. ಇಂದಿನ ಕಾಂಗ್ರೆಸ್ಸೇ ಬೇರೆ. ಅಂದಿನ ಕಾಂಗ್ರೆಸ್ ಏಕೈಕ ಉದ್ದೇಶ ಹೊಂದಿದ್ದು, ಅದು ಸ್ವಾತಂತ್ರ್ಯ ಸಾಧನೆಯಾಗಿತ್ತು. ಇಂದಿನ ಕಾಂಗ್ರೆಸ್ ಸ್ವಾತಂತ್ರ್ಯ ಪೂರ್ವದ ಕಾಂಗ್ರಸ್ ಪಕ್ಷದ ಮುಂದುವರೆದ ಭಾಗ ಅಂತ ಯಾರಾದರೂ ಅಂದುಕೊಂಡಿದ್ದಲ್ಲಿ ಅವನಂತಹ ಮೂರ್ಖನೇ ಯಾರೂ ಇಲ್ಲ. ಹಾಗೇನಾದರೂ ಯಾರಾದರೂ ಪ್ರತಿಪಾದಿಸ ಹೊರಟಲ್ಲಿ, ದೇಶಕ್ಕಾಗಿ ತಮ್ಮ ಪ್ರಾಣವನ್ನ ಬಲಿದಾನಗೈದ ಹುತಾತ್ಮರ ಆತ್ಮಕ್ಕೆ ದ್ರೋಹ ಬಗೆದ ಹಾಗಲ್ಲವೇ ?
  • ಅಂದು ದೇಶವನ್ನ ವಿದೇಶೀ ಶಕ್ತಿಯಿಂದ ವಿಮೋಚನೆಗಾಗಿ ಕಾರ್ಯನಿರ್ವಹಿಸಿದ ಸಂಘ, ಇಂದು ಕಾಲಕ್ಕೆ ತಕ್ಕಂತೆ ಬದಲಾಗಿದ್ದು ತನ್ನ ಕಾರ್ಯಚಟುವಟಿಕೆಗಳ ವಿಸ್ತಾರಗಳನ್ನ ವಿಸ್ತರಿಸಿದೆ.
  • ಮುಖ್ಯವಾಗಿ ಸಮಾಜ ಸೇವೆ, ಸಂತ್ರಸ್ತರ ಪುನರ್ವಸತಿ, ಶಿಸ್ತು ಬದ್ಧ ಸಂಘಟನೆ, ಹಿಂದೂ ಸಂಸ್ಕೃತಿ ಪುನರುತ್ಥಾನ ..  ವಲಯಗಳಲ್ಲಿ ಸಂಘ ವ್ಯಾಪಿಸಿದೆ.
  • ಶಿಸ್ತಿಗೆ ಹೆಸರುವಾಸಿಯಾದ ಆರ್.ಎಸ್.ಎಸ್. ನ ಸಾವಿರಾರು ಕಟಿಬದ್ಧ ಸ್ವಯಂ ಸೇವಕರು ದೇಶದ ಮೂಲೆ ಮೂಲೆಗಳಲ್ಲಿ ನಿಸ್ವಾರ್ಥ ಸೇವೆಯನ್ನು ನಡೆಸುತ್ತಿದ್ದಾರೆ. ಗುಜರಾತಿನಲ್ಲಿ 2002ರಲ್ಲಿ ಭೂಕಂಪ ಸಂಭವಿಸಿದಾಗ, 2004 ರಲ್ಲಿ ಸುನಾಮಿ ದಾಂಗುಡಿ ಇಟ್ಟಾಗ.... ಹೀಗೆ ದೇಶಕ್ಕೆ ಆಪತ್ತು ಎದುರಾದಾಗಲೆಲ್ಲಾ ಗಣವೇಶಧಾರಿಗಳು ಸೇವೆ ಸಲ್ಲಿಸಿದ್ದಾರೆ. ಕಳೆದ ವರ್ಷ ಕರ್ನಾಟಕದಲ್ಲಿ ಜಲಪ್ರಳಯವಾಗಿ ಸೂರು ಕಳೆದುಕೊಂಡವರಿಗೆ ಬಾಗಲಕೋಟ ಜಿಲ್ಲೆಯ ಗುಳೇದಗುಡ್ಡದ ಹತ್ತಿರ 77 ಮನೆಗಳನ್ನು ನಿರ್ಮಿಸಿ ಕಳೆದ ವಿಜಯದಶಮಿಯಂದು ಹಂಚಿದ್ದಾರೆ. (ಇನ್ನೂ ಹೆಚ್ಚಿನ ಮನೆಗಳನ್ನು ನಿರ್ಮಿಸುವ ಯೋಜನೆಯಿಟ್ಟುಕೊಂಡಿದ್ದಾರೆ.) ಸ್ವಲ್ಪ ಕೆಲಸ ಮಾಡಿ, ಜಾಸ್ತಿ ಪ್ರಚಾರ ಗಿಟ್ಟಿಸಿಕೊಳ್ಳುವ ಕೆಲವು NGO ಗಳು ಸಂಘವನ್ನ ನೋಡಿ ಕಲಿಯಬೇಕಿರುವುದು ಬಹಳವಿದೆ.
  • 85 ವರ್ಷಗಳ ಇತಿಹಾಸವಿರುವ ಆರ್.ಎಸ್.ಎಸ್. ಹಲವಾರು ಕ್ಷೇತ್ರಗಲ್ಲಿ ಅಂಗ ಸಂಸ್ಥೆಗಳನ್ನು ಹೊಂದಿದೆ. 
  1. ಶಿಕ್ಷಣ ಕ್ಷೇತ್ರದಲ್ಲಿ ವಿದ್ಯಾಭಾರತಿ, 
  2. ವಿದ್ಯಾರ್ಥಿಗಳ ಸಂಘಟನೆಗಾಗಿ ಎ.ಬಿ.ವಿ.ಪಿ. , 
  3. ರಾಜಕೀಯದಲ್ಲಿ ಜನಸಂಘ ( ಜನಸಂಘ ಈಗ ಅಸ್ತಿತ್ವದಲ್ಲಿಲ್ಲ. ಆದರೆ ಮುಂದುವರೆದು ಬಿ.ಜೆ.ಪಿ. ಹೆಸರಿಟ್ಟುಕೊಂಡ ಮೇಲೆ, ಜನಸಂಘದ ಅನೇಕ ತತ್ವಗಳನ್ನ ಮರೆತಿದೆ ಅನ್ನುವುದು ಎಲ್ಲರಿಗೂ ಮನವರಿಕೆಯಾಗಿ, ಬಿ.ಜೆ.ಪಿ. ಆರೆಸ್ಸೆಸ್ Ideology ಗಳನ್ನ ಬೆಂಬಲಿಸುವ ಪಕ್ಷ ಮಾತ್ರವಾಗಿ ಹೋಗಿದೆ ), 
  4. ವಿಚಾರವಂತರಿಗಾಗಿ ಭಾರತೀಯ ವಿಚಾರ ಕೇಂದ್ರ, 
  5. ಕಲಾ ರಂಗಕ್ಕಾಗಿ ಸಂಸ್ಕಾರ ಭಾರತಿ, 
  6. ಭಾರತೀಯ ಸಂಸ್ಕೃತಿಗೆ ಸಂಬಂಧಿಸಿದ ಪುಸ್ತಕಗಳ ಮುದ್ರಣಕ್ಕಾಗಿ ರಾಷ್ಟ್ರೋತ್ಥಾನ ಪರಿಷತ್, 
  7. ಸ್ವದೇಶಿ ವಸ್ತುಗಳ ಬಗ್ಗೆ ಜಾಗೃತಿಗಾಗಿ ಸ್ವದೇಶಿ ಜಾಗರಣ ಮಂಚ್, 
  8. ಐ.ಟಿ. ಟೆಕ್ಕಿಗಳಲ್ಲಿ ರಾಷ್ಟ್ರಜಾಗೃತಿ ಮೂಡಿಸಿ ಅವರ ಸಹಾಯವನ್ನೂ ಸಂಘಟನೆಗೆ ಪಡೆಯುವ ನಿಟ್ಟಿನಲ್ಲಿ ರಚಿತವಾಗಿರುವ IT ಮಿಲನ್... 
ಈ ರೀತಿಯಾದಂತಹ ಹಲವಾರು ಸಂಘ ಪರಿವಾರಗಳಿಂದ ಕೂಡಿಕೊಂಡು ತಾಯಿ ಭಾರತಿಗೆ ನಿಷ್ಕಲ್ಮಶ ಸೇವೆಯನ್ನ ಆರ್.ಎಸ್.ಎಸ್. ಮಾಡುತ್ತಿರುವುದನ್ನ ನಾವೆಲ್ಲ ಒಪ್ಪಿಕೊಳ್ಳಬೇಕು.

    • ಹೆಮ್ಮರವಾಗಿ ಬೆಳೆದುನಿಂತ ಆರ್.ಎಸ್.ಎಸ್. ಮೇಲಿಂದ ಮೇಲೆ ಸಂಘ ವಿರೋಧಿಗಳಿಂದ ಸಂಘರ್ಷಗಳನ್ನೂ ಎದುರಿಸಿದೆ.೧೯೪೮ ರಲ್ಲಿ ಗಾಂಧಿ ಹತ್ಯೆ ಮಾಡಿದೆ ಎಂದು ಸಂಘವನ್ನು ಅಂದಿನ ಕೇಂದ್ರ ಸರ್ಕಾರ ನಿಷೇಧಿಸಿತ್ತು. ಗಾಂಧಿ ಹತ್ಯೆಗೂ ಸಂಘಕ್ಕೂ ಯಾವುದೇ ರೀತಿಯಾದ ಸಂಬಂಧವಿಲ್ಲ ಎಂದು ಸುಪ್ರೀಂ ಕೋರ್ಟ್ ಹೇಳಿದಾಗ ಸರ್ಕಾರ ತಲೆ ತಗ್ಗಿಸುವಂತಾಯಿತು.
    • ಇಲ್ಲಿಯವೆರೆಗೆ ಬ್ರಿಟಿಷ್ ರಾಜ್ 01 ಸಾರಿ & ಭಾರತ ಸರ್ಕಾರ 02 ಬಾರಿ ಸಂಘಟನೆಯನ್ನ ನಿಷೇಧಿಸಿತ್ತು. 
    • ೧೯೯೮ ರಲ್ಲಿ ಅಂತರರಾಷ್ಟ್ರೀಯ ಮಟ್ಟದಲ್ಲಿನ ನಿರೀಕ್ಷಿತ  ವಿರೋಧಗಳನ್ನು ಲೆಕ್ಕಿಸದೆ ಎರಡನೆಯ ಬಾರಿಗೆ ಪೋಖ್ರಾನ್ ಅಣು ಪರೀಕ್ಷೆಯನ್ನು ನಡೆಸಿದ್ದು, ೧೯೯೯ ರಲ್ಲಿ ಪಾಕಿಸ್ತನ ಕದನಕ್ಕೆ ಇಳಿದಾಗ ಅದನ್ನು ಹೊಡೆದೋಡಿಸಿದ್ದು, ಮುಂದೆ ಅದೇ ಪಾಕಿಸ್ತಾನದೊಂದಿಗೆ ಸ್ನೇಹ ಬಯಸಿ 'ಸ್ನೇಹಕೂ ಭದ್ಧ ಸಮರಕೂ ಸಿದ್ಧ' ಎಂದು ಹೇಳಿದ್ದು, ನಮ್ಮ ದೇಶದೊಂದಿಗೆ ಕಾಲುಕೆದರಿ ಜಗಳವಾಡಿ ಮಾತು ಬಿಟ್ಟಿದ್ದ ಚೀನಾದೊಂದಿಗೆ ಸ್ನೇಹ ಹಸ್ತ ಚಾಚಿದ್ದು, ಅಟಲ್ ಬಿಹಾರಿ ವಾಜಪೇಯಿಯವರು. ಇಂತಹ ಅಪ್ರತಿಮ ರಾಜಕಾರಣಿಯ ಹಿನ್ನೆಲೆ ಆರ್.ಎಸ್.ಎಸ್. ಸಂಘಟನೆಯ ಶಿಸ್ತಿನಲ್ಲಿ ಮಿಳಿತವಾಗಿರುವುದು ಸುಳ್ಳಲ್ಲ.
    • ಗುಜರಾತ್ ರಾಜ್ಯವನ್ನ ಅಭಿವೃದ್ಧಿಯ ಪಥಕ್ಕೆ ಕೊಂಡೊಯ್ದು ರಾಜ್ಯವನ್ನ ಭಾರತದ ನಂ.1 ರಾಜ್ಯವನ್ನಾಗಿಸಿರುವ ನರೇಂದ್ರ ಮೋದಿ ಕೂಡ ಆರೆಸ್ಸೆಸ್ ಅಂಗಳದಲ್ಲಿ ಆಡಿ ಬೆಳೆದವರು.
    • ಪ್ರತಿ ಧರ್ಮದವರೂ ತಮ್ಮ ಧರ್ಮದ ಏಳಿಗೆಗೆ, ಪುಸರುತ್ಥಾನಕ್ಕೆ .. ರಕ್ಷಿಸುವ ಒಂದು ಶಾಖೆಯನ್ನ ಹೊಂದಿರುವ ಹಾಗೆ ಹಿಂದೂ ಧರ್ಮದ ಶಾಖೆಯಾಗಿ ಆರೆಸ್ಸೆಸ್ ಇದೆ. ಮುಸ್ಲಿಂರೂ ತಮ್ಮ ಧರ್ಮಕ್ಕಾಗಿ ಸಂಘಟಿತರಾಗಿದ್ದಾರೆ. ಅಂತೆಯೇ ಕ್ರಿಶ್ಚನ್ನರೂ ಕೂಡ. ಈ ವಾದವನ್ನ ಪುರಸ್ಕರಿಸದೇ ಅನೇಕ ಜನ ಆರೆಸ್ಸೆಸ್ ಅನ್ನ ದೇಶದಲ್ಲಿ ಶಾಂತಿ ಕದಡುವ ಸಂಸ್ಥೆ ಎಂಬಂತೆ ಬಿಂಬಿಸಿ ತಮ್ಮ ಬುದ್ದಿಮಟ್ಟದ ಆಳವನ್ನ (?) ತೋರಿಸಿಕೊಡುತ್ತಿದ್ದಾರೆ. ಬರೀ ಶಾಂತಿಯಲ್ಲ ದೇಶವನ್ನೇ ಕಲಕುವ ಕೆಲಸ ಮಾಡಿದವರ ಬಗ್ಗೆ ಇಂಥವರ ದಿವ್ಯಮೌನ ಪ್ರಶ್ನಾರ್ಹ.
    • ಅಜ್ಮೇರ್ ದರ್ಗಾದಲ್ಲಿ ನಡೆದ ಬಾಂಬ್ ದಾಳಿ ಹಿನ್ನೆಲೆಯಲ್ಲಿ ಆರೆಸ್ಸೆಸ್ ಈಗ ವಿವಾದದ ಕೇಂದ್ರಬಿಂದುವಾಗಿದೆ. ಸತ್ಯ ಏನೇ ಇರಲಿ : ಪ್ರಕರಣಕ್ಕೆ ಕಾಂಗ್ರೆಸ್ ನೀಡುತ್ತಿರುವ ಪ್ರಚಾರ ಮಾತ್ರ ರಾಜಕೀಯ ಪ್ರೇರಿತ ಅನ್ನುವುದನ್ನ ಹಿಂದೂ ಮಾತ್ರವಲ್ಲ ಭಾರತೀಯರೆಲ್ಲ ಒಪ್ಪಿಕೊಳ್ಳಲೇಬೇಕು.


    : ಸಂಘದ  ಬಗ್ಗೆ, ಜಾತಿ - ಧರ್ಮಗಳ ಭೇದವಿಲ್ಲದೇ ನಾವೆಲ್ಲ ಒಪ್ಪಿಕೊಳ್ಳುವ
    ಭಾರತದ ಇಬ್ಬರು ಅಪ್ರತಿಮ ನಾಯಕರ ಅಭಿಪ್ರಾಯಗಳಿವು :


    ಡಾ | ಬಿ.ಆರ್.ಅಂಬೇಡ್ಕರ್ - " This is the first time that I am visiting the camp of Sangh volunters. I am happy to find absolute equality between Savarniyas (Upper cast) and Harijans (Lower cast) without any one being aware of such difference existing." When he asked Dr Hedgewar whether there were any untouchables in the camp, he replied that there are neither "touchables" nor "untouchables" but only Hindus."

    ಮಹಾತ್ಮಾ ಗಾಂಧೀಜಿ - "When i visited the RSS Camp. I was very much surprised by your discipline and absence of untouchablity "




     
     : ಪವನ್








    .

    Nov 9, 2010

    ಬರ್ಮಾ ಭಾನಗಡಿ

    0 ಪ್ರತಿಕ್ರಿಯೆಗಳು
    ಚುಟುಕು ಸುದ್ದಿ : ಮಯನ್ಮಾರ್ ನಲ್ಲಿ ಮುಕ್ತಾಯಗೊಂಡ ಚುನಾವಣೆ ; ಶುರುವಾದ ಜಟಾಪಟಿ

    ಬರ್ಮೀ ಲಿಪಿ
    ಗೃಹ ಬಂಧನದಲ್ಲಿ ಸೂ ಕಿ




    ಸುದ್ದಿಯ ಒಳನೋಟ :

    • ಬ್ರಿಟಿಷರ ವಸಾಹತಾಗಿದ್ದ ಈ ದೇಶ ಸ್ವತಂತ್ರವಾದದ್ದು, 04 ಜನವರಿ 1948ರಂದು.
    • ಬಾಂಗ್ಲಾದೇಶ, ಭಾರತ, ಚೀನಾ, ಲಾವೋಸ್ & ಥಾಯ್ ಲ್ಯಾಂಡ್ ದೇಶಗಳು ನೆರೆಯ ದೇಶಗಳಾಗಿವೆ.
    • ಜಗತ್ತಿನಲ್ಲಿ 40ನೇ & ಆಗ್ನೇಯ ಏಷ್ಯಾದಲ್ಲಿ ಎರಡನೇ ಅತಿ ದೊಡ್ಡ ದೇಶ.
    • ದೇಶದ ಒಟ್ಟು ಭೂಪ್ರದೇಶದ 49% ಅರಣ್ಯ ಭೂಮಿ ಹೊಂದಿರುವ ಹೆಗ್ಗಳಿಕೆ ಈ ದೇಶಕ್ಕಿದೆ.
    • ಬರ್ಮಾ ಕಾಡುಗಳಲ್ಲಿ ಸಿಗುವ ಟೀಕ್ ( ಬರ್ಮಾ ಟೀಕ್ ) ಜಗತ್ಪ್ರಸಿದ್ಧ.
    • ಭರತವರ್ಷದಿಂದ ಭಾರತವಾಗಿ, ಭಾರತದಿಂದ ಹಿಂದೂಸ್ತಾನವಾಗಿ, ಹಿಂದೂಸ್ತಾನದಿಂದ ಭಾರತವಾಗಿ ನಡೆದು ಬಂದಿರುವ ಭಾರತಕ್ಕೆ ಸ್ವತಂತ್ರ ಬಂದಂದಿನಿಂದ ಅಧಿಕೃತ ಹೆಸರು : ಭಾರತ ಗಣರಾಜ್ಯ ( Republic of India ). ಅಂತೆಯೇ ಸ್ಥಳೀಯ ಭಾಷೆಯಲ್ಲಿ ಬಾಮರ್ ( Bamar ) ಎಂದಿರುವ ಅಂದಿನ ಬರ್ಮಾ, ಇಂದಿನ ಮಯನ್ಮಾರ್ ಪದೇ ಪದೇ ಹೆಸರು ಬದಲಾಯಿಸಿಕೊಂಡಂತಿದೆ. 
    1. 1947ರಲ್ಲಿ ದೇಶದ ಮೊದಲ ಸಂವಿಧಾನ ಜಾರಿಗೊಂಡಾಗ Union of Burma ಇದ್ದದ್ದು 
    2. 1974ರ ಸಂವಿಧಾನ ಬಂದಾಗ Socialist Republic of The Union of Burma ಆಯಿತು. ನಂತರ
    3. 1989ರಿಂದ Union of Myanmar ಆಗಿ
    4. 2008ರಲ್ಲಿ ಸಂವಿಧಾನದಲ್ಲಿ ಒಪ್ಪಿಕೊಂಡಂತೆ & 2010ರಿಂದ ಅಧಿಕೃತವಾಗಿ ಜಾರಿ ಬಂದಂತೆ & ಇವತ್ತಿನ ಸ್ಥಿತಿಗತಿಯಂತೆ Republic of Union of Myanmar ಆಗಿದೆ.
    • 1824ರವರೆಗೆ ತನ್ನದೇ ಜನರ ಕೈಯಲ್ಲಿ ಆಳಿಸಿಕೊಂಡಿದ್ದ ದೇಶ, ಸುಮ್ಮನಿರದೇ ಭಾರತದ ಭೂಮಿಗೆ ಆಸೆಪಟ್ಟು ಬ್ರಿಟಿಷರೊಂದಿಗೆ ವೈರತ್ವ ಸಾಧಿಸಕೊಂಡಿದ್ದಲ್ಲದೇ ಮುಂದಿನ ಸುಮಾರು 60 ವರ್ಷ(1886-1948) ಸಂಪೂರ್ಣವಾಗಿ ಬ್ರಿಟಿಷರ ವಸಾಹತಾಯಿತು.
    • ಮುಂದೆ 1948ರಲ್ಲಿ ಸ್ವತಂತ್ರವಾಗಿ ಸಾವೋ ಶ್ವೇ ಥಾಯ್ಕ್ ( Sao Shwe Thaik ) ಅಧ್ಯಕ್ಷರಾಗಿ ಮತ್ತು ಯೂ ನೂ ( U Nu ) ಪ್ರಧಾನಮಂತ್ರಿಯಾಗಿ ಆಯ್ಕೆಯಾದರು.
    • ಭಾರತದಂಥ ಬೃಹತ್ ರಾಷ್ಟ್ರ ಕೂಡ ಬ್ರಿಟಿಷ್ ದಾಸ್ಯದ ಕುರುಹಾದ ಕಾಮನ್ ವೆಲ್ತ್ ಒಕ್ಕೂಟ ಸೇರಿತು. ಆದರೆ ಬರ್ಮಾ ಆ ಕೆಲಸ ಮಾಡಲಿಲ್ಲ.
    • ಮುಂದೆ ತನ್ನ ಸಂವಿಧಾನದನ್ವಯ Chamber of Deputies and Chamber of Nationalities ಎಂಬ ಹೆಸರುಳ್ಳ ದ್ವಿ-ಸದನ ಸಂಸತ್ತು ರಚನೆ ಮಾಡಿಕೊಂಡಿತು.
    • 1951, 1956 & 1960 ರಲ್ಲಿ ಚುನಾವಣೆ ನಡೆದು 'ಜನಪ್ರಿಯ' ಸರ್ಕಾರ ರಾಜ್ಯಭಾರ ಮಾಡಿತು.
    • ಆದರೆ 1962ರಲ್ಲಿ ಜನರಲ್ ನೇ ವಿನ್( Ne Win ) ಮಿಲಿಟರಿ ಕ್ರಾಂತಿಯ ( Coup d'état ) ಮೂಲಕ ಪ್ರಜಾಪ್ರಭುತ್ವ ಕೆಳಗಿಳಿಸಿ ಸಮಾಜವಾದಿ ತತ್ವ ಅನುಷ್ಟಾನಕ್ಕಾಗಿ ಮುಂದಿನ 26 ವರ್ಷ ಆಳಿದನು. ಅಂದಿನಿಂದ ಇಂದಿನವೆರೆಗೆ ಆ ದೇಶದಲ್ಲಿ ಮಿಲಿಟರಿ ಜಂತಾ(Junta) ಆಡಳಿತ ಜಾರಿಯಲ್ಲಿದೆ.
    ಮೂಲದಲ್ಲಿ ಜಂತಾ ಪದ ಪೋರ್ತುಗೀಸ್ & ಸ್ಪ್ಯಾನಿಷ್ ಭಾಷೆಗಳಿಂದ ಬಂದುದಾಗಿದ್ದು, ಪದದ ಯಥಾವತ್ ಅರ್ಥ, ಸಮಿತಿ / ನಿರ್ದೇಶಕರುಗಳ ಮಂಡಳಿ ಅಂತ. ಆದರೆ ಜನಪ್ರಿಯ ಬಳಕೆಯಲ್ಲಿ , ಮಿಲಿಟರಿ ನಾಯಕರನ್ನೊಳಗೊಂಡ ಆಡಳಿತ ಸಮಿತಿ ಅಂತ ಅರ್ಥ. ಮಿಲಿಟರಿ ಜಂತಾ ಅಂದ್ರೆ ಕೇವಲ ಬರ್ಮಾ ದೇಶದಲ್ಲಿರೋದು ಮಾತ್ರ ಅಲ್ಲ.  ಪ್ರಸ್ತುತ ಬರ್ಮಾ( 1962ರಿಂದ ), ಫಿಜಿ( 2006ರಿಂದ ), ಗಿನಿಯಾ( 2008ರಿಂದ ) , ಲಿಬಿಯಾ ( 1969ರಿಂದ )& ನೈಗರ್ ( 2010ರಿಂದ )ದೇಶಗಳಲ್ಲಿ ಮಿಲಿಟರಿ ಜಂತಾ ಆಡಳಿತ ಜಾರಿಯಲ್ಲಿದೆ. ಒಟ್ಟು ಜಂತಾ ಆಡಳಿತಗಳ ಪಟ್ಟಿಗಾಗಿ ಇಲ್ಲಿ ಕ್ಲಿಕ್ಕಿಸಿ.
    • ದೇಶದಲ್ಲಿ ನಡೆಯುತ್ತಿದ್ದ ಭಯಂಕರ ಸಾಮಾಜಿಕ ದಮನ & ಆರ್ಥಿಕ ದುರ್ಬಳಕೆಯ ವಿರುದ್ಧ 1988ರಲ್ಲಿ ನಡೆದ 8888 Uprising ( 08-08-1988 ) ಮೂಲಕ ಪ್ರಜಾಪ್ರಭುತ್ವ ಮರುಸ್ಥಾಪನೆಗೆ ಯತ್ನಿಸಲಾಯಿತು.
    • ಆದರೆ ಮತ್ತೊಂದು Coup d'état ನಡೆದು ಈ ಬಾರಿ ಜನರಲ್ ಸಾ ಮಾಂಗ್ ( Saw Maung ) ಸರ್ಕಾರದ ನೇತೃತ್ವ ವಹಿಸಿದನು.
    • ನಂತರ 1990ರಲ್ಲಿ ಸುಮಾರು 30 ವರ್ಷಗಳ ನಂತರ "ನೋಡೋಣ, ಪ್ರಜಾಪ್ರಭುತ್ವ ಮರುಸ್ಥಾಪನೆ ಮಾಡೋಣ" ಅಂತ ನಡೆಸಿದ ಚುನಾವಣೆಯಲ್ಲಿ ಅಂಗ್ ಸಾನ್ ಸೂ ಕಿ ( Aung Saan Suu Kyi ) ನೇತೃತ್ವದ National League For Democracy ಪಕ್ಷ ಒಟ್ಟು 489 ಸ್ಥಾನಗಳ ಪೈಕಿ 392 ಸ್ಥಾನ ಗಳಿಸಿ ಪ್ರಚಂಡ ವಿಜಯ ಸಾಧಿಸಿತು.
    ಅಂಗ್ ಸಾನ್ ಸೂ ಕಿ ಹಾಗೇ ಸುಮ್ಮನೆ ರಾಜಕೀಯಕ್ಕಿಳಿದವರಲ್ಲ. ಅವರ ತಾಯಿ ಹಿಂದೆ 1960ಕ್ಕಿಂತ ಮುಂಚಿನ ಸರ್ಕಾರದಲ್ಲಿ ನೇಪಾಳಕ್ಕೆ ರಾಜದೂತ (Ambassador)ರಾಗಿದ್ದವರು. ಅವರ ಜೊತೆ ಇದ್ದ ಸೂ ಕಿ ದೆಹಲಿಯ 'ಲೇಡಿ ಶ್ರೀರಾಮ್ ಕಾಲೇಜ್' ನಿಂದ ಪದವಿ ಪಡೆದು ನಂತರ ಲಂಡನ್ ನಲ್ಲಿ ಹೆಚ್ಚಿನ ವ್ಯಾಸಂಗ ಮಾಡಿದವರು. ಮುಂದೆ ನಂತರ ನ್ಯೂಯಾರ್ಕ್ ನಲ್ಲಿ ವಾಸವಾಗಿ ವಿಶ್ವಸಂಸ್ಥೆಯೊಂದಿಗೆ ಮೂರು ವರ್ಷ ಕೆಲಸ ಮಾಡಿದರು. ಮುಂದಿನ ದಿನಗಳಲ್ಲಿ ಬರ್ಮಾ ಸರ್ಕಾರದೊಂದಿಗೂ ಕೆಲಸ ಮಾಡಿದರು. ನಂತರ 1988ರಲ್ಲಿ ತಾಯಿಯ ಆರೈಕೆಗಾಗಿ ಬರ್ಮಾಕ್ಕೆ ಮರಳಿದ ಸೂ ಕಿ, ಅದೇ ಹೊತ್ತಿನಲ್ಲಿ ಆದ 8888 ದಂಗೆಯ ತರುವಾಯ (26/08ರಂದು) ಸುಮಾರು 5 ಲಕ್ಷ ಜನರನ್ನುದ್ದೇಶಿಸಿ ಪ್ರಜಾಪ್ರಭುತ್ವ ಮರುಸ್ಥಾಪನೆಗೆ ಕರೆನೀಡಿದರು. ಕೆಲವೇ ದಿನಗಳಲ್ಲಿ ನ್ಯಾಷನಲ್ ಲೀಗ್ ಫಾರ್ ಡೆಮಾಕ್ರಸಿ ಸ್ಥಾಪನೆಯಾಯಿತು & ಸೂ ಕಿ ಅದರ ಪ್ರಧಾನ ಕಾರ್ಯದರ್ಶಿಯಾದರು. .
    • ಆದರೆ ಮಿಲಿಟರಿ ಜಂತಾ( Military Junta ) ಆಡಳಿತ ಚುನಾವಣೆಯನ್ನೇ ಅಸಿಂಧುಗೊಳಿಸಿ ತನ್ನ ಆಳ್ವಿಕೆಯನ್ನ ಇವತ್ತಿನವೆರೆಗೂ ಮುಂದುವರೆಸಿದೆ.
    • ಆದರೆ ಜಾಗತಿಕ ಒತ್ತಡದ ಹಿನ್ನೆಲೆಯಲ್ಲಿ 2008ರ ಸಂವಿಧಾನದ ನಿರ್ದೆಶನದನ್ವಯ 2010ರ ಒಳಗೆ  ಪ್ರಜಾಪ್ರಭುತ್ವ ಮರುಸ್ಥಾಪನೆಗೆ ಚುನಾವಣೆ ನಡೆಸುವ ವಚನ ನೀಡಿ, ಕಳೆದ 13ನೇ ಆಗಸ್ಟ 2010ರಲ್ಲಿ ಹೇಳಿಕೆ ನೀಡಿ 07 ನವೆಂಬರ್ 2010ಕ್ಕೆ ಚುನಾವಣೆ ಎಂದು ಜಂತಾ ಆಡಳಿತ ಘೋಷಿಸಿತು.
    • ಅಂತೆಯೇ ಮೊನ್ನೆ ರವಿವಾರ ಚುನಾವಣೆಯಾಯಿತು.
    • ಮೊನ್ನೆ ಚುನಾವಣೆ ಅದರ ಬೆನ್ನಲ್ಲೇ ಘರ್ಷಣೆ. Democratic Karen Buddhist Army ಮತ್ತು ಜಂತಾ ಆಡಳಿತದ ನಡುವೆ ಈ ಘರ್ಷಣೆ. ತನ್ನಿಮಿತ್ತ ಸುಮಾರು 10000 ನಿರಾಶ್ರಿತರು ನೆರೆಯ ಥಾಯ್ ಲ್ಯಾಂಡ್ ಪ್ರವೇಶಿದ್ದಾರೆ.
    • ಈ Democratic Karen Buddhist Army ಅಂದ್ರೆ ಏನು ? ಎಲ್ಲಿಂದ ಬಂತು ? ಅಂತ ನಿಮಗ್ಯಾರಿಗಾದ್ರೂ ಗೊತ್ತಾ ?!


    : ರವಿ






    Nov 8, 2010

    ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ಖಾಯಂ ಸದಸ್ಯತ್ವ

    0 ಪ್ರತಿಕ್ರಿಯೆಗಳು
    ಚುಟುಕು ಸುದ್ದಿ : ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಲ್ಲಿ ಭಾರತದ ಖಾಯಂ ಸದಸ್ಯತ್ವವನ್ನ ಬೆಂಬಲಿಸಿದ ಒಬಾಮಾ


    ಸುದ್ದಿಯ ಒಳನೋಟ : 

    • ಜಗತ್ತಿನೆಲ್ಲೆಡೆ ಶಾಂತಿ & ಭದ್ರತೆ ಕಾಪಾಡಲು ರಚಿತವಾದ ಸಂಸ್ಥಯೇ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ.
    • ಶಾಂತಿಸ್ಥಾಪನಾ (Peacekeeping) ಕಾರ್ಯಾಚರಣೆಗಳನ್ನ ಸಂಘಟಿಸುವುದು, ಅಂತರರಾಷ್ಟ್ರೀಯ ನಿಷೇಧಗಳನ್ನ ಅಧಿಕೃತಗೊಳಿಸುವುದು & ಸೇನಾ ಕಾರ್ಯಾಚರಣೆಗಳನ್ನ ಪ್ರಮಾಣೀಕರಿಸುವುದು - ಭದ್ರತಾ ಮಂಡಳಿಯ ಪ್ರಮುಖ ಕರ್ತವ್ಯಗಳಾಗಿವೆ.
    • ಸದರಿ ಸಮಸ್ಥೆಯ ಮೊದಲ ಸಭೆ ಜನವರಿ 17, 1946ರಲ್ಲಿ ಲಂಡನ್ ನಲ್ಲಿ ಜರುಗಿತು.
    • ಭದ್ರತಾ ಮಂಡಳಿ ಜಗತ್ತಿನ ವಿವಿಧ ಭೂಪ್ರದೇಶಗಳ ಪ್ರತಿನಿಧಿಗಳೆಂಬಂತೆ 10 ತಾತ್ಕಾಲಿಕ ಪ್ರತಿನಿಧಿಗಳು & 5 ಖಾಯಂ ಪ್ರತಿನಿಧಿ ದೇಶಗಳನ್ನೊಳಗೊಂಡಿದೆ.
    • ಅಮೆರಿಕಾ, ಇಂಗ್ಲೆಂಡ್ ( ಯು.ಕೆ. ಅಲ್ಲ ), ಫ್ರಾನ್ಸ್, ಚೀನಾ & ರಷಿಯಾ : ಇವು ಐದು ಖಾಯಂ ಪ್ರತಿನಿಧಿ ದೇಶಗಳು.
    • ಇನ್ನುಳಿದ ಹತ್ತು ತಾತ್ಕಾಲಿಕ ಸ್ಥಾನಗಳಿಗಾಗಿ ಜಗತ್ತಿನ ವಿವಿಧ ಪ್ರದೇಶಗಳಿಂದ ಸದಸ್ಯ ರಾಷ್ಟ್ರಗಳನ್ನ ಚುನಾಯಿಸಲಾಗುತ್ತದೆ. ಪ್ರದೇಶವಾರು ಮೀಸಲಾತಿ ಹೀಗಿದೆ :
    1. ಆಫ್ರಿಕಾ ಬ್ಲಾಕ್ : 03
    2. ಏಷ್ಯಾ ಬ್ಲಾಕ್ : 02
    3. ಲ್ಯಾಟಿನ್ ಅಮೆರಿಕಾ & ಕೆರಿಬಿಯನ್ ಬ್ಲಾಕ್ : 02
    4. ಪಶ್ಚಿಮ ಯುರೋಪಿಯನ್ ಬ್ಲಾಕ್ : 02
    5. ಪೂರ್ವ ಯುರೋಪಿಯನ್ ಬ್ಲಾಕ್ : 01
    6. ಇವುಗಳಲ್ಲಿ ಒಂದು ಅರಬ್ ದೇಶ, ಆಫ್ರಿಕಾ ಬ್ಲಾಕ್ & ಏಷ್ಯಾ ಬ್ಲಾಕ್ ಪರವಾಗಿ ಸರದಿಯಲ್ಲಿ ( Alternative ಆಗಿ ) ಪ್ರತಿನಿಧಿಸುತ್ತದೆ.
    • ಮುಂಬರುವ 1ನೇ ಜನವರಿ 2011 ರಿಂದ 31ನೇ ಡಿಸೆಂಬರ್ 2012ರ ಅವಧಿಗಾಗಿ
    1. ಪಶ್ಚಿಮ ಯುರೋಪಿಯನ್ ಬ್ಲಾಕ್ : ಜರ್ಮನಿ ( Prev. - ಆಸ್ಟ್ರಿಯಾ )
    2. ಪಶ್ಚಿಮ ಯುರೋಪಿಯನ್ ಬ್ಲಾಕ್ : ಪೋರ್ತುಗಲ್ ( Prev. - ಟರ್ಕಿ )
    3. ಏಷ್ಯಾ : ಭಾರತ ( Prev. - ಜಪಾನ್ )
    4. ಆಫ್ರಿಕಾ : ದಕ್ಷಿಣ ಅಮೆರಿಕಾ ( Prev. - ಉಗಾಂಡಾ )
    5. ಲ್ಯಾಟಿನ್ ಅಮೆರಿಕಾ & ಕೆರಿಬಿಯನ್ : ಕೊಲಂಬಿಯಾ ( Prev. - ಮೆಕ್ಸಿಕೋ )
    ಆಯ್ಕೆಯಾಗಿವೆ.
    • 1ನೇ ಜನವರಿ 2010 ರಿಂದ 31ನೇ ಡಿಸೆಂಬರ್ 2011ರ ಅವಧಿಗಾಗಿ
    1. ಪೂರ್ವ ಯುರೋಪಿಯನ್ ಬ್ಲಾಕ್ : ಬೋಸ್ನಿಯಾ & ಹರ್ಝೆಗೋವಿನಾ
    2. ಅರಬ್ ಸರದಿ ( ಏಷ್ಯಾ ಬ್ಲಾಕ್ ) : ಲೆಬನಾನ್
    3. ಆಫ್ರಿಕಾ : ಗೆಬಾನ್
    4. ಆಫ್ರಿಕಾ : ನೈಜೀರಿಯಾ
    5. ಲ್ಯಾಟಿನ್ ಅಮೆರಿಕಾ & ಕೆರಿಬಿಯನ್ : ಬ್ರಾಝಿಲ್
    ಆಯ್ಕೆಯಾಗಿವೆ.
    • ಹೀಗಿರುವಾಗ ಇತ್ತೀಚೆಗೆ ನಡೆದ ಚುನಾವಣೆಯಲ್ಲಿ ಭಾರತ ಏಷ್ಯಾ ಬ್ಲಾಕ್ ಪ್ರತಿನಿಧಿಸುವ ಸಲುವಾಗಿ ಮುಂದಿನ ಎರಡು ವರ್ಷಗಳಿಗೆಂದು ಆಯ್ಕೆಗೊಂಡಂತಾಗಿದೆ.
    • ಈಗ ಒಬಾಮಾ ಆಶಯ, ಭಾರತ ವಿಶ್ವಸಂಸ್ಥೆಯ 6ನೇ ಖಾಯಂ ಸದಸ್ಯ ರಾಷ್ಟ್ರವಾಗಲಿ ಎಂಬುದಾಗಿದೆ. 
    • ಸದರಿ ಆಶಯ ಈಡೇರಲು ಭಾರತ ಸರ್ಕಾರದ ಪ್ರಯತ್ನಗಳೇನಿರಬೇಕು ಅಂತ ನಿಮಗಾರಿಗಾದರೂ ತಿಳಿದಿದೆಯೇ ?




    : ರವಿ

    State Sponsors of Terrorism

    0 ಪ್ರತಿಕ್ರಿಯೆಗಳು
    ಚುಟುಕು ಸುದ್ದಿ : ಭಯೋತ್ಪಾದನೆ ಹರಡುವ ದೇಶಗಳ ಪಟ್ಟಿಯಿಂದ ಸೂಡಾನ್ ಅನ್ನು ಕೈಬಿಡಲು  ಅಮೆರಿಕಾದ ಪ್ರಸ್ತಾಪ



    ಸುದ್ದಿಯ ಒಳನೋಟ :
    • ಜಾಗತಿಕ ಮಟ್ಟದಲ್ಲಿ ಸರ್ಕಾರವೇ ಖುದ್ದು ಭಯೋತ್ಪಾದನೆ ಬೆಂಬಲಿಸುವ ಕೆಲವು ದೇಶಗಳಿವೆ. ಅಂಥವನ್ನ ಗುರುತಿಸಿ ಅಮೆರಿಕಾದ Dept. of State,  ತಾನು ತಯಾರಿಸುವ State Sponsors of Terrorism ಪಟ್ಟಿಗೆ ಸೇರಿಸುತ್ತದೆ.
    • ಭಾರತ ದೇಶದಲ್ಲಿ Home Dept. (ಗೃಹ ಇಲಾಖೆ) ಇರುವ ಹಾಗೆ ಅಮೆರಿಕಾದಲ್ಲಿ Dept. of State ಅಂತ ಇದೆ.
    • ಮೇಲಿನ ಚಿತ್ರದಲ್ಲಿ ಮೂಡಿರುವ ವಾಕ್ಯವಾದ :  E pluribus unum - ಇದು ಅಮೆರಿಕಾ ದೇಶದ ಅಧಿಕೃತ ಮುದ್ರೆಯ ಮೇಲೆ  ಕೆತ್ತಲಾಗಿರುವ  ಧ್ಯೇಯ ವಾಕ್ಯವಾಗಿದ್ದು, ಲ್ಯಾಟಿನ್ ಭಾಷೆಯ  ಈ ಪದದ ಅರ್ಥ : " Out of Many, One. "
    • ಡಿಸೆಂಬರ್ 29, 1979ರಿಂದ ಈ ಪಟ್ಟಿಯನ್ನ ತಯಾರಿಸಲಾಗುತ್ತಿದೆ.
    • ಹಾಗೆ ಪಟ್ಟಿಗೆ ಸೇರಿದ ದೇಶಗಳ ಮೇಲೆ ವಿಶ್ವದ ಅತ್ಯಂತ  ಪ್ರಭಾವಿ ರಾಷ್ಟ್ರವಾದ ಅಮೆರಿಕಾದಿಂದ ಭಯಂಕರ ನಿರ್ಬಂಧಗಳು ( Sanctions ) ಹೇರಲ್ಪಡುತ್ತವೆ.
    • ಸದ್ಯದ ಪಟ್ಟಿಯಲ್ಲಿ ಕ್ಯೂಬಾ, ಇರಾನ್, ಸಿರಿಯಾ & ಸೂಡಾನ್ ದೇಶಗಳಿದಾವೆ.
    • ಮೊದಲ ಪಟ್ಟಿಯಲ್ಲಿ ಲಿಬಿಯಾ, ಇರಾಕ್, ದಕ್ಷಿಣ ಯೆಮೆನ್ & ಸಿರಿಯಾ ದೇಶಗಳಿದ್ದವು.
    • ಮಾರ್ಚ್ 1, 1982ರಲ್ಲಿ ಪಟ್ಟಿ ಸೇರಿದ ಕ್ಯೂಬಾ ಮೇಲೆ ಲ್ಯಾಟಿನ್ ಅಮೆರಿಕಾ & ಆಫ್ರಿಕಾದಲ್ಲಿ ಕ್ರಾಂತಿಕಾರಕ ಚಳುವಳಿಗಳನ್ನ ಬೆಂಬಲಿಸಿದ ಆರೋಪ ಮಾಡಲಾಗಿದೆ. ಶಸ್ತ್ರಾಸ್ತ್ರಗಳಿಂದ ಮಾತ್ರ ತನ್ನ ಎಡಪಂಥೀಯ ತತ್ವಗಳ ಅನುಷ್ಠಾನ ಸಾಧ್ಯ ಅಂತ ಕ್ಯೂಬಾ ಸರ್ಕಾರದ ನಂಬಿಕೆ ಹಾಗೂ ಅಜೆಂಡಾ ಎಂದು ಆರೋಪವಿದೆ.
    • ಜನವರಿ 19, 1984 ರಲ್ಲಿ ಪಟ್ಟಿಗೆ ಸೇರ್ಪಡೆಯಾದ ಇರಾನ್, ಮಧ್ಯ ಏಷ್ಯಾದಲ್ಲಿ ಭಯೋತ್ಪಾದನೆ ಹರಡಲು ಆರ್ಥಿಕ ಸಹಾಯ, ಶಸ್ತ್ರಾಸ್ತ್ರ ಸರಬರಾಜು & ಸಾಗಾಣಿಕಾ ಸಹಕಾರ ನೀಡಿದ ಹೇರಳ ಉದಾಹರಣೆಗಳ ನಿಮಿತ್ತ ಈ ಪಾಡು.
    • ಪಟ್ಟಿಯ ಪ್ರಾರಂಭದಿಂದ ಇವತ್ತಿನ ತನಕ ತನ್ನ ಸ್ಥಾನ ಕಾಯ್ದುಕೊಂಡಿರುವ ಸಿರಿಯಾ. ಹೆಜಬುಲ್ಲಾ ಸಂಘಟನೆ ಹಾಗೂ   ಪ್ಯಾಲಿಸ್ತೇನ್ & ಇರಾಕ್ ದೇಶಗಳಲ್ಲಿನ ವಿಮೋಚನಾ ಚಳುವಳಿಗಳನ್ನ ( Liberation Armies / Parties ) ಬಹಿರಂಗವಾಗಿ ಬೆಂಬಲಿಸಿದ್ದಕ್ಕೆ ಈ ಶಿಕ್ಷೆ.
    • ಹಮಾಸ್ ನೊಂದಿಗೆ ಗುರುತಿಸಿಕೊಂಡಿರುವ ಅಪರಾಧಕ್ಕೆ ಈ ಶಾಪ. ಆದರೆ ಸೂಡಾನ್ ನಲ್ಲಿ ನೆಲೆಗೊಂಡಿರುವ ಅಮೆರಿಕಾ ಯೋಧರಿಗೆ ಭಯೋತ್ಪಾದನೆಯ ವಿರುದ್ಧ ಸಮರಕ್ಕೆ ಪ್ರಾಮಾಣಿಕವಾಗಿ ಕೈಜೋಡಿಸಿರುವ ನಿಮಿತ್ತ ಅಮೆರಿಕದಿಂದ ಇವತ್ತಿನ ಪ್ರಸ್ತಾಪ ಬಂದಿದೆ.
    • ಸದರಿ ವಿಷಯದ ಹೆಚ್ಚಿನ ಮಾಹಿತಿಗಾಗಿ : ಇಲ್ಲಿ ಕ್ಲಿಕ್ಕಿಸಿ


    : ರವಿ




    QUOTES 2 INSPIRE

    0 ಪ್ರತಿಕ್ರಿಯೆಗಳು
    ಇನ್ನು ಮುಂದೆ ಪ್ರತಿ ಸೋಮವಾರ  ಆತ್ಮವಿಶ್ವಾಸ ಹೆಚ್ಚಿಸುವ ವಾಕ್ಯಗಳನ್ನ ಸಂಗ್ರಹಿಸಿ ಇಲ್ಲಿ ಬರೆಯಲಾಗುವುದು. ನಮ್ಮ ಪತ್ರಿಕೆ ಕನ್ನಕ್ಕೆ ಮುಡಿಪಾಗಿದ್ದರೂ, ನಮ್ಮನ್ನ ಹುರಿದುಂಬಿಸುವ ಈ ವಾಕ್ಯಗಳಿಗೆ ಭಾಷೆಯ ಪರಿಮಿತಿಯನ್ನ ಹಾಕಿಕೊಂಡಿಲ್ಲ. ಕಾರಣ, ಅವೆಲ್ಲವನ್ನೂ ಕನ್ನಡದಲ್ಲಿ ಅನುವಾದ ಮಾಡಿ ಪ್ರಕಟಿಸುವುದರಿಂದ ವಾಕ್ಯ ಕೆಲವೊಮ್ಮೆ ಅಸಮಂಜಸವಾಗುವ ಸಾಧ್ಯತೆಯಿದೆ. ಆ ಕಾರಣಕ್ಕೆ ಸೂಕ್ತ ಅನ್ನಿಸುವಂಥವನ್ನು ಮಾತ್ರ ಕನ್ನಡೀಕರಿಸಲಾಗಿದೆ. ಆ ವಾಕ್ಯ ಯಾವ ಭಾಷೆಯಲ್ಲಿದ್ದರೇನು ? ನಮ್ಮ ಆತ್ಮವಿಶ್ವಾಸ ಹೆಚ್ಚಿಸಿದರೆ ಸಾಕಲ್ವೇ ?!





    ***

    " Never think there is anything impossible for the soul. It is the greatest heresy to think so. If there is sin, this is the only sin ? to say that you are weak, or others are weak. "
    - Swami Vivekananda 


    “We are what our thoughts have made us; so take care about what you think. Words are secondary. Thoughts live; they travel far.”
    - Swami Vivekananda 


    " When an idea exclusively occupies the mind, it is transformed into an actual physical or mental state. "
    - Swami Vivekananda  


    “The will is not free - it is a phenomenon bound by cause and effect - but there is something behind the will which is free.”
    - Swami Vivekananda 


    “Condemn none: if you can stretch out a helping hand, do so. If you cannot, fold your hands, bless your brothers, and let them go their own way.”
    - Swami Vivekananda 


    ***

    Nov 2, 2010

    ದೀಪಾವಳಿ ಶುಭಾಶಯ

    1 ಪ್ರತಿಕ್ರಿಯೆಗಳು
    ನಾಳೆಯಿಂದ 4 ದಿವಸ ಕಂಪ್ಯೂಟರ್ ನೊಂದಿಗೆ 'ಟೂ' ಬಿಡೋ ಪ್ರಮೇಯ ಬಂದಿದೆ. ನಾಲ್ಕು ದಿನ ಊರಿಗೆ ಹೋಗ್ತಿದೀನಿ..ಸೋಮವಾರ ವಾಪಸ್ ಬರ್ತೀನಿ. ಅಲ್ಲಿಯವರೆಗೆ ಹೊಸ ಲೇಖನವಿಲ್ಲ. ಪತ್ರಿಕೆಗೆ ನಾನೊಬ್ಬನೇ ಬರೆಯಬೇಕಲ್ಲಾ !? ಓದುಗರಿಗೆ ಓದುವುದು ಮಾತ್ರ ಗೊತ್ತಿರುವ ಹಾಗಿದೆ.. '' ನೀವೂ ಬರೆಯಿರಿ. ಖರ್ಚಿಲ್ಲದೇ ಪ್ರಕಟಿಸ್ತೀನಿ " ಅಂತ ಹೇಳಿದ್ರೂ ಕೇಳ್ತಿಲ್ಲ ನೀವು. ಹೋಗ್ಲಿ ಬಿಡಿ. ಅದೆಲ್ಲಾ ಯಾಕೀಗ ? ಒಟ್ಟಿನಲ್ಲಿ

    ನಿಮಗೆ ತುಂಬು ಹೃದಯದ ದೀಪಾವಳಿ ಶುಭಾಶಯ ಕೋರುತ್ತೇನೆ. 


    ಈ ಬೆಳಕಿನ ಹಬ್ಬ ನಿಮ್ಮ ಬಾಳಲ್ಲಿ ಬೆಳಕು ತರಲಿ ಎಂದು ಪತ್ರಿಕೆ ಹಾರೈಸುತ್ತದೆ. ಭಾರತೀಯ ಸಂಸ್ಕೃತಿಯಲ್ಲಿ ಪ್ರತಿ ಹಬ್ಬಕ್ಕೂ ವಿಶೇಷತೆ ಇರುವ ಹಾಗೆ ದೀಪಾವಳಿಗೂ ಇದೆ. ಅದು ನಿಮಗೆಲ್ಲ ಗೊತ್ತೂ ಇದೆ. ಗೊತ್ತಿರುವವರು ಹಂಚಿಕೊಂಡರೆ ಗೊತ್ತಿಲ್ಲದವರಿಗೆ ತಿಳಿಯುತ್ತದೆ. Comment ಮೂಲಕ ಬರೆಯಿರಿ / Facebook ನಲ್ಲಿ WallPost ಮಾಡಿ .. ನಿಮಗೆ ಕಲ್ಪಿಸಿಕೊಟ್ಟಿರುವ ದಾರಿಗಳು ಒಂದೇ ಎರಡೇ ?! ಟ್ವಿಟರ್ ಕೂಡ ಇದೆ. ವೇದಿಕೆ ಎದುರಿಗೇ ಇದ್ದಾಗಲೂ ಭಾಗವಹಿಸುವಿಕೆಯಿಂದ ಹಿಂಜರಿದರೆ ಯಾರೇನು ಮಾಡಲಾದೀತು ?!!

     
    :   ಸ್ಪರ್ಧಾರ್ಥಿ

    Nov 1, 2010

    ಅರುಂಧತಿ ರಾಯ್

    0 ಪ್ರತಿಕ್ರಿಯೆಗಳು
    ಚುಟುಕು ಸುದ್ದಿ : ಅರುಂಧತಿ ರಾಯ್ ಅವರ ಕಾಶ್ಮೀರ ಬಗೆಗಿನ ಹೇಳಿಕೆಗೆ ವಿರೋಧ


    ಸುದ್ದಿಯ ಒಳನೋಟ : 

    • 24 ನವೆಂಬರ್ 1961ರಲ್ಲಿ ಬೆಂಗಾಲಿ ತಂದೆ ರಣಜಿತ್ ರಾಯ್ & ಕೇರಳ ಮೂಲದ ತಾಯಿ ಮೇರಿ ರಾಯ್ ಅವರಲ್ಲಿ , ಮೇಘಾಲಯದ ಶಿಲ್ಲೋಂಗ್ ನಲ್ಲಿ ಜನಿಸಿದರು.
    • ಬಾಲ್ಯ ಕೇರಳದ ಅಯ್ ಮಾನಂನಲ್ಲಿ. 
    • ಮುಂದೆ ದೆಹಲಿಯ School of Planning and Architecture ಯಲ್ಲಿ ಆರ್ಕಿಟೆಕ್ಚರ್ ಓದಿದರು.
    • ಅವರ ಪುಸ್ತಕಕ್ಕೆ ಬೂಕರ್ ಪ್ರಶಸ್ತಿ ಸಿಕ್ಕು ಆರ್ಥಿಕವಾಗಿ ಸಬಲರಾಗುವವರೆಗೆ ವಿವಿಧ ಕೆಲಸಗಳನ್ನ ಮಾಡಿದರು. ಪಂಚತಾರಾ ಹೋಟೆಲ್ ನಲ್ಲಿ ಏರೋಬಿಕ್ಸ್ ತರಗತಿಗಳನ್ನ ಹೇಳಿಕೊಟ್ಟಿದ್ದೂ ಉಂಟು !
    • ಇವರಿಗೆ ಇಬ್ಬರು ಮಾಜಿ ಪತಿಯಂದಿರು(!) : ಗೆರಾರ್ಡ್ ಡಾ ಕುನ್ಹಾ & ಪ್ರದೀಪ್ ಕ್ರಿಶನ್
    • ಹಾಲಿ ಪತಿ : ಇಲೆಕ್ಟ್ರಿಕ್ ಮೂನ್
    • ಚಿತ್ರಗಳಿಗೆ ಚಿತ್ರಕಥೆ ಬರೆಯುತ್ತಿದ್ದ ರಾಯ್ ಸುದ್ದಿಗೆ ಬಂದದ್ದು 1994ರಲ್ಲಿ. ಶೇಖರ್ ಕಪೂರ್ ನಿರ್ದೇಶನದ , ಸೀಮಾ ಬಿಸ್ವಾಸ್ ಅಭಿನಯದ ಬ್ಯಾಂಡಿಟ್ ಕ್ವೀನ್ ಚಿತ್ರದ ವಿಮರ್ಶೆಯ ಮೂಲಕ.
    • 1992ರಲ್ಲಿ ಶುರುಮಾಡಿ 1996ರಲ್ಲಿ ಬರೆದು ಮುಗಿಸಿದ್ದು ಅವರ ಪ್ರಶಸ್ತಿ ವಿಜೇತ ಕಾದಂಬರಿ : ದಿ ಗಾಡ್ ಆಫ್ ಸ್ಮಾಲ್ ಥಿಂಗ್ಸ್. ಇದು ಬಹುತೇಕ ಆತ್ಮಕಥನವಾಗಿದ್ದು ಅವರ ಬಾಲ್ಯದ ಘಟನೆಗಳನ್ನ ಆಧರಿಸಿದೆ.
    • 1997ರ ಮೇನಲ್ಲಿ ಪ್ರಕಟವಾದ ಈ ಪುಸ್ತಕಕ್ಕೆ ಅಗಾಧ ಮೆಚ್ಚುಗೆ ವ್ಯಕ್ತವಾಗಿ, ವರ್ಷದ ಕೊನೆಯಲ್ಲಿ  ಟೈಮ್ ಮ್ಯಾಗಜೀನ್ ಪ್ರಕಟಿಸಿದ '1997ರ ಜಗತ್ತಿನ 5  ಅತ್ಯುತ್ತಮ ಪುಸ್ತಕಗಳ ಪಟ್ಟಿ'ಗೆ ಸೇರಿತು.
    • ನಂತರದ ದಿನಗಳಲ್ಲಿ ಮತ್ತೆ ಚಿತ್ರಕಥೆಯ ಕೆಲಸಕ್ಕೆ ಮರಳಿದರು.
    • 2007ರಲ್ಲಿ ತಮ್ಮ ಎರಡನೇ ಕಾದಂಬರಿ ಬರೆಯಲು ಶುರುವಿಟ್ಟುಕೊಂಡಿರುವ ಘೋಷಣೆ ಮಾಡಿದರು.
    • 2008ರಲ್ಲಿ ಪತ್ರಿಕೆಯೊಂದರ ಸಂದರ್ಶನದಲ್ಲಿ ಕಾಶ್ಮೀರಕ್ಕೆ ಸ್ವಾತಂತ್ರ್ಯ ಕೊಟ್ಟು ಕಳಿಸುವುದು ಒಳಿತು ಎನ್ನುವ ಧಾಟಿಯಲ್ಲಿ ಮಾತನಾಡಿ ವಿವಾದಕ್ಕೆ ಒಳಗಾದರು.
    • ಇತ್ತೀಚೆಗೆ ಸುದ್ದಿಯಲ್ಲಿರೋದು ಇನ್ನೊಂದು ಅಂತಹುದೇ ಹೇಳಿಕೆಯ ಮೂಲಕ. ಅವರು ಹೇಳಿದ್ದೇನು ಗೊತ್ತಾ ? : "Kashmir should get azadi from bhookhe-nange Hindustan"
    • ಈ ಹೇಳಿಕೆ ನೀಡಿದ್ದು ಹುರಿಯತ್ ಕಾನ್ಫರೆನ್ಸ್ ಆಯೋಜಿಸಿದ್ದ " ಆಜಾದಿ - ಒಂದೇ ಮಾರ್ಗ " ಎಂಬ ವಿಷಯದ ಮೇಲಿನ ಸೆಮಿನಾರ್ ಸಮಾರಂಭದಲ್ಲಿ. ಅಂಥ ದೇಶ ವಿದ್ರೋಹಿಗಳೊಂದಿಗೆ ವೇದಿಕೆ ಹಂಚಿಕೊಳ್ಳುವುದೇ ಪಾಪವೆಂದಿರುವಾಗ ಅವರ ಪರವಾಗಿ ಮಾತನಾಡುವುದು ??


    : ರವಿ





    ಬ್ರೆಜಿಲ್ ನ ರಾಷ್ಟ್ರಪತಿಗಳು

    0 ಪ್ರತಿಕ್ರಿಯೆಗಳು
    ಚುಟುಕು ಸುದ್ದಿ : ಬ್ರೆಜಿಲ್ ನ ಪ್ರಥಮ ಮಹಿಳಾ ರಾಷ್ಟ್ರಪತಿಯಾಗಿ ದಿಲ್ಮಾ ವಾನಾ ರೌಸೆಫ್ ಆಯ್ಕೆ





     











    ಸುದ್ದಿಯ ಒಳನೋಟ :
    • ಅಧಿಕೃತ ಕಚೇರಿ ಭಾಷೆಯಲ್ಲಿ ಭಾರತದ ಹೆಸರು : Republic of India ಎಂದು ಇರುವ ಹಾಗೆ, ಬ್ರೆಜಿಲ್ ನದ್ದು : Federative Republic of Brazil ಎಂದಿದೆ.
    • Order And Progress : ಎಂಬುದು ಆ ದೇಶದ ಧ್ಯೇಯ ವಾಕ್ಯವಾಗಿದೆ.
    • 1889ರಲ್ಲಿ ಗಣತಂತ್ರ ದೇಶ ಎಂದು ಘೋಷಿತವಾದ ನಂತರದಲ್ಲಿ 6 ಸಂವಿಧಾನ ಮಾರ್ಪಾಡುಗಳಾಗಿದಾವೆ, ಎರಡು ಬಾರಿ ಸರ್ವಾಧಿಕಾರಿ ಆಡಳಿತವಾಗಿದೆ & 3 ವಿವಿಧ ಅವಧಿಗಳಲ್ಲಿ  ಪ್ರಜಾಪ್ರಭುತ್ವ ಆಳ್ವಿಕೆ ನಡೆದಿದೆ.
    • ಒಂದು ಮೆಚ್ಚಿಕೊಳ್ಳುವ ಅಂಶವೆಂದರೆ ಎಲ್ಲ ಪ್ರಜಾಪ್ರಭುತ್ವ ಪೂರಿತ ಅವಧಿಗಳಲ್ಲಿ ಮತದಾನ ಕಡ್ಡಾಯವಾಗಿತ್ತು.
    • 2010 ಡಿಸೆಂಬರ್ 31ರವರೆಗೆ ಲೂಯಿಸ್ ಇನಾಸಿಯೋ ಲೂಲಾ ಡ ಸಿಲ್ವಾ ಅಧ್ಯಕ್ಷರಾಗಿರುತ್ತಾರೆ. ಇವರು ಬ್ರೆಜಿಲ್ ಇತಿಹಾಸದಲ್ಲಿಯೇ ಅತಿ ಹೆಚ್ಚು ಮತಗಳಿಂದ ಆರಿಸಲ್ಪಟ್ಟ ರಾಷ್ಟ್ರಪತಿ.
    • ಇಲ್ಲಿಯವರೆಗೆ ಬ್ರೆಜಿಲ್ ನ ರಾಜಕೀಯ ವಿವಿಧ ಹಂತಗಳನ್ನ ದಾಟಿದ್ದು ಅವನ್ನ ಹೀಗೆ ಗುರುತಿಸಬಹುದು :
    1. The Old Republic ( 1889-1930 )
    2. Vargas Era ( 1930-1946 )
    3. The Second Republic ( 1946-1964)
    4. The Military Dictatorship ( 1964-1985 )
    5. The New Republic ( 1985-present )
    • ಇಂತಿಪ್ಪ ಬ್ರೆಜಿಲ್ ನಲ್ಲಿ 4 ಪ್ರಮುಖ ಪಕ್ಷಗಳಿವೆ :
    1. Worker's Party
    2. Brazilian Democratic Movement Party
    3. Brazilian Social Democracy Party 
    4. Democrats
    • ಈಗ ಕಾರ್ಯ ನಿರ್ವಹಿಸುತ್ತಿರುವ ಲುಲಾ ಡ ಸಿಲ್ವಾ Worker's Party ಗೆ ಸೇರಿದವರು.
    • ಇತ್ತೀಚೆಗೆ ನಡೆದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಬ್ರೆಜಿಲ್ ನ 35ನೇ ಅಧ್ಯಕ್ಷರಾಗಿ ವರ್ಕರ್ಸ್ ಪಾರ್ಟಿಯ  ದಿಲ್ಮಾ ವಾನಾ ರೌಸೆಫ್ ಆಯ್ಕೆಯಾಗಿದ್ದಾರೆ. ರೌಸೆಫ್ ಕೂಡ Worker's Party ಗೇ ಸೇರಿದ್ದು ಹಾಲಿ ಅಧ್ಯಕ್ಷರೇ ಅವರ ಹೆಸರನ್ನ ತಮ್ಮ ಪಕ್ಷದಿಂದ ಅನುಮೋದಿಸಿದ್ದರು.





     
    : ರವಿ

    ಸ್ಪರ್ಧಾರ್ಥಿ ತಂಡದ ಇತರೆ ಉಪಯುಕ್ತ Blog ಗಳು

    ಸಂದರ್ಶಿ ಅಭಿಪ್ರಾಯ ಪೆಟ್ಟಿಗೆ