ನಿದ್ರೆ

" ನಿದ್ರೆ  "

ಸಸ್ಯಗಳನ್ನೂ ಒಳಗೊಂಡಂತೆ ಎಲ್ಲಾ ಜೀವಿಗಳಿಗೂ ನಿದ್ರೆ ಅತ್ಯಾವಶ್ಯಕ.  ಶಾರೀರಿಕ ಹಾಗೂ ಮಾನಸಿಕ ಬಳಲಿಕೆಯಿಂದ ಬಿಡುಗಡೆ ಹೊಂದುವುದು ನಿದ್ರೆಯಾಗಿದೆ.  ನಿದ್ರೆಯಲ್ಲಿದ್ದಾಗ ಉಸಿರಾಟ ನಿಧಾನವಾಗಿ ಹೃದಯದ ಬಡಿತ ಮಂದವಾಗುತ್ತದೆ.  ಆಗ ನಮ್ಮ ಶಾರೀರಿಕ ಚಟುವಟಿಕೆಗಳು ಬದಲಾಗುತ್ತದೆ.  ನಿದ್ರೆಯಲ್ಲಿದ್ದಾಗ ನಮ್ಮ ಚಟುವಟಿಕೆಗಳನ್ನು ನಿಯಂತ್ರಿಸುವುದು ಹೈಪೋಥಲಾಮಸ್ ಎಂಬ ಮೆದುಳಿನ ಅಂಗ.

:: ನಿದ್ರಾ ವಿಧಾನಗಳು ::

1. ತೂಕಡಿಸುವಿಕೆ

2. ಗಾಢವಲ್ಲದ ನಿಧಾನಗತಿಯ ನಿದ್ರೆ

3. ಗಾಢವಾದ ನಿಧಾನಗತಿಯ ನಿದ್ರೆ

4. ಕಣ್ಣು ಗುಡ್ಡೆಗಳನ್ನು ನಿಧಾನವಾಗಿ ಚಲಿಸುತ್ತಾ ಮಾಡುವ ನಿದ್ರೆ

ಗಮನಿಸಿ : ನಿದ್ರೆಯನ್ನು ಕಣ್ಣು ಮುಚ್ಚಿಕೊಂಡೇ ಮಾಡಬೇಕೆಂದೇನೂ ಇಲ್ಲ, ಕಣ್ಣು ತೆರೆದು ನಿದ್ರೆ ಮಾಡುವ ಮಹಾ ಪುರುಷರೂ ಉಂಟು !!

:: ಸೃಷ್ಟಿಯ ವೈಚಿತ್ರ್ಯಗಳು ::

• ಪುರಾಣದ ಕುಂಭಕರ್ಣ ನಿದ್ರೆಗೆ ಹೆಸರುವಾಸಿ.
• ಹಸುಗೂಸುಗಳು 24 ಗಂಟೆಯೂ ನಿದ್ರಿಸುತ್ತಿರುತ್ತವೆ.
• ಧೃವ ಪ್ರದೇಶದ ಬಿಳಿ ಹಿಮಕರಡಿಗಳು 6 ತಿಂಗಳು ಮಲಗಿರುತ್ತವೆ.
• ಉತ್ತರ ಅಮೇರಿಕಾದ ಕೆಲವು ಅಳಿಲುಗಳು 9 ತಿಂಗಳು ನಿದ್ರಿಸುತ್ತವೆ.
• ಡಾಲ್ಫಿನ್ ಗಳ ಬಲ ಮೆದುಳು ನಿದ್ರಿಸುತ್ತಿದ್ದಾಗ ಎಡ ಮೆದುಳು ಕಾರ್ಯನಿರ್ವಹಿಸುತ್ತಿರುತ್ತದೆ.

ಇವಿಷ್ಟು ನಿದ್ರೆಯ ಬಗೆಗಿನ ವಿಶೇಷ ಸಂಗತಿಗಳಾದರೆ ನಿದ್ರೆಯ ಭಂಗಿಯನ್ನು ಅಭ್ಯಸಿಸಿ ಮನಶಾಸ್ತ್ರಜ್ಞರು ಈ ಕೆಳಕಂಡಂತೆ ವ್ಯಾಖ್ಯಾನಿಸಿದ್ದಾರೆ. 

*****

1. ಗರ್ಭಸ್ಥ ಮಗುವಿನಂತೆ ಕೈಕಾಲುಗಳನ್ನು ಮುದುರಿಕೊಂಡು ಕೆಲವೊಮ್ಮೆ ದಿಂಬನ್ನೋ / ಬಟ್ಟೆಯನ್ನೋ ಎದೆಗೆ ಒತ್ತಿ ಹಿಡಿದು ಮಲಗಿದರೆ

 - - -  ಅಂತಹವರಿಗೆ ತಮ್ಮ ರಕ್ಷಣೆಯ ಬಗ್ಗೆ ಗಾಬರಿ ಇರುತ್ತದೆ.

2. ಒಂದೇ ಮಗ್ಗುಲಲ್ಲಿ ಮಲಗುವವರು

 - - -  ಅಂತಹವರು ವ್ಯವಹಾರ ಚತುರರಾಗಿರುತ್ತಾರೆ.

3. ಮೊಣಕಾಲುಗಳನ್ನು ಮಡಿಚಿಕೊಂಡು ಬೋರಲಾಗಿ ಬೆನ್ನು ಮೇಲೆ ಮಾಡಿಕೊಂಡು ಮಲಗುವವರು

 - - - ಸಾಕಷ್ಟು ಕ್ಷಿಪ್ರರಾಗಿ ಜಾಗ್ರತೆಯಿಂದ ಕಾರ್ಯಶೀಲರಾಗಲು ತವಕಿಸುವವರಾಗಿರುತ್ತಾರೆ.

4.  ಎರಡೂ ಕೈಕಾಲುಗಳನ್ನು ಚಾಚಿಕೊಂಡು ಬೆನ್ನನ್ನು ನೆಲಕ್ಕೆ ಹಾಕಿ ಅಂಗಾಂತವಾಗಿ ಮಲಗುವವರು

 - - - ತಮ್ಮ ಬಗ್ಗೆ ತೀವ್ರ ಆತ್ಮವಿಶ್ವಾಸ ಹಾಗೂ ಸುಭದ್ರತೆಯನ್ನು ಹೊಂದಿರುವವರಾಗಿರುತ್ತಾರೆ.

5. ಬಿಲ್ಲಿನಂತೆ ಬಾಕಿ ಕೈಗಳನ್ನು ಕಾಲುಗಳ ಮಧ್ಯೆ ಇಟ್ಟುಕೊಂಡು ಮಲಗುವವರು

 - - - ಭವಿಷ್ಯದ ಬಗ್ಗೆ ಸಾಕಷ್ಟು ಭಯಭೀತರಾಗಿರುವವರು ಹಾಗೂ ಚಿಂತಾಕ್ರಾಂತರಾಗಿರುತ್ತಾರೆ.

6. ಮೈ ತುಂಬಾ ಹೊದ್ದುಕೊಂಡು ಮುದುರಿ ಮಲಗುವವರು

 - - -  ಬಾಹ್ಯ ಜಗತ್ತಿನೊಡನೆ ಹೋರಾಡಲು ಹೆದರುವ ಪುಕ್ಕಲು ಸ್ವಭಾವದವರಾಗಿರುತ್ತಾರೆ.

7. ಒಂದು ಕಾಲ ಮೇಲೆ ಮತ್ತೊಂದು ಕಾಲನ್ನಿಟ್ಟು ಕೈ ಮೇಲೆ   ಕೈಇಟ್ಟು ಮಲಗುವವರು

 - - - ಇಂತಹವರು ದೃಢ ಮನಸ್ಸಿನವರಾಗಿದ್ದು ಇತರರ ಅಪೇಕ್ಷೆಗೆ ತಮ್ಮ ನಿರ್ಧಾರಗಳನ್ನು ಬದಲಿಸುವುದಿಲ್ಲ.

8. ಬೆನ್ನು ಮೇಲೆ ಮಾಡಿಕೊಂಡು ಮಲಗುವವರು

 - - - ಯಜಮಾನಿಕೆಯನ್ನು ಅಪೇಕ್ಷಿಸುವ, ಹಠದ ಸ್ವಭಾವದ ಹಾಗೂ ಎಲ್ಲವನ್ನೂ ತನ್ನದನ್ನಾಗಿ ಮಾಡಿಕೊಳ್ಳಬೇಕೆನ್ನುವ ಬಯಕೆಯನ್ನು ಹೊಂದಿರುತ್ತಾರೆ.

***** 

 ಹಾಗಾದರೆ ಈಗ ಹೇಳಿ ನೀವು ಯಾವ ರೀತಿಯ ಸ್ವಭಾವದವರು ಅಂತಾ ?

: ಎಂ.ಬಿ.ಲಾವಣ್ಯ

.

ನಮ್ಮ ಶರೀರ ನಮಗೆಷ್ಟು ಗೊತ್ತು ?

ನಮ್ಮ ಶರೀರ ನಮಗೆಷ್ಟು ಗೊತ್ತು ?

1) ನಮ್ಮ ತಲೆಯಲ್ಲಿರುವ ಕೂದಲುಗಳ ಸಂಖ್ಯೆ ಒಂದು ಲಕ್ಷಕ್ಕೂ ಅಧಿಕ.  ಪ್ರತಿ ಕೂದಲುಗಳೂ ಮೂರು ವರ್ಷಕ್ಕಿಂತ ಅಧಿಕ ಬೆಳೆಯುತ್ತದೆ.  ಅದರ ವೇಗ ಮೂರು ದಿನಗಳಿಗೆ ಒಂದು ಮಿ.ಮೀ.  ಅಂದರೆ ವರ್ಷಕ್ಕೆ ಸುಮಾರು ಐದು ಇಂಚು ಉದ್ದ ಬೆಳೆಯುತ್ತದೆ.

2) ನಮ್ಮ ಇಡೀ ದೇಹದಲ್ಲಿರುವ ಕೂದಲುಗಳ ಸಂಖ್ಯೆ ಸುಮಾರು 50 ಲಕ್ಷ.

3) ನಮ್ಮ ಹೃದಯದ ತೂಕ ಕೇವಲ 250 ಗ್ರಾಂ.

4) ನಮ್ಮ ಚರ್ಮದಲ್ಲಿನ ಮೆಲನಿನ್ ಕಣಗಳ ಉತ್ಪತ್ತಿ ಕಡಿಮೆ ಆದರೆ ಚರ್ಮ ಬಿಳುಪಾಗಿಯೂ ಹೆಚ್ಚಿದ್ದರೆ ಚರ್ಮ ಕಪ್ಪಾಗಿಯೂ ಆಗುತ್ತದೆ.

5) ನಮ್ಮ ದೇಹದ ಶೇ.60 ರಷ್ಟು ಭಾಗ ನೀರಿನಿಂದ ಆವೃತ್ತವಾಗಿದ್ದು ಉಳಿದದ್ದು ಮೂಳೆ, ಮಾಂಸ ಖಂಡಗಳು ಇತ್ಯಾದಿ.

6) ನಮ್ಮ ಚರ್ಮದಲ್ಲಿ ಕೆರಾಟಿನ್ ಎಂಬ ನೀರು ನಿರೋಧಕ ವಸ್ತು ಇದ್ದು ಅದು ನೀರನ್ನು ತಾತ್ಕಾಲಿಕವಾಗಿ ಚರ್ಮದೊಳಗೆ ಬರುವುದನ್ನು ತಡೆ ಹಿಡಿಯುತ್ತದೆ.  ಅದಕ್ಕಾಗಿ ಮಳೆಯಲ್ಲಿ ನೆನೆದರೂ ಚರ್ಮ ನೆನೆಯುವುದಿಲ್ಲ.  ಆದರೆ, ಸ್ನಾನ ಮಾಡಿದಾಗ ಅಥವಾ ಈಜುತ್ತಿದ್ದಾಗ ಶೇ.4ರಷ್ಟು ನೀರು ಕೆರಾಟಿನ್ ಅನ್ನು ಛೇದಿಸಿ ಒಳ ಸೇರುತ್ತದೆ.  ಅದಕ್ಕಾಗಿಯೇ ಸ್ನಾನದ ನಂತರ ನಮ್ಮ ಕೈಬೆರಳುಗಳ ಚರ್ಮವು ಸ್ವಲ್ಪ ಮಟ್ಟಿಗೆ ಸುಕ್ಕುಗಟ್ಟಿರುತ್ತದೆ.

7) ಹೃದಯದ ಪ್ರತಿ ಬಡಿತಕ್ಕೆ ರಕ್ತವು ಚಿಮ್ಮಿ ಇಡೀ ದೇಹದುದ್ದಕ್ಕೂ ಹರಿಯುತ್ತದೆ.  ಪ್ರತಿದಿನ ಹೃದಯವು ಈ ರೀತಿ 9000 ಲೀಟರ್ ರಕ್ತವನ್ನು ಪಂಪ್ ಮಾಡುತ್ತದೆ.

8) ಗೊರಿಲ್ಲಾದ ದೇಹ ಮಾನವನ ದೇಹಕ್ಕಿಂತ ದೊಡ್ಡದಿದೆ.  ಆದರೆ ಅದರ ಮೆದುಳು 0.45 ಕೆ.ಜಿ. ತೂಕವಿದ್ದರೆ ಮಾನವನ ಮೆದುಳಿನ ತೂಕ 1.40 ಕೆ.ಜಿ.  ಅದಕ್ಕೆ ನಮಗೆ ಬುದ್ದಿ ಜಾಸ್ತಿ !!!!!!!

9) ನಮ್ಮ ರಕ್ತದಲ್ಲಿರುವ ಕೊಳೆಯನ್ನು ಸೋಸಲು ಮೂತ್ರ ಪಿಂಡಗಳಲ್ಲಿ 10,00,000 ಆಲಿಕೆಗಳಿವೆ.  ನೆಪ್ರೋನ್ ಎಂಬ ಹೆಸರಿನ ಇವುಗಳನ್ನು ಒಂದರ ಪಕ್ಕ ಒಂದರಂತೆ ಜೋಡಿಸಿದರೆ ಸುಮಾರು 80 ಕಿ.ಮೀ. ಉದ್ದವಾಗುತ್ತದೆ.

10) ನಮ್ಮ ಶರೀರದಲ್ಲಿ ಗಾಯವಾದಾಗ ರಕ್ತವು ನೀರು ಹರಿದಂತೆ ನಿರಂತರವಾಗಿ ಹರಿಯುವುದಿಲ್ಲ.  ಬದಲಾಗಿ ಹೆಪ್ಪುಗಟ್ಟುತ್ತದೆ.  ಇದಕ್ಕೆ ಕಾರಣ ರಕ್ತದಲ್ಲಿನ ಪ್ರೊಥ್ರೋಂಬಿನ್ ಎಂಬ ರಕ್ತದ ಕಣ.  ಇದು ಗಾಳಿಗೆ ಸೋಕಿದೊಡನೆ ಬಲೆಯ ರೂಪ ತಾಳಿ ರಕ್ತ ಹರಿಯುವುದನ್ನು ತಡೆಯುತ್ತದೆ.  ಇದನ್ನು ಯಕೃತ್ ಉತ್ಪಾದಿಸುತ್ತದೆ.  ಆದ್ದರಿಂದ, ಯಕೃತ್ ಗೆ ಹಾನಿಯಾದರೆ ರಕ್ತ ಹೆಪ್ಪುಗಟ್ಟುವಿಕೆ ನಿಲ್ಲುತ್ತದೆ.

11) ಉಗುರು ಒಂದು ನಿರ್ಜೀವ ಪ್ರೋಟೀನ್ ವಸ್ತು.  ಇದು ಸತ್ತ ಜೀವಕೋಶಗಳಿಂದ ಉಂಟಾದುದು.  ಅದಕ್ಕಾಗಿ ಇದನ್ನು ಕತ್ತರಿಸಿದರೂ ನೋವಿನ ಅನುಭವವಾಗುವುದಿಲ್ಲ.

12) ಹುಟ್ಟಿನಿಂದ ಸಾಯುವವರೆಗೂ ಯಾವುದೇ ವ್ಯಕ್ತಿಯ ಕೈಬೆರಳುಗಳ ಗುರುತುಗಳು ಬದಲಾಗುವುದಿಲ್ಲ ಮತ್ತು ಪ್ರತಿ ವ್ಯಕ್ತಿಯ ಬೆರಳುಗಳು ವಿಶಿಷ್ಟವಾಗಿದ್ದು ಬೇರೆಯವರ ಗುರುತುಗಳಿಂದ ಪ್ರತ್ಯೇಕವಾಗಿರುತ್ತದೆ.  ಅವಳಿ-ಜವಳಿಗಳಾಗಿ ಹುಟ್ಟಿದರೂ ಕೈಬೆರಳಿನ ಗುರುತುಗಳು ಬೇರೆ ಬೇರೆಯಾಗಿರುತ್ತದೆ.  ಇದನ್ನು ಕಂಡು ಹಿಡಿದವರು ಸರ್ ಎಡ್ವರ್ಡ್ ಹೆನ್ರಿ.

13) ಸಸ್ಯಗಳನ್ನೂ ಒಳಗೊಂಡಂತೆ ಎಲ್ಲಾ ಪ್ರಾಣಿಗಳಿಗೂ ನಿದ್ರೆ ಅತ್ಯಾವಶ್ಯಕ.  ಶಾರೀರಿಕ ಹಾಗೂ ಮಾನಸಿಕ ಬಳಲಿಕೆಯಿಂದ ಬಿಡುಗಡೆ ಹೊಂದುವುದು ನಿದ್ರೆಯಾಗಿದೆ.  ನಿದ್ರೆಯಲ್ಲಿದ್ದಾಗ ನಮ್ಮ ಉಸಿರಾಟ ನಿಧಾನವಾಗಿ ಹೃದಯದ ಬಡಿತ ಮಂದವಾಗುತ್ತದೆ.  ಆಗ ನಮ್ಮ ಶಾರೀರಿಕ ಚಟುವಟಿಕೆಗಳು ಬದಲಾಗುತ್ತದೆ.  ಇದನ್ನು ನಿಯಂತ್ರಣದಲ್ಲಿಡುವುದು ಹೈಪಾಥಲಾಮಸ್ ಎಂಬ ಮೆದುಳಿನ ಭಾಗ.

- ಎಂ.ಬಿ.ಲಾವಣ್ಯ 




.

ಪದಬಂಧ

:: ಪದಬಂಧ ::

ಪದಬಂಧ ( Puzzles ) ಎಂಬ ಶಬ್ದಗಳ ಆಟ ಎಲ್ಲರಿಗೂ ಒಂದು ಮೋಜಿನ, ಸಮಯ ಸ್ಫೂರ್ತಿಯ ಆಟ. ಅಷ್ಟೇ ಅಲ್ಲ, ಬುದ್ಧಿಗೆ ಕೆಲವೊಮ್ಮೆ ಕಸರತ್ತು ಸಹ ನೀಡುತ್ತದೆ. ಮಾಜಿ ಪ್ರಧಾನಿ ಇಂದಿರಾ ಗಾಂಧಿಯವರು ತಮ್ಮ ಬೆಳಗಿನ ಒಂದು ಕಪ್ ಚಹಾ ಕುಡಿಯುವುದರೊಳಗೆ 12 ದಿನಪತ್ರಿಕೆಗಳ ಪದಬಂಧ ( Puzzles ) ತುಂಬುತ್ತಿದ್ದರಂತೆ !!  

ವಾಹ್ ! ಅನ್ನೋದರ ಜೊತೆಗೆ, " ನಾನೇನೂ ಕಮ್ಮಿ ಇಲ್ಲ. ಇಂಥ ಆಟಗಳಲ್ಲಿ ನನ್ನ ಬುದ್ಧಿಮತ್ತೆಯನ್ನ ಒರೆಹಚ್ಚಲು ನಾನು ಯಾವಾಗಲೂ ರೆಡಿ " ಅಂತ ಅಣಿಯಾಗ್ತಿದೀರಾ  ಅನ್ನೋದು ನಂಗೆ ಗೊತ್ತಾಯ್ತು. ಆದರೆ ಕನ್ನಡ ಪದಬಂಧ ಬಿಡಿಸುವುದು ಸುಲಭ. ಅದೇ ಇಂಗ್ಲೀಷ್ Puzzles ಬಿಡಿಸುವುದು ಕಷ್ಟ. ಅದಕ್ಕೆ ಒಂದು ಸರಳ ಇಂಗ್ಲೀಷ್ Puzzle ಕೊಟ್ಟಿದೀನಿ. ಪ್ರಯತ್ನ ಮಾಡಿ ...

1					2				3
4		5		6
7				8			9
						10
			11
		12

Across

1. It's the color of gold.
6. ___ and gold are precious metals.
7. It's also the name of a fruit.
10. The sun is shining and the sky is ___ today.
11. Tomatoes are ___.
12. Do you like the ___ Panther cartoon?

Down

2. He wants peace. He is carrying a ___ flag.
3. If you mix red and blue, you get this color.
4. ___ sugar is healthier than refined sugar.
5. It's going to rain. The sky is ___ today.
8. The apple is not ripe. It's still ___.
9. It's the opposite of white.

ಎಲ್ಲಾ ಮನೆಗಳನ್ನೂ ಭರ್ತಿ ಮಾಡಿ ಆಯಿತಾ ? ಹಾಗಿದ್ದರೆ ಸರಿ ಉತ್ತರ ?!! ನಾಳೆ ಹೊಸ ಲೇಖನದ ಅಡಿ ಭಾಗದಲ್ಲಿ ಈ Puzzle ನ ಉತ್ತರ ಇರುತ್ತೆ. ಹುಡುಕಿ - ಹೋಲಿಸಿ, ತಿದ್ದಿಕೊಳ್ಳಿ / ಶಭಾಷ್ ಎಂದುಕೊಳ್ಳಿ.

ಇನ್ನಷ್ಟು ಪದಬಂಧಗಳನ್ನು ಬಿಡಿಸುವ ಮನಸ್ಸಾಗಿದೆಯಾ ? ಹಾಗಿದ್ದಲ್ಲಿ  http://iteslj.org/cw/  ತಾಣಕ್ಕೆ ಭೇಟಿ ನೀಡಿ.

ಶುಭದಿನ,

: ಎಂ.ಬಿ.ಲಾವಣ್ಯ