ಗಣಕ ಪದಕೋಶ - 22 : ಟ್ವಿಟರೇಚರ್(Twitterature)

ಟ್ವಿಟರೇಚರ್ ( twitterature ) : ಏನಿದು ಹೊಸ ಸಂಧಿವಾಕ್ಯ ಅಂತ ಹುಬ್ಬೇರಿಸಬೇಡಿ. ಇದು Twitter ಮತ್ತು Literature ಎರಡು ಶಬ್ದಗಳು ಸಂಕರಗೊಂಡಾಗ ಹುಟ್ಟಿದ ಶಬ್ದ. ಬರೀ ಶಬ್ದಗಳು ಮಾತ್ರವಲ್ಲ ಎರಡೂ ಶಬ್ದಗಳ ನಿಜೋದ್ದೇಶ ಈಡೇರುವ ಸಲುವಾಗಿ ಸೃಷ್ಟಿಯಾಗಿರುವ Tool, ತನ್ಮೂಲಕ ಶಬ್ದ.

ಟ್ವಿಟರ್ ಟೂಲ್ ನ ಧ್ಯೇಯ : 140 ಅಕ್ಷರಗಳಲ್ಲಿ  ನಿಮ್ಮ ಮನದ ಮಾತುಗಳನ್ನ ಪ್ರಸಾರ ಮಾಡುವುದು.  

ಸಾಹಿತ್ಯದ ಧ್ಯೇಯ : ಸಾಹಿತಿಯ ಮನದಲ್ಲಿ ಉದಿಸಿದ ಕಲ್ಪನಾ ವಿಲಾಸವನ್ನ ಬರವಣಿಗೆಯ ಮೂಲಕ ಓದುಗನಿಗೂ ತಲುಪುವ ಹಾಗೆ ಮಾಡುವ ಮೂಲಕ ಅವನಲ್ಲೂ ಅದೇ ವಿಲಾಸ ಲೋಕಕ್ಕೆ ಕರೆದೊಯ್ಯುವುದು.

ಈ ಎರಡು ಧ್ಯೇಯಗಳನ್ನ ಸಂಕರಿಸಿ Twitterature ಅನ್ನ ಸೃಷ್ಟಿಸಲಾಗಿದೆ. ಒಂದು Advantage & ಒಂದು Disadvantage ಬಳಸಿಕೊಂಡು ಈ Tool ಸೃಷ್ಟಿಯಾಗಿದೆ.

ಸಾಹಿತ್ಯ ಓದುಗರ ಸಂಖ್ಯೆ ಕ್ಷೀಣಗೊಳ್ಳುತ್ತಿರುವುದು ಈ ದಿನದ Disadvantage
ಆಗಿದ್ದರೆ,
ಹೆಚ್ಚೆಚ್ಚು ಜನ Twitter ನಂತಹ Social Network ತಾಣಗಳಿಗೆ ದಿನದ 24 ಗಂಟೆಯೂ ಅಂಟಿಕೊಂಡಿರುವುದು Advantage.

ಹೀಗಾಗಿ ಸಾಹಿತ್ಯ ಲೋಕದ ಮಹಾನ್ ಕೃತಿಗಳನ್ನ Twitter ಮೂಲಕ ಜನರಿಗೆ ತಲುಪಿಸುವ ಯೋಜನೆಯೇ ಈ Twitterarure.

" 

Perhaps you once asked yourself, ‘What exactly is Hamlet trying to tell me? Why must he mince his words, muse in lyricism and, in short, whack about the shrub?’ No doubt such troubling questions would have been swiftly resolved were the Prince of Denmark a registered user on Twitter.com.

This, in essence, is Twitterature.

Here you will find over sixty of the greatest works of western literature – from Beowulf to Bronte, from Kafka to Kerouac, and from Dostoevsky to Dickens– each distilled through the voice of Twitter to its purest, pithiest essence. Including a full glossary of online acronyms and Twitterary terms to aid the amateur, Twitterature provides everything you need to master the literature of the civilised world, while relieving you of the burdensome task of reading it.

***

ಹ್ಯಾಮ್ಲೆಟ್ ಓದುವಾಗ ನಿಮಗನಿಸಿರಬಹದು : " ಇಂಥ ಕಠಿಣ ಪದಗಳನ್ನ ಬಳಸಿ ಈ ಸಾಹಿತಿ ಏನೂ ಹೇಳೋಕೆ ಹೊರಟಿದಾನೆ ? ಹೇಳೋದನ್ನ ಸಾಮಾನ್ಯರಿಗೂ ತಿಳೀಯೋಹಾಗೆ ಸರಳ ಭಾಷೆಯಲ್ಲಿ ಹೇಳಿದ್ದರೆ ಇವನ ಗಂಟೇನು ಹೋಗ್ತಿತ್ತು ? " ಅಂತ. ಆವಾಗ ನಿಮಗನಿಸಿರಬಹುದು ಆ ಪಾತ್ರಧಾರಿ ಡೆನ್ಮಾರ್ಕ್ ರಾಜ Twitter.Com ನಲ್ಲಿ Account ಹೊಂದಿದ್ರೆ ಭಾಳ ಸರಳವಾಗಿ ತನ್ನ ಕಥೆ ಹೇಳ್ತಾ ಇದ್ದ ಅಂತ. ಅಲ್ಲಾ ?

ಈ ಟ್ವಿಟರೇಚರ್ ನ ತಿರುಳು ಇರೋದೇ ಅಷ್ಟೇ : ಇಂಗ್ಲೀಷ್ ಸಾಹಿತ್ಯದ ಸುಮಾರು ಸುಪ್ರಸಿದ್ಧ ಕೃತಿಗಳನ್ನ ಟ್ವಿಟರ್ ಭಾಷೆಗೆ ಭಟ್ಟಿ ಇಳಿಸಿ, ಮೂಲ ಕೃತಿಯ ಆಶಯಕ್ಕೆ ಹಾಗೂ ಪಾವಿತ್ರ್ಯತೆಗೆ ಧಕ್ಕೆ ಬಾರದ ಹಾಗೆ ಕೃತಿಯ ಬಗ್ಗೆ ಓದುಗರಿಗೆ ತಿಳಿಸಿಕೊಡುವುದು.

"

------

ಅಂದಹಾಗೆ ಈ Twitterature ಎಂಬುದು ಪುಸ್ತಕದ ಹೆಸರು ?!!!! ಅಂದರೆ ಮೇಲಿನ ಪ್ಯಾರಾದಲ್ಲಿ ಇದೊಂದು Tool ಎಂದು ಹೇಳಿದ್ದು ಸುಮ್ನೆ Joke ಗೆ. ಇದು Twitter Tool ಅಲ್ಲ. ಬದಲಿಗೆ ಒಂದು ಪ್ತಸಕದ ಹೆಸರು !!!!!!!!!!!!! ಆದರೆ ಒಂದು ಸತ್ಯ : ಆ ಪುಸ್ತಕದಲ್ಲಿನ ಸಾಹಿತ್ಯದ Tweet ರೂಪಾಂತರಗಳು Twitter ತಾಣದಲ್ಲಿ ಹರಿದಾಡಿದರೆ ಅದೇ Twitterature Tool ಅಲ್ಲವೇ ?!

ಪುಸ್ತಕದ ಪೂರ್ತಿ ಹೆಸರು :

Twitterature: The World’s Greatest Books, Retold Through Twitter (Now Presented in Twenty Tweets or Less.)

ಪೆಂಗ್ವಿನ್ ಪ್ರಕಾಶನದವರು ಪ್ರಕಟಿಸಿರುವ ಈ ಪುಸ್ತಕದಲ್ಲಿ ಜಗತ್ತಿನ ಸುಮಾರು 60 ಮಹಾನ್ ಕೃತಿಗಳನ್ನ Twitter ಭಾಷೆಯಲ್ಲಿ ಬರೆಯಲಾಗಿದೆ. Alexander Aciman and Emmett Rensin ಎಂಬ ಇಬ್ಬರು ಶಿಕಾಗೋ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಈ ಸಾಹಸ ಮಾಡಿದ್ದಾರೆ.

ಆದರೆ,

ಈ ಪುಸ್ತಕದ ಮೂಲಕ ನಾವಿಂದು ಹೊಸದೊಂದು ಜಗತ್ತಿಗೆ ತರೆದುಕೊಳ್ಳುತ್ತೇವೆ. ಅದೇ Micro Fiction. ಅಂದರೆ Twitter ನ MicroBlogging ಬಳಸಿ ಸಾಹಿತ್ಯ ಕೃಷಿಗೆ ತೊಡಗುವುದು. ಇದು ಈಗಾಗಲೇ ಆರಂಭವಾಗಿದೆ ಕೂಡ. ಜೇಮ್ಸ್ ಬ್ರಿಡಲ್ ಎಂಬ ಪುಸ್ತಕ ಲೋಕದ ವ್ಯಕ್ತಿ ಹೊಸ ಪುಸ್ತಕ ಬರೆದಿದ್ದಾರೆ. ಅದರ ಹೆಸರು : My Life In Tweets. ಇದೊಂದು ಉದಾಹರಣೆ ಮಾತ್ರ ಇನ್ನೂ ಅನೇಕ ಕೃತಿಗಳು ಪ್ರಕಟವಾಗಿವೆ, ವಾಗುತ್ತಲಿವೆ.

ಇಷ್ಟನ್ನ ತಿಳಿದುಕೊಂಡಾದ ನಂತರವೂ Twitterature ಬಗ್ಗೆ ನಿಮಗೆ ಏನೂ ತಿಳಿದಂತಾಗುವುದಿಲ್ಲ. ಕಾರಣ ಸಾಹಿತ್ಯದ ಭಾಷೆಯ ಅರಿವಿಲ್ಲದೆ ಸಾಹಿತ್ಯವನ್ನ ಅರಿಯುವುದು ಹೇಗೆ ? ಹೀಗಾಗಿ ಮೊದಲಿಗೆ ತಿಳಿಯಬೇಕಿರುವುದು ಟ್ವಿಟರ್ ಭಾಷಾ ಪ್ರಪಂಚವನ್ನ. ಅದನ್ನ ತಿಳಿದಾಗ ಮಾತ್ರ ಮೇಲಿನ ಸಾಹಿತ್ಯ ಸಾಹಸದ ನಿಜ ಕಷ್ಟ-ಸುಖ-ನೋವು-ನಲಿವು ಅರ್ಥವಾದೀತು !!! ಟ್ವಿಟರ್ ಭಾಷಾ ಪ್ರಪಂಚಕ್ಕೆ ಭೇಟಿ ನೀಡಲು ನಮ್ಮ ಕಳೆದ ವಾರದ ಗಣಕ ಪದಕೋಶದಲ್ಲಿ ಮೂಡಿ ಬಂದ ವಿವರಣೆಗಾಗಿ ಇಲ್ಲಿ ಕ್ಲಿಕ್ಕಿಸಿ.

: e-ಶ

ಡೆಲ್ ಸ್ಟ್ರೀಕ್

ಈ ವಾರವಿಡೀ ಎಲ್ಲ ದಿನಪತ್ರಿಕೆಗಳಲ್ಲಿ ಕಂಡುಬಂದ ವಿಜ್ಞಾಪನೆ ಎಂದರೆ ಡೆಲ್ ಕಂಪೆನಿಯ ಸ್ಟ್ರೀಕ್ ದು. ಇದೊಂದು ಸ್ಮಾರ್ಟ್ ಫೋನ್ ಮೀರಿದ ಟ್ಯಾಬ್ಲೆಟ್ ಪಿಸಿ ಅಲ್ಲಲ್ಲ ಕಂಪೆನಿ ಹೇಳುವ ಹಾಗೆ ಪಾಕೆಟ್ ಟ್ಯಾಬ್ಲೆಟ್. ಇದಕ್ಕೂ ಮುಂಚೆ ಸಂಚಲನ ಸೃಷ್ಟಿಸಿದ್ದು ಆ್ಯಪಲ್ ಕಂಪೆನಿಯ ಐಪ್ಯಾಡ್. ನಂತರ ಅನೇಕ ಚಿಕ್ಕಪುಟ್ಟ ಕಂಪೆನಿಗಳು ತಮ್ಮ ಉತ್ಪನ್ನವನ್ನ ಮಾರುಕಟ್ಟೆಗೆ ಪರಿಚಯಿಸಿದವು. ಅದು ಆ್ಯಪಲ್ ಕಂಪೆನಿಯ ಚರಿಷ್ಮಾದ ಪ್ರಭಾವ. ನಂತರ 6 ತಿಂಗಳ ಸಮಯ ತೆಗೆದುಕೊಂಡು ಇದೀಗ ದೊಡ್ಡ ದೊಡ್ಡ ಕಂಪೆನಿಗಳು ಸ್ಪರ್ಧೆಗಿಳಿದಿವೆ. ಕಳೆದ ತಿಂಗಳು ಸ್ಯಾಮಸಂಗ್ ಗ್ಯಾಲಾಕ್ಸಿ ಟ್ಯಾಬ್ ಹೆಸರಲ್ಲಿ ಟ್ಯಾಬ್ಲೆಟ್ ಪಿಸಿ ಬಿಡುಗಡೆ ಮಾಡಿತು. ನಂತರ ಬ್ಲ್ಯಾಕ್ ಬೆರ್ರಿ ಪ್ಲೇಬುಕ್ ಬಂತು. ಇದೀಗ ಡೆಲ್ ಕಂಪೆನಿ ಸ್ಟ್ರೀಕ್ ( Streak ) ಹೆಸರಿನಲ್ಲಿ ಪಾಕೆಟ್ ಟ್ಯಾಬ್ಲೆಟ್ (ಪಿಸಿ) ಬಿಡುಗಡೆ ಮಾಡಿತು. ಇದು ಸ್ಮಾರ್ಟ್ ಫೋನ್ ಕೂಡ ಹೌದು. 

ಈ ಮೊದಲು ಕಂಪ್ಯೂಟರ್ ಮಾತ್ರ ಮಾರುತ್ತಿದ್ದಾಗ Your's Is Here ಅನ್ನುತ್ತಿದ್ದ ಡೆಲ್, ಇದೀಗ ಫೋನ್ ತಯಾರಿಕಾ ಲೋಕಕ್ಕೆ ಇಳಿದು ತನ್ನ Tag Line ಕೂಡ ಹೊಸದಾಗಿ ಸೃಷ್ಟಿಸಿಕೊಂಡಿದೆ. Dell - The Power To Do More ಇದು ಹೊಸದು.  ಸ್ಪರ್ಧೆ ತೀಕ್ಷ್ಣವಾದಾಗ ಬೃಹತ್ ಕಂಪೆನಿಗಳೂ ತಮ್ಮ ಹಳೆಯ ವೇಷವನ್ನ ಕಳಚಿ ಹೊಸ ಹುರುಪಿನೊಂದಿಗೆ ಸ್ಪರ್ಧೆಗಿಳಿಯುತ್ತವೆ ಅನ್ನೋದಕ್ಕೆ ಡೆಲ್ ಜ್ವಲಂತ ಉದಾಹರಣೆ.

ಈಗ ಡೆಲ್ ಸ್ಟ್ರೀಕ್ ( Dell Streak ) ಬಗ್ಗೆ ಸ್ವಲ್ಪ ತಿಳಿದುಕೊಳ್ಳೋಣ :

• ಆ್ಯಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಮ್ ಸದರಿ ಸ್ಟ್ರೀಕ್ ನ ಜೀವಾಳ.
• 5 inch Capacitive TouchScreen & 5MP Camera - ಇವು ಮೇಲ್ನೋಟದ ಮುದ್ದುಗಳು.
• ಸ್ಮಾರ್ಟ್ ಫೋನ್ ಗಳಿಗೆಂದೇ Qualcomm ಕಂಪೆನಿ ತಯಾರಿಸುವ ಸ್ನ್ಯಾಪ್ ಡ್ರಾಗನ್ ( Snapdragon ) ಹೆಸರುಳ್ಳ  CPU ಇದೆ. ಅಂದ್ರೆ 512MB ROM , 512 MB RAM ಮತ್ತು 1GHz ವೇಗದ ಪ್ರೊಸೆಸರ್ ಒಳಗೊಂಡಿದೆ.
• 800*480 pixel ಸ್ಪಷ್ಟತೆ ಇರುವ ಟಚ್ ಸ್ಕ್ರೀನ್.
• ಹೊರಜಗತ್ತಿನೊಂದಿಗೆ ಸಂಪರ್ಕ ಸಾಧಿಸಲು wi-fi , 3G , Bluetooth , GPS , A-GPS , GSM , EDGE , HSDPA ಹೊಂದಿದೆ.
• ಹೊಸ ಹೊಸ ಆ್ಯಪ್ ( App )ಗಳಿಗಾಗಿ Android Market ಇದೆ.

ಒಳನೋಟ : 

Streak ಅಂದ್ರೆ ಪದಕೋಶದ ಅರ್ಥ :

ಇದನ್ನ Light Streak Effect ಅಂತಾರೆ.

1. A line, mark, smear, or band differentiated by color or texture from its surroundings.
2. An inherent, often contrasting quality: "There was a streak of wildness in him" .
3. A ray or flash of light: the first streaks of dawn; a streak of lightning.
4. Informal.
   1. A brief run or stretch, as of luck.
   2. An unbroken series, as of wins or losses.
5. Mineralogy. The color of the fine powder produced when a mineral is rubbed against a hard surface. Used as a distinguishing characteristic.
6. Botany. Any of various viral diseases of plants characterized by the appearance of discolored stripes on the leaves or stems.
7. Microbiology. A bacterial culture inoculated by drawing a bacteria-laden needle across the surface of a solid culture medium.

ಹಾಗಾಗಿ ತನ್ನ ಸುತ್ತಲಿನ ವಾತಾವರಣವನ್ನ ಭೇದಿಸಿ ತನ್ನನ್ನ ತಾನು ಗುರುತಿಕೊಳ್ಳುವ ಹಾಗೊಂದು ವಿಶಿಷ್ಟತೆ ಹೊಂದಿರುವ Device ಎಂದು ಕಂಪೆನಿ ಬೀಗುತ್ತದೆ ಎನ್ನಬಹುದು.

ಆ್ಯಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಮ್ (Android OperatingSystem) : ಇದು ಗೂಗಲ್ ಕಂಪೆನಿ ಮೊಬೈಲ್ / Pocket PC ಗಳಿಗೆಂದೇ ಸೃಷ್ಟಿಸಿರುವ ಆಪರೇಟಿಂಗ್ ಸಿಸ್ಟಂ ಗಿರುವ ಹೆಸರು. Android ಪದದ ಶಬ್ದಕೋಶದ ಅರ್ಥ Possessing human features ಅಂತ ಇದೆ. Humanoid ಎನ್ನುವ ಹಾಗೆ An automation that is created from biological materials and resembles a human ಅಂತ.

ಓದುಗರು ಒಂದು ಮಾತನ್ನ ನೆನಪಿನಲ್ಲಿಟ್ಟುಕೊಳ್ಳಬೇಕು. ಈ ಹಿಂದೆ ಬರುತ್ತಿದ್ದ Call - SMS - Music - FM - Java Games ಇಷ್ಟು Application ಗಳನ್ನ Run ಮಾಡಲು ಬೇಕಾಗುತ್ತಿದ್ದಿದ್ದುದು Proprietary OS ( = propietary operating systems is one where an company designs, develops and markets it as their own system & for their own device. ) ಇದೀಗ ಜನಪ್ರಿಯವಾಗಿರುವ Smart Phone ಗಳಿಗೆ  Proprietary OS ಸಾಲುವುದಿಲ್ಲ. ಕಾರಣ ಅವೀಗ ಕೇವಲ Call - SMS - Music - FM... ಇತ್ಯಾದಿ ಚಿಕ್ಕಪುಟ್ಟ Function ಗಳಿಗಷ್ಟೇ ಸೀಮಿತವಾಗಿಲ್ಲ. ಬದಲಿಗೆ

• Web Browsing 
• One Click/Touch Social Network Connection 
• Word / Excel / PPT Create & Edit 
• Wi-Fi 
• 3G 
• GPS
• Touch Screen + Hardware KeyPad Input
• ChipSet Processor
• RAM
• ROM
• Big Storage Capacity Memory Card Compatibility
• HD Camera
• Video Editing
• Photo Editing
• Geo Tagging of Images
• TV out
• Multi Format Video Player
• eBook Reader

ಹೀಗೆ ಹತ್ತು ಹಲವು ಅಭಿಲಾಷೆಗಳು ಪೂರ್ತಿಯಾಗಬೆಕಂದ್ರೆ ಸರಳ code ಬಳಸಿ ಬರೆದ Proprietary OS ಸಹಾಯಕ್ಕೆ ಬರುವುದಿಲ್ಲ. ನೀವೇ ನೋಡಿ ಮೇಜಿನ ಮೇಲಿನ ಕಂಪ್ಯೂಟರ್ ಮಾಡುವ ಕೆಲಸಕ್ಕಿಂತ ಹೆಚ್ಚಿನ ಕರ್ತವ್ಯಗಳು smartphoneಗೆ ಆರೋಪಿತವಾಗಿವೆ. ಹೀಗಿರುವಾಗ ಅದಕ್ಕೆ ಕಂಪ್ಯೂಟರ್ ಗಿಂತ ಸಮರ್ಥವಾದ, ಯಾಕಂದ್ರೆ ಚಿಕ್ಕ Device - ಚಿಕ್ಕ Space ನಲ್ಲಿ ಅಷ್ಟೊಂದು ಅಗಾಧ ಕೆಲಸಕ್ಕೆ ಅಣಿಯಾಗಬೇಕಲ್ಲ ಅದಕ್ಕೆ, Operating System ಬೇಕೇ ಬೇಕು. ಈ ತುರ್ತಿನ ಬೇಡಿಕೆ ಪೂರೈಸಲು ಅನೇಕ mobile OS ಬರೆಯುವ ಕಂಪೆನಿಗಳು ತಲೆ ಎತ್ತಿದವು. ಅವುಗಳಲ್ಲಿ ಪ್ರಮುಖವಾದವುಗಳೆಂದರೆ

• Symbian OS by SYMBIAN
• iOS by APPLE
• Android OS by GOOGLE
• Windows Mobile OS by MICROSOFT
• BADA OS by SAMSUNG
• Blackberry OS by RIM
• Maemo OS by NOKIA
• MeeGo OS by LINUX

ಒಂದು ಸಮೀಕ್ಷೆಯ ಪ್ರಕಾರ ಸದ್ಯ ಮುಂಚೂಣಿಯಲ್ಲಿರುವುದು Symbian OS. ನಂತರದ ಸ್ಥಾನ iOS. ನಂತರ Blackberry OS. ನಂತರ Windows Mobile OS. ತದನಂತರದ ಅಂದರೆ ನಾಲ್ಕನೇ ಸ್ಥಾನ Android OSಗೆ. ಆದರೆ ಅದೇ ಸಮೀಕ್ಷೆ ಹೇಳುವುದೇನೆಂದ್ರೆ ಈಗಿನ ವೇಗದಲ್ಲಿಯೇ ಜನಪ್ರಿಯತೆ ಕಾಯ್ದುಕೊಂಡರೆ 2013ರವೇಳೆಗೆ Android OS ಪ್ರಥಮ ಸ್ಥಾನಕ್ಕೆ ಏರಲಿದೆ ಅಂತ. ಹೀಗಿರುವ Android OSನ ಜನಪ್ರಿಯತೆಯ ಗುಟ್ಟುಗಳನ್ನ ಕೆಳಕಂಡ ಕೋಷ್ಟಕ ರಟ್ಟು ಮಾಡಬಹುದು. ಓದಿ ನೋಡಿ :

Android OS	Windows MOS	iOS
GSM + CDMA	GSM+CDMA	GSM
Sim Unlocked	Sim Unlocked	Sim Locked
No Music Store (to be Launched)	ZUNE	iTUNES
Google Search Engine	Bing Search Engine	Spotlight Search Engine
Google Market	Microsoft Market Place	App Store ( Mobile Me )
	ಕೆಲವು ಪ್ರಮುಖ ವ್ಯತ್ಯಾಸಗಳು
Is An OpenSource OS		Not An OpenSource OS
As Google Is The King In The InternetWorld – Net Users Will Have An Advantage Always		Rely On Third Party Applications
Can Run Mutiple Apps @ A Time		Limited to mail-music&phone
Customisable Homescreen
Multiple Notifications		Limited Notifications
You Can Use Your Hardware		Use Only Apple Supplied
Sim Unlocked, So That U Can Choose Ur Carrier		Sim Locked, So U Cant Choose The Carrier of Ur Wish
Faster Settings Change		Bit Slower
Google & Other Social Networking is Superb here		But With Third Party Apps
Price Is Reachable		Price Is Not Reachable

ಖಾಲಿ ಬಿಟ್ಟ ಸ್ಥಳವನ್ನ(Windows MOS ಹೊರತುಪಡಿಸಿ), ಅದೇ ಕೆಲಸ ಮಾಡಿದರೂ Android ನಷ್ಟು ಸಮರ್ಥವಾಗಿ ಮಾಡುವುದಿಲ್ಲ ಅಂತ ಅರ್ಥೈಸಬೇಕು.

ಈ ಪಟ್ಟಿ ಓದಿದ ನಂತರವೂ ನಾನು Android ಬಗ್ಗೆ ಭಾಷಣ ಮಾಡುವುದು ತಪ್ಪು ಅಂತ ನಂಗೆ ಗೊತ್ತು.

Wide Screen : ವಿಶಾಲ ಪರದೆ ಇರುವುದರಿಂದ ಇಲೆಕ್ಟ್ರಾನಿಕ್  ರೂಪದ ಪುಸ್ತಕ ಓದಲು , ಅಂತರಜಾಲ ತಡಕಾಡುವಾಗ ಮಾಹಿತಿಯನ್ನ ಸ್ಪಷ್ಟವಾಗಿ ಗ್ರಹಿಸಲು , ಚಲನಚಿತ್ರಗಳ ವೀಕ್ಷಣೆ ಆನಂದದಾಯಕವಾಗಿಸಲು .. ಸಹಕಾರಿ.

1GHz Processor : ನಾವು ಬಳಸುವ ಕಂಪ್ಯೂಟರ್ ಗಳು ಸಾಮಾನ್ಯವಾಗಿ 2.0GHz ನಿಂದ 3.6GHz ವರೆಗಿನ ವೇಗವನ್ನ ಹೊಂದಿರುತ್ತವೆ. ಈಗ ಈ ಪಾಕೆಟ್ ಕಂಪ್ಯೂಟರ್ 1.0GHz ಹೊಂದಿರುವುದು ಅಲಕ್ಷ್ಯ ಮಾಡುವ ವೇಗವೇನಲ್ಲ.

Android Market : ಇದು ನಿಮ್ಮ ಸ್ಮಾರ್ಟ್ ಫೋನನ್ನ ಇನ್ನಷ್ಟು ಸ್ಪರ್ಧಾತ್ಮಕವಾಗಿಸಲು ಅವಶ್ಯವಿರುವ Applications ( Apps ಎನ್ನುವುದು Application Programmes ಎಂಬ ಪದದ ಮುದ್ದು ರೂಪ )  ಗಳು ದೊರೆಯುವ ಸ್ಥಳ. ಕೆಲವು App ಗಳು ಉಚಿತವಾಗಿದ್ದರೆ ಇನ್ನು ಕೆಲವನ್ನ ಖರೀದಿಸಬೇಕು. 2008ರಲ್ಲಿ ಪ್ರಾರಂಭವಾದ ಈ ಮಾರುಕಟ್ಟೆಗೆ ನಿಮ್ಮ Brain Child ಗಳಾದ ನೀವೇ ತಯಾರಿಸಿದ Android Compatible App ಗಳನ್ನ ಸೇರಿಸಬಹುದು. ಕಾರಣ - Android ಒಂದು OpenSource Operating System.

*****

ಇದಿಷ್ಟು ಡೆಲ್ ಸ್ಟ್ರೀಕ್ ಬಗ್ಗೆ ನಾನು ನಿಮಗೆ ಸದ್ಯಕ್ಕೆ ತಿಳಿಸಬೇಕೆಂದಿದ್ದು. ನಿಮಗೆ ಇದಕ್ಕೆ ಇನ್ನೂ ಸ್ವಲ್ಪ ಸೇರಿಸುವ ಮನಸಾಗಿದ್ರೆ ಖಂಡಿತ ಸೇರಿಸಿ. ಒಂದೆರಡು ಸಾಲಲ್ಲ. ನೀವು ಸಾವಿರ ಸಾಲು ಬರೆದರೂ ಬೇಡ ಅನ್ನುವುದಿಲ್ಲ ನಾನು !!

ಸದ್ಯ ಸ್ಪರ್ಧೆಯಲ್ಲಿರುವ ಪ್ರಮುಖ Pocket PC ಗಳೆಂದ್ರೆ

Apple iPad

Samsung Galaxy TAB

Dell Streak

 

Blackberry PlayBook

Cisco Cius

HP Slate

Toshiba Libretto

Asus eepad

Lenovo ideapad

 

NEC LifeTouch

ಸ್ಟ್ರೀಕ್ ಬಗ್ಗೆ ಗೊತ್ತಾಯ್ತು. ಸ್ಪರ್ಧೆಯಲ್ಲಿರುವ ಇತರ ಸ್ಪರ್ಧಾರ್ಥಿಗಳ ಹೆಸರೂ ತಿಳಿದುಕೊಂಡಾಯ್ತು. ಆದರೆ ಸದರಿ ಸ್ಪರ್ಧೆಗೆ ಕಿಚ್ಚು ಹಚ್ಚಿದ್ದು ಯಾರು ಗೊತ್ತಾ ?!

ಹಾಂ. ಅಮೇಜಾನ್ ಕಿಂಡಲ್. ಇ ಬುಕ್ ರೀಡರ್ ಆಗಿ ಕ್ರಾಂತಿಯನ್ನೇ ಸೃಷ್ಟಿಸಿದ ಇದು ಹೊಸ ಸ್ಪರ್ಧೆಗೆ ದಾರಿ ಮಾಡಿ ಕೊಟ್ಟಿದೆ. ನಿಮಗೆ ಕಿಂಡಲ್ ಬಗ್ಗೆ ಏನೇನು ಗೊತ್ತು ?

: e - ಶ

ಬ್ಲ್ಯಾಕ್ ಬೆರ್ರಿಯ ಸಾಮ್ರಾಜ್ಯದೊಳಗೊಂದಷ್ಟು ಹೊತ್ತು ... 3

.

(( ... ಮುಂದುವರೆದಿದೆ ))

ಬ್ಲ್ಯಾಕ್ ಬೆರ್ರಿ ಮೆಸೆಂಜರ್ & ಬ್ಲ್ಯಾಕ್ ಬೆರ್ರಿ ಪಿನ್ : ಬ್ಲ್ಯಾಕ್ ಬೆರ್ರಿ ಮೆಸೆಂಜರ್ ಇದು ಕೇವಲ ಬ್ಲ್ಯಾಕ್ ಬೆರ್ರಿಗಳಿಗಾಗಿ ಮಾತ್ರ ತಯಾರಾಗಿರುವ ಇನ್ ಸ್ಟಂಟ್ ಮೆಸೆಂಜರ್ ಸೇವೆ. ನಮ್ಮ ಭಾರತೀಯ ಅಂಚೆ Snail Mail ಆದ್ರೆ ಈಮೇಲ್ ಗಳು Fast Mail ಗಳಾದವು. ಈಗ ಈ ಮೆಸೆಂಜರ್ ಗಳು ( Instant Messaging ) Snap Mail ಗಳಾಗ್ತಿದಾವೆ. ಗೂಗಲ್ ಚಾಟ್ ನಿಮಗೆಲ್ಲ ಗೊತ್ತಿರಬಹುದು. ಅದು ಗೊತ್ತಿದ್ದರೆ ವಿವರಣೆ ಅಗತ್ಯವಿಲ್ಲ. ಗೊತ್ತಿಲ್ಲದಿರುವವರಿಗೆ ಈ ಪುಟ್ಟ ವಿವರಣೆ.

{ ಈ Instant Messaging ( IM ) ಅಂದ್ರೆ, ನಾವು ಅಂತರಜಾಲದಲ್ಲಿನ ನಮ್ಮ mail ಮನೆಯ ವಿಳಾಸದಲ್ಲಿ ವಿರಾಜಮಾನರಾಗಿರುವ ಸಮಯದಲ್ಲಿ ಮಾತ್ರ, ಸಮ ಸಮಯದಲ್ಲಿ ತಂತಮ್ಮ ವಿಳಾಸದಲ್ಲಿ ಇರುವ  - ನಮ್ಮ ವಿಳಾಸಪಟ್ಟಿಯಲ್ಲಿರುವ - ವ್ಯಕ್ತಿಯ ಜೊತೆ ದೂರವಾಣಿ ಸಂಭಾಷಣೆಯಷ್ಟೇ ವೇಗದಲ್ಲಿ ಬರಹದ ಮೂಲಕ ವ್ಯವಹರಿಸಲನುಕೂಲವಾಗುವ ಸಾಧನ.  ಅಲ್ಲಿ ಮಾತು - ಇಲ್ಲಿ ಬರಹ. ನಾವು ಬರೆಯುವ ಸಾಲು ಕ್ಷಣವಿಳಂಬವಿಲ್ಲದೇ ನಮ್ಮ ಸ್ನೇಹಿತನ ಕಂಪ್ಯೂಟರ್ ಪರದೆಯ ಮೇಲೆ ಮೂಡುತ್ತದೆ. ಅದಕ್ಕವನು ಬರೆಯುವ ಮರುಸಂದೇಶ ನಮ್ಮ ಕಂಪ್ಯೂಟರ್ ಪರದೆಯ ಮೇಲೂ ಕಾಲವಿಳಂಬವಿಲ್ಲದೇ ಮೂಡುತ್ತದೆ. ಇದುವೇ INSTANT MESSAGING. }

ಇಂತಿಪ್ಪ IM ಸೇವೆಯನ್ನ ಪುಟ್ಟ ಕಂಪ್ಯೂಟರ್ ಎಂದೇ ಜನಮಾನಸದಲ್ಲಿ ಪಡೆಮೂಡಿರುವ ಮೊಬೈಲ್ ನಲ್ಲೂ ನೀಡಬೇಕೆಂದು ತಂತ್ರಜ್ಞರು ಶ್ರಮಿಸಿದ್ದಾರೆ, ಯಶಸ್ಸೂ ಪಡೆದಿದ್ದಾರೆ. ಅದೇ ರೀತಿ RIM ನಲ್ಲಿರುವ ತಂತ್ರಜ್ಞರೂ ಕೂಡ. ಅವರು ಬ್ಲ್ಯಾಕ್ ಬೆರ್ರಿ ಮೊಬೈಲ್ ಗೆ ಒಂದು ವಿಶಿಷ್ಟ ಪಿನ್ ಸಂಖ್ಯೆಯನ್ನ ನೀಡ್ತಾ ಬಂದಿದಾರೆ. ಅದೇ BlackBerry PIN(Personal Identification Number). ನಾವು ನಮ್ಮ ಸ್ನೇಹಿತನ ಜೊತೆ ಬ್ಲ್ಯಾಕ್ ಬೆರ್ರಿ ಮೆಸೆಂಜರ್ ಮೂಲಕ ಸಂಪರ್ಕ ಸಾಧಿಸಲು ಈ ಪಿನ್ ಅತ್ಯವಶ್ಯ. ಹೀಗೆ ಸಂಪರ್ಕ ಸಾಧಿಸಿ ಬ್ಲ್ಯಾಕ್ ಬೆರ್ರಿ ಮೆಸೆಂಜರ್ ಮೂಲಕ IM ಸೇವೆ ಪಡೆಯಲು ಅವನ ಬಳಿಯೂ  ಬ್ಲ್ಯಾಕ್ ಬೆರ್ರಿ ಮೆಸೆಂಜರ್ ಇರುವ ಬ್ಲ್ಯಾಕ್ ಬೆರ್ರಿ ಮೊಬೈಲೇ ಇರಬೇಕು. ಯೂನಿಕ್ ಪಿನ್ ಮೂಲಕ Login ಆಗಬೇಕು. ಸದರಿ ಸಂಖ್ಯೆಯಿಂದಲೇ ನಮ್ಮ ಮೊಬೈಲ್ ನ ಗುರುತು ಪತ್ತೆ. ಯಾಕಂದ್ರೆ ಇದು ಪ್ರತಿ ಮೊಬೈಲ್ ನ ಯೂನಿಕ್ ಸಂಖ್ಯೆ.

ಆದರೆ ಈ ಬ್ಲ್ಯಾಕ್ ಬೆರ್ರಿ ಮೆಸೆಂಜರ್ ಸೇವೆ ಕೇವಲ ಎರಡು ಬ್ಲ್ಯಾಕ್ ಬೆರ್ರಿ ಮೊಬೈಲ್ ಗಳ ನಡುವೆ ಮಾತ್ರ ಸಾಧ್ಯವಿದ್ದು ಇನ್ನಿತರ ಮೊಬೈಲ್ ಹೊಂದಿದ್ದು, ಅದರಲ್ಲಿ ಎಷ್ಟೇ ಸುಧಾರಿತ IM App ಇದ್ದರೂ ಪ್ರಯೋಜನವಾಗುವುದಿಲ್ಲ. ಇದು ಪಾರಮ್ಯದ ಹೆಸರಿನಲ್ಲಿ ತಮ್ಮನ್ನು ತಾವು ಪ್ರತ್ಯೇಕಿಸಿಕೊಳ್ಳುವ ಕೆಲವು High Profile ಸಾಧನಗಳ ಹಿನ್ನಡೆ.

ಇಂಥದೇ ಹಿನ್ನಡೆಯನ್ನು ಆಪಲ್ ನ ಐಫೋನ್ / ಐಪಾಡ್ ಕೂಡ ಅನುಭವಿಸಿವೆ. ಥಳುಕು ಬಳುಕು & ಅಪರಿಮಿತ ಅವಕಾಶಗಳನ್ನ ಒತ್ತಟ್ಟಿಗಿಟ್ಟು ನೋಡಿದರೆ, ಇಂಥ ಪಾರಮ್ಯದ ಫಲವಾಗಿ ಬರುವ ಪ್ರತ್ಯೇಕತೆಗಳಿಂದ ಬಳಕೆದಾರ ಅನೇಕ ಸಾರಿ ಪೇಚಿಗೆ ಸಿಲುಕುತ್ತಾನೆ ಮತ್ತು ಎಲ್ಲರೂ ಇದ್ದೂ ಯಾರೂ ಇಲ್ಲದ ಭಾವ ಅವನಲ್ಲಿ ಮೂಡುತ್ತದೆ. Apple iPOD ಗೆ ಹಾಡು ತುಂಬಿಸಲು iTUNES ನಿಂದ ಮಾತ್ರ ಸಾಧ್ಯ !! ಎನ್ನುವುದು ಒಂದು ಉದಾಹರಣೆ. Apple iPOD ಖರೀದಿದಾರನ ಹತ್ತಿರ ಕಂಪ್ಯೂಟರ್ ಇರಬೇಕು. ಮತ್ತದರಲ್ಲಿ ಐಟ್ಯೂನ್ ಕೂಡ ಇರಬೇಕು ಎಂದರೆ ಎಂಥ ನ್ಯಾಯ ?

ಇವಿಷ್ಟು ನನಗೆ ಗೊತ್ತಿರುವ ಬ್ಲ್ಯಾಕ್ ಬೆರ್ರಿ ಸಾಮ್ರಾಜ್ಯದ ಹೆದ್ದಾರಿಗಳು. ನಂಜೊತೆ ಇಷ್ಟು ಹೊತ್ತು ಅಲ್ಲಿ ಸುತ್ತಾಡಿದ್ದಾಯ್ತು. ಏನನ್ನಿಸಿತು ನಿಮಗೆ ಅಂತ ಹೇಳಲೇ ಇಲ್ಲ ?!! ಪ್ರವಾಸ ಪ್ರಯಾಸವಾಯಿತೇ ? ಅಥವಾ ಹೊಸ ಲೋಕದ ಪರಿಚಯದ ಸಂಕೇತವಾಯಿತೇ ? ತಿಳಿಸಲು ಮರೆಯಬೇಡಿ.

: e - ಶ

.

ಬ್ಲ್ಯಾಕ್ ಬೆರ್ರಿಯ ಸಾಮ್ರಾಜ್ಯದೊಳಗೊಂದಷ್ಟು ಹೊತ್ತು ... 2

(( ... ಮುಂದುವರೆದ ಭಾಗ ))

ಜನಮನ ಗೆದ್ದಿರುವ ಈ ಬ್ಲ್ಯಾಕ್ ಬೆರ್ರಿ ಮೊಬೈಲ್ ನ ಒಳ ಹೂರಣವನ್ನ ಅರಿಯೋಣ ಈಗ :

ಆಪರೇಟಿಂಗ್ ಸಿಸ್ಟಮ್ (operating system) : ಪ್ರತಿ ಮೊಬೈಲ್ ಆಪರೇಟಿಂಗ್ ಸಿಸ್ಟಮ್ ನಂತೆ ಇದೂ ಕೂಡ C++ ಭಾಷೆ ಬಳಸಿ ಬರೆಯಲ್ಪಟ್ಟಿದೆ. ಇದೇ ಸಮಯದಲ್ಲಿ ಇನ್ನಿತರ ಕಂಪೆನಿಗಳು ತಯಾರಿಸಿರುವ ಮೊಬೈಲ್ ಆಪರೇಟಿಂಗ್ ಸಿಸ್ಟಮ್ ಗಳ ಹೆಸರುಗಳನ್ನ ಒಂದು ಸಾರಿ ಮೆಲುಕು ಹಾಕಿ ಬಿಡೋಣ :

OS ಹೆಸರು	ತಯಾರಿಸಿದ ಕಂಪೆನಿ	ಇತ್ತೀಚಿನ ಮೊಬೈಲ್	ಸದ್ಯದ OS Version
iOS	Apple Inc.	iPhone 4	4.1
BADA	Samsung Electronics	Samsung Wave S8500	1.0.2
Android	Google Inc.		2.2.1
Blackberry	Research In Motion	Blackberry Torch 9800	6.0
Symbian	Symbian Foundation	Nokia N8	Symbian^3
MeeGo	Intel & Linux Foundation & Nokia & MeeGo Community	Day 1	1.0.4
Windows Phone 7	Microsoft Corporation	Samsung Focus	Windows Phone 7
Maemo	Nokia	Nokia N900	5.0
WebOS	Palm Inc. & HP	--	1.4.5

ಇನ್ನೊಂದು ಅಂಶವನ್ನ ನೀವು ಗಮನಿಸಬೇಕು. ಮೊಬೈಲ್ ನ ಹೊರ ರೂಪಗಳು ಅಂದ್ರೆ ಟಚ್ ಸ್ಕ್ರೀನ್ ಅಥವಾ ಟ್ರ್ಯಾಕ್ ಬಾಲ್ ಅಥವಾ ಟ್ರ್ಯಾಕ್ ಪ್ಯಾಡ್ ಇವುಗಳ ಇರುವಿಕೆ ಆಪರೇಟಿಂಗ್ ಸಿಸ್ಟಮ್ ಅನ್ನು ಖಂಡಿತವಾಗಿ ಅವಲಂಬಿಸಿವೆ. ಅಂದ್ರೆ ಆ Device ನಲ್ಲಿ ಟ್ರ್ಯಾಕ್ ಬಾಲ್ ಅಳವಡಿಸಬೇಕಾದಲ್ಲಿ ಅದಕ್ಕೆ ತಕ್ಕ ತಂತ್ರಾಂಶವನ್ನ Operating System ನಲ್ಲಿ ಬರೆದಿರಬೇಕು. ಸದರಿ ಬ್ಲ್ಯಾಕ್ ಬೆರ್ರಿಯ OS , TouchScreen & TrackBall & TrackPad ಗಳ ಇರುವಿಕೆಯನ್ನ ಬೆಂಬಲಿಸುತ್ತದೆ ( Support ).

ಈಗ ಹೊಸತಾಗಿ ಬಿಡುಗಡೆ ಮಾಡಿರುವ BlackBerry 6 OS ನಲ್ಲಿ ಹೊಸ ಹೊಸ ಅಂಶಗಳನ್ನ ಸೇರಿಸಿದೀವಿ ಅಂತ RIM ಹೇಳಿಕೊಳ್ತಿದೆ. ಅವನ್ನ ಚುಟುಕಾಗಿ ತಿಳಿಯೋಣ :

• Social Networking ಗೆ ಪ್ರಾಮುಖ್ಯತೆ ನೀಡಿ, Update ಪಡೆಯುವ ಮತ್ತು ನೀಡುವ ವಿಧಾನಗಳನ್ನ ಸರಳಗೊಳಿಸಲಾಗಿದೆ.
• ಅತಿ ಜನಪ್ರಿಯ Opera Mini Browser ಅನ್ನ ಬಳಸದೇ ತಮ್ಮದೇ Proprietary Browser ನೀಡುವ ಇವರು ಅದನ್ನ ಅಭಿವೃದ್ಧಿಪಡಿಸಿ, Multi Tabbed Browsing ಗೆ ಅವಕಾಶ ನೀಡಿ ಬೀಗುತ್ತಿದ್ದಾರೆ !!
• ಒಂದು ಸರ್ಚ್ ಇಂಜಿನ್ ನೀಡಿ ಅದನ್ನ ಅಂತರಜಾಲಕ್ಕೆ ಸಂಪರ್ಕಿಸಿರುವುದರಿಂದ ನಿಮಗೆ ಬೇಕಾಗಿರುವ ಮಾಹಿತಿ ಯನ್ನ ತಕ್ಷಣಕ್ಕೆ ಜಗತ್ತನ್ನೇ ಹುಡುಕಿ ಪಡೆಯುವ ಅವಕಾಶವಿದೆ.
• Multimedia ವಿಭಾಗವನ್ನ ಸ್ವಲ್ಪ ಮಟ್ಟಿಗೆ ಸುಧಾರಿಸಲಾಗಿದೆ.
• ಜೊತೆಗೆ Cute GUI ಅಂತ ಹೇಳಿಕೊಳ್ತಿದಾರೆ.

ಆದರೆ,

ಇತರ ಮೊಬೈಲ್ ಕಂಪೆನಿಗಳು ಮೇಲಿನ ಎಲ್ಲ ಅಂಶಗಳ ಜೊತೆಗೆ ಇನ್ನೂ ಅನೇಕ ಆಸಕ್ತಿದಾಯಕ ಅಂಶಗಳನ್ನ ತಮ್ಮ ಮೊಬೈಲ್ ಗಳಲ್ಲಿ ಈಗಾಗಲೇ ಸೇರಿಸಿ ಸದರಿ ಬ್ಲ್ಯಾಕ್ ಬೆರ್ರಿಯ ಸೇರ್ಪಡೆಗಳನ್ನ ಎಂದೋ ಹಳತಾಗಿಸಿರುವುದು RIM ಗಮನಕ್ಕೆ ಬಂದಿದೆಯೋ ಇಲ್ಲವೋ ?!!

ಒಂದ್ಸಾರಿ ಇಲ್ಲಿ ಭೇಟಿ ನೀಡಿ :  http://www.htc.com/www/product/touchdiamond2/product-tour.html

Push Mail : ಇನ್ನು ಬ್ಲ್ಯಾಕ್ ಬೆರ್ರಿಯ USP( Unique Selling Point / Proposition )ಯಾಗಿರುವ ಕಾರ್ಪೊರೇಟ್ ಈಮೇಲ್ ವ್ಯವಸ್ಥೆ ಬಗ್ಗೆ ತಿಳಿಯೋಣ. ಅದುವೇ ಪುಷ್ ಮೇಲ್. ಪುಷ್ ಮೇಲ್  ಅಂದ್ರೆ ನಿಮ್ಮ ಈ ಮೇಲ್ ವಿಳಾಸಕ್ಕೆ ತಲುಪಿದ ಹೊಸ ಸಂದೇಶವನ್ನ ಅದೇ ಕ್ಷಣಕ್ಕೆ ವಿಳಂಬವಿಲ್ಲದೇ ನೇರವಾಗಿ ನಿಮಗೆ ತಲುಪಿಸುವ ವ್ಯವಸ್ಥೆ. ಈ ವಾಕ್ಯದಲ್ಲಿ ನೇರವಾಗಿ ನಿಮಗೆ ಅನ್ನುವ ಪದ ಬಹಳ ಮುಖ್ಯವಾಗಿದ್ದು Push Mail ಸೇವೆಗಾಗಿ ನಾವು ಬಳಸುವ Device ಸದಾ ನಮ್ಮ ಮಡಿಲಲ್ಲೇ ಇರುತ್ತದೆ ಎನ್ನುವ ಊಹೆ ಇಲ್ಲಿ ಅತಿಮುಖ್ಯ ಕೆಲಸ ಮಾಡಿದೆ. ಹೀಗೆ ಸದಾ ನಮ್ಮ ಬಳಿಯೇ ಇರುವ Device ಒಂದಕ್ಕೆ , ನಮ್ಮ ವಿಳಾಸವಿಟ್ಟುಕೊಂಡು ಬರುವ ಸಮಸ್ತ email ಗಳನ್ನ Service Provider Server ನಿಂದ ' ನೇರವಾಗಿ ನಮಗೇ ' ಕಳಿಸಲ್ಪಡುವ ವ್ಯವಸ್ಥೆಯೇ Push Mail.

ಸದರಿ ಪುಷ್ ಮೇಲ್ ಸೇವೆ ನೀಡಲು MIDP ( Mobile Information Device Profile ) ಎಂಬ ಜಾವಾ ಆಧಾರಿತ ಪುಟ್ಟ ತಂತ್ರಾಂಶ ಬಳಕೆಯಾಗುತ್ತದೆ. ಈ MIDP ಬಳಸಿ BES ( Blackberry Enterprise Server) { ಈ ಸರ್ವರ್ ಸಲುವಾಗಿಯೇ ಇತ್ತೀಚೆಗೆ ಬ್ಲ್ಯಾಕ್ ಬೆರ್ರಿಯನ್ನ ಜಗತ್ತಿನಾದ್ಯಂತ ಅನೇಕ ದೇಶಗಳು ತರಾಟೆಗೆ ತೆಗೆದುಕೊಂಡಿದ್ದು } ನಲ್ಲಿ ನೀವು ಮುಂಚೆಯೇ SetUp ಮಾಡಿರುವ ನಿಮ್ಮ Account ಗೆ ಬರುವ ಸಂದೇಶಗಳನ್ನ ನಿಮಗೆ ನೇರವಾಗಿ ತಡವಿಲ್ಲದೇ ಕಳಿಸಲಾಗುತ್ತದೆ.

(( ... ಮುಂದುವರೆಯುವುದು ))

: e - ಶ

ಬ್ಲ್ಯಾಕ್ ಬೆರ್ರಿಯ ಸಾಮ್ರಾಜ್ಯದೊಳಗೊಂದಷ್ಟು ಹೊತ್ತು ... 1

ಆ್ಯಪಲ್ ಇನ್ ಕಾರ್ಪೋರೇಷನ್ ಬ್ಲ್ಯಾಕ್ ಬೆರ್ರಿ ಮೊಬೈಲ್ ಸಾಮ್ರಾಜ್ಯವನ್ನ ಸೋಲಿಸಿದ್ದೇವೆ ಅಂತ ಘೋಷಿಸುವುದರ ಜೊತೆಗೆ ತಾನು ಸಾಧಿಸಿರುವ ಅಧಿಪತ್ಯವನ್ನ ಮತ್ತೊಮ್ಮೆ ನಮ್ಮಗಳಿಗೆ ಮನದಟ್ಟು ಮಾಡಿಕೊಟ್ಟ ಹಾಗಾಗಿದೆ. { ಕಳೆದ ತ್ರೈಮಾಸಿಕದಲ್ಲಿ 1,41,00,000 ಐಫೋನ್ ಗಳನ್ನ ಮಾರಾಟ ಮಾಡಿರುವ ಆ್ಯಪಲ್ 1,21,00,000  ಬ್ಲ್ಯಾಕ್ ಬೆರ್ರಿ ಮೊಬೈಲ್ ಗಳನ್ನ ಮಾರಾಟ ಮಾಡಿರುವ ರಿಮ್ ( RIM = Research In Motion ) ಅನ್ನ ಹಿಂದಿಕ್ಕಿದೆ. ಈ ಅಂಕಿ ಸಂಖ್ಯೆಯೂ ಸಾಲದೆಂಬಂತೆ ತನ್ನ 70% ಆದಾಯ ವೃದ್ಧಿಯ ಬಗ್ಗೆಯೂ ಹೇಳಿಕೊಂಡಿದೆ. ( ಕಳೆದ ವರ್ಷ 4ನೇ ತ್ರೈಮಾಸಿಕದಲ್ಲಿ $ 2.53 ಬಿಲಿಯನ್ ಆದಾಯ ಗಳಿಸಿದ್ದ ಆ್ಯಪಲ್ ಈ ವರ್ಷ ಅದೇ ತ್ರೈಮಾಸಿಕದಲ್ಲಿ $ 4.31 ಬಿಲಿಯನ್ ಆದಾಯ ಗಳಿಸಿದೆ. ) } ವ್ಯಾಪಾರದಲ್ಲಿ ಅದು ಸಾಧಿಸಿರುವ 70 ಪ್ರತಿಶತ ಲಾಭಾಂಶ ವೃದ್ಧಿಯೊಂದಿಗೆ ಇಲ್ಲಿಯವರೆಗೆ ಉತ್ತರ ಅಮೆರಿಕದ ಮಾರುಕಟ್ಟೆಯನ್ನ ಆಳುತ್ತಿದ್ದ ಬ್ಲ್ಯಾಕ್ ಬೆರ್ರಿ ಮೊಬೈಲ್ ನಿಂದ ಆ್ಯಪಲ್ ಐ ಫೋನ್ ಸಿಂಹಾಸನವನ್ನ ಕಸಿದುಕೊಂಡಿದೆ. ಇಂದು ಇಷ್ಟೊಂದು ಹೆಸರು ಮಾಡಿರುವ ಆ್ಯಪಲ್ ಬಗ್ಗೆ ಅಲ್ಲಲ್ಲ ಹೆಸರು ಮಾಡಿದ್ದ ಬ್ಲ್ಯಾಕ್ ಬೆರ್ರಿ ಮೊಬೈಲ್ ಬಗ್ಗೆ ಸ್ವಲ್ಪ ತಿಳಿದುಕೊಳ್ಳಲು ಪ್ರಯತ್ನ ಮಾಡೋಣ :

• ಬ್ಲ್ಯಾಕ್ ಬೆರ್ರಿ ಮೊಬೈಲ್ : ಇದು 1995ರಿಂದ ರಿಸರ್ಚ್ ಇನ್ ಮೋಶನ್ ಸಂಸ್ಥೆಯಿಂದ ತಯಾರಾಗುತ್ತಿರುವ ಮೊಬೈಲ್ ಬ್ರ್ಯಾಂಡ್.
• ಕೆನಡಾದ ವಾಟರ್ ಲೂ, ಒಂಟಾರಿಯೋ ದಲ್ಲಿ RIM ತನ್ನ ಮುಖ್ಯ ಕಚೇರಿಯನ್ನ ಹೊಂದಿದೆ.
• ಮೈಕ್ ಲ್ಯಾಝಾರಿಡಿಸ್ ಈ ಸಂಸ್ಥೆಯ ಸಂಸ್ಥಾಪಕ.

ಈಗ ಬ್ಲ್ಯಾಕ್ ಬೆರ್ರಿಯ ಮೊಬೈಲ್ ಗಳ ಸಾಮ್ರಾಜ್ಯಕ್ಕೆ ಕಾಲಿಡೋಣ :

ತೀರ ಇತ್ತೀಚಿನ Torch 9800

ಈ ಹಿಂದಿನ Flip ಮಾದರಿಯ, ಮಹಿಳೆಯರ ಮನಸೂರೆಗೊಂಡ Style

ಜನಪ್ರಿಯತೆಯನ್ನ ತಣಿಸಲು Bold ವಿನ್ಯಾಸದಲ್ಲಿ Tour

ಮೊದಲ TouchScreen : Storm

Curve ಜನಪ್ರಿಯಯತೆಯನ್ನ ಉಳಿಸಿ ಬೆಳೆಸಿದ Bold

ಜನಮನ ಗೆದ್ದ Curve

ಗಾತ್ರ ತಗ್ಗಿಸಲು Pearl

ಇಂದಿನ Torch ನ ಅಜ್ಜಂದಿರು

ಸಂಸ್ಥೆಯ ವೆಬ್ ವಿಳಾಸದಲ್ಲಿ ತಾವು ತಯಾರಿಸಿರುವ SmartPhone ಗಳ ಪಟ್ಟಿಯಲ್ಲಿ ಅವರೀಗ ಹೆಸರಿಸುತ್ತಿರುವುದು  ಇವಿಷ್ಟನ್ನ ಮಾತ್ರ( ಅಜ್ಜಂದಿರನ್ನ ಹೊರತುಪಡಿಸಿ ). ಇಲ್ಲಿ ನಾವು ಗಮನಿಸಬೇಕಾದ ಅಂಶವೇನೆಂದ್ರೆ ಇದೊಂದು High End / High Society / Corporate ಜಗತ್ತಿಗಾಗಿ ಮೊಬೈಲ್ ತಯಾರಿಸುತ್ತಿರುವ ಸಂಸ್ಥೆ. ಇವರು ನೂರಾ ಎಂಟು ಮಾಡೆಲ್ ಗಳನ್ನ ಜೀವಂತವಾಗಿರಿಸಿ ಎಲ್ಲಕ್ಕೂ ಬೇಡಿಕೆ - ಪೂರೈಕೆ ಸಾಧಿಸುವ ಬದಲು, ಕೆಲವೇ ಕೆಲವು ಅತ್ಯುತ್ತಮ ಗುಣಮಟ್ಟದ ಮಾಡೆಲ್ ಗಳಿಗೆ ಜೀವ ಇಟ್ಟು , ಕಾಲದಿಂದ ಕಾಲಕ್ಕೆ ಜನರ ಅಭಿರುಚಿಗನುಗುಣವಾದ ಹೊಸ ಹೊಸ ಮಾಡೆಲ್ ಗಳನ್ನ ಮಾರುಕಟ್ಟೆಗೆ ಪರಿಚಯಿಸಿ ಹಳತೆನಿಸಿದ ಮೊಬೈಲ್ ಗಳನ್ನ ನೇಪಥ್ಯಕ್ಕೆ ಸೇರಿಸುವ ಜಾಣತನ ರೂಢಿಸಿಕೊಂಡಿದ್ದಾರೆ.

(( ...ಮುಂದುವರೆಯುವುದು ))

: e - ಶ