Commemorative Coins : ಸಂಸ್ಮರಣ ನಾಣ್ಯಗಳು

ಮೇಲ್ಕಂಡ ಚಿತ್ರದಲ್ಲಿ ಕಾಣುವಂತೆ ನಮ್ಮ ಭಾರತ ಸರ್ಕಾರ ಅನೇಕ ಮಹಾಪುರುಷರನ್ನ ನೆನೆಯುವ, ದಿನಾಚರಣೆಗಳ ವಾರ್ಷಿಕೋತ್ಸವಗಳು, ಸಂಸ್ಥೆಗಳ ಜಯಂತಿ ... ಇತ್ಯಾದಿಗಳನ್ನ ನಾಣ್ಯಗಳ ಹಿಂಬದಿಯ ಮೇಲೆ ಮುದ್ರಿಸಿ ಹಂಚಿದ್ದೂ ಆಗಿದೆ, ನಾವು ಅವನ್ನ ನೋಡಿದ್ದು - ಬಳಸಿದ್ದೂ ಆಗಿದೆ. ಈಗ ಆ ಸಂಸ್ಮರಣಾ ನಾಣ್ಯಗಳ ಬಗ್ಗೆ ಸ್ವಲ್ಪ ತಿಳಿದುಕೊಳ್ಳೋಣ :

• ಮೊದಲಿಗೆ ತಿಳಿಯಬೇಕಾಗಿರುವ ವಿಷಯ ಸದರಿ ನಾಣ್ಯಗಳನ್ನ Commemorative Coins ಅಂತಾರೆ ಅನ್ನೋದನ್ನ. ಮೊದಲ ಬಾರಿಗೆ ಇವನ್ನ ಭಾರತದ ಮೊದಲ ಪ್ರಧಾನಿ ನೆಹರೂರವರ ಜನ್ಮದಿನದ ಅಂಗವಾಗಿ 1964ರಲ್ಲಿ ಟಂಕಿಸಲಾಯಿತು.
• ಈ ತರಹದ Commemorative Coins ಗಳು ಸಾಮಾನ್ಯ ಚಲಾವಣೆಗಾಗಿಯೂ ತಯಾರಿಸಬಹುದು ಅಥವಾ ಕೇವಲ ಸಂಗ್ರಹದ ಹವ್ಯಾಸವುಳ್ಳವರಿಗೆಂದೇ ತಯಾರಿಸಬಹುದು.
• ಕಡಿಮೆ ಮುಖಬೆಲೆಯ ನಾಣ್ಯಗಳನ್ನ ಚಲಾವಣೆಗೆ ಬಿಟ್ಟು ಹೆಚ್ಚಿನ ಮುಖಬೆಲೆಯ(100/- ) ನಾಣ್ಯಗಳನ್ನ ಸಂಗ್ರಹಕ್ಕೆ ಮಾತ್ರ ನೀಡುವುದು ವಾಡಿಕೆ. ಸಾಮಾನ್ಯವಾಗಿ ಸಂಸ್ಮರಣ ಸಂಚಿಕೆಯ ನಾಣ್ಯಗಳ ಮುಖಬೆಲೆ 5 ಪೈಸೆ ಯಿಂದ ಹಿಡಿದ100 ರೂಪಾಯಿ ವರೆಗೆ ಇರುತ್ತದೆ.
• ಹೀಗೆ ಟಂಕಿಸಲಾಗುವ ನಾಣ್ಯಗಳಿಗಾಗಿ ಬಳಸುವ ಲೋಹವೂ ವ್ಯತ್ಯಾಸವಾಗುತ್ತದೆ. ಕೆಲವೊಮ್ಮೆ ಸಂಗ್ರಹಕ್ಕಾಗಿರುವ ಹೆಚ್ಚಿನ ಮುಖಬೆಲೆಯ ನಾಣ್ಯಗಳನ್ನ ಬೆಳ್ಳಿಯಲ್ಲಿ ತಯಾರಿಸಿ, ಇನ್ನುಳಿದವುಗಳನ್ನ ವಾಡಿಕೆಯಂತೆ ಟಂಕಿಸಲಾಗುತ್ತದೆ.
• ಸಂಸ್ಮರಣ ಸಂಚಿಕೆಯ ಎಲ್ಲ ನಾಣ್ಯಗಳನ್ನೂ ಚಲಾವಣೆಯಲ್ಲಿ ತರಬೇಕೆಂದೇನಿಲ್ಲ.
• ಹೀಗೆ ಟಂಕಿಸಲಾಗಿಗುವ ಸಂಸ್ಮರಣ ನಾಣ್ಯಗಳ ಸಂಗ್ರಹ ಹವ್ಯಾಸವಿರುವವರಿಗೆ ಅನುಕೂಲವಾಗಲೆಂದೇ UNC Sets ( Uncirculated Sets ) ( ಚಲಾವಣೆಗೆ ತರದ ನಾಣ್ಯಗಳು ) ಮತ್ತು Proof Sets ( ಚಲಾವಣೆಗೆ ಮುಂಚೆ ಸಂಗ್ರಹಕಾರರಿಗೆಂದೇ ಬಿಡುಗಡೆ ಮಾಡುವ ನಾಣ್ಯಗಳು - ಒಂದು ಚಿತ್ರದ ಹಿಂದಿನ ದಿನದ ಪ್ರೀಮಿಯರ್ ಷೋ ಇದ್ದ ಹಾಗೆ !! ) ಎಂಬೆರಡು ವಿಧದಲ್ಲಿ ನೀಡುವುದು ವಾಡಿಕೆ.
• ಕೇಂದ್ರ ಸರ್ಕಾರ 2006ರಲ್ಲಿ Security Printing & Minting Corporation of India Ltd. ಅನ್ನ ಸ್ಥಾಪಿಸಿತು. ಇದರ ಅಡಿಯಲ್ಲಿ ದೇಶದ ಎಲ್ಲ 9 ಟಂಕಶಾಲೆಗಳು ( ನೋಟು ಮುದ್ರಣಾಗಾರಗಳನ್ನೂ ಸೇರಿಸಿ ) ಕಾರ್ಯನಿರ್ವಹಿಸುತ್ತವೆ. 
• ಮುಂಬೈ, ಕೋಲ್ಕತಾ, ಹೈದರಾಬಾದ್ & ನೋಯ್ಡಾ ಇವು ನಾಲ್ಕು ನಮ್ಮ ದೇಶದ ನಾಣ್ಯ ಟಂಕಶಾಲೆಗಳು.
• ಇದರಲ್ಲಿ ಮುಂಬೈ & ಕೋಲ್ಕತಾ ಮಾತ್ರ ಸಂಸ್ಮರಣ ನಾಣ್ಯಗಳನ್ನ ಟಂಕಿಸುತ್ತವೆ.
• ಹಾಂ, ಅಂದಂಗೆ ಈ ನಾಣ್ಯ ಸಂಗ್ರಹಕಾರರನ್ನ Numismatist ಅಂತಾರೆ ಅನ್ನೋದು ನಿಮಗೆ ಗೊತ್ತು ಅನ್ಕೋತೀನಿ.

ಇದು ನಮ್ಮ ಭಾರತದ ಟಂಕಶಾಲೆಯ ಚಿಹ್ನೆ

:: ಹೆಚ್ಚಿನ ಓದಿಗಾಗಿ ಉಪಯುಕ್ತ ನೆಟ್ ಕೊಂಡಿಗಳು ::

• ಭಾರತದ ನಾಣ್ಯಗಳು
• ಭಾರತದ ನಾಣ್ಯಗಳ ಕಾಲಾನುಕ್ರಮಣಿಕೆ
• ಭಾರತದ ರೂಪಾಯಿ ಪುರಾಣ
• ಆಧುನಿಕ ರೂಪಾಯಿ ನಾಣ್ಯಗಳು

: ರವಿ

T9 Dictionary : Text on 9 Keys

ಮೊಬೈಲ್ ನಮ್ಮಗಳ ಕೈಗೆ ಬಂದಾಗಿಂದ ಈ ಟಿ9 ಡಿಕ್ಷನರಿ (T9 Dictionary) ಯನ್ನ ಬಳಸ್ತಾ ಇದೀವಿ. ಆದ್ರೆ ಅದು ಏನು ಅದನ್ನ ತಯಾರಿಸಿದವರು ಯಾರು, ಯಾವ ಯಾವ ಕಂಪೆನಿಗಳು ಅದನ್ನ ಬಳಸ್ತಿದಾವೆ, ಅದಕ್ಕೆ ಪ್ರತಿಸ್ಪರ್ಧಿಗಳು ಯಾರಾದರೂ ಇದಾರಾ ? ಇದ್ರೆ ಅವರ್ಯಾರು ? ಇವುಗಳ ಬಗ್ಗೆ ತಲೆ ಕೆಡಿಸಿಕೊಂಡಿದೀರಾ ? ಇಲ್ವಾ ? ಹಾಗಿದ್ರೆ ಇವತ್ತು ಆ ಕೆಲಸ ಮಾಡಿ ಬಿಡಿ.

Ofcourse ಇದೊಂದು Software. Predictive Text Technology ಅಂತ ಸಾಮಾನ್ಯ ಹೆಸರು. ಆದರೆ ವಿವಿಧ ಕಂಪೆನಿಗಳು ತಮ್ಮದೇ ಧಾಟಿಯಲ್ಲಿ ಈ ಸಾಫ್ಟವೇರ್ ಅನ್ನ ತಯಾರಿಸಿರುವುದರಿಂದ ಅವಕ್ಕೆ ತಮ್ಮದೇ ಹೆಸರು ನೀಡಿದ್ದಾರೆ. ( ಉದಾ : ಟೂತ್ ಪೇಸ್ಟ್ ಸಾಮಾನ್ಯ ಹೆಸರು. ಅದನ್ನ ತಯಾರು ಮಾಡೋರು ಅದನ್ನ ಕೋಲ್ಗೇಟ್, ಪೆಪ್ಸೊಡೆಂಟ್, ಮಿಸ್ ವಾಕ್ .. ಇತ್ಯಾದಿ ಹೆಸರಿಟ್ಟ ಹಾಗೆ ) ಮೂಲವಾಗಿ ಇದನ್ನ ತಯಾರಿಸಿದವರು Tegic Communications ಅನ್ನುವ ಕಂಪೆನಿಯವರು. ಇಂದು ಈ T9 Dictionary ಯನ್ನ LG, NEC, Nokia, Samsung Electronics, Siemens, Sony Ericsson... ಇತ್ಯಾದಿ ಕಂಪೆನಿಗಳು ತಮ್ಮ ಮೊಬೈಲ್ ಫೋನ್ ಗಳಲ್ಲಿ ಬಳಸುತ್ತಿವೆ.

ಪ್ರತಿಸ್ಪರ್ಧಿ Software ಗಳೂ ಇಲ್ಲದೇ ಇಲ್ಲ. ಅವೆಂದರೆ, 

• SureType : RIM ನವರ Blackberry ಗಾಗಿ
• iTap : Motorola ದಿಂದ ತನ್ನ ಫೋನುಗಳಿಗಾಗಿ
• LetterWise : wordwise ಕಂಪೆನಿಯಿಂದ

ನಮ್ಮ ಮೊಬೈಲ್ ನ KeyPad ಮೇಲೆ 1 ರಿಂದ 9ರವರೆಗೆ ಅಂಕಿಗಳನ್ನ ಮುದ್ರಿಸಿ, ಆ ಅಂಕಿಗಳ ಜೊತೆಯೇ A ಯಿಂದ Z ವರೆಗೆ ಇಂಗ್ಲೀಷ್ ಅಕ್ಷರಗಳನ್ನೂ ಮುದ್ರಿಸಿರುವುದು ನಿಮಗೆ ಗೊತ್ತು. ಆ 9 Key ಗಳನ್ನ ಬಳಸಿ ನಮಗೆ ಬೇಕಾದ ಶಬ್ದವನ್ನ ಟೈಪಿಸಿವುದು ಹೇಗೆ ಅಂತಲೂ ನಿಮಗೆ ಗೊತ್ತು. ಈಗ ನಾನು ಗೊತ್ತು ಮಾಡಿಸಲಿಕ್ಕೆ ಹೊರಟಿರುವುದು.....

ಈ ತಂತ್ರಜ್ಞಾನದಲ್ಲಿ ಒಂದೆ ತರಹದ Key ಗಳನ್ನ ಒತ್ತಿದಾಗ ಮೂಡುವ ಶಬ್ದಗಳನ್ನ Textonyms ಅಂತ ಕರೀತಾರೆ. ಅಂದ್ರೆ,

ನೀವು 326 ಅಂತ Key ಗಳನ್ನ ಒತ್ತಿದರೆ dam, fan ... ಶಬ್ದಗಳು ಮೂಡುತ್ತವೆ. ಇಲ್ಲಿ fan ಇದು dam ನ Textonym.

ಈ ತಂತ್ರಜ್ಞಾನದಲ್ಲಿ UDB ( User Database ) ಅನ್ನುವ ಅಂಶವೊಂದಿದೆ. ಇದರ ಮೂಲಕ ನೀವು ಬಳಸುವ ಆದರೆ ಸದರಿ Dictionary ಯಲ್ಲಿಲ್ಲದ ಶಬ್ದವನ್ನ ಸೇರಿಸಬಹುದು, ಮುಂದೆ ಬೇಕಾದಾಗ ಅದು ನಿಮ್ಮ ಟಿ9 ಡಿಕ್ಷನರಿಗೆ ಸೇರಿಸಲ್ಪಟ್ಟಿರುತ್ತದೆ. ಇಷ್ಟು ಟಿ9 ಪುರಾಣ.

ಹೆಚ್ಚಿನ ಮಾಹಿತಿಗಾಗಿ ಕಂಪೆನಿಯ ಅಧಿಕೃತ ವೆಬ್ ತಾಣಕ್ಕೆ ಭೇಟಿ ನೀಡಲು ಇಲ್ಲಿ ಕ್ಲಿಕ್ಕಿಸಿ

: ರವಿ

National Cadet Corps ( NCC ) ಎನ್.ಸಿ.ಸಿ. ಪರಿಚಯ & ಉಪಯೋಗಗಳು

[ ಈ ಲೇಖನ ಬರೆಯೋದಕ್ಕೆ ಸರಿಯಾಗಿ ಎರಡು ಗಂಟೆ ತಗೊಂಡಿದೀನಿ. ಪ್ರತಿ ದಿನ ನಿಮಗೆ ಬರುವ email ಗಳನ್ನ ಓದಿ ಪಟ್ಟಾಗಿ ಕೂತ್ಕೊಂಡ್ರೆ ಆಗಲ್ಲ ಕಣ್ರೀ !! ಪ್ರತಿಕ್ರಿಯೆ ನೀಡೋದನ್ನ ಮರೆತಿದೀರಾ ನೀವೇಲ್ಲಾ. ಬರುವ ಆ email ಗೇನೇ Reply ಮಾಡುವ ಸೌಜನ್ಯತೆ ಬೆಳೆಸಿಕೊಳ್ಳಿ. ಇಲ್ಲವಾದಲ್ಲಿ ಇಷ್ಟೆಲ್ಲ ಕಷ್ಟಪಟ್ಟು ಲೇಖನ ಬರೆದು ಅದಕ್ಕೆ ಟೀಕೆ- ಟಿಪ್ಪಣಿ ಪಡೆಯದೇ ಇರೋದು ನಂಗೂ ಒಳ್ಳೇದಲ್ಲ ನೀಡದೇ ಇರೋದು ನಿಮಗೂ ಒಳ್ಳೇದಲ್ಲ !! ಏನಂತೀರಾ ? ನೋಡೋಣ ಇವತ್ತಿಂದ ಎಷ್ಟು ಪ್ರತಿಕ್ರಿಯೆ ಬರುತ್ತೆ ಅಂತ. ಹೊಗಳೋದಷ್ಟೇ ಪ್ರತಿಕ್ರಿಯೆಯಲ್ಲಾ ? ತಪ್ಪುಗಳನ್ನ ಎತ್ತಿ ತೋರಿಸೋದು  ಕೂಡ. ನೀವು 150+ ಜನ ಲೇಖನ ಓದ್ತಿರೋದು ನಂಗೆ ಗೊತ್ತಾಗೋದು ಹೇಗೆ ಹೇಳಿ. ನಾನು ಮಹಾಭಾರತದ ಸಂಜಯ ಅಲ್ವಲ್ಲಾ ?!! ]

National Cadet Corps ( NCC ) ಇದು ಎಲ್ಲ ವಿಧ್ಯಾರ್ಥಿಗಳಿಗೆ ಚಿರಪರಿಚಿತ ಹೆಸರು. ಪ್ರೌಢಶಾಲೆಯ ಮಟ್ಟದಿಂದ ಪ್ರಾರಂಭವಾಗಿ ಒಟ್ಟು 5 ವರ್ಷದ ತರಬೇತಿಯಾದ ಇದು ಹೊಂದಿರುವ Benefits ಅನೇಕ. ಇದೊಂದು ರೀತಿಯ Scholarship ಅಂತಲೇ ಹೇಳಬೇಕು ಅಥವಾ ಹೀಗೆ ಹೇಳೋಣ " Scholarship ಗಳ बाप ". ಸದರಿ ಸಂಸ್ಥೆಯ ನಿಯೋಜಿತ ಅಧಿಕಾರಿಗಳೇ ನಮಗೆ ನೀವೂ NCC ಸೇರಿಕೊಳ್ಳಿ ಅಂತ ಉಚಿತ Offer ಕೊಟ್ಟು ನಾವಲ್ಲಿಗೆ ಸೇರಿಕೊಂಡಾಗ ನಮ್ಮ ವ್ಯಕ್ತಿತ್ವ ಸುಧಾರಣೆಗೆ ಬೇಕಾದ ಎಲ್ಲವನ್ನೂ ಅಲ್ಲಿ ನೀಡಿ ನಮ್ಮನ್ನ Gentleman Cadet ಮಾಡಿ ಕಳಿಸ್ತಾರೆ. ಬನ್ನಿ ಈ NCC ಬಗ್ಗೆ ಸ್ವಲ್ಪ ಹೆಚ್ಚಿಗೆ ತಿಳಿದುಕೊಳ್ಳೋಣ.

:: ಸಂಸ್ಥೆಯ ಇತಿಹಾಸ ::

ಭಾರತ ಸರ್ಕಾರದ ರಕ್ಷಣಾ ಇಲಾಖೆಯಡಿಯಲ್ಲಿ ಕರ್ತವ್ಯ ನಿರ್ವಹಿಸುವ ಈ ಸಂಸ್ಥೆ National Cadet Corps Act XXXI ಮೂಲಕ 16ನೇ ಏಪ್ರಿಲ್ 1948ರಂದು ಸ್ಥಾಪನೆಯಾಗಿ 15ನೇ ಜುಲೈ 1948ರಿಂದ ಇವತ್ತಿನವರೆಗೂ ಕಾರ್ಯನಿರತವಾಗಿದೆ. ಜುಲೈ 1949ರಲ್ಲಿ ಮಹಿಳಾ NCC Wing ಕೂಡ ಪ್ರಾರಂಭವಾಯ್ತು. ಸಂಸ್ಥೆ ಪ್ರಾರಂಭವಾದಾಗ ಭೂಸೇನೆ ಮಾತ್ರ  ಭಾಗವಾಗಿದ್ದು, ತದನಂತರ 01ನೇ ಏಪ್ರಿಲ್ 1950ರಲ್ಲಿ ವಾಯುಪಡೆ ಮತ್ತು ಜುಲೈ 1952ರಲ್ಲಿ ನೌಕಾಸೇನೆಯೂ ಸೇರಿಕೊಂಡು ಸಂಪೂರ್ಣ ತರಬೇತಿಗೆ ಸನ್ನದ್ಧವಾಯಿತು. ಇವತ್ತು 13 ಲಕ್ಷಕ್ಕೂ ಅಧಿಕ Cadets ಈ ಸಂಸ್ಥೆಯ ಲಾಭ ಪಡೆದುಕೊಳ್ತಿದಾರೆ. 

:: ಧ್ಯೇಯ ::

1. To Develop Character, Comradeship, Discipline, Leadership, Secular Outlook, Spirit of Adventure, and Ideals of Selfless Service amongst the Youth of the Country.  

2. To Create a Human Resource of Organized, Trained and Motivated Youth, To Provide Leadership in all Walks of life and be Always Available for the Service of the Nation.

3. To Provide a Suitable Environment to Motivate the Youth to Take Up a Career in the Armed Forces.

" Unity & Discipline " / " ಏಕತೆ & ಶಿಸ್ತು " / " एकता और अनुशासन "

ಇದು ಸಂಸ್ಥೆಯ MOTTO

:: ಸಂಸ್ಥೆಯ ' Organisation Chart ' ::

:: ಹಂತಗಳು ::

ಇಲ್ಲಿ Junior Division ( 2 ವರ್ಷ ) ಮತ್ತು Senior Division ( 3 ವರ್ಷ ) ಅಂತ ಎರಡು ಭಾಗಗಳಿದ್ದು

• ಪ್ರೌಢಶಾಲಾ ಮಟ್ಟದಲ್ಲಿ 2 ವರ್ಷದ ಈ ತರಬೇತಿ ಪಾಸು ಮಾಡಿದರೆ A Certificate ದೊರೆಯುತ್ತದೆ. 
• ನಂತರ ಕಾಲೇಜಿನಲ್ಲಿ 2 ವರ್ಷದ ತರಬೇತಿಗೆ B Certificate ದೊರೆಯುತ್ತದೆ. 
• ಇನ್ನೂ ಒಂದು ವರ್ಷ ಮುಂದುವರೆಸಿದರೆ C Certificate ದೊರೆಯುತ್ತದೆ. 

ಯಾವ ಶಾಲೆಯಲ್ಲಿ / ಕಾಲೇಜಿನಲ್ಲಿ NCC ಇದೆಯೋ ಆ ಶಿಕ್ಷಣ ಸಂಸ್ಥೆಯ ಎದುರಿಗೆ ಮೇಲ್ಕಾಣಿಸಿದ ಚಿತ್ರದಲ್ಲಿರುವ ಹಾಗೆ ಕಡ್ಡಾಯವಾಗಿ ಫಲಕವೊಂದನ್ನ ಹಾಕಿರುತ್ತಾರೆ. ನೀವು ಸೇರುವ ಶಾಲೆ / ಕಾಲೇಜಿನಲ್ಲಿ ಆ ಫಲಕ ಇದ್ದರೆ ಮಾತ್ರ ಪ್ರವೇಶ ತೆಗೆದುಕೊಳ್ಳಿ ಅನ್ನೋದು ನನ್ನ ಸಲಹೆ. ಈ ಹಂತಗಳಲ್ಲಿ ನಮಗೆ ಪಾಠ ಹೇಳಲು ನಮ್ಮ ಅಧ್ಯಾಪಕ ವೃಂದದವರಲ್ಲೇ ಒಬ್ಬರು NCC Instructor ಆಗಿರ್ತಾರೆ. ಅವರನ್ನ ವಿಚಾರಿಸಿದರೆ ಸಂಸ್ಥೆಗೆ ಸೇರುವ ಬಗೆಯನ್ನ ತಿಳಿಸಿ ಕೊಡ್ತಾರೆ. ಈ ಅಧ್ಯಾಪಕರು NCC Instructor ಆಗಲು ಅವರಿಗೂ ಕೂಡ ತರಬೇತಿ ಕೇಂದ್ರಗಳಿದಾವೆ. ಪುರುಷ ಅಧಿಕಾರಿಗಳಿಗೆ Officer Training Institute ( OTA )  ಕಾಂಪ್ಟೀ , ಕಾನ್ಪುರ್( ಮಹಾರಾಷ್ಟ್ರ ) ನಲ್ಲಿ ಮತ್ತು ಮಹಿಳಾ ಅಧಿಕಾರಿಗಳಿಗೆ Officer Training Institute ( OTA ) ಗ್ವಾಲಿಯರ್ ( ಮಧ್ಯಪ್ರದೇಶ್ ) ನಲ್ಲಿ ತರಬೇತಿ ಸಂಸ್ಥೆಗಳಿದಾವೆ.

:: ಆಯ್ಕೆ ::

ಪ್ರತಿ ವರ್ಷ ಶಾಲೆ / ಕಾಲೇಜು ಶುರುವಾದ ಸ್ವಲ್ಪ ದಿನದಲ್ಲೇ NCCಗೆ ಆಯ್ಕೆ ನಡೀತದೆ. ಹೆಸರು ನೀಡಿರುವ ಎಲ್ಲ  ವಿದ್ಯಾರ್ಥಿಗಳೂ ಅದೊಂದು ದಿನ ಬೆಳಿಗ್ಗೆ 6 ಗಂಟೆಗೆಲ್ಲ ಹಾಜರಾಗಿರಬೇಕು. ಮೊದಲ Minus Point ನಿಮ್ಮ ಎತ್ತರ. ನಿಮ್ಮ ಎತ್ತರ ಕಡಿಮೆ ಇದ್ದರೆ ನೀವು OUT !!. ನಂತರ ಓಟ. ಬಹುತೇಕ ಕಡೆ ಇಷ್ಟನ್ನೇ ಮಾನದಂಡವಾಗಿ ಮಾಡಿಕೊಂಡಿರುತ್ತಾರೆ. ಇನ್ನು ಏನಾದರೂ ವಿಪರೀತ ಆರೋಗ್ಯ ಸಮಸ್ಯೆಯಿದ್ದವರ ಬಗ್ಗೆ ಮುಂಚೆಯೇ ವಿಚಾರಿಸಿ, ಎಚ್ಚರಿಸಿ ಅವರನ್ನ ಕೈಬಿಡಲಾಗುತ್ತದೆ. So,  ಸದೃಢ, ಆರೋಗ್ಯವಂತ  ವಿಧ್ಯಾರ್ಥಿಗಳು ಎನ್.ಸಿ.ಸಿ.ಯ ಭಾಗವಾಗಲು ಅರ್ಹರು. ಕೆಲವು ನ್ಯೂನ್ಯತೆಗಳಿದ್ದರೂ ( ಅಂದರೆ ಎತ್ತರ .. ) ನಿಮಗೆ ಎನ್.ಸಿ.ಸಿ. ಸೇರುವ ಬಯಕೆ ಅತ್ಯುತ್ಕಟವಾಗಿದ್ದಲ್ಲಿ ಶಿಕ್ಷಕರಲ್ಲಿ ವಿನಂತಿಸಿಕೊಂಡರೆ ಅಂಥವರನ್ನೂ ಸೇರಿಸಿಕೊಂಡ ಉದಾಹರಣೆಗಳು ಹೇರಳವಾಗಿವೆ.

ಎನ್.ಸಿ.ಸಿ.ಯಲ್ಲಿ ಮೇಲೆ ಹೇಳಿದಂತೆ ಭೂಸೇನೆ / ವಾಯುಸೇನೆ / ನೌಕಾಸೇನೆ ಯ Wing ಗಳಿದಾವೆ. ನೀವು ಆಯ್ಕೆಮಾಡುವ Wing ನಲ್ಲೇ ನಿಮಗೆ ಮುಂದೆ ಭವಿಷ್ಯ.

 

:: ಉಪಯೋಗ ::

ಎನ್.ಸಿ.ಸಿ.ಯ ಧ್ಯೇಯವೇನು ಹೇಳುತ್ತದೋ ಅಷ್ಟನ್ನೂ ನಾವು ರೂಢಿಸಿಕೊಂಡರೆ ಜಗತ್ತಿನಲ್ಲಿರುವ ಎಲ್ಲ ಅವಕಾಶಗಳನ್ನೂ ನಮ್ಮದಾಗಿಸಿಕೊಳ್ಳುವ ಸ್ಥೈರ್ಯ ನಮ್ಮಲ್ಲಿ ಬಂದಿರುತ್ತದೆ. ಇದಕ್ಕಿಂತ ಉಚ್ಛ ಮಟ್ಟದ  ಉಪಯೋಗ ನಾವು ಪಡೆಯಲಿಕ್ಕೆ ಸಾಧ್ಯವಾ ಹೇಳಿ ? ಆದರೆ, ಲೌಕಿಕ ವ್ಯವಹಾರಗಳು ನಮ್ಮ ತಲೆಯಲ್ಲಿ ತುಂಬಿರುವುದರಿಂದ ಇದಕ್ಕಿಂತ 'ಲಾಭದಾಯಕ' ಉಪಯೋಗಗಳ ಬಗ್ಗೆ ಸ್ವಲ್ಪ ತಿಳಿದುಕೊಳ್ಳೋಣ.

 A Certificate ಅಡಿಪಾಯ ತರಬೇತಿಯಾಗಿದ್ದು ನಿಮಗೆ ಸಂಸ್ಥೆಯ ಕಾರ್ಯನಿರ್ವಹಣೆ ಬಗ್ಗೆ ಒಂದು ಚಿತ್ರ ಗೊತ್ತಾಗುತ್ತದೆ. ಈ ಹಂತದಲ್ಲಿ ನಿಮಗೆ ಮಿಲಿಟರಿ ಜೀವನದ ಶಿಸ್ತಿನ ಪ್ರಥಮ ಪರಿಚಯವಾಗುವುದಂತೂ ಪಕ್ಕಾ. ಒಂದೆರಡು ಕ್ಯಾಂಪ್ ಮಾಡಿದರೆ ಅಳ್ಳೆದೆಯವರಿಗೆ ಸಾಕಪ್ಪಾ ಇವರ ಸಹವಾಸ ಅನ್ನಿಸುವುದೂ ನಿಜ. ಆದರೆ ಅಲ್ಲಿ ದೊರೆಯುವ ಪಾಠಗಳು ಎಲ್ಲರಿಗೂ ಬೇಕೇ ಬೇಕು. ಈ A Certificate ಇದ್ದವರಿಗೆ ಮುಂದಿನ ಹಂತವಾದ B Certificateಗೆ ಪ್ರವೇಶ ಸುಲಭ. ಈ ಹಂತದಲ್ಲಿ CAT Camp ಸಾಮಾನ್ಯ. ಆ ಕ್ಯಾಂಪ್ ನಮಗೆ ಜೀವನದಲ್ಲಿ ಮೊದಲ ಬಾರಿಗೆ ಶಿಸ್ತು ಮತ್ತೆ ಕಷ್ಟಸಹಿಷ್ಣುತೆ ಕಲಿಸುವ ಪ್ರಪ್ರಥಮ ಶಾಲೆ. ಅದನ್ನ ಮಿಸ್ ಮಾಡ್ಕೋಬೇಡಿ !!

B Certificate ಅನ್ನ ನಾವು PU ಅಥವಾ Degree ಹಂತದಲ್ಲಿ ಈ ಎರಡರಲ್ಲಿ ಯಾವಾಗ ಬೇಕಾದರೂ Opt ಮಾಡಬಹುದಾಗಿದ್ದರೂ, ನಾವು PU ಹಂತದಲ್ಲಿ ತೆಗೆದುಕೊಂಡರೆ ಇರುವ ಉಪಯೋಗಗಳು ಬೆಲೆ ಕಟ್ಟಲಾಗದಂಥವು. ನಿಮಗೆ ಜೀವನೋಪಾಯಕ್ಕೆ ಗ್ಯಾರಂಟಿ ನೀಡುವ Medical & Engineering ಗಳಂಥ ವೃತ್ತಿ ಶಿಕ್ಷಣಕೋರ್ಸುಗಳಿಗೆ ಸೇರಲು NCC Cadet ಗಳಿಗೆ Reservation ಇದೆ !!! ನಮ್ಮ ನಿಜ ಅರ್ಹತೆಯ ಭಾಗವಲ್ಲದ ಜಾತಿ ಹೆಸರಲ್ಲಿ ಮೀಸಲಾತಿ ಪಡೆಯೋದಕ್ಕಿಂತ ಬಾಕಿ ವಿಧ್ಯಾರ್ಥಿಗಳಿಗಿಂತ ಶಿಸ್ತಿನಲ್ಲಿ, ಏಕತೆಯಲ್ಲಿ ಪಾಠ ಪಡೆದು ಮುಂದಿರುವ ನಾವು NCC Cadet ಗಳು  ಪಡೆಯೋದು ಸಾರ್ಥಕ ಮೀಸಲಾತಿಯಲ್ಲವೇ ?!! ಈ ಹಂತದಲ್ಲಿ ಇರುವ ಕ್ಯಾಂಪ್ ಗಳು ಬಹಳ ಪ್ರಮುಖ. ಅವು ನಮ್ಮ Reservation ಗೆ Weightage ನೀಡುವಲ್ಲಿ ವಹಿಸುವ ಪಾತ್ರ ಇನ್ನೂ ಪ್ರಮುಖ. ಅತ್ಯುಚ್ಛ ಕ್ಯಾಂಪ್ ಆದ RD ( Republic Day ) Camp ಮುಗಿಸಿದ್ದರಂತೂ ನಿಮಗೆ ಪ್ರಪ್ರಥಮ ಮಣೆ, ಎಲ್ಲೆಡೆ. ಇನ್ನುಳಿದ ಕ್ಯಾಂಪ್ ಗಳಾದ Basic Leadership Camp (BLC), National Integration Camp ( NIC ), All India Trekking Expeditions ... ಇವುಗಳಿಗೆ ನಂತರದ ಪ್ರಾಶಸ್ತ್ಯ. 

C Certificate ಇದೆಯಲ್ಲಾ ಇದಕ್ಕಿರುವ Weightage ಅಷ್ಟಿಷ್ಟಲ್ಲ. ನಿಮಗೆ C Certificate ನಲ್ಲಿ A Grade ಅಥವಾ B Grade ಸಿಕ್ಕಿದ್ದರಂತೂ ಚಿನ್ನದ ಗಣಿ ಸಿಕ್ಕಂತೇ ಲೆಕ್ಕ. ಅದರ ಮುಂದೆ ರೆಡ್ಡಿಗಳ ಗಣಿ ಏನೂ ಅಲ್ಲ !! ಭೂಸೇನೆ / ವಾಯುಸೇನೆ / ನೌಕಾಸೇನೆ ಇಲ್ಲಿಗೆ ಅಧಿಕಾರಿ ಹುದ್ದೆಗೆ ಭರ್ತಿಯಾಗಲು ಬರುವ ಅರ್ಜಿಗಳಿಗೆಲ್ಲ ಈ ಪ್ರಮಾಣಪತ್ರ ಹೊಂದಿರುವವರಿಗೇನೇ ಪ್ರಥಮ ಆದ್ಯತೆ. ನಿಮಗೆ Wriiten Exam ಕೂಡ ಮಾಫಿ. ಬರೀ Personality Test ಪಾಸಾದ್ರೆ ಸಾಕು ( ಅದೇನು ಮಾತಾಡಿದಷ್ಟು ಸುಲಭ ಇರೋದಿಲ್ಲ ಅನ್ನೋದು ನೆನಪಿರಲಿ ). ಇದರ ಜೊತೆಗೆ ಸ್ನಾತಕೋತ್ತರ ಕೋರ್ಸುಗಳಿಗೂ ( MSc, MA ... ) NCC ಮೀಸಲಾತಿಯಿದೆ.

ಇಂಥ ಪ್ರಮುಖ ಲಾಭಗಳನ್ನ ಹೊರತುಪಡಿಸಿದರೆ ನಮಗೆ ಎನ್.ಸಿ.ಸಿ. ಪ್ರಾರಂಭದ ದಿನ ನೀಡುವ ಸಮವಸ್ತ್ರಗಳನ್ನ ವರ್ಷವಿಡೀ ಒಗೆದು, ಇಸ್ತ್ರಿ ಮಾಡಿ ಅಚ್ಚುಕಟ್ಟಾಗಿಟ್ಟುಕೊಂಡಿದ್ದಕ್ಕೆ ವರ್ಷದ ಕೊನೆಗೆ ಸಮವಸ್ತ್ರ ವಾಪಸ್ ಪಡೆಯುವ ಸಂದರ್ಭದಲ್ಲಿ Washing Allowance ಕೊಡ್ತಾರೆ. ಆಮೇಲೆ ಎನ್.ಸಿ.ಸಿ. ಪರೇಡ್ ಇರುವ ವಾರದ ಎರಡು ದಿನ ನಮಗೆ ಪೌಷ್ಠಿಕ ಉಪಹಾರ ಲಭ್ಯ. ಇನ್ನು ಕ್ಯಾಂಪ್ ಗಳಲ್ಲಿ ಮ್ಯಾಪ್ ರೀಡಿಂಗ್, ವಿವಿಧ ರೈಫಲ್ ಗಳ ಬಳಕೆ ಮತ್ತು ರಚನೆಯ ಬಗ್ಗೆ ಮಾಹಿತಿ, ಯುದ್ಧ ನೀತಿಗಳ ಬಗ್ಗೆ ಪರಿಚಯ, ವಾಯು ವಿಭಾಗಲದಲ್ಲಿ ಫೈಟರ್.. ಇತ್ಯಾದಿಗಳ ರಚನೆ, ಕಾರ್ಯದ ಬಗ್ಗೆ ಪರಿಚಯ, ನೌಕಾ ವಿಭಾಗದಲ್ಲಿ ಯುದ್ಧ ಹಡಗುಗಳ ಬಗ್ಗೆ ಪರಿಚಯ ... ಇತ್ಯಾದಿ Indispensable ಜ್ಞಾನವನ್ನ ನಮಗೆ ಈ ಎನ್.ಸಿ.ಸಿ. ನೀಡುತ್ತದೆ.

ಇಷ್ಟೆಲ್ಲ ಲಾಭವಿರುವ ಈ ಎನ್.ಸಿ.ಸಿ. ಯನ್ನ ಆಯ್ದುಕೊಳ್ಳುವಲ್ಲಿ ವಿಧ್ಯಾರ್ಥಿಗಳು ತೋರುವ ಉದಾಸೀನತೆಯಂತೂ ಅಕ್ಷಮ್ಯ. ಟ್ಯೂಷನ್ ಹೆಸರೇಳಿ ಸಮಯವಿಲ್ಲ ಅನ್ನೋದು ತಪ್ಪು ತಾನೇ. ಇನ್ನು ಹಿಂದೊಮ್ಮೆ ಸ್ವಯಂ ಶಿಕ್ಷಕರಾಗಿದ್ದು ಇಂದು ಟ್ಯೂಷನ್ ಕಾರ್ಖಾನೆಗಳನ್ನು ತೆರೆದುಕೊಂಡು ಕೂತಿರುವವರು ಎಂಥ ನಿರ್ದಯಿಗಳೆಂದರೆ ತಾವು ಹಿಂದೆ ಕಾಲೇಜಿನಲ್ಲಿದ್ದಾಗ ಅಷ್ಟೇನೂ Strict ಅಲ್ಲದೇ ಹೋದ್ರೂ ಇಂದು ತಮ್ಮ ಕಾರ್ಖಾನೆಗೆ ಎಲ್ಲರೂ ಸಮಯಕ್ಕೆ ಸರಿಯಾಗಿ ಬರಬೇಕು, ಒಂದು ದಿನವೂ ತಪ್ಪಿಸಕೂಡದು ಅಂತೆಲ್ಲ ನಿಯಮ. ಜೊತೆಗೆ ಕಾಲೇಜಿಗೆ ರಜೆ ಇದ್ರೆ ಅವತ್ತು ಆರು ಗಂಟೆ ಪಾಠ ಹೇಳುವ ಹೆಡ್ಡತನ ಬೇರೆ !! ಆ ಆರು ಗಂಟೆಯಲ್ಲಿ ಗಂಟೆಗೊಬ್ಬರಂತೆ ತಾವು ಶಿಕ್ಷಕರು ಬದಲಾಗಿ ಆದರೆ ಆರೂ ಗಂಟೆಯೂ ವಿಧ್ಯಾರ್ಥಿ ಮಹಾಶಯ ಅಲ್ಲೇ ಕೂತಿರಬೇಕು. ಆ ಬೆಳೆಯುವ ವಯಸ್ಸಿಲ್ಲಿ ಅಂಥ ಶಿಕ್ಷೆ ಕ್ರಿಮಿನಲ್ ಅಪರಾಧವಲ್ವೇನ್ರೀ ? ಅಂಥ ಶಿಕ್ಷೆಗೆ ಗುರಿಯಾದ ನಾನೂ ನನ್ನ PU ನಲ್ಲಿ ಎನ್.ಸಿ.ಸಿ. ತಪ್ಪಿಸಿಕೊಂಡಿದೀನಿ. ಅದಕ್ಕೆಲ್ಲ ಅವರೇ ಜವಾಬ್ದಾರಿ. ನೀವ್ಯಾರೂ ಅಂಥ ಶಿಕ್ಷೆಗೆ ಗುರಿಯಾಗಬೇಡಿ ಅನ್ನೋದು ನನ್ನ ಕಿವಿಮಾತು. ಬದಲಿಗೆ ಇಂಥ ಉಪಯುಕ್ತ ಚಟುವಟಿಕೆಗಳಿಗೂ ನಿಮ್ಮ ಜೀವನದ ಸುವರ್ಣ ಭಾಗವಾದ ಕಾಲೇಜು ಲೈಫ್ ನಲ್ಲಿ ಸ್ಥಾನ ಕೊಡಿ ಅನ್ನೋದು ನನ್ನ ಸುವರ್ಣ ಸಲಹೆ.

ಇಷ್ಟೆಲ್ಲ ಹೇಳಿದ ನಾನೂ ಒಬ್ಬ ಎನ್.ಸಿ.ಸಿ. ಕೆಡೆಟ್. ಎಲ್ಲ ಐದೂ  ವರ್ಷಗಳನ್ನ ಪೂರೈಸಿದೀನಿ. A, B & C ಮೂರೂ Certificate ಪಡೆದಿದೀನಿ. 3 CAT Camp, ಒಂದು BL Camp ಮಾಡಿದೀನಿ. C Certificate ಅನ್ನ B Grade ಇಟ್ಕೊಂಡು ಪಡೆದಿದೀನಿ.

  
: ರವಿ

Peepli [ LIVE ]

ಅಮೀರ್ ಖಾನ್ ನಿರ್ಮಾಣದ ಎರಡನೇ ಚಿತ್ರ ( If I'm Right - ಮೊದಲನೇಯದು ಜಾನೇ ತು ಯಾ ಜಾನೇ ನಾ ) ಪೀಪ್ಲಿ [ ಲೈವ್ ]. ಇಲ್ಲಿ ಪೀಪ್ಲಿ ಅನ್ನೋದು ಊರ ಹೆಸರು. ಲೈವ್ ಅನ್ನೋದು ಆ ಊರಿನ ಮಹಾಪ್ರಜೆಯನ್ನ ಎಡೆಬಿಡದೇ Cover ಮಾಡುವ ಮಾಧ್ಯಮಗಳ [ LIVE ] Coverage ಅನ್ನ ಸೂಚಿಸುತ್ತದೆ.

NDTV Journalist ಆಗಿದ್ದ ಅನುಷಾ ರಿಝ್ವಿ ತಾವೇ ಬರೆದಿದ್ದ The Fallen ಎನ್ನುವ ಕಥಾಹಂದರವನ್ನ ಆಮೀರ್ ಗೆ ತೋರಿಸಿ ಅವರದನ್ನ ಮೆಚ್ಚಿಕೊಂಡು ಇದೀಗ ಚಲನಚಿತ್ರವಾಗಿ ನಮ್ಮ ಮುಂದಿದೆ. ಇದೀಗ ಅನುಷಾ ಅವರೇ ಚಿತ್ರವನ್ನ ನಿರ್ದೇಶನ ಮಾಡಿದ್ದಾರೆ.

ಇನ್ನು ತಾರಾಗಣವನ್ನ ಆರಿಸುವಲ್ಲಿ ನಿರ್ದೇಶಕ ನಿರ್ಮಾಪಕರು ತೋರಿರುವ ಶೃದ್ಧೆ ಅವರಿಗೆ ಯಶ ನೀಡಿದೆಯಂದೇ ಹೇಳಬೇಕು. ಪ್ರಮುಖ ಪಾತ್ರಗಳನ್ನ ಹೊರತುಪಡಿಸಿದರೆ ಇನ್ನುಳಿದವರು ಚಿತ್ರೀಕರಣ ನಡೆದ ಗ್ರಾಮದ ಗ್ರಾಮಸ್ಥರೇ ಆ ಚಿತ್ರದಲ್ಲಿದಾರೆ. ಯಾವುದೇ ಜನಪ್ರಿಯ ಮುಖಕ್ಕೆ ಮಣೆ ಹಾಕದೇ ಪಾತ್ರ ಬಯಸಿದ್ದ ಮುಗ್ಧ ಸೊಗಡಿನ ಮುಖವನ್ನೇ ಆರಿಸಿರುವ  ನಿರ್ದೇಶಕ ನಿರ್ಮಾಪಕರ ಆಯ್ಕೆಗೆ ಕಿಂಚಿತ್ತೂ ಮೋಸ ಮಾಡದಂತೆ ಅಭಿನಯಿಸಿದ್ದಾರೆ ನತ್ಥಾ ( ಓಂಕಾರ್ ದಾಸ್ ಮಾಣಿಕ್ ಪುರಿ ). ಚಿತ್ರದಲ್ಲಿ ಇವರ ಹೆಸರು ನತ್ಥಾ ದಾಸ್ ಮಾಣಿಕ್ ಪುರಿ !!

ಸುಪ್ರಸಿದ್ಧ ಲೇಖಕ ನಾಟಕಕಾರ ಹಬೀಬ್ ತನ್ವೀರ್ ಅವರ ರಂಗತಂಡ Naya Theatreದಿಂದ ಬಹುತೇಕರು ಚಿತ್ರದ ಪ್ರಮುಖ ಪಾತ್ರ ನಿರ್ವಹಿಸಿದಾರೆ. 

ಚಿತ್ರಕ್ಕೆ ಸಂಗೀತ ನೀಡಿರೋರು Indian Ocean ಅನ್ನುವ ಭಾರತದ Music Band ನವರು. ಅವರ ಜೊತೆಗೆ ರಾಮ್ ಸಂಪತ್ ಇದಾರೆ. ರಾಮ್ ಸಂಪತ್ ನಿಮಗೆ ನೆನಪಿದಾರೆ ಅನ್ಕೋತೀನಿ. ಹೃತಿಕ್ ನ ಕ್ರೇಝಿ 4 ಚಿತ್ರದ ಶೀರ್ಷಿಕೆ ಗೀತೆ ನಾನು ಸೋನಿ ಎರಿಕ್ಸನ್ ಗೆ ನೀಡಿದ್ದ ಸಂಗೀತದ ನಕಲು ಎಂದು ಕೋರ್ಟಿಗೆ ಹೋಗಿ ಕೋಟಿ Compensation ಪಡೆದಿದ್ದ ವ್ಯಕ್ತಿಯೇ ರಾಮ್ ಸಂಪತ್. ಇನ್ನು ಇಂಡಿಯನ್ ಓಷಿಯನ್ ಬಗ್ಗೆ ಹೇಳಲೇ ಬೇಕು. ಈ ಮೊದಲು " ಮಾ ರೇವಾ ... " ಅನ್ನುವ ಗೀತೆಯೊಂದಿಗೆ Urban ಹುಡುಗರಿಗೆ ಪರಿಚಯಗೊಂಡಿದ್ದ ಇವರು ಈ ಚಿತ್ರದಲ್ಲಿ " ದೇಶ ಮೇರಾ ... " ಎನ್ನುವ Peepli Theme ಗೀತೆಯೊಂದಿಗೆ ಎಲ್ಲರ ಮನದಲ್ಲಿ ಉಳಿಯುವ ಕೆಲಸ ಮಾಡಿದಾರೆ. ಈ ಮೊದಲು ಬ್ಲ್ಯಾಕ್ ಫ್ರೈಡೆ ಚಿತ್ರಕ್ಕೆ ಸಂಗೀತ ನೀಡಿದ್ದು ನಿಮಗೆ ನೆನಪಿದೆಯಾ ?! ಆದರೆ ನನ್ನದೊಂದೇ ತಕರಾರೆಂದರೆ ಅವರ ಸಂಗೀತದಲ್ಲಿ ತಬಲಾ ಮತ್ತೆ ಗಿಟಾರ್ ಬಿಟ್ರೆ ಬಾಕಿ ಏನೂ ಕೇಳಿಸೋದೇ ಇಲ್ಲ.

ಖ್ಯಾತ ತಾರಾಗಣವಿಲ್ಲದಿದ್ದರೂ ಕೂಡ ಚಿತ್ರ ಬಿಡುಗಡೆಯಾಗುವ ಮುನ್ನವೇ ತನ್ನ ಖರ್ಚಾಗಿರುವ10 ಕೋಟಿಯನ್ನ ಬಾಚಿಕೊಂಡು, ಮೊದಲ ದಿನವೇ4 ಕೋಟಿ  ಗಳಿಸಿರುವುದು ಗಮನಿಸಬೇಕಾದ ಅಂಶ.

ಇನ್ನು ಈ ಚಿತ್ರದ ಬಗ್ಗೆ ಹೆಚ್ಚಿಗೆ ತಿಳಿಯಬಯಸಿದರೆ ನಿಮಗೆ ಕೆಲವು Internet Link ಗಳನ್ನ ಕೊಡ್ತೀನಿ .. ಓದಿ :

ಚಿತ್ರದ ಅಧಿಕೃತ ತಾಣ : http://www.peeplilivethefilm.com/

ಇಂಡಿಯನ್ ಓಷಿಯನ್ : http://www.indianoceanmusic.com/

ಅಮೀರ್ ಖಾನ್ ಫಿಲಮ್ಸ್ : http://www.akpfilms.com/

ಅಮೀರ್ ಖಾನ್ ಪ್ರೊಡಕ್ಷನ್ಸ್ : http://www.akprod.com/

: ರವಿ

ನನ್ನ ಧ್ವನಿಗೆ ನಿನ್ನ ಧ್ವನಿಯ, ಸೇರಿದಂತೆ ನಮ್ಮ ಧ್ವನಿಯ ...

ನಮ್ಮ ಹೆಮ್ಮೆಯ ಭೀಮಸೇನ ಜೋಷಿಯವರ ಸುವರ್ಣ ಕಂಠದಿಂದ ಪ್ರಾರಂಭವಾಗುವ " ಮಿಲೇ ಸುರ ಮೇರಾ ತುಮ್ಹಾರಾ ... " ಗೀತೆ ಇಂದಿಗೂ ಜನಪ್ರಿಯ. ಸ್ವಾತಂತ್ರ್ಯ ದಿನಾಚರಣೆಯ ಆಸುಪಾಸಿನಲ್ಲಿರುವ ನಾವು ಇವತ್ತು  ಆ ಗೀತೆಯ ಬಗ್ಗೆ ಒಂದಿಷ್ಟು ತಿಳಿದುಕೊಳ್ಳೋಣ.

ಗೀತೆಯ ನಿರ್ಮಾಣ : ಲೋಕ ಸೇವಾ ಸಂಚಾರ ಪರಿಷದ್

ಗೀತೆಯ ರಚನೆಕಾರರು : ಪಿಯೂಷ್ ಪಾಂಡೆ

ಗೀತೆಯನ್ನ ಸಂಗೀತಕ್ಕಳವಡಿಸಿದವರು : ಅಶೋಕ್ ಪಟ್ಕಿ ( & ಲೂಯಿಸ್ ಬ್ಯಾಂಕ್ಸ್ )

ಗೀತೆಯನ್ನ ನಿರ್ದೇಶಿಸಿದವರು : ಸುರೇಶ್ ಮುಲಿಕ್

ಗೀತೆಯ ಪ್ರಥಮ ಪ್ರಸಾರ : ದೂರದರ್ಶನ ವಾಹಿನಿಯಲ್ಲಿ 1988ರ ಸ್ವಾತಂತ್ರ್ಯ ದಿನಾಚರಣೆಯಂದು , ಪ್ರಧಾನಮಂತ್ರಿಗಳ ಭಾಷಣದ ನಂತರ

" ಮಿಲೇ ಸುರ ಮೇರಾ ತುಮ್ಹಾರಾ, ದೋ ಸುರ ಬನೇ ಹಮಾರಾ " 

ಎಂಬೀ ವಾಕ್ಯವನ್ನೊಳಗೊಂಡ ಈ ಗೀತೆ ಭಾರತದ 14 ಭಾಷೆಗಳಲ್ಲಿ ಉಚ್ಛರಿಸಲ್ಪಟ್ಟು, ವಿವಿಧ ಸ್ಥಳೀಯ ಸುಪ್ರಸಿದ್ಧ ವ್ಯಕ್ತಿಗಳನ್ನ ಒಳಗೊಂಡು ಚಿತ್ರಿತವಾಗಿದೆ. ಬಳಸಿದ ಭಾಷೆಗಳ ಲಿಪಿ ಇಂತಿದೆ :

“

मिले सुर मेरा तुम्हारा, तो सुर बने हमारा सुर की नदियाँ हर दिशा से, बहते सागर में मिलें बादलों का रूप लेकर, बरसे हलके हलके मिले सुर मेरा तुम्हारा, तो सुर बने हमारा मिले सुर मेरा तुम्हारा चॉन्य् तरज़ तय म्यॉन्य् तरज़, इक॒वट॒ बनि यि सॉन्य् तरज़ چأنِۂ ترز تَے میأنِۂ ترز، اِکوَٹہٕ بَنِہ یِہ سأنِۂ ترز ਤੇਰਾ ਸੁਰ ਮਿਲੇ ਮੇਰੇ ਸੁਰ ਦੇ ਨਾਲ, ਮਿਲਕੇ ਬਣੇ ਇੱਕ ਨਵਾਂ ਸੁਰ ਤਾਲ मिले सुर मेरा तुम्हारा, तो सुर बने हमारा मुंहिंजो सुर तुहिंजे सां पियारा मिले जड॒हिं, गीत असांजो मधुर तरानो बणे तड॒हिं مُنهِنجو سُر تُنهِنجي سان پِيارا مِلي جَڏَهِن، گِيت اَسانجو مَڍُر تَرانوبَڻي تَڏَهِن سر کی دریا بہتے ساگر میں ملےਬਾਦਲਾਂ ਦਾ ਰੂਪ ਲੈਕੇ, ਬਰਸਨ ਹੌਲੇ ਹੌਲੇ இசைந்தால் நம் இருவரின் ஸ்வரமும் நமதாகும் திசை வேறானாலும் ஆழி சேர் ஆறுகள் முகிலாய் மழையாய் பொழிவது போல் இசை நம் இசை ನನ್ನ ಧ್ವನಿಗೆ ನಿನ್ನ ಧ್ವನಿಯ, ಸೇರಿದಂತೆ ನಮ್ಮ ಧ್ವನಿಯ నా స్వరము నీ స్వరము సంగమమై, మన స్వరంగా అవతరించే എന്റെ സ്വരവും നിങ്ങളുടെ സ്വരവും, ഒന്നുചേര്‍ന്നു നമ്മുടെ സ്വരമായ് তোমার সুর মোদের সুর, সৃষ্টি করুক ঐক্যসুর সৃষ্টি হউক ঐক্যতান ତୁମ ଆମର ସ୍ବରର ମିଳନ, ସୃଷ୍ଟି କରି ଚାଲୁ ଏକ ତାନ મળે સૂર જો તારો મારો, બને આપણો સૂર નિરાળો माझ्या तुमच्या जुळता तारा, मधुर सुरांच्या बरसती धारा सुर की नदियाँ हर दिशा से, बहते सागर में मिलें बादलों का रूप लेके, बरसे हलके हलके मिले सुर मेरा तुम्हारा, तो सुर बने हमारा मिले सुर मेरा तुम्हारा

”

1. ಹಿಂದಿ
2. ಕಾಶ್ಮೀರಿ
3. ಉರ್ದು
4. ಪಂಜಾಬಿ
5. ಸಿಂಧಿ
6. ತಮಿಳು
7. ಕನ್ನಡ
8. ತೆಲುಗು
9. ಮಲಯಾಳಿ
10. ಬಂಗಾಳಿ
11. ಅಸ್ಸಾಮೀ
12. ಒರಿಯಾ
13. ಗುಜರಾತಿ
14. ಮರಾಠಿ

ಸದರಿ ಗೀತೆಯ ಚಲನಚಿತ್ರದಲ್ಲಿ ಮೂಡಿ ಬಂದ ಖ್ಯಾತನಾಮರಿವರು :

:: ಸಿನೆಮಾ / ದೂರದರ್ಶನ ::

ಅಮಿತಾಬ್ ಬಚ್ಚನ್
ಮಿಥುನ್ ಚಕ್ರವರ್ತಿ
ತನ್ವೀರ್ ಆಶಾಯ್
ಕಮಲ್ ಹಾಸನ್
ಕೆ.ಆರ್.ವಿಜಯ
ರೇವತಿ
ಜಿತೇಂದ್ರ
ವಹೀದಾ ರಹಮಾನ್
ಹೇಮಾ ಮಾಲಿನಿ
ತನುಜಾ
ಶರ್ಮಿಳಾ ಟಾಗೋರ್
ಶಬಾನಾ ಅಜ್ಮಿ
ದೀಪಾ ಸಾಹಿ
ಓಂ ಪುರಿ
ದೀನಾ ಪಾಠಕ್
ಮೀನಾಕ್ಷಿ ಶೇಷಾದ್ರಿ

:: ನಾಟ್ಯ ::

ಮಲ್ಲಿಕಾ ಸಾರಾಭಾಯ್

:: ವ್ಯಂಗ್ಯ ಚಿತ್ರಕಾರ ::

ಮಾರಿಯೋ ಮಿರಾಂಡಾ

:: ನಿರ್ದೇಶಕ ::

ಮೃಣಾಲ್ ಸೇನ್

:: ಲೇಖಕರು ::

ಸುನಿಲ್ ಗಂಗೋಪಾಧ್ಯಾಯ
ಆನಂದಶಂಕರ ರೇ

:: ಗಾಯಕರು ::

ಭೀಮಸೇನ್ ಜೋಷಿ
ಎಂ.ಬಾಲಮುರಳಿ ಕೃಷ್ಣ
ಲತಾ ಮಂಗೇಶ್ಕರ್
ಸುಚಿತ್ರಾ ಮಿತ್ರಾ

:: ಕ್ರೀಡಾ ಪಟುಗಳು ::

ನರೇಂದ್ರ ಹಿರ್ವಾನಿ
ಎಸ್.ವೆಂಕಟರಾಘವನ್
ಪ್ರಕಾಶ್ ಪಡುಕೋಣೆ
ರಾಮನಾಥನ್ ಕೃಷ್ಣನ್
ಅರುಣ್ ಲಾಲ್
ಪಿ.ಕೆ.ಬ್ಯಾನರ್ಜೀ
ಚುನೀ ಗೋಸ್ವಾಮಿ
ಸೈಯದ್ ಕಿರ್ಮಾನಿ
ಲೆಸ್ಲೀ ಕ್ಲಾಡಿಯಸ್
ಗುರುಬಕ್ಸ್ ಸಿಂಗ್


ಜೊತೆಗೆ

ಪ್ರತಾಪ್ ಪಠಾಣ್ ( ಮಲಯಾಳಿ ನಟ )
ಏ.ವಿ.ರಮಣನ್ ( ತಮಿಳು ನಟ )

<<< >>>

ಇದೀಗ 22 ವರ್ಷಗಳ ನಂತರ ಕಳೆದ ಜನವರಿ 26ಕ್ಕೆ ಪ್ರಸಾರ ಮಾಡುವ ಸಲುವಾಗಿ ZOOM TV ಯವರು

" ಫಿರ್ ಮಿಲೇ ಸುರ ... "

ಅನ್ನುವ ಶೀರ್ಷಿಕೆಯಡಿಯಲ್ಲಿ ಎ.ಆರ್.ರಹಮಾನ್ ಸಂಗೀತ ಅಳವಡಿಕೆಯೊಂದಿಗೆ ( ಹಿಂದಿನ ಸಂಗೀತವನ್ನ ಉಳಿಸಿಕೊಂಡಿರುವುದರ ಜೊತೆಗೆ ) ನಿರ್ಮಿಸಿದೆ. ಈ ಅವತರಣಿಕೆ ಈ ಹಿಂದಿನ 6 ನಿಮಿಷ 9 ಸೆಕೆಂಡ್ ಗಿಂತ ದೊಡ್ಡದಿದ್ದು 16 ನಿಮಿಷ 17 ಸೆಕೆಂಡ್ ಅವಧಿಯದ್ದಾಗಿದೆ. ಈ ಬಾರಿ ಕೈಲಾಶ್ ಸುರೇಂದ್ರನಾಥ್ ಈ ಚಿತ್ರವನ್ನ ನಿರ್ದೇಶಿಸಿದ್ದಾರೆ. ಈ ವ್ಯಕ್ತಿ ಮತ್ತಾರೂ ಅಲ್ಲ. ಮೊದಲ ಅವತರಣಿಕೆಯ ನಿರ್ಮಾಪಕರು. ಆದರೆ ಹೊಸ ಅವತರಣಿಕೆ ಹಳಬರಿಗೆ ಸುತಾರಾಂ ರುಚಿಸಿಲ್ಲ. ಇನ್ನು ಇದೇ ಮೊದಲ ಸಲ ನೋಡಿರುವವರಿಗೂ ಅಂಥ ಉತ್ಸಾಹಕಾರಿ ಅನಿಸಿಲ್ಲ. ಜೊತೆಗೆ ಮುಖ್ಯವಾಗಿ ಸಿನೆಮಾ ಕ್ಷೇತ್ರದವರಿಗೆ ಮಣೆ ಹಾಕಿ ಗೀತೆಯನ್ನ ಕಮರ್ಷಿಯಲ್ ಆಗಿ ನಿರ್ಮಿಸಿರುವುದು ಸಾಕಷ್ಟು ಜನರ ಟೀಕೆಗೆ ಗುರಿಯಾಗಿದೆ.

: ರವಿ

ವಿಕಿಪೀಡಿಯಾದ ಡಿಕ್ಷನರಿ = ವಿಕ್ಷನರಿ

ವಿಕಿಪೀಡಿಯಾದ ಬಗ್ಗೆ ಕೇಳಿಯೇ ಇರುತ್ತೀರಿ ನೀವೆಲ್ಲಾ ? ಹಿಂದೆಲ್ಲಾ ಹತ್ತೆಂಟು ಸಂಪುಟಗಳಲ್ಲಿ ಸಂಗ್ರಹಗೊಂಡಿದ್ದ Brittanica Encyclopedia ದ ಬಗ್ಗೆ ಅಚ್ಚರಿ ಮಿಶ್ರಿತ ಕೃತಜ್ಞತೆಯಿಂದ ನೋಡುತ್ತಿದ್ದ ನಾವು ಈ ವಿಕಿಪೀಡಿಯಾವನ್ನ ಕಂಡ ಮೇಲೆ ಮಂತ್ರಮುಗ್ಧರಾಗಿದ್ದೇವೆ ಎಂತಲೇ ಹೇಳಬೇಕು. ಈ ವಿಕಿಪೀಡಿಯಾ ದಿನನಿತ್ಯ ಬರೆಯಲ್ಪಡುವ - ತಿದ್ದಲ್ಪಡುವ ಒಂದು ನೆಟ್ ಪುಸ್ತಕ. ಗೂಗಲ್ Random ಆಗಿ ಅತಿ ಹತ್ತಿರದ ಉತ್ತರ ಹುಡುಕಿದರೆ ಇದು ನಿರ್ದಿಷ್ಟ ವಾಕ್ಯ / ಪದ ಕ್ಕೆ ಸುದೀರ್ಘ ಮಾಹಿತಿ ನೀಡುವುದರ ಜೊತೆಗೆ ನೀವೂ ಆ ಮಾಹಿತಿಗೆ ತಿದ್ದುಪಡಿ ಅಥವಾ ಹೆಚ್ಚಿನ ಸೇರ್ಪಡೆ ಮಾಡುವ ಅವಕಾಶ ಒದಗಿಸುತ್ತದೆ. ನೋಡಿ ... ಎಂಥ ಅವಕಾಶ. ತಾವು ಬರೆದ ಲೇಖನಕ್ಕೆ ಇನ್ನೊಬ್ಬರು ತಮ್ಮ ಅಭಿಪ್ರಾಯ ನೀಡಿದರೇನೇ ಸಿಡುಕುವ ಈ ಕಾಲದಲ್ಲಿ ಅದನ್ನ ತಿದ್ದಿ ಇನ್ನೂ ಶ್ರೀಮಂತವಾಗಿಸುವ ಧ್ಯೇಯ ಹೊಂದಿರುವ ಈ ತಾಣದ ಮಹಾನ್ ತನಕ್ಕೆ  " ಜೈ ಹೋ ! " ಎನ್ನಲೇಬೇಕಲ್ವಾ ?!!

ಇಂತಿಪ್ಪ ವಿಕಿಪೀಡಿಯಾದ ಅಂಗಸಂಸ್ಥೆಯಂತೆ ಕಾರ್ಯನಿರ್ವಹಿಸುವುದೇ ವಿಕ್ಷನರಿ

ಈ ವಿಕ್ಷನರಿ ಜಗತ್ತಿನ ವಿವಿಧ ಭಾಷೆಗಳ ಶಬ್ದಗಳಿಗೆ ಕನ್ನಡ to ಇಂಗ್ಲೀಷ್ ಹಾಗೂ ಇಂಗ್ಲೀಷ್ to ಕನ್ನಡ  ರೀತಿಯಲ್ಲಿ ಶಬ್ದಾರ್ಥ ಕಲೆಹಾಕುವ ಕೆಲಸ ಮಾಡುತ್ತೆ.

ಕನ್ನಡ ವಿಕ್ಷನರಿಗಾಗಿ ಇಲ್ಲಿ ಕ್ಲಿಕ್ಕಿಸಿ

ಸುಮಾರು 120350 ಶಬ್ದಗಳನ್ನ ಜೋಡಿಸಿಕೊಂಡಿರುವ ತಮಿಳು ಭಾಷೆ 100000+ ಶಬ್ದಗಳನ್ನ ಕಲೆಹಾಕಿರುವ ಇಂಗ್ಲೀಷ್ ಮತ್ತಿತರ ಭಾಷೆಗಳ ಸಾಲಿನಲ್ಲಿ ನಿಂತಿದೆ. 68608 ಶಬ್ದಗಳನ್ನ ಜೋಡಿಸಿಕೊಂಡಿರುವ ಕನ್ನಡ ಭಾಷೆ 10000+ ಶಬ್ಗಗಳನ್ನ ಕಲೆಹಾಕಿರುವ ಭಾಷೆಗಳ ಜೊತೆ 2ನೇ ಸಾಲಿನಲ್ಲಿ ನಿಂತಿದೆ. 

Hello ಸಾಫ್ಟ್ ಗಳಿರಾ !! Ur Attention Please. You Can Afford CCD Cappucino From Ur 5 Digit Salary. But Make Sure That Ur Knowledge Is Not Been Drained By Someone Who Is A Foreigner aka Your Client, Who Can Be Anybody & U Will Never Mind To Change Them Often. Isnt It Bloody Knowledge Prostitution. Pay Me More & I'm Yours Kind of Attitude Has The Same Phrase I Think. Change Your Attitude ( Whosoever Have That ) & Give Some of Your Share of Your Knowledge Towards Your Mother India.

[ I Have Used English, As Many Understand It Better & Feel The Punch Only In That Language ]

ಬೆಂಗಳೂರಿನಲ್ಲಿ ಸಾಫ್ಟವೇರ್ ನೆಲೆನಿಂತರೇನು ಬಂತು, ಮಣ್ಣು. ನಮ್ಮ ನೆಲದಲ್ಲಿ ಅವರ ಕೆಲಸ ಮಾಡಿಸಿಕೊಂಡು ಕಡಿಮೆ ಖರ್ಚಿನಲ್ಲಿ ಜಾಸ್ತಿ ಲಾಭ ಮಾಡಿಕೊಳ್ಳುವ ಅವರ ಹುನ್ನಾರ ಅರಿಯದ ಇದು ಒಂದು ರೀತಿಯ ಗಣಿ ಸಾಗಣೆಯಂತೇ ಲೆಕ್ಕ ಅಲ್ವೇನ್ರೀ ? ಇಂದು ನಮ್ಮಲ್ಲಿಯ ವಿದ್ಯುತ್ ಮತ್ತೊಂದು ಬರಿದು ಮಾಡಿಕೊಂಡು ನಾಳೆ ಅವರ ಮುಂದೆ ನಿಲ್ಲುವ ಬದಲು , ಇನ್ನೂ Developed ದೇಶಗಳ ಸಾಲಿನಲ್ಲಿ ನಿಲ್ಲಲು ಪ್ರಯತ್ನಿಸುತ್ತಿರುವ ನಾವು ಅವರಿಗಾಗಿ ಕೆಲಸ ಮಾಡಿಕೊಡುವುದರ ಜೊತೆ ಜೊತೆಗೆ ಆ ತಂತ್ರಜ್ಞಾನಗಳನ್ನ ಅಳವಡಿಸಿಕೊಂಡು ನಮ್ಮ ದೇಶಕ್ಕೂ ನಾವು ಕಲಿತ ನಾಲ್ಕಕ್ಷರದ ಮೂಲಕ  ಸಹಾಯ ಮಾಡಿದರೆ ಆಗಲ್ವಾ ? 

ಬರೀ ಸ್ವದೇಸ್ ಮೂವೀ ನೋಡಿ ಕಣ್ಣು ಒದ್ದೆ ಮಾಡಿಕೊಂಡ್ರೆ ಸಾಲಲ್ಲಪ್ಪ. ಅದನ್ನ ಅಳವಡಿಸಿಕೊಳ್ಳೋದಕ್ಕೂ will ಬೇಕು. ಅದು ಬಿಟ್ಟು ಅವರು ನೀಡೋ Per Annum Package ಗಾಗಿ  ಬೇಕಾಗೋ ಒಳ್ಳೇ Appraisal ಗಾಗಿ ವರ್ಷ ಇಡೀ ' ಹೋರಾಡೋದು  ' ಬಿಟ್ಟು ದೇಶದ Appraisal ಕಡೆನೂ ಗಮನ ಹರಿಸಿ ಅಂತ ನಮ್ಮ  ಸಾಫ್ಟ್ ಬಂಧುಗಳಿಗೆ ಕೇಳ್ಕೊಳೊಣ್ವಾ ?

 

: ರವಿ

ಮೀಥೈಲ್ ಐಸೋ ಸೈನೇಟ್ ( MIC - Methyl Isocyanate )

ಇತ್ತೀಚಿನ ಭೂಪಾಲ್ ಅನಿಲ ದುರಂತದ ಚರ್ಚೆಯಲ್ಲಿ MIC ಎಂಬ ಪದದ ಬಳಕೆಯನ್ನ ನೀವು ಪತ್ರಿಕೆ / ದೂರದರ್ಶನಗಳಲ್ಲಿ ಗಮನಿಸಿರಬಹುದು. ಏನೀ MIC ? ಅಷ್ಟು ಜನರ ಸಾವಿಗೆ - ಅಂಗವೈಕಲ್ಯಕ್ಕೆ ಕಾರಣೀಭೂತವಾಗಿರುವ ಇದೆಂಥ ವಿಷ ?

ಇದನ್ನ ತಿಳಿದುಕೊಳ್ಳಲು ಇಲ್ಲಿ ಕ್ಲಿಕ್ಕಿಸಿ

: ರವಿ

ಗಣಕ ಪದ ಕೋಶ - 02

CPU Cabinet :: ಇದು ಕಂಪ್ಯೂಟರ್ ನ ಪ್ರಮುಖ ಅಂಗವಾದ CPU ಗೆ ರಕ್ಷಾಕವಚ + ಹೊದಿಕೆ + ....

ಗಣಕ ಪದ ಕೋಶ - 01

UPS (Uninterreptible Power Supply) :: ಕಂಪ್ಯೂಟರ್ ಬಳಸುವಾಗ ದಿಢೀರನೆ ವಿದ್ಯುತ್ ಸಂಪರ್ಕ ಹೊರಟು ಹೋದರೆ ನಾವು ಮಾಡುತ್ತಿದ್ದ ಕೆಲಸ ಅಪೂರ್ಣವಾಗುವುದಷ್ಟೇ ಅಲ್ಲ ಮಾಡಿದ್ದೆಲ್ಲಾ ವ್ಯರ್ಥವಾಗುವ ಸಾಧ್ಯತೆ ಇರುತ್ತದೆ. ಈ ಅನನುಕೂಲತೆಯನ್ನ ತಪ್ಪಿಸಲೆಂದೇ ತಯಾರಿಸಲಾದ ಸಾಧನ, ಯು.ಪಿ.ಎಸ್. . ಸದರಿ ಸಾಧನದ ಹೆಸರು UPS ಆದರೆ ಇದನ್ನ ಕಂಪ್ಯೂಟರ್ ಗೆ ಮಾತ್ರ ಬಳಸುತ್ತಾರೆ ಎಂದು ತಿಳಿದರೆ ತಪ್ಪು. ವಿದ್ಯುತ್ ನಿಲುಗಡೆಯಾದ ತಕ್ಷಣ ತನ್ನಲ್ಲಿ ಸಂಗ್ರಹವಾಗಿರುವ ಅಥವಾ ಮರುಕ್ಷಣದಲ್ಲಿಯೇ ವಿದ್ಯುತ್ ಉತ್ಪಾದನೆಯಾಗುವಂತೆ ಸೂಚನೆ ನೀಡುವ ಸಾಧನಕ್ಕೆ UPS ಎಂದು ಹೆಸರು. ಎರಡನೇ CASE ನಲ್ಲಿ ಬರುವ ವಿದ್ಯುತ್ ಉತ್ಪಾದನೆ ಮಾಡುವ ಸಾಧನಕ್ಕೆ POWER GENERATOR ಎಂದು ಹೆಸರು. POWER GENERATE ಮಾಡುವ ಸಾಧನಕ್ಕೂ , ವಿದ್ಯುತ್ ನಿಲುಗಡೆಯ ಮರುಕ್ಷಣವೇ ವಿದ್ಯುತ್ ಪೂರೈಕೆ ಸಲ್ಲಸಲು ಸೂಚನೆ ನೀಡುವ UPS ಗೂ ವ್ಯತ್ಯಾಸವನ್ನ ಓದುಗರು ಅರಿಯಬೇಕು.

ಹೀಗೆ ವಿದ್ಯುತ್ ಸರಬರಾಜು ನೀಡಲು UPS ಸಾಧನದ ಒಳಗೆ Battery ಯನ್ನ ಅಳವಡಿಸಲಾಗಿರುತ್ತದೆ(Battery Room). ಹಾಗೆ ಅಳವಡಿಸಲಾಗಿರುವ ಬ್ಯಾಟರಿ Acid Battery ಅಥವಾ Rechargeable Li-Ion Battery ಆಗಿರುತ್ತದೆ. ಈ ಬ್ಯಾಟರಿಗಳು ವಿದ್ಯುತ್ ಸರಬರಾಜು ಇದ್ದಾಗ ತಮ್ಮಲ್ಲಿ ಅದನ್ನ ತುಂಬಿಕೊಂಡು , ಅಭಾವ ಎದುರಾದಾಗ ತಮ್ಮ ಶೇಖರಣೆ ಖಾಲಿಯಾಗುವವರೆಗೆ ನೀಡುತ್ತವೆ. ಶೇಖರಣೆ ಖಾಲಿಯಾದ ನಂತರ ಮತ್ತೆ ವಿದ್ಯುತ್ ಬಳಸಿ ಮರುಪೂರಣ ಮಾಡಿಕೊಳ್ಳುತ್ತವೆ. ಇವೆಲ್ಲಕ್ಕೂ ಕಳಶಪ್ರಾಯವಾಗಿ ವಿದ್ಯುತ್ ನಿಲುಗಡೆಯಾದ ತತ್ ಕ್ಷಣವೇ Battery ಯಿಂದ ವಿದ್ಯುತ್ ಎಳೆಯಲು ಸೂಚನೆ ನೀಡುವ ಸಲುವಾಗಿ UPS ಒಳಗಡೆ Electronic Circuit ಒಂದನ್ನು ಕೂಡ ಜೋಡಿಸಲಾಗಿರುತ್ತದೆ.

: e-ಶ

ಒಂದು ವಾರದ ವಿರಹ

6 ತಿಂಗಳ ನಂತರ ನಮ್ಮೂರಿಗೆ ಹೋಗ್ತಾ ಇದೀನಿ. ಅಲ್ಲಿ ಅಂತರ್ಜಾಲದ ಸಂಪರ್ಕದ ಕೊರತೆ ಇದೆ. ಹೀಗಾಗಿ ಈ ಒಂದು ವಾರ ನಿಮಗೆ ದೈನಂದಿನ ಜ್ಞಾನ ಪುಟವನ್ನ ನೀಡೋದು ಸಾಧ್ಯವಾಗೋದಿಲ್ಲ. ಅದಕ್ಕೆ ನಿಮಗೆ Sorry ಕೇಳ್ತೀನಿ...

ಮತ್ತೆ ಮುಂದಿನ ಮಂಗಳವಾರದಿಂದ ದೈನಂದಿನ ಜ್ಞಾನ ಪುಟ ನಿಮ್ಮೆದುರಿಗೆ - ನಿಮ್ಮ mailಮನೆಗೆ.

ಅಲ್ಲಿ ತನಕ ನೀವು ಖಾಲಿ ಏನಕ್ಕೆ ಕೂತುಕೊಳ್ತೀರಿ ? 

ನಾನು ಒಂದು ವಾರ ನಿಮಗೆ ಜ್ಞಾನವನ್ನ ಹಂಚುವ ಕೆಲಸ ಮಾಡಿದೀನಿ. ಅದರಲ್ಲಿ ಸಿನೆಮಾ, ಅಧ್ಯಯನ, ಸಂದರ್ಶನ ... ಹೀಗೆ ನಾನಾ ವಿಚಾರಗಳಿದ್ವು. ಅವೆಲ್ಲವನ್ನೂ ಯಾರಿಗೂ ತಿಳಿದೇ ಇರಲಿಲ್ಲ ಅನ್ನೋ ಅಹಂ ಇಂದ ಬರೀಲಿಲ್ಲ. ಬದಲಿಗೆ ನನಗೆ ತಿಳಿಯದ ವಿಷಯಗಳ ಬಗ್ಗೆ ಮಾಹಿತಿ ಕಲೆ ಹಾಕಿ ನಿಮಗೂ ಹಂಚಿದೀನಿ. ಹಾಗೆ ಹಂಚಿದಾಗ ನಿಮಗೆ ಆ ಮಾಹಿತಿ ಕಲೆ ಹಾಕಲು ನಾನು ತೆಗೆದುಕೊಂಡಷ್ಟು ಸಮಯದ ಉಳಿತಾಯ ಆದ ಹಾಗಾಯ್ತು ತಾನೆ ?

ಎಲ್ರಿಗೂ ಅಲ್ದೇ ಹೋದ್ರೂ ಕೆಲವು ಜನ ಸ್ಪರ್ಧಾರ್ಥಿಗಳಿಗಾದ್ರೂ ನಾನು ಹಂಚಿದ ವಿಷಯಗಳು ಹೊಸತಾದವು ಅನಿಸಿರಲಿಕ್ಕೆ ಸಾಕು. ಅಲ್ಲಿಗೆ ನನ್ನ ಶ್ರಮ ಸಾರ್ಥಕ. 

ಅದೇ ರೀತಿ ನೀವೂ ಕೂಡ ಪ್ರತಿ ದಿನ ಒಂದು ವಿಚಾರವನ್ನ ಹೊಸತಾಗಿ ತಿಳಿಯುವ ಹಟ ಮಾಡಿ. ಹಾಗೆ ಒಂದು ವಾರದಲ್ಲಿ  ನೀವು ತಿಳಿದುಕೊಳ್ಳುವ 7 ಹೊಸ ವಿಚಾರಗಳಲ್ಲಿ ಕನಿಷ್ಠ 2 ನ್ನಾದ್ರೂ ಹಂಚಿಕೊಂಡರೆ ಇನ್ನೊಬ್ಬರಿಗೆ ಆ ಮಾಹಿತಿ ಕಲೆಹಾಕಲು ಪಡುವ ಶ್ರಮದ ಉಳಿತಾಯವಾಗಬಹುದಲ್ವೇ ?

ಇನ್ನು ಹೇಗೆ ಹಂಚಿಕೋಬೇಕು ನಿಮ್ಮ ಲೇಖನವನ್ನ ಅನ್ನೋದು ಗೊತ್ತು ತಾನೆ ? ಬಹಳ ಸರಳವಾಗಿದೆ : ನಿಮ್ಮ ಲೇಖನವನ್ನ ನನ್ನ mail ID : spardharthi@gmail.com ಗೆ email ಮಾಡಿ. ಉರಿನಿಂದ ಬಂದ ಮರುದಿನದಿಂದ ನಿಮ್ಮ ಲೇಖನಗಳನ್ನೇ ಪ್ರಕಟಿಸ್ತೀನಿ. ಸರಿನಾ ?

ಇಲ್ಲಿ ಖಂಡಿತ ಸ್ವಾರ್ಥ ಪೂರಿತ ದುಷ್ಟಬುದ್ಧಿಯನ್ನ ಇಣುಕಲು ಬಿಡಬೇಡಿ. ಬದಲಿಗೆ " ನೀ ನನಗಾದರೆ ನಾ ನಿನಗೆ " ಅನ್ನುವ ನಾಣ್ಣುಡಿ ನೆನಪಿರಲಿ. ಈ ನಾಣ್ಣುಡಿಯಲ್ಲಿ ನಿಮಗೆ ನಂಬಿಕೆ ಇದ್ರೂ ಬಂತು ಬಿಟ್ರೂ ಬಂತು , ಆದರೆ : ನಿಮಗೆ ಸಹಾಯ ದೊರೆತು ಅದರಿಂದ ಒಳ್ಳೆಯದಾಗುವುದು, ನೀವು ಇತರರಿಗೆ ಸಹಾಯ ಮಾಡಿದಾಗ ಮಾತ್ರ !!

- ಸ್ಪರ್ಧಾರ್ಥಿ

.

ಸಂದರ್ಶನ ಸಿದ್ಧತೆಗೊಂದು ಅತ್ಯುಪಯುಕ್ತ ತಾಣ

" ........ಅಂತೂ ಇಂತೂ ಲಿಖಿತ ಪರೀಕ್ಷೆ ಪಾಸು ಮಾಡಿ ಆಯ್ತು , ಆದರೆ ಈಗ ಸಂದರ್ಶನದ್ದೇ ದೊಡ್ಡ ಚಿಂತೆಯಾಗಿದೆ. "

".... ಲಿಖಿತ ಪರೀಕ್ಷೆಗಳಿಗಾದರೆ ಮಾದರಿ / ಪೂರ್ವ ಪ್ರಶ್ನೋತ್ತರ ಲಭ್ಯವಿದ್ವು. ಆದರೆ ಸಂದರ್ಶನಕ್ಕೆ ? "

" ...... ಸಂದರ್ಶನಕ್ಕೆ ಅನುಕೂಲ ಆಗೋ ಹಾಗೆ ಸಹಾಯ ಮಾಡೋ ತಾಣ ಯಾವುದೂ ಇಲ್ವೇ ? "

ಹೀಗಂತ ಅಲವತ್ತುಕೊಳ್ಳುವ ದಿನಗಳು ದೂರ ಸರಿದಿವೆ. ಇನ್ನು ಮೇಲೆ ಆ ಪ್ರಶ್ನೆಯೇ ಉದ್ಧವಿಸುವುದಿಲ್ಲ. ಯಾಕಂದ್ರೆ ಆ ಸಮಸ್ಯೆಗೆ ಪರಿಹಾರ ರೂಪವಾಗಿ ಒಂದು ಸುಂದರ ವೆಬ್ ತಾಣವನ್ನ ನಿಮಗೆ ಪರಿಚಯಿಸ್ತಾ ಇದೀನಿ. ಇಲ್ಲಿ ಈ ಹಿಂದೆ ಆಗಿರುವ ಸಂದರ್ಶನಗಳಿಂದ ಅಭ್ಯರ್ಥಿಗಳಿಂದ ಒಂದೆಡೆ ಮಾಹಿತಿ ಸಂಗ್ರಹಿಸಲಾಗಿದೆ. ಇಲ್ಲಿ ಸರ್ಕಾರೀ ನೌಕರಿಯ ಜೊತೆಗೆ Software ನೌಕರಿಯ ಎಲ್ಲ ತರಹದ Topic ಗಳನ್ನ ಆಧರಿಸಿ ಸಂದರ್ಶನ ಮಾಹಿತಿಯನ್ನ / ಪ್ರಶ್ನೆಗಳನ್ನ ಕಲೆ ಹಾಕಲಾಗಿದೆ. ವ್ಯವಸ್ಥಿತಾವಗಿದೆ ಅವರ ಪ್ರಯತ್ನ. ಅದಕ್ಕೆ ನಾವೆಲ್ಲ ಶುಭ ಕೋರಲೇಬೇಕು. ಈಗ ಆ ತಾಣ( allinterview.com ) ಒಂದ್ಸಾರಿ ಸಂದರ್ಶಿಸಿ ಬನ್ನಿ. ನಿಮ್ಮ ಮುಂದಿನ ಸಂದರ್ಶನಗಳಿಗೆ ಸಹಾಯ ಮಾಡುವ ಶಕ್ತಿ ಆ ತಾಣಕ್ಕಿದೆ ಅಂತ ನಾನು ನಂಬಿದೀನಿ.

ತಾಣವನ್ನ ಸಂದರ್ಶಿಸಲು ಇಲ್ಲಿ ಕ್ಲಿಕ್ಕಿಸಿ

: ರವಿ

Exploring ಸ್ಪರ್ಧಾರ್ಥಿ : I

ಈ ತರಹ ಹೊಸ ಹೊಸ ಉತ್ಪನ್ನಗಳಿಗೆ ಕಂಪೆನಿಗಳು ಧ್ಯೇಯ ವಾಕ್ಯ ನೀಡೋದು ರೂಢಿಯಾಗಿಬಿಟ್ಟಿದೆ. ಬರೀ ಹೊಸ ಉತ್ಪನ್ನಗಳಷ್ಟೇ ಅಲ್ಲ,  ಹಳೆ ಕಂಪೆನಿಗಳು ಕೂಡ ತಮ್ಮ ಧ್ಯೇಯ ಬದಲಾಗಿರುವುದನ್ನ ಘೋಷಿಸುವುದಕ್ಕೋಸ್ಕರ / ತಮ್ಮ ಕಂಪೆನಿಯ ಹೆಚ್ಚಿರುವ ಬದ್ಧತೆಯನ್ನ ತೋರಿಸಲಿಕ್ಕೆ ಕೂಡ ಧ್ಯೇಯ ವಾಕ್ಯಗಳನ್ನ ಬದಲಾಯಿಸ್ತಾ ಹೋಗ್ತಾವೆ. ಆ ಧ್ಯೇಯ ವಾಕ್ಯಗಳು ಆ ಉತ್ಪನ್ನದ ಉದ್ದೇಶ ಸಾರುತ್ವೆ .... ಅಂತಹ ಅನೇಕ Slogans / Tag Lines ಗಳ ಸಂಗ್ರಹವೊಂದು ನಮ್ಮ ಸ್ಪರ್ಧಾರ್ಥಿಯಲ್ಲಿದೆ.  ಆ ಸಂಗ್ರಹಕ್ಕೆ ಸಾಕಷ್ಟು ಶ್ರಮ ಪಟ್ಟಿದೀನಿ. 75% ಪೂರ್ತಿಯಾಗಿದೆ. ಇನ್ನುಳಿದವುಗಳನ್ನ ಶೀಘ್ರದಲ್ಲೇ ಪೂರ್ತಿ ಮಾಡ್ತೀನಿ. ಒಂದ್ಸಾರಿ ಓದಿ : ಇಲ್ಲಿ ಕ್ಲಿಕ್ಕಿಸಿ

ನಮ್ಮ ಗುರುಪ್ರಸಾದ್

'ಮಠ' ಚಲನಚಿತ್ರ ನೋಡಿದ ಪ್ರತಿಯೊಬ್ಬರಿಗೂ ಗೊತ್ತು ನಿರ್ದೇಶಕ ಗುರುಪ್ರಸಾದ್ Calibre ಏನೆಂದು. ಅಂಥ ಗುರುಪ್ರಸಾದ್ ಹಿಂದೆ " ಯಾರಿಗೆ ಬೇಡ ದುಡ್ಡು !! " (2002) ಎಂಬ ಚಿತ್ರ ಮಾಡಿದ್ದು ಕಡಿಮೆ ಜನರಿಗೆ ಗೊತ್ತು. 'ಮಠ'(2006)ದ ನಂತರ ಬಿಡುಗಡೆಯಾದ  'ಎದ್ದೇಳು ಮಂಜುನಾಥ'(2009) ಚಿತ್ರ ಕೂಡ ಗುರುಪ್ರಸಾದ್ ರ ಸಾಮರ್ಥ್ಯವನ್ನ ಸಾಬೀತು ಪಡಿಸಿದೆ.

ಈಗ 2 ಚಿತ್ರಗಳು ಅವರ ಮುಂದಿವೆ : ಡೈರೆಕ್ಟರ್ಸ್' ಸ್ಪೆಷಲ್ ಮತ್ತೆ ಜುಗಲ್ ಬಂದಿ.

ಡೈರೆಕ್ಟರ್ಸ್ ಸ್ಪೆಷಲ್ ನಲ್ಲಿ ಕೋಮಲ್ ರನ್ನ ಸೇರಿಸಿಕೊಂಡದ್ದು ನಂತರ ಅವರು ಕೈಕೊಟ್ಟದ್ದು ಈಗ ಇತಿಹಾಸ. ತಬ್ಲಾ ನಾಣಿ ಯವರಂತೂ ಎಂದಿನಂತೆ ಗುರುಪ್ರಸಾದ್ ಜೊತೆಗಿದಾರೆ. ಕೋಮಲ್ ಬಿಟ್ಟು ಹೋದ ನಂತರ ಗುರುಪ್ರಸಾದ್ ರಂಗಭೂಮಿಯಿಂದ ಕೆಲವು ಪ್ರತಿಭಾವಂತರನ್ನ ತಮ್ಮ Director Special ಚಿತ್ರಕ್ಕೆ ಆರಿಸಿಕೊಂಡಿದ್ದಾರಂತೆ. ಎಂಥ ಕಗ್ಗಲ್ಲನ್ನೂ ಕಡೆದು ಸುಂದರ ಶಿಲ್ಪವನ್ನಾಗಿಸಿವ ಶಿಲ್ಪಿಯ ಹಾಗೆ ನಮ್ಮ ಗುರುಪ್ರಸಾದ್ ಅಲ್ವಾ ?!! ಅಂಥದ್ರಲ್ಲಿ ರಂಗಭೂಮಿಯ ನಟರು ಅವರ ಪರಿಶ್ರಮಕ್ಕೆ ಬೆಲೆ ತಂದೇ ತರುತ್ತಾರೆ ಅಂತ ಹಾರೈಸೋಣ.

ಜುಗಲ್ ಬಂದಿಯಲ್ಲೂ ನಾಣಿಯವರಿರುವುದು ಗೊತ್ತಾಗಿದೆ. ಬಾಕಿ ರೂಪುರೇಷೆಗಳು ತಿಳಿದು ಬಂದಿಲ್ಲ.

: ರವಿ