" ಸ್ಪರ್ಧಾರ್ಥಿ "

63 ರೇಂಜ್ ಫಾರೆಸ್ಟ್ ಆಫೀಸರ್(RFO) ಹುದ್ದೆಗಳು

2011-09-04T07:19:00.000+05:30

63 ರೇಂಜ್ ಫಾರೆಸ್ಟ್ ಆಫೀಸರ್(RFO) ಹುದ್ದೆಗಳು

ಕೊನೆ ದಿನಾಂಕ : 30 ಸಪ್ಟೆಂಬರ್ 2011

ಪರೀಕ್ಷಾ ದಿನಾಂಕ : ಪ್ರಕಟಣೆ ಆಗಿಲ್ಲ

ಒಟ್ಟು Vacancy : 32+31

ವಿದ್ಯಾರ್ಹತೆ : ಇಲಾಖೆಯ ಅಧಿಸೂಚನೆಗಾಗಿ ಇಲ್ಲಿ ಕ್ಲಿಕ್ಕಿಸಿ

ನಿಗದಿಪಡಿಸಿರುವ ಪಠ್ಯ : ಇಲ್ಲಿ ಕ್ಲಿಕ್ಕಿಸಿ

ವಯೋಮಿತಿ : 35 ವರ್ಷ ( ಸಾ.ಅ.)

ಆಯ್ಕೆ ಪದ್ಧತಿ : ಲಿಖಿತ ಪರೀಕ್ಷೆ + ದೈಹಿಕ ದಾರ್ಢ್ಯತೆ ಪರೀಕ್ಷೆ + ಸಂದರ್ಶನ

ಅರ್ಜಿ ಸಲ್ಲಿಸುವುದು ಹೇಗೆ ? : Online ಅರ್ಜಿ ಮಾತ್ರ

ಸಂಪರ್ಕ ವಿಳಾಸ : http://karnatakaforest.gov.in/English/index.html

: ಪತ್ರೋದ್ಯೋಗಿ

ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ ಪ್ರೊಬೇಷನರಿ ಅಧಿಕಾರಿ ಹುದ್ದೆ ಪರೀಕ್ಷೆ - ಕಂಪ್ಯೂಟರ್ ಜ್ಞಾನ

2011-09-03T08:19:00.000+05:30

ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ ಪ್ರೊಬೇಷನರಿ ಅಧಿಕಾರಿ ಹುದ್ದೆ ಪರೀಕ್ಷೆ - ಕಂಪ್ಯೂಟರ್ ಜ್ಞಾನ - 16/01/ 2011

{ ಅತ್ಯಮೂಲ್ಯ ಉತ್ತರ ಪತ್ರಿಕೆ : 06 }

( ಪಿ.ಡಿ.ಓ. ಪರೀಕ್ಷೆ ಕಂಪ್ಯೂಟರ್ ಜ್ಞಾನ ಕ್ಕೆ ಅನುಕೂಲ )

You can keep your personal files/folders in — My Documents
The primary purpose of software is to turn data into — Information
A directory within a directory is called — Sub Directory
A compiler translates a program written in a high-level language into — Machine language
When you turn on the computer, the boot routine will perform this test — Disk drive test
A ……is a unique name that you give to a file of information — filename extension
Hardware includes — all devices involved in processing information including the central processing unit, memory and storage
A ……… contains specific rules and words that express the logical steps of an algorithm — programming language
All the deleted files go to — Recycle Bin
The simultaneous processing of two or more programs by multiple processors is — Multiprocessing
The secret code that restricts entry to some programs — Password
Computers use the ……… number system to store data and perform calculations — binary
The main function of the ALU is to — Perform arithmetic and logical operations
……is the process of carrying out commands — Executing
Softcopy is the intangible output, so then what is hardcopy ? — The printed output
A(n) ……… is a program that makes the computer easier to use — utility
A complete electronic circuit with transistors and other electronic components on a small silicon chip is called a(n) — Integrated circuit
Computer systems are comprised of — Hardware, software, procedures, networks and people
An error in a computer program — Bug
What is output ? — What the processor gives to the user
The person who writes and tests computer programs is called a — programmer
A set of instructions telling the computer what to do is called — program
What menu is selected to print ? — File
What is backup ? — Protecting data by copying it from the original source to a different destination
The term bit is short for — Binary digit

( ... ಮುಂದುವರಿಯುವುದು )

: ಉತ್ತರಚೋರ

ಇಂಡಿಯನ್ ಬ್ಯಾಂಕ್ ಪ್ರೊಬೇಷನರಿ ಅಧಿಕಾರಿ ಹುದ್ದೆ ಪರೀಕ್ಷೆ - ಸಾಮಾನ್ಯ ಜ್ಞಾನ

2011-09-02T07:33:00.000+05:30

ಇಂಡಿಯನ್ ಬ್ಯಾಂಕ್ ಪ್ರೊಬೇಷನರಿ ಅಧಿಕಾರಿ ಹುದ್ದೆ ಪರೀಕ್ಷೆ - ಸಾಮಾನ್ಯ ಜ್ಞಾನ - 02/01/ 2011

{ ಅತ್ಯಮೂಲ್ಯ ಉತ್ತರ ಪತ್ರಿಕೆ : 05 }

ಸರ್ಕಾರದ ಬೊಕ್ಕಸಕ್ಕೆ ಸಂಬಂಧಿಸಿದಂತೆ 'Account Head' ಎನ್ನುವುದು ಸಾಮಾನ್ಯ ಪದ. ಈ ರೀತಿ ಖರ್ಚಿನ ಬಾಬ್ತು & ಆದಾಯದ ಬಾಬ್ತು ಬೇರೆ ಬೇರೆ Account Head ಗಳಿರುತ್ತವೆ. ಆ ರೀತಿಯಾಗಿ ಇರುವ ಭಾರತ ಸರ್ಕಾರದ ಖರ್ಚಿನ ಬಾಬ್ತಿನ Account Head ಗಳಲ್ಲಿ ಸಬ್ಸಿಡಿ ಗಳಿಗಾಗಿ ಇರುವ Account Head ದೇ ಅತಿ ಹೆಚ್ಚಿನ ಪಾಲು. ಅಂದ್ರೆ ನಮ್ಮ ಸರ್ಕಾರ ಸಬ್ಸಿಡಿಗಾಗಿ ಸಿಕ್ಕಾಪಟ್ಟೆ ಹಣ ವ್ಯಯ ಮಾಡುತ್ತದೆ.
Banking Regulation Act ಮುಖಾಂತರ RBI ಉಳಿದ ಬ್ಯಾಂಕುಗಳಿಗೆ ನಿರ್ದೇಶನ ನೀಡುತ್ತದೆ.
ಭಾರತದ ಮೊಟ್ಟಮೊದಲ ಸ್ವದೇಶಿ ನಿರ್ಮಿತ ವಿಮಾನ ಎಂಜಿನ್ ಗೆ 'ಕಾವೇರಿ' ಎಂಬ ಹೆಸರಿಡಲಾಗಿದೆ.
ಸರಿಸ್ಕಾ ಹುಲಿ ಅಭಯಾರಣ್ಯ ಇರುವುದು ರಾಜಸ್ಥಾನದಲ್ಲಿ.
TRAI ಇದರ ವಿಸ್ತೃತ ರೂಪ - Telecom Regulatory Authority of India
CDMA ಇದರ ವಿಸ್ತೃತ ರೂಪ - Code Division Multiple Access
Credit Rating is used to rate the borrowers while giving advances.
Bank of Rajasthan ಈಗ ICICI Bankನೊಂದಿಗೆ ವಿಲೀನಗೊಂಡಿದೆ.

: ಉತ್ತರಚೋರ

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ - ಗ್ರೇಡ್ ಬಿ ಅಧಿಕಾರಿ ಹುದ್ದೆಯ ಪರೀಕ್ಷೆ - ಫೆಬ್ರುವರಿ 2011

2011-09-01T17:30:00.000+05:30

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ - ಗ್ರೇಡ್ ಬಿ ಅಧಿಕಾರಿ ಹುದ್ದೆಯ ಪರೀಕ್ಷೆ - ಫೆಬ್ರುವರಿ 2011

{ ಅತ್ಯಮೂಲ್ಯ ಉತ್ತರ ಪತ್ರಿಕೆ : 04 }

ನಮ್ಮ ದೇಶದ ಗ್ರಾಮೀಣ ಜನರಿಗೆ ಕುಟುಂಬವೊಂದಕ್ಕೆ ವಾರ್ಷಿಕ ಗರಿಷ್ಠ 100 ದಿನದ ಉದ್ಯೋಗ ಭರವಸೆಯನ್ನು ನೀಡುತ್ತಿರುವ ಯೋಜನೆ - ಮಹಾತ್ಮಾ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆ.
2007ರ ಸಾರ್ಕ್ ಶೃಂಗಸಭೆಯಲ್ಲಿ South Asian Free Trade Agreement (SAFTA) ಎಂಬ ಒಪ್ಪಂದ ಮಾಡಿಕೊಂಡು ಸಾರ್ಕ್ ದೇಶಗಳ ನಡೆವೆ ನಡೆಯುವ ಆಮದು-ರಫ್ತು ವ್ಯವಹಾರಕ್ಕೆ Customs ಶುಲ್ಕವನ್ನು ರದ್ದುಪಡಿಸಲಾಯಿತು.
ಭಾರತದ ಎಲ್ಲ ಜಿಲ್ಲೆಗಳ ಎಲ್ಲ ಗ್ರಾಮೀಣ ಬ್ಯಾಂಕುಗಳಿಗೆ ಬಡ್ಡಿಯ ದರವನ್ನು ನಿಗದಿ ಮಾಡುವ ಸಂಸ್ಥೆ - NABARD
ಪ್ರತಿ ವರ್ಷ ಜಾಗತಿಕ ಜನಸಂಖ್ಯೆಗೆ ಅತಿ ಹೆಚ್ಚಿನ ಪಾಲು ನೀಡುತ್ತಿರುವುದು - ಭಾರತದ ಜನಸಂಖ್ಯೆ
ಈಗ ಜಗತ್ತಿನ ಅತಿ ಹೆಚ್ಚು ಯುವ ಜನಸಂಖ್ಯೆಯನ್ನು ಹೊಂದಿರುವ ಭಾರತ ದೇಶ ಮುಂದೊಮ್ಮೆ ಅತಿ ಹೆಚ್ಚು ಮುದುಕರನ್ನು ಹೊಂದಲಿದೆ. ಕಾರಣ ನಮ್ಮ ಜೀವನಶೈಲಿಯಿಂದಾಗಿ Fertility ಯಲ್ಲಿ ಇಳಿಮುಖವಾಗಲಿದೆ.
ಭಾರತದ ಮೊದಲ ಯೋಜನಾ ಆಯೋಗದ ಅವಧಿ - 1951-1956
ಭಾರತದ ವಿದೇಶಾಂಗ ನೀತಿಗೆ ಪಂಚಶೀಲ ತತ್ವದ ಪ್ರಭಾವ ಜಾಸ್ತಿ ಇದೆ.
Development As Freedom ಕೃತಿಯ ಕರ್ತೃ - ಅಮರ್ತ್ಯ ಸೇನ್
ವಿಶ್ವ ಬ್ಯಾಂಕ್ ನ 'ಆಣೆಕಟ್ಟು ಪುನಶ್ಚೇತನ ಯೋಜನೆ'ಯಡಿ ತನ್ನ ರಾಜ್ಯದ ಆಣೆಕಟ್ಟುಗಳ ಸುಧಾರಣೆಗೆ ಕೈ ಹಾಕಿರುವ ರಾಜ್ಯ - ಕೇರಳ
ಭಾರತದ ಅಣು ವಿದ್ಯುತ್ ಸ್ಥಾವರಗಳಲ್ಲಿ ಬಳಕೆಯಾಗುತ್ತಿರುವ ಇಂಧನ - ಥೋರಿಯಂ
ಹಾಲಿನ ಉತ್ಪಾದನೆಯಲ್ಲಿ ಭಾರತ ಸ್ವಯಂಪೂರ್ಣತೆಯನ್ನು ಸಾಧಿಸಿದೆ.
2010ರ ಮಾನವ ಅಭಿವೃದ್ಧಿ ಸೂಚ್ಯಂಕದ ಪ್ರಕಾರ ಜಾಗತಿಕ ಮಟ್ಟದಲ್ಲಿ ಭಾರತದ ಸ್ಥಾನ -119
ಲೂಯಿಸ್ ಇನಾಸಿಯೋ ಲು ಲಾ ಡ ಸಿಲ್ವಾ - ಇವರು 2010ರ ಇಂದಿರಾಗಾಂಧಿ ಶಾಂತಿ ಪ್ರಶಸ್ತಿ ಪಡೆದರು.
ಚಾಲ್ತಿ ಕಾನೂನಿನ ಪ್ರಕಾರ ಭಾರತದಲ್ಲಿ ದಿನದ ಕನಿಷ್ಟ ಕೂಲಿ - ರೂ.125/-
United Nations Conference on Trade and Development (UNCTAD) ಸಂಸ್ಥೆಯ ಪ್ರಕಾರ 2010 ರಿಂದ 2012ರ ಅವಧಿಯಲ್ಲಿ ಜಗತ್ತಿನಲ್ಲಿ ಅತಿ ಹೆಚ್ಚು ವಿದೇಶೀ ಬಂಡವಾಳ ಹೂಡಿಕೆ ಪಡೆಯುವ ದೇಶ - ಭಾರತ
ಭಾರತದಲ್ಲಿ ಬ್ಯಾಂಕುಗಳಿಲ್ಲದ ಪ್ರದೇಶಗಳಲ್ಲಿ Microfinance ಸೇವೆಗಳನ್ನು ಉತ್ತಮಪಡಿಸುವ ಸಲುವಾಗಿ $407 ಬಿಲಿಯನ್ ಮೊತ್ತದ ಸಾಲವನ್ನು ಭಾರತಕ್ಕೆ ನೀಡಿರುವ ಸಂಸ್ಥೆ - ವಿಶ್ವಬ್ಯಾಂಕ್
2010ರಲ್ಲಿ ಸಂಸತ್ತಿನಲ್ಲಿ ಪಾಸಾದ ಒಂದು ಮಸೂದೆ - RTE - Right to Education
ನವೆಂಬರ್ 2010ರಲ್ಲಿ ಭಾರತ ಸರ್ಕಾರ SABALA ( ‘Sabla’ or the ‘Rajiv Gandhi Scheme for Adolescent Girls’ ) ಎಂಬ ಯೋಜನೆ ಜಾರಿ ಮಾಡಿತು. ಇದರ ಪ್ರಕಾರ Integrated Child Development Services ವತಿಯಿಂದ 11ರಿಂದ 18 ವಯಸ್ಸಿನ ಒಳಗಿನ ಹೆಣ್ಣು ಹುಡುಗಿಯರಿಗೆ ಪೌಷ್ಠಿಕ ಆಹಾರ ಮತ್ತು ವಿಶೇಷ ತರಬೇತಿ ನೀಡಲಾಗುವುದು.
ನೇಪಾಳ ದೇಶಕ್ಕೆ ಕೊಳವೆ ಬಾವಿ ಕೊರೆಯುವ ಸಲುವಾಗಿ 26ದಶಲಕ್ಷ ಸಹಾಯಧನವನ್ನು ಭಾರತ ನೀಡಿದೆ.
ಜಾಗತಿಕ ಮಟ್ಟದಲ್ಲಿ RIC ಗುಂಪು ಎಂದರೆ - Russia - India - China
ವಿಶ್ವಬ್ಯಾಂಕಿನ ಅಂದಾಜಿನ ಪ್ರಕಾರ ಭಾರತದ 40% ಜನತೆ ಅಂತರರಾಷ್ಟ್ರೀಯ ಬಡತನ ರೇಖೆ(IPL) (ದಿನವೊಂದಕ್ಗಿಂಕೆ 1.25 ಅಮೆರಿಕನ್ತ ಡಾಲರ್ ಗಿಂತ ಕಡಿಮೆ ಸಂಪಾದನೆ ) ಕೆಳಗೆ ವಾಸಿಸುತ್ತಿದ್ದಾರೆ.

: ಉತ್ತರಚೋರ

ಕ್ಷಮೆ ಮತ್ತು ಕಾರಣ ಮತ್ತು ಮತ್ತೊಂದು ....

2011-01-07T16:21:00.002+05:30

ಸ್ಪರ್ಧಾರ್ಥಿಯ ಓದುಗರಿಗೆ ಕ್ಷಮೆ ಕೇಳಿ ; ಕ್ಷೇಮ ಸಮಾಚಾರ ಕೇಳುತ್ತಾ ...

ಕೆಲವು ದಿನಗಳಿಂದ ನಿಮ್ಮೊಂದಿಗೆ ಜ್ಞಾನವನ್ನ ಹಂಚಿಕೊಳ್ಳದೇ ಇರಲು ಕಾರಣವನ್ನರಹುತ್ತಿದ್ದೇನೆ.

ಕಾರಣ : ಪ್ರತಿ ದಿನ ಸಂಜೆ ಮನೆ ತಲುಪಿದ ನಂತರ ನನ್ನ ಸಂಗಾತಿಯಾಗಿದ್ದ ಕಂಪ್ಯೂಟರ್ ನನ್ನ ಮೇಲೆ ಮುನಿಸಿಕೊಂಡಿದ್ದು ON ಆಗಲು ನಿರಾಕರಿಸುತ್ತಿದೆ. ಕಂಪ್ಯೂಟರ್ ON ಆದ ಕೂಡಲೇ ನಿಮಗೆ ಜ್ಞಾನ ಹಂಚುವ ಕೆಲಸ ಪ್ರಾರಂಭ ಮಾಡುವ ಹುಮ್ಮಸ್ಸಿನಲ್ಲಿದ್ದೇನೆ.

ಈಗ ಮತ್ತೊಂದು ಸಮಾಚಾರ ಹೇಳುತ್ತೇನೆ.

ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಹುದ್ದೆಗೆ ಸ್ಪರ್ಧಾರ್ಥಿಯ ಹುಡುಗ ಆಯ್ಕೆಯಾಗಿದ್ದು, ಜನವರಿ 15ರಿಂದ ಹಳ್ಳಿವಾಸ ಆರಂಭವಾಗಲಿದೆ. Always Connected ಸ್ಥಿತಿಯಿಂದ Never Connected ಸ್ಥಿತಿಗೆ ತೆರಳುತ್ತಿದ್ದಾನೆ. ಹೀಗಾಗಿ ಸ್ವಲ್ಪ ದಿನ ಅಲ್ಲಿನ ಪರಿಸರಕ್ಕೆ ಹೊಂದಾಣಿಕೆ ಆಗುವ ತನಕ ಸ್ಪರ್ಧಾರ್ಥಿ ತಾಣದಲ್ಲಿ ಹೊಸ ಬರಹಗಳು ಬರದೇ ಇರಬಹುದು. ಆ ಸ್ವಲ್ಪ ದಿನ ಸ್ಪರ್ಧಾರ್ಥಿಗಳು ಸಹಕರಿಸಬೇಕೆಂದು ಮನವಿ ಕೂಡ ಮಾಡಿದ್ದಾನೆ.

ಪಂಚಾಯತ್ ಅಭಿವೃದ್ಧಿ ಅದಿಕಾರಿ ಹುದ್ದೆಯಲ್ಲಿ ನೂರಾ ಎಂಟು ತಲೆನೋವುಗಳಿದ್ದರೂ ಧೈರ್ಯ ಮಾಡಿ ಹೋಗ್ತಿದಾನೆ, ಸ್ಪರ್ಧಾರ್ಥಿ ಓದುಗರೆಲ್ಲರ ಶುಭೇಚ್ಛೆ ಇರಲಿ.

ಮತ್ತೆ ಶೀಘ್ರದಲ್ಲೇ ನಿಮ್ಮ ಜೊತೆ ಜ್ಞಾನ ಹಂಚಿಕೊಳ್ಳುವ ಉತ್ಸುಕತೆಯಲ್ಲಿ,

: ಸ್ಪರ್ಧಾರ್ಥಿ

ಗಣಕ ಪದಕೋಶ - 22 : ಟ್ವಿಟರೇಚರ್(Twitterature)

2011-01-02T08:00:00.006+05:30

ಟ್ವಿಟರೇಚರ್ ( twitterature ) : ಏನಿದು ಹೊಸ ಸಂಧಿವಾಕ್ಯ ಅಂತ ಹುಬ್ಬೇರಿಸಬೇಡಿ. ಇದು Twitter ಮತ್ತು Literature ಎರಡು ಶಬ್ದಗಳು ಸಂಕರಗೊಂಡಾಗ ಹುಟ್ಟಿದ ಶಬ್ದ. ಬರೀ ಶಬ್ದಗಳು ಮಾತ್ರವಲ್ಲ ಎರಡೂ ಶಬ್ದಗಳ ನಿಜೋದ್ದೇಶ ಈಡೇರುವ ಸಲುವಾಗಿ ಸೃಷ್ಟಿಯಾಗಿರುವ Tool, ತನ್ಮೂಲಕ ಶಬ್ದ.

ಟ್ವಿಟರ್ ಟೂಲ್ ನ ಧ್ಯೇಯ : 140 ಅಕ್ಷರಗಳಲ್ಲಿ ನಿಮ್ಮ ಮನದ ಮಾತುಗಳನ್ನ ಪ್ರಸಾರ ಮಾಡುವುದು.

ಸಾಹಿತ್ಯದ ಧ್ಯೇಯ : ಸಾಹಿತಿಯ ಮನದಲ್ಲಿ ಉದಿಸಿದ ಕಲ್ಪನಾ ವಿಲಾಸವನ್ನ ಬರವಣಿಗೆಯ ಮೂಲಕ ಓದುಗನಿಗೂ ತಲುಪುವ ಹಾಗೆ ಮಾಡುವ ಮೂಲಕ ಅವನಲ್ಲೂ ಅದೇ ವಿಲಾಸ ಲೋಕಕ್ಕೆ ಕರೆದೊಯ್ಯುವುದು.

ಈ ಎರಡು ಧ್ಯೇಯಗಳನ್ನ ಸಂಕರಿಸಿ Twitterature ಅನ್ನ ಸೃಷ್ಟಿಸಲಾಗಿದೆ. ಒಂದು Advantage & ಒಂದು Disadvantage ಬಳಸಿಕೊಂಡು ಈ Tool ಸೃಷ್ಟಿಯಾಗಿದೆ.

ಸಾಹಿತ್ಯ ಓದುಗರ ಸಂಖ್ಯೆ ಕ್ಷೀಣಗೊಳ್ಳುತ್ತಿರುವುದು ಈ ದಿನದ Disadvantage
ಆಗಿದ್ದರೆ,
ಹೆಚ್ಚೆಚ್ಚು ಜನ Twitter ನಂತಹ Social Network ತಾಣಗಳಿಗೆ ದಿನದ 24 ಗಂಟೆಯೂ ಅಂಟಿಕೊಂಡಿರುವುದು Advantage.

ಹೀಗಾಗಿ ಸಾಹಿತ್ಯ ಲೋಕದ ಮಹಾನ್ ಕೃತಿಗಳನ್ನ Twitter ಮೂಲಕ ಜನರಿಗೆ ತಲುಪಿಸುವ ಯೋಜನೆಯೇ ಈ Twitterarure.

"

Perhaps you once asked yourself, ‘What exactly is Hamlet trying to tell me? Why must he mince his words, muse in lyricism and, in short, whack about the shrub?’ No doubt such troubling questions would have been swiftly resolved were the Prince of Denmark a registered user on Twitter.com.

This, in essence, is Twitterature.

Here you will find over sixty of the greatest works of western literature – from Beowulf to Bronte, from Kafka to Kerouac, and from Dostoevsky to Dickens– each distilled through the voice of Twitter to its purest, pithiest essence. Including a full glossary of online acronyms and Twitterary terms to aid the amateur, Twitterature provides everything you need to master the literature of the civilised world, while relieving you of the burdensome task of reading it.

***

ಹ್ಯಾಮ್ಲೆಟ್ ಓದುವಾಗ ನಿಮಗನಿಸಿರಬಹದು : " ಇಂಥ ಕಠಿಣ ಪದಗಳನ್ನ ಬಳಸಿ ಈ ಸಾಹಿತಿ ಏನೂ ಹೇಳೋಕೆ ಹೊರಟಿದಾನೆ ? ಹೇಳೋದನ್ನ ಸಾಮಾನ್ಯರಿಗೂ ತಿಳೀಯೋಹಾಗೆ ಸರಳ ಭಾಷೆಯಲ್ಲಿ ಹೇಳಿದ್ದರೆ ಇವನ ಗಂಟೇನು ಹೋಗ್ತಿತ್ತು ? " ಅಂತ. ಆವಾಗ ನಿಮಗನಿಸಿರಬಹುದು ಆ ಪಾತ್ರಧಾರಿ ಡೆನ್ಮಾರ್ಕ್ ರಾಜ Twitter.Com ನಲ್ಲಿ Account ಹೊಂದಿದ್ರೆ ಭಾಳ ಸರಳವಾಗಿ ತನ್ನ ಕಥೆ ಹೇಳ್ತಾ ಇದ್ದ ಅಂತ. ಅಲ್ಲಾ ?

ಈ ಟ್ವಿಟರೇಚರ್ ನ ತಿರುಳು ಇರೋದೇ ಅಷ್ಟೇ : ಇಂಗ್ಲೀಷ್ ಸಾಹಿತ್ಯದ ಸುಮಾರು ಸುಪ್ರಸಿದ್ಧ ಕೃತಿಗಳನ್ನ ಟ್ವಿಟರ್ ಭಾಷೆಗೆ ಭಟ್ಟಿ ಇಳಿಸಿ, ಮೂಲ ಕೃತಿಯ ಆಶಯಕ್ಕೆ ಹಾಗೂ ಪಾವಿತ್ರ್ಯತೆಗೆ ಧಕ್ಕೆ ಬಾರದ ಹಾಗೆ ಕೃತಿಯ ಬಗ್ಗೆ ಓದುಗರಿಗೆ ತಿಳಿಸಿಕೊಡುವುದು.

"

------

ಅಂದಹಾಗೆ ಈ Twitterature ಎಂಬುದು ಪುಸ್ತಕದ ಹೆಸರು ?!!!! ಅಂದರೆ ಮೇಲಿನ ಪ್ಯಾರಾದಲ್ಲಿ ಇದೊಂದು Tool ಎಂದು ಹೇಳಿದ್ದು ಸುಮ್ನೆ Joke ಗೆ. ಇದು Twitter Tool ಅಲ್ಲ. ಬದಲಿಗೆ ಒಂದು ಪ್ತಸಕದ ಹೆಸರು !!!!!!!!!!!!! ಆದರೆ ಒಂದು ಸತ್ಯ : ಆ ಪುಸ್ತಕದಲ್ಲಿನ ಸಾಹಿತ್ಯದ Tweet ರೂಪಾಂತರಗಳು Twitter ತಾಣದಲ್ಲಿ ಹರಿದಾಡಿದರೆ ಅದೇ Twitterature Tool ಅಲ್ಲವೇ ?!

ಪುಸ್ತಕದ ಪೂರ್ತಿ ಹೆಸರು :

Twitterature: The World’s Greatest Books, Retold Through Twitter (Now Presented in Twenty Tweets or Less.)

ಪೆಂಗ್ವಿನ್ ಪ್ರಕಾಶನದವರು ಪ್ರಕಟಿಸಿರುವ ಈ ಪುಸ್ತಕದಲ್ಲಿ ಜಗತ್ತಿನ ಸುಮಾರು 60 ಮಹಾನ್ ಕೃತಿಗಳನ್ನ Twitter ಭಾಷೆಯಲ್ಲಿ ಬರೆಯಲಾಗಿದೆ. Alexander Aciman and Emmett Rensin ಎಂಬ ಇಬ್ಬರು ಶಿಕಾಗೋ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಈ ಸಾಹಸ ಮಾಡಿದ್ದಾರೆ.

ಆದರೆ,

ಈ ಪುಸ್ತಕದ ಮೂಲಕ ನಾವಿಂದು ಹೊಸದೊಂದು ಜಗತ್ತಿಗೆ ತರೆದುಕೊಳ್ಳುತ್ತೇವೆ. ಅದೇ Micro Fiction. ಅಂದರೆ Twitter ನ MicroBlogging ಬಳಸಿ ಸಾಹಿತ್ಯ ಕೃಷಿಗೆ ತೊಡಗುವುದು. ಇದು ಈಗಾಗಲೇ ಆರಂಭವಾಗಿದೆ ಕೂಡ. ಜೇಮ್ಸ್ ಬ್ರಿಡಲ್ ಎಂಬ ಪುಸ್ತಕ ಲೋಕದ ವ್ಯಕ್ತಿ ಹೊಸ ಪುಸ್ತಕ ಬರೆದಿದ್ದಾರೆ. ಅದರ ಹೆಸರು : My Life In Tweets. ಇದೊಂದು ಉದಾಹರಣೆ ಮಾತ್ರ ಇನ್ನೂ ಅನೇಕ ಕೃತಿಗಳು ಪ್ರಕಟವಾಗಿವೆ, ವಾಗುತ್ತಲಿವೆ.

ಇಷ್ಟನ್ನ ತಿಳಿದುಕೊಂಡಾದ ನಂತರವೂ Twitterature ಬಗ್ಗೆ ನಿಮಗೆ ಏನೂ ತಿಳಿದಂತಾಗುವುದಿಲ್ಲ. ಕಾರಣ ಸಾಹಿತ್ಯದ ಭಾಷೆಯ ಅರಿವಿಲ್ಲದೆ ಸಾಹಿತ್ಯವನ್ನ ಅರಿಯುವುದು ಹೇಗೆ ? ಹೀಗಾಗಿ ಮೊದಲಿಗೆ ತಿಳಿಯಬೇಕಿರುವುದು ಟ್ವಿಟರ್ ಭಾಷಾ ಪ್ರಪಂಚವನ್ನ. ಅದನ್ನ ತಿಳಿದಾಗ ಮಾತ್ರ ಮೇಲಿನ ಸಾಹಿತ್ಯ ಸಾಹಸದ ನಿಜ ಕಷ್ಟ-ಸುಖ-ನೋವು-ನಲಿವು ಅರ್ಥವಾದೀತು !!! ಟ್ವಿಟರ್ ಭಾಷಾ ಪ್ರಪಂಚಕ್ಕೆ ಭೇಟಿ ನೀಡಲು ನಮ್ಮ ಕಳೆದ ವಾರದ ಗಣಕ ಪದಕೋಶದಲ್ಲಿ ಮೂಡಿ ಬಂದ ವಿವರಣೆಗಾಗಿ ಇಲ್ಲಿ ಕ್ಲಿಕ್ಕಿಸಿ.

: e-ಶ

ಈ ದಿನ ಹೊಸ ದಿನ

2011-01-01T06:00:00.018+05:30

ಹೌದು. " ಭಾರತೀಯ ಸಂಸ್ಕೃತಿಯಲ್ಲಿ ಈ ದಿನಕ್ಕೆ ಅಂಥ ವಿಶೇಷ ಪ್ರಾಮುಖ್ಯತೆ ಇಲ್ಲ. ಕಾರಣವೂ ಇಲ್ಲದೇ ಇಲ್ಲ. ಎಲ್ಲ ಪ್ರಾಚೀನ ಸಂಸ್ಕೃತಿಗಳಂತೆ ನಮ್ಮ ಸಂಸ್ಕೃತಿಯೂ ಪ್ರಕೃತಿಯೊಂದಿಗೆ ಒಡನಾಡುತ್ತಾ ಬೆಳೆದ ಸಂಸ್ಕೃತಿ. ಪ್ರಕೃತಿಯ ಪ್ರತಿ ನಲಿವು-ನೋವು-ಸಿಟ್ಟು-ಸೆಡವು ಎಲ್ಲವನ್ನೂ ನೋಡಿ-ಅನುಭವಿಸಿ ಅದರ ಆಜ್ಞೆಗಳಿಗೆ ಪಕ್ಕಾಗುತ್ತಾ ನಮ್ಮ ಸಂಸ್ಕೃತಿಯೂ ಪಕ್ಕಾಯಿತು. " ಹೌದು ತಾನೇ ? ಸುಮ್ನೆ ನಾನು ಹೇಳ್ತೀನಿ ಅಂತ " ಹೂಂ " ಅನ್ಬೇಡಿ. ಈಗ ನೋಡಿ ನಿನ್ನೆ ನಮ್ಮ ಸ್ನೇಹಿತರು ಮೂರಂಶದ ಮಾಹಿತಿಯೊಂದನ್ನ ಕಳುಹಿಸಿದಾರೆ. ಅದು ಮೇಲಿನ ಉದ್ಘೋಷಕ್ಕೆ ಪೂರಕವಾಗಿದೆ. ಅದನ್ನ ಓದಿ ಆದ ಮೇಲೆ ನಿಮ್ಮದೇ ಆದ ನಿರ್ಧಾರಕ್ಕೆ ಬನ್ನಿ.

	ಹಾಗೆ	ಹೀಗೆ
ದಿನ ಬದಲಾವಣೆ	ರಾತ್ರಿ 12 ಗಂಟೆಗೆ ದಿನ ಹೇಗೆ ಬದಲಾಗುತ್ತೆ ಸ್ವಾಮಿ ? ಪ್ರಕೃತಿಯಲ್ಲಿ ಏನಾದರೂ ಬದಲಾವಣೆಯಾಗುತ್ತಾ ? ಇಲ್ಲ ತಾನೇ ? 11.59PM ಕ್ಕೂ ಕತ್ತಲೆ. 12.01AM ಕ್ಕೂ ಕತ್ತಲೆ !!!	ದಿನದ ಬದಲಾವಣೆ ಆಗುವುದು ಕತ್ತಲು ಕಳೆದು ಬೆಳಕು ಮೂಡಿದಾಗ. ಸೂರ್ಯ 6 ಗಂಟೆಯ ಹೊತ್ತಿಗೆ ಮೂಡಿದರೆ ರಾತ್ರಿ 12 ಗಂಟೆಗೆ ಹೇಗೆ ದಿನ ಹೊಸತಾಯಿತು ?!
ವರ್ಷ ಬದಲಾವಣೆ	ಡಿಸೆಂಬರ್ 31 ಮತ್ತು ಜನವರಿ 1 : ಈ ಎರಡು ದಿನಗಳ ನಡುವೆ ಪ್ರಕೃತಿಗೆ ಯಾವ ವ್ಯತ್ಯಾಸವೂ ಕಾಣುವುದಿಲ್ಲ. ಬರೀ ಈ ಎರಡು ದಿನ ಬೇಡ. ಸುತ್ತಲಿನ ಈ ಕಡೆ ಒಂದು ವಾರ ಆ ಕಡೆ ಒಂದು ವಾರ ಗಮನಿಸಿದರೂ ಯಾವ ವ್ಯತ್ಯಾಸವೂ ಇಲ್ಲ. ಮತ್ತೇಕೆ ಡಿಸೆಂಬರ್ 31ರ ರಾತ್ರಿ ಕಳೆದರೆ ನಮಗೆ ಹೊಸ ವರ್ಷ ಧುತ್ತೆಂದು ಎದುರಾಗಬೇಕು ???	ಆದರೆ ನಮ್ಮ ಯುಗಾದಿಯ ದಿನದ ಸುತ್ತಲಿನ ಪ್ರಕೃತಿಯ ಬದಲಾವಣೆಗಳನ್ನ ಗಮನಿಸಿ. ಎಲ್ಲೆಡೆ ಹೊಸ ಚಿಗುರು. ಜೊತೆಗೆ ಆಕಾಶಕಾಯಗಳ ಚಲನೆಯ ದಿಕ್ಕೂ ಬದಲಾಗುವ ಸಂಕ್ರಮಣ ಕಾಲವದು. ಹೊಸ ವರುಷವೆಂದರೆ ಹೊಸ ಕ್ಯಾಲೆಂಡರ್ ಎನ್ನುವ ಬದಲು ನಮ್ಮನ್ನ ಪೊರೆಯುತ್ತಿರುವ ಪ್ರಕೃತಿಯ ನಿತ್ಯವ್ಯಾಪಾರಗಳ ಹೊಸಲೆಕ್ಕ ಎಂದು ಬಗೆದರೆ ನನ್ನ ವಾದ ನಿಮಗೆ ಮನದಟ್ಟಾದಿತು.. ಆ ಸಂಕ್ರಮಣ ಕಾಲವೇ ನಮಗೆ ಹೊಸ ವರುಷ ತಾನೇ ?!!
ಕ್ಯಾಲೆಂಡರ್	ನೀವೀಗ ಹೇಳಬಹುದು ನಾವು ಬಳಸುತ್ತಿರುವ ಕ್ಯಾಲೆಂಡರ್ ನ ದಿನಗಳು ಇಂದಿಗೆ 365 ದಿನ ಮುಗಿಸಿ ಮತ್ತೆ 1ನೇ ದಿನಕ್ಕೆ ಕಾಲಿಡುತ್ತಿವೆ ಅಂತ. ಇದು ಒಪ್ಪಿಕೊಳ್ಳತಕ್ಕ ವಾದವೇ ಆದರೂ, ಸದರಿ ಇಂಗ್ಲೀಷ್ ಕ್ಯಾಲೆಂಡರ್ ನಲ್ಲಿ ಕೇವಲ ದಿನ, ವಾರ, ತಿಂಗಳಿನ ಹೆಸರುಗಳು ಮಾತ್ರ ಕಾಣಸಿಗುತ್ತವೆ. ಆ ದಿನದ ಸೂರ್ಯ & ಚಂದ್ರರ ಚಲನೆಯ ಯಾವ ವಿವರಣೆಗಳೂ ಅಲ್ಲಿ ದೊರೆಯುವುದಿಲ್ಲ. ದಿನ ಅಂತ ಕರೆಯಬೇಕಾದರೆ ಸೂರ್ಯ ಮೇಲೇಳಲೇಬೇಕು ; ಚಂದ್ರನ ಬೆಳಕು ಮರೆಯಾಗಲೇಬೇಕು ತಾನೇ ?	ಭಾರತೀಯ ಕ್ಯಾಲೆಂಡರ್ ನಲ್ಲಿ ನಮೂದಾಗಿರುವ ತಿಥಿ ನಕ್ಷತ್ರಗಳು ಸೂರ್ಯ ಚಂದ್ರರ ಚಲನೆ-ಸ್ಥಾನ ವನ್ನಾಧರಿಸಿವೆ. ಅವರಿಂದ ತಾನೇ ನಮಗೆ ಹಗಲು ರಾತ್ರಿ !!
ಹೀಗಾಗಿ ವೈಜ್ಞಾನಿಕವಾಗಿ ಮತ್ತು ಪ್ರಾಕೃತಿಕವಾಗಿ ಮನುಷ್ಯನ ದೈನಂದಿನ ಬೆಳವಣಿಗೆಯನ್ನೂ ಸೇರಿಸಿಕೊಂಡು ಇಡೀ ಮನುಕುಲಕ್ಕೆ ಯುಗಾದಿಯ ದಿನವೇ ಹಳತು ಕಳೆದು ಹೊಸತು ಬರುವ ಸಂಕ್ರಮಣ ಕಾಲ. ಹೊಸ ಸಂಭ್ರಮದ ಕಾಲ !!

ಈ ಮಾಹಿತಿ ಕಳಿಸಿದ ಸ್ನೇಹಿತ ಮಾಧವ ಹೆಬ್ಬಾರ್ ಅವರಿಗೆ ಧನ್ಯವಾದಗಳು.

2010ರ ಕ್ಯಾಲೆಂಡರ್ ಹಳತಾಯಿತು. ಆದರೆ ಆ ಕ್ಯಾಲೆಂಡರ್ ವರ್ಷದಲ್ಲಿ ನಡೆದ ಘಟನೆಗಳು ಮರೆತರೂ ಮರೆಯಲಾರದಂಥವು.

ದೇಶದ ಬೊಕ್ಕಸಕ್ಕಿಂತ ತಮ್ಮ ಮನೆಯ ತಿಜೋರಿಯೇ ಸಂಪತ್ತಿನ ಶೇಖರಣೆಗೆ ಸೂಕ್ತವೆಂದೆನಿಸಿದ ಮುಖ್ಯಮಂತ್ರಿ-ಚಿಕ್ಕಮಂತ್ರಿಗಳು...
ಬಡವರ ಕಣ್ಣೀರೊರೆಸುವ ಧ್ಯೇಯದೊಂದಿಗೆ ಅಖಾಡಕ್ಕಿಳಿದು - ಸಮಾಜಘಾತುಕ ಶಕ್ತಿಯಾಗಿ ಪರಿಣಮಿಸಿರುವ ಮಾವೋವಾದಿಗಳು & ಅವರನ್ನ ಬೆಂಬಲಿಸಿದ ಬುದ್ಧಿ ಬಲಿತ ಜುಬ್ಬಾಧಾರಿಗಳು..
ತರಂಗಗಳನ್ನ ಬಾಚಿಕೊಳ್ಳಲು ಮಾಧ್ಯಮ ಮಿತ್ರರ ಸಹಾಯ ಹಸ್ತ ಪಡೆದ ನಿಷ್ಕಳಂಕ ಉದ್ಯಮಿಗಳು...
ಮಾಧ್ಯಮದಲ್ಲಿ ದಿನವೂ ಜನರಿಗೆ ಜಾತ್ಯಾತೀತತೆ ಶಂಖ ಊದಿ, ಒಳಗೊಳಗೇ ರಾಜಕೀಯ ಪಕ್ಷಗಳಿಗೆ ನಿಷ್ಠರಾಗಿ ಪದ್ಮಪತ್ರಗಳನ್ನ ಇನಾಮಾಗಿ ಪಡೆದ ಮಹಿಳೆಯರು & ಮಹನೀಯರು...
ರಾಜ್ಯದ ಪತ್ರಿಕೋದ್ಯಮಕ್ಕೇ ಕಪ್ಪು ಪುಟ ಎಂಬಂತೆ ಕಿರಿ ಪತ್ರಿಕೋದ್ಯಮಿಯೊಬ್ಬರ ಬಗ್ಗೆ ಸ್ವಘೋಷಿತ ಸಾಧುಸಂಪನ್ನ - ಸಮಾಜಮುಖಿ & ಅಚ್ಚರಿ ವ್ಯಕ್ತಿತ್ವದ ಹಿರಿ ಪತ್ರಿಕೋದ್ಯಮಯೊಬ್ಬರು ಕೀಳು ಭಾಷೆ ಎಂಬ ಶಬ್ದದ Superlative ರೂಪ ತಾಳಿ ಬರೆದದ್ದು....
ಜನರನ್ನ ಅನಕ್ಷರತೆಯ ಕೂಪದಲ್ಲಿ ತಳ್ಳಿ, ಅವರಿಂದು ಓಟು ಕದಿಯುವ ರಾಜಕಾರಣಿಗಳ ಮಧ್ಯೆಯೂ ; ಇಂದಿಗೂ ಅದೇ ಅನಕ್ಷರತೆ - ಹಿಂದುಳಿದಿರುವಿಕೆ ಇದ್ದರೂ ಜನಪರ & ಅಭಿವೃದ್ಧಿಪರ ಕಾರ್ಯಗಳಿಂದ ಬಿಹಾರ್ ರಾಜ್ಯದಲ್ಲಿ ನಿತೀಶ್ ಕುಮಾರ್ ದಿಗ್ವಿಜಯ ಸಾಧಿಸಿದ್ದು...
ನರೇಂದ್ರ ಮೋದಿ, ದೇಶದ ಆಡಳಿತ ಯಂತ್ರದಲ್ಲಿ ನಭೂತೋ ನಭವಿಷ್ಯತಿ ಎಂಬಂತೆ ಬದಲಾವಣೆ ತಂದದ್ದು...
ಕ್ರಿಕೆಟ್ ದಿಗ್ಗಜ ಸಚಿನ್ ದಿನಗಳೆದಂತೆ ಹಳೆ ಚಿನ್ನಕ್ಕಿರುವ ಬೆಲೆಯಷ್ಟೇ ಮಾಗುತ್ತಿರುವುದು ...
ಆಪದ್ಭಾಂಧವ ಲಕ್ಷ್ಮಣ ನಿಜಕ್ಕೂ Very Very Special ಅನಿಸಿಕೊಂಡದ್ದು...
ಭಾರತದಲ್ಲಿ ಕ್ರಿಕೆಟ್ ಮಾತ್ರ ಕ್ರೀಡೆ ಎಂಬ ಭಾವನೆ ಅಳಿಸಲು ನಿಜ ಪ್ರಯತ್ನ ಮಾಡಿದ ಸೈನಾ ನೆಹವಾಲ್..
ಎ.ಆರ್.ರೆಹಮಾನ್ ಯುಗದ ನಂತರ EkDum Fressshhh Music ನೀಡಲು ಸಜ್ಜಾಗುತ್ತಿರುವ ಅಮಿತ್ ತ್ರಿವೇದಿ...

ಹೀಗೆ ಅವರವರ ಭಾವಕ್ಕೆ ಅವರವರ ಭಕುತಿಗೆ ಎಂಬಂತೆ ಸ್ವಾರಸ್ಯಕರ ಸಂಗತಿಗಳನ್ನ ಹೆಕ್ಕಬಹುದು.

ಸಂದು ಹೋದ ಘಟನೆ ಎಷ್ಟೇ ಕೆಟ್ಟದಾಗಿರಲಿ- ಎಷ್ಟೇ ಒಳ್ಳೆಯದಾಗಿರಲಿ ಅದರಿಂದ ಪಾಠ ಕಲಿಯದ ಹೊರತು ಆ ಘಟನೆಗೆ ನ್ಯಾಯ ದೊರೆತಂತಾಗುವುದಿಲ್ಲ... ಎಂಬ ಆಶಯದೊಂದಿಗೆ

ಹೊಸ ದಿನಕ್ಕೆ ಹಾಕಿಕೊಂಡ Resolution ಗಳು ದಿನಗಳದಂತೆ ಹೊಳಪು ಕಳೆದುಕೊಳ್ಳುವುದು ಸಾಮಾನ್ಯ. ಅದನ್ನ ಹೋಗಲಾಡಿಸಲು ಇಂದಿನಿಂದ ಪ್ರತಿದಿನ : " ಈ ದಿನವೇ ಹೊಸ ದಿನ " ಎನ್ನೋಣ.

: ಸ್ಪರ್ಧಾರ್ಥಿ

ಹೊಸ ವರುಷ ಬರಲಿ, ಹೊಸ ಹರುಷ ತರಲಿ ಪ್ರತಿ ನಿಮಿಷ

2010-12-31T06:00:00.107+05:30

" ಹೊಸ ವರುಷ ಬರಲಿ, ಹೊಸ ಹರುಷ ತರಲಿ ಪ್ರತಿ ನಿಮಿಷ "

- ಎಸ್.ಎಸ್.ಪಾಟೀಲ,

ಹವ್ಯಾಸಿ ಬರಹಗಾರರು

" ಹೊಸ ವರುಷವೆಂದರೆ ಅದೇನೋ ಸಂಭ್ರಮ. ಅದೇನೋ ಸಡಗರ. ಹಳೆಯ ನೆನಪಿನ ಬುತ್ತಿಯನ್ನು ಮುಚ್ಚಿ, ಹೊಸ ಜೀವನದ ಪಯಣಕ್ಕೆ ಅದೇನೋ ಕಾತುರ, ಅದೇನೋ ಆತುರ. "

ಹೊಸ ವರುಷ ಬಂದಿದೆ. ಹೊಸ ಹರುಷ ತಂದಿದೆ. ಹೊಸ ವರುಷವನ್ನ ಸ್ವಾಗತಿಸಲು ಹೊಸ್ತಿಲಲ್ಲಿ ನಿಂತಿರುವ ಈ ಶುಭ ಘಳಿಗೆಯಲ್ಲಿ ಕಳೆದು ಹೋದಂತಹ ವರುಷವನ್ನೊಮ್ಮೆ ಮೆಲುಕು ಹಾಕಿದರೆ ನಮ್ಮ ಜೀವನದಲ್ಲಿನ ಸಿಹಿ-ಕಹಿ ನೆನಪುಗಳ ತೆರೆದ ಪುಟಗಳು ಮನಸ್ಸಿನಲ್ಲಿ ಹಾದು ಹೋಗುತ್ತವೆ. " ಅಬ್ಬಾ ! ಈ ವರುಷ ಇಷ್ಟು ಬೇಗನೆ ಮುಗಿದು ಹೋಯಿತಲ್ಲಾ ?! " ಎಂದು ನಿಟ್ಟುಸಿರು ಬಿಡುವಾಗ ಸಂದ ವರುಷದಲ್ಲಿ ನಾನೇನು ಮಾಡಿದೆ? ಏನು ಗಳಿಸಿದೆ? ಏನು ಅನುಭವಿಸಿದೆ? ... ಹೀಗೆ ಅನೇಕ ಪ್ರಶ್ನೆಗಳೊಂದಿಗೆ ನಮ್ಮ ಏಳುಬೀಳುಗಳ ನೆನಪುಗಳು ನಮ್ಮ ಮನಃಪಟಲದಲ್ಲಿ ಚಿತ್ತಾರವನ್ನ ಬಿಡಿಸುತ್ತವೆ.

ಹೊಸ ವರುಷ ಎಂದರೆ ಹೀಗೇನೇ. ಬರುವಾಗ ಏನೋ ಖುಷಿ, ಏನೋ ಸಂಭ್ರಮ ಹೊತ್ತು ತರುತ್ತದೆ. ಬರುವ ವರ್ಷಕ್ಕೆ ಮೊದಲೇ ಅದಕ್ಕಾಗಿ ಪೂರ್ವ ತಯಾರಿ... ಹೊಸ ವರ್ಷಕ್ಕಾಗಿ ಹೊಸ ಹೊಸ ಆಸೆಗಳು... ಜೀವ ತುಂಬಲಿಟ್ಟಂತಹ ಕನಸುಗಳು... ಇನ್ನೇನೋ... ಇನ್ನೇನೋ... ಇದನೆಲ್ಲವನ್ನ ಕಾರ್ಯರೂಪಕ್ಕೆ ತರಬೇಕೆಂದು ಛಲತೊಟ್ಟು ಹೊಸ ಚೈತನ್ಯದಿಂದ ಕಾಯುವ ಜನಮಾನಸ.

ಪ್ರಸ್ತುತ ವರ್ಷದಲ್ಲಿ ಏನೇನೋ ಘಟನೆಗಳು ನಡೆದಿರಬಹುದು. ನಡೆದಿರುವಂತಹುಗಳು ಕಹಿ ಘಟನೆಗಳಾಗಿದ್ದರೆ ಅಂತಹ ಜಾಗದಲ್ಲಿ ಸಿಹಿ ತುಂಬುವ ಕಾತರ ; ಸಂತಸಭರಿತ ಸಮಯಗಳೇ ತುಂಬಿದ್ದರೆ ಅದೇ ಹಾಯಿದೋಣಿಯನ್ನ ಮುನ್ನಡೆಸಬೇಕೆಂಬ ಆತುರ. ಹೊಸತನ್ನ ತುಂಬುವ ಹಳೆಯದನ್ನ ಮರೆಯುವ ಒಟ್ಟಾರೆ ಚೈತನ್ಯ ತುಂಬಿದ ಹೊಸ ಆಶಾಕಿರಣಗಳಿಂದ ಸ್ವಾಗತಿಸುವ ಹಂಬಲ ಎಲ್ಲರದ್ದೂ.

ಜನವರಿ 1 ಭಾರತೀಯ ಸಂಸ್ಕೃತಿ ಪ್ರಕಾರ ಹೊಸ ವರ್ಷ ಅಲ್ಲದಿದ್ದರೂ, ಇಡೀ ಜಗತ್ತೇ ಹೊಸ ವರುಷ ಎಂದು ಬರಮಾಡಿಕೊಳ್ಳುವುದು ಈ ದಿನವನ್ನೇ. ಡಿಸೆಂಬರ್ 31ರ ರಾತ್ರಿ "ಟಾ..ಟಾ" "ಬೈ..ಬೈ" ಹೇಳುವ ತವಕ. ಮಧ್ಯರಾತ್ರಿ "ವೆಲ್ ಕಮ್" ಮಾಡುವ ಧಾವಂತ. ನಮ್ಮ ಹೊಸ ಹೊಸ ಉಪಾಯಗಳನ್ನ ಕಾರ್ಯರೂಪಕ್ಕೆ ತರುವ ಗಡಿಬಿಡಿ. ಒಟ್ಟಾಗಿ ಇದು ಬದಲಾವಣೆಯ ಹಂತ. ಚಿಕ್ಕ ಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಎಲ್ಲರೂ ಕುತೂಹಲದಿಂದ ತಾಳ್ಮೆಯಿಂದ ಕಾಯುವ ದಿನ.

ಚಿಕ್ಕ ಮಕ್ಕಳನ್ನ ಕೇಳಿ :

" ಹೊಸ ವರುಷಕ್ಕೆ ಚೆನ್ನಾಗಿ ಓದಬೇಕು "
" ಪಿಕ್ ನಿಕ್ ಹೋಗಬೇಕು "
" ಹೊಸ ಡ್ರೆಸ್ ಹಾಕಬೇಕು "

ಇನ್ನೇನೋ... ಇನ್ನೇನೋ... ಕನಸುಗಳು. ಅದೇ ಮಧ್ಯವಯಸ್ಕರನ್ನ ಕೇಳಿದರೆ ಅವರಿಗೆ ಅವರದ್ದೇ ಕಲ್ಪನೆಯ ಕನಸುಗಳ ಬುತ್ತಿ...

ಪ್ರತಿ ಬಾರಿ ಹೊಸ ವರ್ಷ ಬಂದಾಗಲೂ ಈ ವರ್ಷವಾದರೂ ತಾವು ಜೀವನದಲ್ಲಿ ಪ್ರಗತಿ ಹೊಂದಬೇಕು ಎನ್ನುವ ಆಕಾಂಕ್ಷೆ ಎಲ್ಲರಲ್ಲೂ ಇರುವುದು ಸಹಜ. ಆದರೆ ಜೀವನದಲ್ಲಿ ಏಳಿಗೆ ಸಾಧಿಸಬೇಕಾದರೆ ಏನಾದರೂ ಗುರಿ ಇಟ್ಟಕೊಂಡಿರಬೇಕಲ್ಲವೇ ? ಆ ಗುರಿಯತ್ತ ಏಕಮುಖವಾಗಿ, ಏಕಾಗ್ರಚಿತ್ತರಾಗಿ ತನುಮನವನ್ನ ಅರ್ಪಿಸಿ ಹೆಜ್ಜೆ ಇಟ್ಟಾಗಲೇ ಈಡೇರಬಹುದು.

ಹೊಸ ವರುಷಕ್ಕೆ ಕೆಲವರು ಜೀವನದಲ್ಲಿ ಪ್ರಗತಿ ಪಥದಲ್ಲಿ ಸಾಗಿದ್ದರೆ, ಇನ್ನು ಕೆಲವರು ಜೀವನ ರಾತ್ರಿಯಲ್ಲಿ ಸೋಲನ್ನು ಅನುಭವಿಸಲು ಕಾರಣವೇನು ? ಎಂದು ತಿಳಿಯ ಹೊರಡುತ್ತಾರೆ. ಹಾಗೆ ಹೊರಟಾಗ ಯಾವುದೇ ಗೊತ್ತು ಗುರಿ ಇಲ್ಲದೇ, ಲಂಗುಲಗಾಮಿಲ್ಲದೇ ಜೀವನ ಸಾಗಿಸುತ್ತಿರುವ ಕಾರಣ ಎದುರಾಗುತ್ತದೆ. " ಛೇ ! ಹಾಗೆ ಮಾಡಿದ್ದರೆ ಚೆನ್ನಾಗಿತ್ತು. ಹೀಗೆ ಮಾಡಿದರೆ ಚೆನ್ನಾಗಿತ್ತು " ಎಂದು ಪಶ್ಚಾತ್ತಾಪದ ಬೆಂಕಿಯಲ್ಲಿ ಬೆಂದು, ಭೂತಕಾಲದ ಸಿಹಿಕಹಿ ಘಟನೆಗಳನ್ನು ನೆನಪಿಸಿಕೊಳ್ಳುತ್ತಾ, ಚಿಂತೆಯ ಚಿತೆಯಲ್ಲಿ ಬೇಯುತ್ತಾ, ಭವಿಷ್ಯವನ್ನೇ ಹಾಳು ಮಾಡಿಕೊಳ್ಳುವ ಜನರು ನಮ್ಮನಡುವೆ ಇರುತ್ತಾರೆ. ನಿನ್ನೆ ಮೊನ್ನೆಗಳ ಕಹಿಗಳನ್ನು ಮರೆತು ನಾಳೆಗಳ ಸಿಹಿಯನ್ನ ಕಲ್ಪಿಸಿಕೊಳ್ಳುವ ಮನಃ ಸ್ಥಿತಿಯನ್ನು ಬೆಳೆಸಿಕೊಂಡರೆ ಭವಿಷ್ಯ ಹಸನಾಗುವುದರಲ್ಲಿ ಸಂಶಯವಿಲ್ಲ. ನಕಾರಾತ್ಮಕ ಚಿಂತನೆಗಳನ್ನ ಬಿತ್ತುವ ನಿರಾಶಾವಾದಿ ಜನರ ಮಾತುಗಳಿಗೆ ಕಿವಿಗೊಡದೇ ಸಕಾರಾತ್ಮಕ ಚಿಂತನೆ ಬೆಳೆಸಿಕೊಂಡು, ಹೊಸ ವರ್ಷದಲ್ಲಿ ಏನಾದರೂ ಸಾಧನೆ ಮಾಡುತ್ತೇನೆಂಬ ಆತ್ಮವಿಶ್ವಾಸದೊಂದಿಗೆ ಆಶಾವಾದಿಯಾಗಿ ಮುಂದೆ ಹೆಜ್ಜೆ ಇಟ್ಟರೆ ಬೆಳಕಿನ ಆಶಾಕಿರಣ ಮೂಡಬಹುದು.

ಕನಸುಗಳನ್ನ ಕಾಣಬೇಕು. ಕನಸು ಕಂಡರೆ ಮಾತ್ರ ಅದನ್ನ ಸಾಕಾರಗೊಳಿಸಬಹುದು. ಆಸೆಗಳನ್ನು ಇಟ್ಟುಕೊಳ್ಳಲೇಬೇಕು. ಆದರೆ ಅತಿ ಆಸೆ ಇರಬಾರದು. ಯಾರು ಕನಸುಗಳನ್ನು ಹೊಂದಿರುತ್ತಾರೋ, ಆಸೆಗಳನ್ನ ಇಟ್ಟುಕೊಂಡಿರುತ್ತಾರೋ, ದೃಢ ನಿರ್ಧಾರಗಳನ್ನ ಬೆಳೆಸಿಕೊಂಡಿರುತ್ತಾರೋ ಅವರು ಮಾತ್ರ ಜೀವನದಲ್ಲಿ ಮುನ್ನಡೆಯಲು ಸಾಧ್ಯ. ಹೊತ್ತಿರುವ ಕನಸುಗಳನ್ನೆಲ್ಲ ಸಂಪೂರ್ಣಗೊಳಿಸಬೇಕೆಂದಿಲ್ಲ. ಎಲ್ಲವನ್ನ ಸಂಪೂರ್ಣಗೊಳಿಸಬೇಕೆಂಬ ಭಾರವನ್ನ ಹೊರಬಾರದು ಕೂಡ. ಆದರೆ ಯಶಸ್ವಿಗೊಳಿಸಬೇಕು ಎಂಬ ಇಚ್ಛೆ ಬೇಕು. ಒಂದು ವೇಳೆ ಸೋಲು ಬಂದಲ್ಲಿ ಅದನ್ನು ಎದುರಿಸುವ ಧೈರ್ಯ ಕೂಡ ಬೇಕು. ಯಾಕೆಂದರೆ ಸೋಲೇ ಗೆಲುವಿನ ಸೋಪಾನ. ಆ ಸೋಲನ್ನ ಮುಂದಿನ ವರ್ಷಕ್ಕಾಗಿ ಕಾದಿಡಬಹುದು.

ಇನ್ನು ಕೆಲವರು ಹೊಸ ವರ್ಷಕ್ಕೆ ಗುರಿಗಳನ್ನ ಇಟ್ಟುಕೊಂಡು ಕಾರ್ಯೋನ್ಮುಖರಾಗಿ ಆರಂಭಶೂರರರಾಗಿ ಕೆಲಕಾಲದ ಬಳಿಕ ಗುರಿಗಳನ್ನೇ ಮರೆತು, ಮತ್ತೊಂದು ವರ್ಷ ಕಾಲಿರಿಸಿದಾಗ ತಮ್ಮ ಸಾಧನೆಯ ಕಡೆ ಹಿನ್ನೋಟ ಹರಿಸಿ ಸಾಧನೆ ಶೂನ್ಯವೆಂದು ಕಂಡು ಬಂದಾಗ ನಿರಾಶಾವಾದಿಯಾಗಿಬಿಡುತ್ತಾರೆ. ಹಾಗೆ ನಿರಾಶಾವಾದಿಯಾಗುವ ಬದಲು, ಗುರಿಯತ್ತ ತನ್ಮಯತೆಯಿಂದ-ದೃಢಚಿತ್ತದಿಂದ ಹೆಜ್ಜೆ ಇರಿಸಿದರೆ ಅವುಗಳ ಅನುಷ್ಠಾನಕ್ಕೆ ಅವಿರತ ಶ್ರಮವಹಿಸಿದರೆ ಮುಳ್ಳಿನ ಹಾದಿ ಕಳೆದು ಸಾಧನೆಯ ಶೃಂಗ ಮುಟ್ಟುವುದರಲ್ಲಿ ಸಂಶಯವಿಲ್ಲ. ನಿನ್ನೆಗಳನ್ನು ಮರೆತು - ನಾಳೆಗಳನ್ನ ನೆನೆನೆನೆದು - ಕಲ್ಪನೆಯ ಕನಸುಗಳನ್ನು ಹೊಸೆದು - ಅವುಗಳ ಸಾಕಾರದತ್ತ ಸಾಗಿದರೆ, ಜೀವನ ಆಗುವುದು ಸಾರ್ಥಕ.

ಮರೆಯಲಾಗದ ವರ್ಷಕ್ಕೆ ವಂದನೆಗಳೊಂದಿಗೆ,

ಹೊಸ ಋತುಮಾನವು ನಿಮ್ಮಲ್ಲಿ ಚೈತನ್ಯ ತುಂಬಲಿ - ಹೃದಯಿಸಲಿ ಎಂಬ ಆಶಯದೊಂದಿಗೆ,

ಸಂಪದ್ಭರಿತವಾದ ನಿಮ್ಮೆಲ್ಲಾ ಕನಸುಗಳನ್ನ ನನಸಾಗಿಸುವ ಮರೆಯಲಾಗದ ವರ್ಷ ಬರಲೆಂದು ಹಾರೈಕೆಯೊಂದಿಗೆ,

'ಸ್ಪರ್ಧಾರ್ಥಿ' ಗಳೆಲ್ಲರಿಗೂ ಹೊಸ ವರುಷದ ಶುಭಾಷಯಗಳು.

- ಎಸ್.ಎಸ್.ಪಾಟೀಲ,

ಹವ್ಯಾಸಿ ಬರಹಗಾರರು

ಜಪಾನ್ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 19

2010-12-24T21:00:00.008+05:30

ಸುದ್ದಿ : 92.4 ಟ್ರಿಲಿಯನ್ ಯೆನ್ ಮೊತ್ತದ ಬಜೆಟ್ ಮಂಡಿಸಿದ ಜಪಾನ್ ಸರ್ಕಾರ

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ಜಾಗತಿಕ ನಕ್ಷೆಯಲ್ಲಿ ಜಪಾನ್

ಜಪಾನ್ ಸ್ವಾಭಾವಿಕ

ನೆರೆ-ಹೊರೆ

ಸೂರ್ಯೋದಯದ ನಾಡು ಎಂದೇ ಪ್ರಸಿದ್ಧವಾಗಿರುವ ಜಪಾನ್ ಗೆ, (ಆ ಹೆಸರಿನ ಅರ್ಥ ಕೂಡ ಅದೇ !!) ಅಧಿಕೃತ ಭಾಷೆಯಲ್ಲಿ ಸ್ಟೇಟ್ ಆಫ್ ಜಪಾನ್ ಎಂದು ಹೆಸರಿದೆ.
ಜಪಾನ್ ದೇಶ ದ್ವೀಪಗಳ ಸಮೂಹ. ಇಂತಹ ಭೂಪ್ರದೇಶಗಳನ್ನ Archipelago ಅಂತ ಕರೆಯುತ್ತಾರೆ ಅನ್ನೋದನ್ನ ಸ್ಪರ್ಧಾರ್ಥಿಗಳು ನೆನಪಿಡಬೇಕು. ( Archipelago = Island Group = is a chain or cluster of islands that are formed tectonically ) ಜಪಾನ್ ತನ್ನ ಸುಪರ್ದಿಯಲ್ಲಿ 3000+ ದ್ವೀಪಗಳನ್ನ ಹೊಂದಿದೆ.
ಜಪಾನ್ ದೇಶ ಪರ್ವತಮಯವಾಗಿದ್ದು ಬಹಳ ಪರ್ವತಗಳು ತಮ್ಮ ಉದರದಲ್ಲಿ ಜ್ವಾಲಾಮುಖಿಗಳನ್ನ ಹೊಂದಿವೆ.
ಚೀನಾ ದೇಶವನ್ನ ಆರ್ಥಿಕತೆಯಲ್ಲಿ ಹಿಂದಿಕ್ಕಲು ಪ್ರಯತ್ನಿಸುತ್ತಿರುವ ಜಪಾನ್, ಜನಸಂಖ್ಯೆಯಲ್ಲೂ ತೀರ ಹಿಂದೇನಿಲ್ಲ. ಜಗತ್ತಿನ ಜನಸಂಖ್ಯೆಯಲ್ಲಿ 10ನೇ ಸ್ಥಾನ ಹೊಂದಿದೆ. ದೇಶದ ವಿಸ್ತೀರ್ಣ ಚಿಕ್ಕದಿದ್ದರೇನಾಯಿತು !! ನಾವು ಎಲ್ಲದರಲ್ಲೂ ಮುಂದಿರಬೇಕು ಎನ್ನುವ ಹಂಬಲ !!! ನಮ್ಮ ದೇಶದಲ್ಲಿ ಜಾಗ ಇಲ್ಲದಿದ್ದರೇನಾಯಿತು, ಬೇರೆ ದೇಶದಲ್ಲಿ ಹೋಗಿ ನೆಲೆಸಿದರಾಯಿತು ಎನ್ನುವ Idea ಇರಬೇಕು !!!!
ದೇಶದಲ್ಲಿ Emperor ಇವತ್ತಿಗೂ ಅತ್ಯುಚ್ಛ ಸ್ಥಾನವನ್ನಲಂಕಿರಿಸಿರುವ ವ್ಯಕ್ತಿ. Diet ಎಂಬ ಹೆಸರಿನ ಜನಪ್ರತಿನಿಧಿಗಳ ಸಭೆ ಕೂಡ ಇದೆ. ನಮ್ಮ ದೇಶದ್ದು ಸಂಸತ್ತು (Parliament) ಅನ್ನೋದು ನಿಮಗೆ ಗೊತ್ತಿದೆ.
1945ರಲ್ಲಿ ಅಣು ಬಾಂಬ್ ಎಂಬ ವಿಕೃತ ಪ್ರತೀಕಾರಕ್ಕೆ ತುತ್ತಾದ ಜಪಾನ್ ಇಂದು ಜಗತ್ತಿನಲ್ಲಿ ಅಮೆರಿಕಾ & ಚೀನಾ ನಂತರ ಮೂರನೇ ಆರ್ಥಿಕ ಶಕ್ತಿಯಾಗಿ ಬದಲಾಗಿದೆ. ಅಂದು ಜಪಾನ್ ದೇಶದಲ್ಲಿ ಇದ್ದ ಅಭದ್ರತೆ ಒಂದು ಕಡೆಯಾದರೆ, ಅದೇ ಹೊತ್ತಿನಲ್ಲಿ ಸ್ವಾತಂತ್ರ್ಯ ಪಡೆದ ಭಾರತ ದೇಶ ಬ್ರಿಟಿಷರ ದೋಚುವಿಕೆಯಿಂದ ಬಡ ದೇಶವಾಗಿದ್ದುದು ನಿಜ. ಆದರೆ ಇವರ ಅಧೀನದ ಚಿಕ್ಕ ಭೂಪ್ರದೇಶದಲ್ಲಿ ಇವರು ತೋರಿರುವ ಅದಮ್ಯ ಸಾಹಸ ಖಂಡಿತ ಇಡೀ ಜಗತ್ತಿಗೆ ಮಾದರಿ. ಹೀಗಿರುವಾಗ ಭಾರತ & ಜಪಾನ್ ಎರಡೂ ದೇಶಗಳು ಇಂದು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಲ್ಲಿ ಸ್ಥಾನ ಗಿಟ್ಟಿಸಲು ತವಕಿಸುತ್ತಿವೆ. ಆ ಸ್ಥಾನಕ್ಕೆ ಪೈಪೋಟಿ ನಡೆಸಲು ಅವರಿಬ್ಬರೂ ತಂತಮ್ಮ ಅರ್ಹತಾ ಪಟ್ಟಿಯನ್ನೂ ಹಿಡಿದುಕೊಂಡು ಓಡಾಡುತ್ತಿದ್ದಾರೆ. ಈ ಕೆಳಕಂಡ ಪಟ್ಟಿ ನೋಡಿದ ಮೇಲೆ ಎದೆ ಮೇಲೆ ಕೈ ಇಟ್ಟುಕೊಂಡು ಅರ್ಹತೆಯ ಬಗ್ಗೆ ಮಾತಾಡಲು ಯಾರಿಗೆ 'ಅರ್ಹತೆ' ಇದೆಯೆಂದು ನೀವು ಸ್ಪರ್ಧಾರ್ಥಿಗಳೂ ತೀರ್ಮಾನಿಸಿ :

	ಭಾರತ	ಜಪಾನ್
ವಿಸ್ತೀರ್ಣ	7ನೇ ಸ್ಥಾನ	61ನೇ ಸ್ಥಾನ
ಜನಸಂಖ್ಯೆ	2ನೇ ಸ್ಥಾನ	10ನೇ ಸ್ಥಾನ
ಸ್ವಂತ ಸಂವಿಧಾನ ಅಂಗೀಕರಿಸಿದ್ದು	1950	1947
GDP (PPP)	$1.367 ಟ್ರಿಲಿಯನ್	$4.267 ಟ್ರಿಲಿಯನ್
HDI	119ನೇ ಸ್ಥಾನ	11ನೇ ಸ್ಥಾನ
ಕರೆನ್ಸಿ	1 ಜಪಾನ್ ಯೆನ್ = 0.5508 ಭಾರತ ರೂಪಾಯಿ ------ 81.3 ಜಪಾನ್ ಯೆನ್ = 1 US $	1 ರೂಪಾಯಿ = 1.8063 ಜಪಾನ್ ಯೆನ್ ------ 45.02 ರೂಪಾಯಿ = 1 US $
ಅಂದ್ರೆ ಎಂಟಾಣೆ ಕೊಟ್ರೆ ಒಂದು ಜಪಾನಿ ಯೆನ್ ಪಡೆಯಬಹುದು. ಅದೇ ರೀತಿ 45 ರೂಪಾಯಿಗೆ ಒಂದು ಯು,ಎಸ್.ಡಾಲರ್ ಪಡೆದರೆ 81 ಜಪಾನಿ ಯೆನ್ ಗೆ ಒಂದು ಯು,ಎಸ್.ಡಾಲರ್ ಪಡೆಯಬಹುದು.
ಸಾಕ್ಷರತೆ (clik here)	168ನೇ ಸ್ಥಾನ	32ನೇ ಸ್ಥಾನ
ರಫ್ತು ಶಕ್ತಿ	18ನೇ ಸ್ಥಾನ	4ನೇ ಸ್ಥಾನ
ಆಮದು ಶಕ್ತಿ	15ನೇ ಸ್ಥಾನ	5ನೇ ಸ್ಥಾನ
Purchasing Power Parity(PPP)	4ನೇ ಸ್ಥಾನ	3ನೇ ಸ್ಥಾನ
Life Expectency (ಆರೋಗ್ಯ ಸೌಲಭ್ಯಗಳನ್ನಾಧರಿಸಿದೆ)	139ನೇ ಸ್ಥಾನ (64.7ವರ್ಷಗಳು)	1ನೇ ಸ್ಥಾನ (82.6 ವರ್ಷಗಳು)
Hunger Index	18ಸ್ಥಾನ	ಪಟ್ಟಿಯಲ್ಲಿ ಬರುವುದೇ ಇಲ್ಲ !!
Poverty Index	HDI ನಲ್ಲಿ 100+ ಸ್ಥಾನ ಹೊಂದಿರುವ ಭಾರತ ಇನ್ನು ಬಹಳ ಪ್ರಯತ್ನ ಪಡಬೇಕು.	HDI ನಲ್ಲಿ 11ನೇ ಸ್ಥಾನ ಪಡೆದಿರುವ ಜಪಾನ್ ಜಗತ್ತಿನಲ್ಲಿ ಬಡತನದ ಪ್ರಮಾಣ ಅತಿ ಕಡಿಮೆ ಇರುವ ದೇಶಗಳ ಪಟ್ಟಿಯಲ್ಲಿ 12ನೇ ಸ್ಥಾನ ಹೊಂದಿದೆ.
ಇಷ್ಟೆಲ್ಲಾ ಬೆಚ್ಚಿ ಬೀಳಿಸುವ ಅಂಕಿಸಂಖ್ಯೆಗಳನ್ನ ಇಟ್ಟುಕೊಂಡಿರುವ ಭಾರತ ತನ್ನ ದೇಶದಲ್ಲಿ ತಾಂಡವವಾಡುತ್ತಿರುವ ಅನಕ್ಷರತೆ-ಭೃಷ್ಟಾಚಾರ-ಹದಗೆಟ್ಟಿರುವ ಆರೋಗ್ಯ ಸೇವೆ ... ಇವನ್ನೆಲ್ಲಾ ಮರೆತು VETO POWER ಗಾಗಿ ಬಡಿದಾಡುವುದು ಎಷ್ಟು ಸಮಂಜಸ !! ಪಾಕಿಸ್ತಾನದಂಥ ಪಾಪಿಯ ಜೊತೆಗೂ ನ್ಯಾಯವನ್ನೇ ಮಾತಾಡುವ ಭಾರತ, ಈ ಸ್ಥಾನ ಪಡೆಯಲು ನ್ಯಾಯಯುತವಾಗಿಯೂ ಅರ್ಹವೇ ?!! ನಾವು ಭಾರತೀಯರು ಕೂಡ ಅಭಿವೃದ್ಧಿಯತ್ತ ದಾಪುಗಾಲು ಹಾಕುತ್ತಿರುವುದು ನಿಜವೇ ಇದ್ದರೂ Sustained Development ಮತ್ತು ಬರೀ Development ಗೆ ವ್ಯತ್ಯಾಸವಿದೆ. ನಮ್ಮ ದೇಶದಲ್ಲಿ ನೆಲೆಸಿರುವ ಅನಕ್ಷರತೆ ಹೀಗೇ ಮುಂದುವರೆದು ನಾವಲ್ಲಿ ವೀಟೋ ಚಲಾಯಿಸಿದರೆ ನಗುವುದಿಲ್ಲವೇ ಜಗತ್ತಿನ ಜನ ?? ಒಬ್ಬ ವಿದ್ಯಾರ್ಥಿ ತನ್ನ ಜಾತಿ ಇದೇ ಎಂದು ದೃಢೀಕರಿಸಿಕೊಳ್ಳುವ ಪ್ರಮಾಣಪತ್ರ ಪಡೆಯಲು ಸಾವಿರ ರೂಪಾಯಿ ಚೆಲ್ಲಲೇ ಬೇಕಿರುವುದನ್ನ ನೋಡಿ ನಗೊಲ್ವಾ ಅವರು?? ಅಷ್ಟಕ್ಕೂ ಮಿಗಿಲಾಗಿ ತನ್ನ ತಲೆದೂಗಲೇಬೇಕಾದ ಸಾಮರ್ಥ್ಯಗಳನ್ನ ಮಾತ್ರ ಮುಂದಿಟ್ಟುಕೊಂಡು VETO ಪಡೆಯಲು ಹಂಬಲಿಸುತ್ತಿರುವ ಭಾರತದಲ್ಲಿ ಒಬ್ಬ ವಿದ್ಯಾರ್ಥಿಯ ವೈಯಕ್ತಿಕ ಸಾಮರ್ಥ್ಯ ಮಾತ್ರ ಮಾನದಂಡವಲ್ಲ ; ಅವನ ಜಾತಿ ಕೂಡ ಅವನಿಗೆ ಮಾನದಂಡವಾಗುತ್ತದೆ ಎಂದರೆ ಹಾಸ್ಯಾಸ್ಪದವಲ್ಲವೇ ??

ಜಪಾನ್ ದೇಶದ 80 ಪ್ರತಿಶತ ಭೂಭಾಗ ಯಾವುದೇ ಕೃಷಿ, ಕೈಗಾರಿಕಾ ಚಟುವಟಿಕೆಗಳಿಗೆ ಯೋಗ್ಯವಲ್ಲ !!
ಇದು ಸಾಲದು ಎಂಬಂತೆ ಮೆದು ನೆಲ & ಭೂಕಂಪದ ಅಭದ್ರತೆ ಸದಾ ಅಲ್ಲಿನ ಜನರಿಗೆ ದುಸ್ವಪ್ನವಾಗಿದೆ.
ಇಷ್ಟಿದ್ದರೂ ಅತಿ ಹೆಚ್ಚು ಜನಸಾಂದ್ರತೆ ಇರುವ ದೇಶಗಳ ಪಟ್ಟಿಯಲ್ಲಿ ಜಪಾನ್ ಗೆ 36ನೇ ಸ್ಥಾನವಿದೆ. (ಭಾರತಕ್ಕೆ 32ನೇ ಸ್ಥಾನವಿದೆ.)

: ರವಿ

ಗ್ರೀಸ್ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 18

2010-12-23T21:00:00.013+05:30

ಸುದ್ದಿ : ರಾಷ್ಟ್ರದ ಬಜೆಟ್ ನಲ್ಲಿ ಮಿತವ್ಯಯತೆ(Austerity) ಯನ್ನ ಮಂಡಿಸಿದ ಗ್ರೀಕ್ ಸರ್ಕಾರ

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ಜಾಗತಿಕ ನಕ್ಷೆಯಲ್ಲಿ ಗ್ರೀಸ್

ಗ್ರೀಸ್ ಸ್ವಾಭಾವಿಕ

ನೆರೆ-ಹೊರೆ

ಗ್ರೀಸ್ ದೇಶಕ್ಕಿರುವ ಇನ್ನೊಂದು ಜನಪ್ರಿಯ ಹೆಸರು ಹೆಲ್ಲಾಸ್(Hellas), ಇದೇ ಕಾರಣಕ್ಕೆ ಈ ದೇಶವನ್ನ Hellenic Republic ಎಂದು ಅಧಿಕೃತ ಭಾಷೆಯಲ್ಲಿ ಹೇಳಲಾಗುತ್ತದೆ.
ಅಲ್ಬೇನಿಯಾ. ಮಸಿಡೋನಿಯಾ, ಬಲ್ಗೇರಿಯಾ & ಟರ್ಕಿ ದೇಶಗಳು ಗ್ರೀಸ್ ದೇಶದ ನೆರೆಯವರು.
ಪೂರ್ವ, ದಕ್ಷಿಣ & ಪಶ್ಚಿಮಕ್ಕೆ ಸಮುದ್ರತೀರವನ್ನ ಹೊಂದಿರುವ ಗ್ರೀಸ್ ದೇಶ ಜಗತ್ತಿನಲ್ಲಿ 12ನೇ ಅತಿ ಉದ್ದದ ಕರಾವಳಿ ಹೊಂದಿದೆ. ( ಭಾರತ-19 ; ಕೆನಡಾ-1 ; ಇಂಡೋನೇಷಿಯಾ-2 ; ಗ್ರೀನ್ ಲ್ಯಾಂಡ್-3 ; ರಷಿಯಾ-4 ; ಫಿಲಿಪ್ಪೀನ್ಸ್-5 ; ಜಪಾನ್-6 ; ಆಸ್ಸ್ರೇಲಿಯಾ-7 ; ನಾರ್ವೆ-8 ; ಅಮೆರಿಕಾ-9 ; ನ್ಯೂಝಿಲ್ಯಾಂಡ್-10 )
ಗ್ರೀಸ್ ದೇಶ ಪರ್ವತಮಯವಾಗಿದ್ದು ದೇಶದ ಭೂಭಾಗದ 80 ಪ್ರತಿಶತ ಭಾಗ ಪರ್ವತಾವೃತವಾಗಿದೆ.
ಸದರಿ ದೇಶದ ಅಧಿಪತ್ಯದಡಿಯಲ್ಲಿ ಸುಮಾರು 1400 ದ್ವೀಪಗಳು ಬರುತ್ತವೆ. ಇವುಗಳಲ್ಲಿ 200 ಚಿಲ್ಲರೆ ದ್ವೀಪಗಳಲ್ಲಿ ಮಾತ್ರ ಮನುಷ್ಯರು ವಾಸಿಸುತ್ತಾರೆ.
ಜಗತ್ತಿನ ಪಾಶ್ಚಿಮಾತ್ಯ ನಾಗರೀಕತೆಯ ತೊಟ್ಟಿಲು ಎನಿಸಿಕೊಂಡಿರುವುದು ಗ್ರೀಸ್ ನಾಗರೀಕತೆ.
ಪ್ರಜಾಪ್ರಭುತ್ವ, ಪಾಶ್ಚಿಮಾತ್ಯ ತತ್ವಶಾಸ್ತ್ರ, ಒಲಿಂಪಿಕ್ ಕ್ರೀಡೆಗಳು, ಪಾಶ್ಚಿಮಾತ್ಯ ಸಾಹಿತ್ಯ, ಸಾರ್ವಜನಿಕ ಆಡಳಿತ ತತ್ವಗಳು, ಪಶ್ಚಿಮದ ನಾಟಕ ಪದ್ಧತಿ... ಇತ್ಯಾದಿಗಳ ಜನ್ಮಸ್ಥಾನ ಗ್ರೀಸ್.
ಸದರಿ ಗ್ರೀಸ್ ಭಾರತಕ್ಕಿಂತ ಎಷ್ಟೋ ಪಾಲು ಚಿಕ್ಕದಿದ್ದರೂ ಈಗಾಗಲೇ ಅಭಿವೃದ್ಧಿ ಹೊಂದಿದ ದೇಶವಾಗಿದೆ.
ಒಟ್ಟೋಮನ್ ಆಡಳಿತವನ್ನ ಕಿತ್ತೊಗೆದು 1830ರಲ್ಲಿ ಆಧುನಿಕ ಗ್ರೀಕ್ ಸೃಷ್ಟಿಯಾಯಿತು.
ಗ್ರೀಸ್ ದೇಶ ಮೊದಲಿನಿಂದ ಯುರೋಪಿಯನ್ ಒಕ್ಕೂಟದ ಭಾಗವಾಗಿದೆ. ಈ ಅಂಶ ಯಾಕೆ ಪ್ರಮುಖ ಅಂದ್ರೆ ಯುರೋಪ್ ಖಂಡದ ಭಾಗವಾಗಿಯೂ ಇಂದಿಗೂ ಯುರೋಪಿಯನ್ ಒಕ್ಕೂಟ ಸೇರದ ಕೆಲವು ದೇಶಗಳಿವೆ ಅದಕ್ಕೆ.
ನಮ್ಮ ದೇಶದ ಸಂಸ್ಕೃತಿಯಲ್ಲಿ ಹಿಮಾಲಯಕ್ಕೆ ನೀಡಿರುವಷ್ಟೇ ದೈವಿಕತೆ ಆ ದೇಶದಲ್ಲಿ Mount Olympus ಗೆ ನೀಡಲಾಗಿದೆ.
ದೇಶದ ಈಶಾನ್ಯ ಭಾಗಕ್ಕೆ ಅತಿ ಪ್ರಾಚೀನ ಕಗ್ಗಾಡು ವ್ಯಾಪಿಸಿದೆ.

: ರವಿ

ಬಾಂಗ್ಲಾದೇಶ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 17

2010-12-22T21:00:00.005+05:30

ಸುದ್ದಿ : ಮುಚ್ಚಿಹೋಗಿದ್ದ ಬಾಂಗ್ಲಾದೇಶದ ವಿದೇಶಿ ಕಲ್ಲಿದ್ದಲು ಕಂಪೆನಿಯ ಮರುಕಾರ್ಯನಿರ್ವಹಣೆಗೆ ಒತ್ತಡ ತಂದಿದ್ದ ಅಮೆರಿಕಾ - ವಿಕಿಲೀಕ್

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ವಿಶ್ವನಕ್ಷೆಯಲ್ಲಿ ಬಾಂಗ್ಲಾದೇಶ

ಬಾಂಗ್ಲಾದೇಶ ಸ್ವಾಭಾವಿಕ

ನೆರೆ-ಹೊರೆ

ಅನಾದಿ ಕಾಲದಿಂದ ಭರತವರ್ಷದ ಭಾಗವಾಗಿದ್ದ ಬಂಗಾಳ 1905ರಲ್ಲಿ ಮೊದಲ ಬಾರಿಗೆ ಬಂಗಾಳ ವಿಭಜನೆಯ ಮೂಲಕ ಭಾರತ ನಕಾಶೆಯಿಂದ ಹೊರಗುಳಿಯಿತು. ಮುಂದೆ 1947ರಲ್ಲಿ ಭಾರತ ಸ್ವತಂತ್ರಗೊಂಡು ಪಾಕಿಸ್ತಾನವೆಂಬೊಂದು ದೇಶ ಉಗಮವಾದಾಗ, ಆ ದೇಶದ ಪೂರ್ವ ಹಿಸ್ಸೆಯಾಗಿ ಅವರಿಗೆ ಬಾಂಗ್ಲಾದೇಶವನ್ನ ನೀಡಲಾಯಿತು.
ಹಿಂದೊಮ್ಮೆ ಹಿಂದೂ ನಾಡಾಗಿದ್ದ ಬಾಂಗ್ಲಾದೇಶದಲ್ಲಿ ಇಂದು 90% ಮುಸ್ಲಿಂ ಜನಸಂಖ್ಯೆಯಿದೆ. & ವಿಸ್ತೀರ್ಣದಲ್ಲಿ ಚಿಕ್ಕದಿದ್ದರೂ ಜನಸಂಖ್ಯೆಯಲ್ಲಿ ಜಗತ್ತಿನ 8ನೇ ಸ್ಥಾನ ಪಡೆದುಕೊಂಡಿದೆ. ಅಂತೆಯೇ ಪಾಕಿಸ್ತಾನ 6ನೇ ಸ್ಥಾನ ಪಡೆದಿದೆ.
ಬಾಂಗ್ಲಾದೇಶದ ಗಡಿಯನ್ನ ಬಹುತೇಕ ಭಾರತ ಸುತ್ತುವರೆದಿದ್ದರೂ ಆಗ್ನೇಯ ಮೂಲೆಯಲ್ಲಿ ಮಯನ್ಮಾರ್ ಇಣುಕಿದೆ.
ಗಂಗಾ & ಬ್ರಹ್ಮಪುತ್ರಾ ನದಿಗಳು ಈ ದೇಶದ ಜೀವನಾಡಿಗಳು. ಭಾರತದಲ್ಲಿ ಗಂಗಾ ಎನಿಸಿಕೊಳ್ಳುವ ನದಿ, ಬಾಂಗ್ಲಾ ಪ್ರವೇಶಿಸಿದ ನಂತರ ಪದ್ಮಾ ಎಂದು ಹೆಸರು ಬದಲಾಯಿಸುತ್ತದೆ !! ಬ್ರಹ್ಮಪುತ್ರಾ ಕೂಡ ಜಮುನಾ ಎಂದು ಹೆಸರು ಬದಲಾಯಿಸಿಕೊಳ್ಳುತ್ತದೆ. ಇದರ ಜೊತೆಗೆ ಮೇಘನಾ ಎಂಬೊಂದು ನದಿಯೂ ಪ್ರಮುಖ ನದಿಯಾಗಿದೆ. ಗಂಗಾ ಜಮುನಾ ಸೇರಿ ಮುಂದೆ ಹೋಗಿ ಮೇಘನಾಳನ್ನ ಕೂಡಿಕೊಂಡು ಬಂಗಾಳಕೊಲ್ಲಿಯಲ್ಲಿ ವಿಶ್ರಮಿಸುತ್ತವೆ.
ಈ ನದಿಗಳು ಪ್ರತಿ ವರ್ಷದ ಮಳೆಗಾಲದಲ್ಲಿ ಮುನಿಸಿಕೊಳ್ಳುವ ಪರಿ ಭಯಂಕರ. 1998ರಲ್ಲಿ ಇದೇ ರೀತಿ ಮುನಿಸಿಕೊಂಡಾಗ ಬಾಂಗ್ಲಾದೇಶದ 2/3 ಭೂಭಾಗ ಈ ನದಿಗಳಿಂದ ಮುಚ್ಚಿ ಹೋಯ್ತು. ಅದು ಆಧುನಿಕ ಜಗತ್ತಿನಲ್ಲಿ ದಾಖಲಿಸಲ್ಪಟ್ಟ ಅತಿ ಭಯಂಕರ ಅತಿವೃಷ್ಟಿಯಾಯಿತು.
ಸುಂದರಬನ್ ಕಾಡುಗಳು ಇಲ್ಲಿನ ಭೌಗೋಳಿಕ ವಿಶೇಷಗಳು. ಜಗತ್ತಿನ ಬಹುತೇಕ ಮ್ಯಾಂಗ್ರೋವ್ ಕಾಡುಗಳಿಗೆ ಬಾಂಗ್ಲಾ ಆವಾಸಸ್ಥಾನ.
ಬಾಂಗ್ಲಾದೇಶ ಸ್ಥಿತಗೊಂಡಿರುವ ಪ್ರಸ್ಥಭೂಮಿಯ ಬಹುತೇಕ ಭಾಗ ಸಮುದ್ರ ಮಟ್ಟದಿಂದ ಕೇವಲ 12m ಅಥವಾ <12m ಎತ್ತರವಿದ್ದು, ಮುಂದೊಮ್ಮೆ ಸಮುದ್ರದ ನೀರಿನ ಮಟ್ಟ ಕೇವಲ 1m ಏರಿದರೂ ಬಹುತೇಕ ಬಾಂಗ್ಲಾ ಸಮುದ್ರದ ತಳ ಸೇರುವ ಅಪಾಯವಿದೆ.
ಚಿತ್ತಗಾಂಗ್ ನಿಂದ ಅನತಿ ದೂರದಲ್ಲಿರುವ Cox's Bazaar ಎಂಬಲ್ಲಿ ಜಗತ್ತಿನ ಅತಿ ಉದ್ದದ ಸ್ವಾಭಾವಿಕ ಬೀಚ್ ಇದೆ. ಇದು 120ಕಿಮೀ ವರೆಗೆ ಯಾವುದೇ ತಡೆಯಿಲ್ಲದೇ ಚಾಚಿಕೊಂಡಿದೆ.
ಪ್ರತಿ ವರ್ಷ ಈ ದೇಶದ ಮೇಲೆ ಬಂಗಾಳ ಕೊಲ್ಲಿಯಿಂದ ಚಂಡಮಾರುತಗಳು ದಾಳಿಯಿಟ್ಟು, ತಮ್ಮ ಪಾಲಿನ ಬಲಿ ಹೊತ್ತೊಯ್ಯುತ್ತವೆ.
ಸೆಣಬು ಇಲ್ಲಿನ ಪ್ರಾದೇಶಿಕ ಬೆಳೆ. ನೀರಿನ ಸರಬರಾಜು ಅವ್ಯಾಹತವಿರುವುದರಿಂದ ಭತ್ತ ಕೂಡ ಇಲ್ಲಿನ ಪ್ರಮುಖ ಬೆಳೆ. ವರ್ಷದಲ್ಲಿ 3 ಸಲ ಭತ್ತದ ರಾಶಿಯಾಗುತ್ತದೆ. ಈಶಾನ್ಯದ ಕಡೆ ಟೀ ಕೂಡ ಬೆಳೆಯಲಾಗುತ್ತದೆ.

: ರವಿ

ರಷಿಯಾ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 16

2010-12-21T21:00:00.061+05:30

ಸುದ್ದಿ : ಭಾರತಕ್ಕೆ ಭೇಟಿ ನೀಡಿದ ರಷಿಯಾದ ಅಧ್ಯಕ್ಷ ದಿಮಿತ್ರಿ ಮೆಡ್ವೆಡೇವ್

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ವಿಶ್ವನಕ್ಷೆಯಲ್ಲಿ ರಷಿಯಾ

ನೆರೆ-ಹೊರೆ

ರಷಿಯಾ ಸ್ವಾಭಾವಿಕ

ಕಾಕಾಸಸ್ ಪರ್ವತಶ್ರೇಣಿ

ರಷಿಯಾದ ಯುರೋಪ್ ಪಾಲನ್ನ ಪ್ರತ್ಯೇಕಿಸಿರುವ ಯೂರಲ್ ಪರ್ವತಶ್ರೇಣಿ(ಹಸಿರು ಬಣ್ಣದಲ್ಲಿರುವುದು ಏಷಿಯಾದ ಭೂಭಾಗ)

ಕ್ಯಾಸ್ಪಿಯನ್ ಸಮುದ್ರ ಸೇರುವ ವೋಲ್ಗಾ

ಬೈಕಲ್ ಸರೋವರ

ರಾಹುಲ್ ಸಾಂಕೃತ್ಯಾಯನ್

ಟಂಡ್ರಾ ವಲಯ

ಜಗತ್ತಿನ ಅತಿ ವಿಸ್ತೀರ್ಣದ ದೇಶ.
ಜಗತ್ತಿನ ಭೂಭಾಗದ 1/9ನೇ ಭಾಗದಷ್ಟು ಭೂಮಿ ರಷಿಯಾ ಒಡೆತನದಲ್ಲಿದೆ.
ಆದರೆ ಜನಸಂಖ್ಯೆಯಲ್ಲಿ 9ನೇ ಸ್ಥಾನ ಹೊಂದಿದೆ.
ರಷಿಯಾ ದೇಶಕ್ಕೆ ಸಿಕ್ಕಾಪಟ್ಟೆ ನೆರೆ-ಹೊರೆ ದೇಶಗಳಿವೆ : ನಾರ್ವೆ, ಫಿನ್ ಲ್ಯಾಂಡ್, ಇಸ್ಟೋನಿಯಾ, ಲ್ಯಾಟ್ವಿಯಾ, ಲಿಥುಯೇನಿಯಾ, ಪೋಲ್ಯಾಂಡ್, ಬೆಲರೂಸ್, ಉಕ್ರೇನ್, ಜಾರ್ಜಿಯಾ, ಅಜರ್ ಬೈಜಾನ್, ಕಜಕಿಸ್ತಾನ್, ಚೀನಾ, ಮಂಗೋಲಿಯಾ & ಉತ್ತರ ಕೊರಿಯಾ.
ಇದಲ್ಲದೇ ರಷಿಯಾ, ಜಪಾನ್ & ಅಮೆರಿಕಾದ ಜಲಗಡಿಯನ್ನೂ(Maritime Border) ಹಂಚಿಕೊಂಡಿದೆ.
ಜಗತ್ತಿನಲ್ಲಿರುವ ಅರಣ್ಯದ ಅತಿ ಹೆಚ್ಚು ಭಾಗ ರಷಿಯಾದಲ್ಲಿದೆ.
ಹಾಗೇನೇ ಸಿಹಿ ನೀರಿನ ಸಂಗ್ರಹ(Fresh Water) ಕೂಡ ಜಗತ್ತಿನ 25 ಪ್ರತಿಶತ ರಷಿಯಾದ ಸರೋವರ-ನದಿಗಳಲ್ಲಿದೆ.
ಈ ದೇಶದ ಇನ್ನೊಂದು ವಿಶೇಷತೆಯೆಂದರೆ : ದೇಶದ ಸ್ವಲ್ಪ ಭಾಗ ಯುರೋಪ್ ಖಂಡಕ್ಕೂ ಚಾಚಿದೆ. ಹೀಗಾಗಿ ಇದು ಯುರೇಷಿಯಾ ಭೂಭಾಗದಲ್ಲಿ ಸ್ಥಿತಗೊಂಡಿದೆ ಎಂದು ಹೇಳಲಾಗುತ್ತದೆ.
ಇನ್ನೂ ಒಂದು ವಿಶೇಷತೆಯಿದೆ. ನಮ್ಮ ದೇಶದಲ್ಲಿ ಇರುವುದು ಒಂದೇ ಸಮಯ ವಲಯ(IST). ಆದರೆ ರಷಿಯಾದಲ್ಲಿ 9 ಸಮಯವಲಯಗಳಿವೆ.
ಹಿಂದೊಮ್ಮೆ USSR ಹೆಸರಿನಲ್ಲಿ SuperPower ಆಗಿದ್ದು ನಂತರ 1991ರಲ್ಲಿ ಒಡೆದು ರಷಿಯಾ ಆಗಿರುವ ಸಮಾಚಾರ ನಿಮಗೆಲ್ಲ ತಿಳಿದೇ ಇದೆ. ತದನಂತರದಲ್ಲಿ ಅದೊಂದು ಸಂಘಟನೆ ರಚಿಸಿಕೊಂಡಿದೆ. ಅದುವೇ Commonwealth of Independent States. ಈ ಹಿಂದೆ ಅವಿಚ್ಛಿನ್ನ USSR ಭಾಗವಾಗಿದ್ದ ದೇಶಗಳು ಈ ಸಂಘಟನೆಯ ಸದಸ್ಯ ರಾಷ್ಟ್ರಗಳು.
ಈ ದೇಶದ ನೈಸರ್ಗಿಕ ಹಾಗೂ ಐತಿಹಾಸಿಕ ಕಾಳಜಿಯ ಬಗ್ಗೆ ತಿಳಿಯಲು ಈ ಅಂಕಿಅಂಶಗಳು ಸಾಕು ನೋಡಿ :

23 ಜಾಗತಿಕ ಯುನೆಸ್ಕೋ ವಿಶ್ವ ಪರಂಪರೆಯ ತಾಣಗಳು(Heritage Sites)
40 ಯುನೆಸ್ಕೋ ರಕ್ಷಿತ ಜೀವವಲಯಗಳು(Biospheres)
40 ರಾಷ್ಟ್ರ ಮಟ್ಟದ ಅಭಯಾರಣ್ಯಗಳು(National Park)
101 ರಕ್ಷಿತ ಅರಣ್ಯಗಳು

ಈ ದೇಶದಲ್ಲಿವೆ.

ದೇಶದ ದಕ್ಷಿಣದಿಂದ ಪ್ರಾರಂಭವಾಗುವ ಕಾಡಿನ ಭಾಗದಲ್ಲಿ ಸ್ಟೆಪ್ಪೀ(Steppe) ಹುಲ್ಲುಗಾವಲಿನಿಂದ ಪ್ರಾರಂಭವಾಗಿ ಮಧ್ಯದಲ್ಲಿ ದಟ್ಟ ಕಾಡು ಮುಂದೆ ನಡೆದರೆ ಟಂಡ್ರಾ ಶೀತವಲಯವಿದೆ.
ಅದೇ ರೀತಿ ದಕ್ಷಿಣದಲ್ಲಿ ಕಾಕಾಸಸ್(Caucasus) ಪರ್ವತ ಶ್ರೇಣಿಯಿದೆ. ಈ ಶ್ರೇಣಿ ರಾಜಕೀಯವಾಗಿ ಅತ್ಯಂತ ಪ್ರಮುಖವಾಗಿದೆ. ಇಲ್ಲಿ ಸಾಮಾನ್ಯವಾಗಿ ದಿನಪತ್ರಿಕೆಗಳಲ್ಲಿ ಕಾಣಬರುವ ದಕ್ಷಿಣ ಒಸ್ಸೇಷಿಯಾ & ಜಾರ್ಜಿಯಾ ಯುದ್ಧದಲ್ಲಿ ರಷಿಯಾ ಮಧ್ಯ ಬರುವ ಸುದ್ದಿಯನ್ನ ನೆನಪಿಸಿಕೊಳ್ಳಿ.
ಅದೇ ರೀತಿ ಯೂರಲ್(Ural) ಪರ್ವತಶ್ರೇಣಿಗಳಿಗೂ ಪ್ರಮುಖ ಸ್ಥಾನವಿದೆ. ಯುರೋಪ್ & ರಷಿಯಾವನ್ನ ಭೇದಿಸುವಲ್ಲಿ ಈ ಪರ್ವತಶ್ರೇಣಿಗಳ ಪಾತ್ರ ಪ್ರಮುಖ.
ಅತಿ ಆಳದ, ಸಿಹಿನೀರಿನ, ಸ್ವಚ್ಛ & ಅತ್ಯಂತ ಹಳೆಯ ನೀರಿನ ಸಂಗ್ರಹ ಬೈಕಲ್ ಸರೋವರ ಇಲ್ಲಿದೆ.
ನಮ್ಮ ದೇಶಕ್ಕೆ ಗಂಗಾ ನದಿ ಇರುವ ಹಾಗೆ ರಷಿಯಾಗೆ ವೋಲ್ಗಾ ನದಿಯಿದೆ. ಇತಿಹಾಸ - ಪರಂಪರೆ ಜೊತೆಗೆ ಜನರ ಜೀವನಾಡಿಯಾಗಿ ವೋಲ್ಗಾ ಇದೆ. ರಾಹುಲ್ ಸಾಂಕೃತ್ಯಾಯನ್ (Rahul Sankrityayan) ಎಂಬ ವಿದ್ವಾಂಸರು ರಷಿಯಾ ಮುಂತಾದ ದೇಶಗಳಿಗೆ ಭೇಟಿ ನೀಡಿ ಅಲ್ಲಿನ ಜನಜೀವನವನ್ನ ಅಧ್ಯಯನ ಮಾಡಿ ಪಾಂಡಿತ್ಯ ಸಂಪಾದಿಸಿದ್ದರು. ಅವರು 1944ರಲ್ಲಿ ಸಂಪಾದಿಸಿ ಪ್ರಕಟಿಸಿದ್ದ वोल्गा से गंगा (Volga Se Ganga) ಎಂಬ ಸಣ್ಣ ಕಥೆಗಳ ಪುಸ್ತಕವನ್ನ ಇಲ್ಲಿ ಜ್ಞಾಪಿಸಿಕೊಳ್ಳಬಹುದು. ಕಾರಣ ಈ ಪುಸ್ತಕ ಭಾರತದ ಸಾಹಿತ್ಯಿಕ ಇತಿಹಾಸದಲ್ಲಿ ಸ್ಥಾನ ಗಿಟ್ಟಿಸಿದೆ. ಮತ್ತಿದು ಇಂಗ್ಲೀಷ್ ಒಳಗೊಂಡಂತೆ ಅನೇಕ ಭಾಷೆಗಳಿಗೆ ತರ್ಜುಮೆಯಾಗಿದೆ.
ರಷಿಯಾ ಭೌಗೋಳಿಕತೆ ಬಗ್ಗೆ ಇನ್ನುಳಿದ ಮಾಹಿತಿಯನ್ನ ನೀವು ನನಗೆ ನೀಡಿ !!!

: ರವಿ

ಕೇಂದ್ರೀಯ ವಿ.ವಿ.

2010-12-20T22:00:00.005+05:30

ಚುಟುಕು ಸುದ್ದಿ : ಕಾಶ್ಮೀರ ಕೇಂದ್ರೀಯ ವಿವಿಗೆ ಹೊಸ ಉಪಕುಲಪತಿ

ಸುದ್ದಿಯ ಒಳನೋಟ :

ಪ್ರತಿ ರಾಜ್ಯದಲ್ಲೂ ಈಗಾಗಲೇ ಇರುವ ವಿಶ್ವವಿದ್ಯಾಲಯಗಳ ಜೊತೆಗೆ ಸಂಪೂರ್ಣವಾಗಿ ಕೇಂದ್ರ ಸರ್ಕಾರದ ಅನುದಾನದಲ್ಲಿ ಹೊಸ ವಿವಿಗಳನ್ನ ಸ್ಥಾಪಿಸಿ ದೇಶದ ಉಚ್ಚ ಶಿಕ್ಷಣಕ್ಕೆ ಕೈಜೋಡಿಸುವುದು ಸದರಿ ವಿವಿಗಳ ಸ್ಥಾಪನೆಯ ಹಿಂದಿರುವ ಉದ್ದೇಶ.
ಸದರಿ ವಿವಿ ಸ್ಥಾಪನೆಗೆ ಕೇಂದ್ರ & ರಾಜ್ಯ ಸರ್ಕಾರಗಳ ನಡುವೆ ತಾಳಮೇಳ ಏರ್ಪಡಿಸಲು, ಈಗಾಗಲೇ ಸ್ಥಾಪನೆಯಾಗಿದ್ದ CABE( Central Advisory Board of Education) ಗೆ ಹೆಚ್ಚುವರಿ ಕರ್ತವ್ಯ ವಹಿಸಲಾಗಿದೆ.
ಸದರಿ CABEನಲ್ಲಿ ದೇಶದೆಲ್ಲೆಡೆಯ ಶಿಕ್ಷಣ ಸಂಬಂಧೀ ಅಧಿಕಾರಿಗಳು / ಸಚಿವರು ಸದಸ್ಯರಾಗಿರುತ್ತಾರೆ.

ಕೇಂದ್ರ ಮಾನವ ಸಂಪನ್ಮೂಲ ಸಚಿವರು ಅಧ್ಯಕ್ಷರಾಗಿದ್ದು, :
ಐದು ಜನ ಕೇಂದ್ರ ಸರ್ಕಾರದ ಸಚಿವರು
ನಾಲ್ಕು ಜನ ಲೋಕಸಭಾ ಸದಸ್ಯರು
ಇಬ್ಬರು ರಾಜ್ಯಸಭಾ ಸದಸ್ಯರು
ಎಲ್ಲ ರಾಜ್ಯ & ಕೇಂದ್ರಾಡಳಿತ ಪ್ರದೇಶಗಳ ಶಿಕ್ಷಣ ಸಚಿವರುಗಳು
ಯೋಜನಾ ಆಯೋಗದ ಸದಸ್ಯ(ಶಿಕ್ಷಣ ವಿಭಾಗ)
ಕೇಂದ್ರ ಮಾನವ ಸಂಪನ್ಮೂಲ ಇಲಾಖೆಯ ವಿವಿಧ ವಿಭಾಗಗಳಿಂದಾಯ್ದ 14ಜನ ಸದಸ್ಯರು
32ಜನ ನಾಮನಿರ್ದೇಶಿತ ಶಿಕ್ಷಣ ತಜ್ಞರು
ಕೇಂದ್ರ ಶಿಕ್ಷಣ ರಾಜ್ಯ ಸಚಿವ
ಕೇಂದ್ರ ಶಿಕ್ಷಣ ಇಲಾಖೆಯ ಕಾರ್ಯದರ್ಶಿ

ಹೀಗೆ ನೂರಕ್ಕೂ ಅಧಿಕ ಸಂಖ್ಯೆಯ ಸದಸ್ಯರು CABEನಲ್ಲಿರುತ್ತಾರೆ.

ದೇಶದ ಶೈಕ್ಷಣಿಕ ಸ್ವಾಸ್ಥ್ಯ ಕಾಪಾಡುವ ನಿಟ್ಟಿನಲ್ಲಿ ಸದರಿ ಯೋಜನೆಯನ್ನು ಹಮ್ಮಿಕೊಂಡ ಕೆಂದ್ರ ಸರ್ಕಾರ (ಉನ್ನತ ಶಿಕ್ಷಣ ಇಲಾಖೆಯ ವತಿಯಿಂದ) ಸಂಸತ್ತಿನಲ್ಲಿ ಅಕ್ಟೋಬರ್ 23, 2008ರಂದು Central University bill 2008 ಮಂಡಿಸಿತು. ಪ್ರಥಮವಾಗಿ ಮಂಡಿಸಲ್ಪಟ್ಟ ಈ Billನಲ್ಲಿ 12 ಹೊಸ ಕೇಂದ್ರೀಯ ವಿವಿಗಳ ಸ್ಥಾಪನೆಯ ಜೊತೆಗೆ ಈಗಾಗಲೇ ಅಸ್ತಿತ್ವದಲ್ಲಿರುವ 4 ವಿವಿಗಳನ್ನ ಕೇಂದ್ರ ವಿವಿ ದರ್ಜೆಗೆ ಏರಿಸುವ ಪ್ರಸ್ತಾವನೆ ಇತ್ತು.
ತದನಂತರದಲ್ಲಿ Central Universities Laws Amendment Bill 2008, & Central University bill 2009 ಗಳನ್ನ ಮಂಡಿಸಿ, ಪಾಸು ಮಾಡಿಸಿದೆ.
ಭಾರತದ ರಾಷ್ಟ್ರಪತಿಗಳು ಸದರಿ ವಿವಿಗಳಿಗೆ "Visitor" ಆಗಿರುತ್ತಾರೆ.

ನಿಮ್ಮ ಮನಸಲ್ಲೀಗ ರಾಜ್ಯಪಾಲರುಗಳು Chanellor ಆಗಿರೋದನ್ನ ಕೇಳಿದೀವಿ. ಇದೇನಿದು Visitor ?! ಅಂತ ಪ್ರಶ್ನೆ ಮೂಡಿರಲೇಕು. ಇಲ್ಲಿದೆ wiki ಉತ್ತರ :

" A Visitor, in United Kingdom law and history, is an overseer of an autonomous ecclesiastical or eleemosynary institution (i.e., a charitable institution set up for the perpetual distribution of the founder's alms and bounty), who can intervene in the internal affairs of that institution. These institutions usually comprise cathedrals, chapels, colleges, universities and hospitals. "

2009ರಲ್ಲಿ ಇನ್ನೂ 9 ಹೊಸ ಕೇಂದ್ರೀಯ ವಿ.ವಿಗಳನ್ನ ಸ್ಥಾಪಿಸಲು " The Central Universities Act, 2009 " ಗೆ ಅನುಮೋದನೆ ಪಡೆದು ಸ್ಥಾಪಿಸಿಯೂ ಆಗಿದೆ. ಜೊತೆಗೆ ಛತ್ತೀಸಗಢ, ಉತ್ತರಾಖಂಡ್ ಮತ್ತು ಮಧ್ಯಪ್ರದೇಶದ 3 ವಿ.ವಿ.ಗಳನ್ನ ಕೇಂದ್ರೀಯ ವಿ.ವಿ.ಗಳಾಗಿ ಪರಿವರ್ತಿಸಲು ಕೂಡ ಸಂಸತ್ತಿನ ಅನುಮೋದನೆ ಪಡೆದಿದೆ.
ಪ್ರಸ್ತುತ ಲಭ್ಯವಿರುವ ಮಾಹಿತಿಯ ಪ್ರಕಾರ ಹೊಸದಾಗಿ ಸೃಷ್ಟಿಯಾಗಿರುವ & ಮೇಲ್ದರ್ಜೆಗೇರಿಸಲ್ಪಟ್ಟ ಕೇಂದ್ರೀಯ ವಿವಿಗಳ ಪಟ್ಟಿ ಇಂತಿದೆ.

ಕೇಂದ್ರೀಯ ವಿ.ವಿ.ಹೆಸರು	ರಾಜ್ಯ/ಕೇಂದ್ರಾಡಳಿತ ಪ್ರದೇಶ	ನಗರ
1. ಇಂಗ್ಲೀಷ್ & ವಿದೇಶೀ ಭಾಷೆಗಳ ವಿ.ವಿ. English & Foreign Languages University	ಆಂಧ್ರಪ್ರದೇಶ	ಹೈದರಾಬಾದ್
2. ಮೌಲಾನಾ ಆಝಾದ್ ರಾಷ್ಟ್ರೀಯ ಉರ್ದು ವಿ.ವಿ.	ಆಂಧ್ರಪ್ರದೇಶ	ಹೈದರಾಬಾದ್
3. ಹೈದರಾಬಾದ್ ವಿ.ವಿ.	ಆಂಧ್ರಪ್ರದೇಶ	ಹೈದರಾಬಾದ್
4. ರಾಜೀವ್ ಗಾಂಧಿ ವಿ.ವಿ.	ಅರುಣಾಚಲ ಪ್ರದೇಶ್	ಇಟಾನಗರ
5. ಅಸ್ಸಾಮ್ ವಿ.ವಿ.	ಅಸ್ಸಾಮ್	ಸಿಲ್ಚಾರ್
6. ತೇಝ್ ಪುರ್ ವಿ.ವಿ.	ಅಸ್ಸಾಮ್	ತೇಝ್ ಪುರ್
7. ಬಿಹಾರ್ ಕೇಂದ್ರೀಯ ವಿ.ವಿ.	ಬಿಹಾರ್	ಮೋತಿಹಾರಿ
8. ಗುರು ಘಾಸಿದಾಸ್ ವಿ.ವಿ.	ಛತ್ತೀಸ್ ಘರ್	ಬಿಲಾಸ್ ಪುರ್
9. ಜವಾಹರಲಾಲ್ ನೆಹರು ವಿ.ವಿ.	ದೆಹಲಿ	ನವದೆಹಲಿ
10. ಜಾಮಿಯಾ ಮಿಲಿಯಾ ಇಸ್ಲಾಮಿಯಾ	ದೆಹಲಿ	ನವದೆಹಲಿ
11. ಇಂದಿರಾ ಗಾಂಧಿ ರಾಷ್ಟ್ರೀಯ ಮುಕ್ತ ವಿ.ವಿ.	ದೆಹಲಿ	ನವದೆಹಲಿ
12. ದೆಹಲಿ ವಿ.ವಿ.	ದೆಹಲಿ	ನವದೆಹಲಿ
13. ಗುಜರಾತ್ ಕೇಂದ್ರೀಯ ವಿ.ವಿ.	ಗುಜರಾತ್	ಗಾಂಧಿನಗರ
14. ಹರ್ಯಾಣಾ ಕೇಂದ್ರೀಯ ವಿ.ವಿ.	ಹರ್ಯಾಣಾ	ಮಹೇಂದ್ರಘರ್
15. ಹಿಮಾಚಲ ಪ್ರದೇಶ್ ಕೇಂದ್ರೀಯ ವಿ.ವಿ.	ಹಿಮಾಚಲ ಪ್ರದೇಶ್	ಕಾಂಗ್ರಾ
16. ಜಾರ್ಖಂಡ್ ಕೇಂದ್ರೀಯ ವಿ.ವಿ.	ಜಾರ್ಖಂಡ್	ಬ್ರಾಂಬೆ
17. ಕಾಶ್ಮೀರ ಕೇಂದ್ರೀಯ ವಿ.ವಿ. ( ಈ ಮೊದಲಿನ ಹೆಸರು - ಜಮ್ಮು ಕೇಂದ್ರೀಯ ವಿ.ವಿ. )	ಜಮ್ಮು ಮತ್ತು ಕಾಶ್ಮೀರ	ಶ್ರೀನಗರ
18. ಕರ್ನಾಟಕ ಕೇಂದ್ರೀಯ ವಿ.ವಿ.	ಕರ್ನಾಟಕ	ಗುಲ್ಬರ್ಗಾ
19. ಕೇರಳ ಕೇಂದ್ರೀಯ ವಿ.ವಿ.	ಕೇರಳ	ಕಾಸರಗೋಡು
20. ಕೇಂದ್ರೀಯ ಕೃಷಿ ವಿ.ವಿ.	ಮಣಿಪುರ	ಇಂಫಾಲ್
21. ಮಣಿಪುರ ವಿ.ವಿ.	ಮಣಿಪುರ	ಇಂಫಾಲ್
22. ಡಾ \| ಹರಿಸಿಂಗ್ ಗೌರ್ ವಿ.ವಿ.	ಮಧ್ಯಪ್ರದೇಶ್	ಸಾಗರ್
23. ಮಹಾತ್ಮಾಗಾಂಧಿ ಅಂತರಾಷ್ಟ್ರೀಯ ಹಿಂದಿ ವಿ.ವಿ.	ಮಹಾರಾಷ್ಟ್ರ	ವಾರ್ಧಾ
24. ಈಶಾನ್ಯ ಗುಡ್ಡಗಾಡು ವಿ.ವಿ. North Eastern Hill University	ಮೇಘಾಲಯ	ಶಿಲ್ಲೋಂಗ್
25. ಮಿಜೋರಾಮ್ ವಿ.ವಿ.	ಮಿಜೋರಾಮ್	ಐಝವಾಲ್
26. ನಾಗಾಲ್ಯಾಂಡ್ ವಿ.ವಿ.	ನಾಗಾಲ್ಯಾಂಡ್	ಕೋಹಿಮಾ
27. ಒಡಿಶಾ ಕೇಂದ್ರೀಯ ವಿ.ವಿ.	ಒಡಿಶಾ	ಕೋರಾಪುಟ್
28. ಪುದುಚೆರಿ ವಿ.ವಿ.	ಪುದುಚೆರಿ	ಪುದುಚೆರಿ
29. ಪಂಜಾಬ್ ಕೇಂದ್ರೀಯ ವಿ.ವಿ.	ಪಂಜಾಬ್	ಭಟಿಂಡಾ
30. ರಾಜಸ್ಥಾನ್ ಕೇಂದ್ರೀಯ ವಿ.ವಿ.	ರಾಜಸ್ಥಾನ್	ಬಿಕಾನೇರ್
31. ಸಿಕ್ಕಿಮ್ ವಿ.ವಿ.	ಸಿಕ್ಕಿಮ್	ಯಾಂಗ್ಯಾಂಗ್
32. ತಮಿಳುನಾಡು ವಿ.ವಿ.	ತಮಿಳುನಾಡು	ತಿರುವಾರೂರು
33. ತ್ರಿಪುರಾ ವಿ.ವಿ.	ತ್ರಿಪುರಾ	ಅಗರ್ತಲಾ
34. ಹೇಮಾವತಿ ನಂದನ್ ಬಹುಗುಣ ಘರವಾಲ್ ವಿ.ವಿ.	ಉತ್ತರಾಖಂಡ್	ಶ್ರೀನಗರ
35. ಅಲಿಘರ್ ಮುಸ್ಲಿಂ ವಿ.ವಿ.	ಉತ್ತರಪ್ರದೇಶ	ಅಲಿಘರ್
36. ಅಲಹಾಬಾದ್ ವಿ.ವಿ.	ಉತ್ತರಪ್ರದೇಶ	ಅಲಹಾಬಾದ್
37. ಬನಾರಸ್ ಹಿಂದೂ ವಿ.ವಿ.	ಉತ್ತರಪ್ರದೇಶ	ವಾರಣಾಸಿ
38. ಬಾಬಾಸಾಹೇಬ್ ಭೀಮರಾವ್ ಅಂಬೇಡ್ಕರ್ ವಿ.ವಿ.	ಉತ್ತರಪ್ರದೇಶ	ಲಕ್ನೋ
39. ವಿಶ್ವಭಾರತಿ ವಿ.ವಿ.	ಪಶ್ಚಿಮ ಬಂಗಾಳ	ಶಾಂತಿನಿಕೇತನ್

ಕರ್ನಾಟಕ ಕೇಂದ್ರೀಯ ವಿವಿ ವೆಬ್ ತಾಣವನ್ನ ಸಂದರ್ಶಿಸಲು ಇಲ್ಲಿ ಕ್ಲಿಕ್ಕಿಸಿ
ಇಷ್ಟೆಲ್ಲಾ ಓದಿದ ಮೇಲೆ ನಿಮಗೂ ಕೇಂದ್ರೀಯ ವಿವಿಯಲ್ಲಿ ಓದುವ ಮನಸಾಗಿದ್ದರೆ, ಪ್ರತಿ ವರ್ಷ ಜೂನ್ ನಲ್ಲಿ ನಡೆಯುವ CUCET ಪರೀಕ್ಷೆಗೆ ತಯಾರಾಗಿ !!

: ರವಿ

ಕೀನ್ಯಾ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 15

2010-12-20T21:00:00.039+05:30

ಸುದ್ದಿ : ಕೀನ್ಯಾದಲ್ಲಿ ಬಾಂಬ್ ಸ್ಫೋಟ

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ಜಾಗತಿಕ ನಕ್ಷೆಯಲ್ಲಿ ಕೀನ್ಯಾ

ಕೀನ್ಯಾ ಭೌಗೋಳಿಕ

ನೆರೆ-ಹೊರೆ

ಗ್ರೇಟ್ ರಿಫ್ಟ್ ವ್ಯಾಲ್ಯಿ

ವಲಸೆ

ಆಫ್ರಿಕಾ ಖಂಡದ ಎರಡನೇ ಅತಿ ದೊಡ್ಡ ಪರ್ವತವಾದ Mount Kenya ದಿಂದ ತನ್ನ ಹೆಸರನ್ನು ಪಡೆದಿರುವ ದೇಶ ಕೀನ್ಯಾ. ಸಿಕ್ಕಾಪಟ್ಟೆ ಜೀವವೈವಿಧ್ಯಗಳು ಈ ದೇಶದ USP(Unique Selling Proposition).
ಸೊಮಾಲಿಯಾ, ಇಥಿಯೋಪಿಯಾ, ಸುಡಾನ್, ಉಗಾಂಡಾ & ತಾಂಝಾನಿಯಾ ದೇಶಗಳೊಂದಿಗೆ ಗಡಿ ಹಂಚಿಕೊಂಡಿರುವ ಕೀನ್ಯಾ, ನೈರುತ್ಯಕ್ಕಿರುವ ವಿಕ್ಟೋರಿಯಾ ಲೇಕ್ ಕೂಡ ಗಡಿಯಂತಿದ್ದು, ಆ ಕೆರೆ ಕೀನ್ಯಾ-ಉಗಾಂಡಾ-ತಾಂಝಾನಿಯಾ ದೇಶಗಳ ಗಡಿಗಳಿಗೂ ಅಂಟಿಕೊಂಡಿದೆ. ಆಗ್ನೇಯಕ್ಕೆ ಹಿಂದೂ ಮಹಾಸಾಗರವಿದೆ.
ಕೀನ್ಯಾ ದೇಶದ ಮೇಲೆ ಭೂಮಧ್ಯರೇಖೆ ಹಾದು ಹೋಗುತ್ತದೆ.
ಆಫ್ರಿಕಾ ಖಂಡದ ಭೌಗೋಳಿಕ ಆಕರ್ಷಣೆಗಳಲ್ಲೊಂದಾದ Great Rift Valley ಕೀನ್ಯಾ ದೇಶದ ಮೂಲಕ ಹಾದು ಹೋಗುತ್ತದೆ.
ಭೂಮಧ್ಯರೇಖೆಯ ಬಳಿ ಇರುವ ಪ್ರದೇಶಗಳಂತೆ ಇಲ್ಲೂ ಕೂಡ, ಮಾರ್ಚ್ ನಿಂದ ಮೇವರೆಗೆ ನಿರಂತರ ಮಳೆಯಿದ್ದು ಅಕ್ಟೋಬರ್ ಕಾಲದಲ್ಲಿ ಮತ್ತೊಮ್ಮೆ ಮಳೆ ಸುರಿಯುತ್ತದೆ.
ಜೂನ್ ನಿಂದ ಸಪ್ಟೆಂಬರ್ ವರೆಗೆ ಪ್ರಾಣಿಗಳು ಲಕ್ಷ ಲಕ್ಷ ಸಂಖ್ಯೆಯಲ್ಲಿ ತಂಡೋಪತಂಡವಾಗಿ ವಲಸೆ ಹೋಗುವ ದೃಶ್ಯ ಛಾಯಾಗ್ರಾಹಕರಿಗೆ ಕೈಬೀಸಿ ಕರೆಯುವ ರಮಣೀಯ ಆಕರ್ಷಣೆ.

: ರವಿ

SDA & FDA Study Material (ಎಸ್.ಡಿ.ಎ. & ಎಫ್.ಡಿ.ಎ. ಪರೀಕ್ಷಾ ಮಾರ್ಗದರ್ಶಿ)

2010-12-12T06:00:00.059+05:30

:: SDA & FDA ::

1. ಮೊದಲನೆಯದಾಗಿ ಹುದ್ದೆಯ ಸ್ವರೂಪದ ಬಗ್ಗೆ ತಿಳಿದುಕೊಳ್ಳೋಣ.

SDC / SDA / JUNIOR ASSISTANT ( Second Division Clerk/Assistant ) ( ದ್ವಿತೀಯ ದರ್ಜೆ ಸಹಾಯಕ/ಕಿರಿಯ ಸಹಾಯಕ ) : ಪ್ರತಿ ಸರ್ಕಾರಿ ಕಚೇರಿಯಲ್ಲಿ ಒಬ್ಬ SDC ಇದ್ದೇ ಇರುತ್ತಾನೆ. ಅವನ ಕೆಲಸ ಆ ಕಚೇರಿಗೆ ಬರುವ ಪತ್ರ(ಟಪಾಲು)ಗಳನ್ನ ಸ್ವೀಕರಿಸುವುದು, ಸ್ವೀಕರಿಸಿದ ಅಂಥ ಪತ್ರಗಳನ್ನ ಮೇಲಾಧಿಕಾರಿಗಳಿಗೆ ತೋರಿಸಿ ಸಹಿ ಮಾಡಿಸಿ ಸಂಬಂಧಿಸಿದ ವಿಷಯ ನಿರ್ವಾಹಕರಿಗೆ ವರ್ಗಾಯಿಸುವುದು. ಹಾಗೆ ಸ್ವೀಕರಿಸಿ-ವರ್ಗಾಯಿಸಿದ ಪತ್ರಗಳ ವಿವರಗಳನ್ನು ರಿಜಿಸ್ಟರ್ ಒಂದರಲ್ಲಿ ಬರೆದಿಟ್ಟುಕೊಳ್ಳುವುದು. ಬಂದ ಪತ್ರಗಳನ್ನ ಹೇಗೆ ಸ್ವೀಕರಿಸಿದೆವೋ ಅದೇ ರೀತಿ ಕಚೇರಿಯಿಂದ ಹೊರಗಡೆ ಹೋಗುವ ಪತ್ರಗಳ ವಿವರಗಳನ್ನ ಕೂಡ ರಿಜಿಸ್ಟರಿನಲ್ಲಿ ದಾಖಲಿಸಿಕೊಂಡು ಅಟೆಂಡರ್ ಮುಖಾಂತರ ತಲುಪಿಸುವ ಜವಾಬ್ದಾರಿ ವಹಿಸುವುದು. ಸದರಿ ಕೆಲಸಗಳು ಇತ್ತೀಚಿನ ದಿನಗಳಲ್ಲಿ ಗಣಕೀಕೃತಗೊಂಡಿರುವುದರಿಂದ SDC ಆಕಾಂಕ್ಷಿಗೆ ಕಂಪ್ಯೂಟರ್ ಜ್ಞಾನ ತುಂಬಾ ಅನುಕೂಲಕರವಾಗಿ ಪರಿಣಮಿಸುತ್ತದೆ.

ವಿದ್ಯಾರ್ಹತೆ : ಎಸ್.ಎಸ್.ಎಲ್.ಸಿ.

ವೇತನ ಶ್ರೇಣಿ : Rs.5800-10500

FDC / FDA / ASSISTANT ( FIRST DIVISION CLERK/ASSISTANT ) ( ಪ್ರಥಮ ದರ್ಜೆ ಸಹಾಯಕ ) : ಸರ್ಕಾರಿ ಕಚೇರಿಯೊಂದರಲ್ಲಿ ಸಾಮಾನ್ಯವಾಗಿ ಒಂದಕ್ಕಿಂತ ಹೆಚ್ಚು FDC ಗಳಿರುತ್ತಾರೆ. ಕಾರಣ ಪ್ರತಿ ಕಚೇರಿಗೆ ಒಂದಕ್ಕಿಂತ ಹೆಚ್ಚು ವಿಷಯಗಳ ಜವಾಬ್ದಾರಿಯನ್ನ ನೀಡಲಾಗಿರುತ್ತದೆ. ಹೀಗಾಗಿ ಪ್ರತಿ ವಿಭಿನ್ನ ವಿಷಯಕ್ಕೆ ಒಬ್ಬ FDC. ಅದಕ್ಕೇನೇ ಅವರನ್ನ Case Worker ಅಂತ ಕೂಡ ಕರೆಯಲಾಗುತ್ತದೆ. ಕಚೇರಿಯ SDC ತನಗೆ ನೀಡಿದ ಪತ್ರಗಳ ವಿಷಯವನ್ನ ಗ್ರಹಿಸಿ ಅರ್ಜಿದಾರ / ಪತ್ರ ಬರೆದ ವ್ಯಕ್ತಿ ಕೋರಿರುವ ಅಹವಾಲನ್ನ ಅರ್ಥೈಸಿಕೊಂಡು ಸದರಿ ಪತ್ರದ ಮೇಲೆ ತೆಗೆದುಕೊಳ್ಳಬಹುದಾದ ಮುಂದಿನ ಕ್ರಮವನ್ನ ನಿರ್ಧರಿಸಿ ಅದನ್ನ ಕಡತಕ್ಕೆ ಅಳವಡಿಸಿಕೊಂಡು ಟಿಪ್ಪಣಿ ದಾಖಲಿಸುವುದು ಅವನ ಕೆಲಸ. ಸದರಿ ಟಿಪ್ಪಣಿ ದಾಖಲಿಸುವ ಕೆಲಸಕ್ಕೆ ಶುದ್ಧ ಕೈಬರಹ, ಕಚೇರಿ ವಿಷಯ ಜ್ಞಾನ ಹಾಗೂ ನಿಯಮಗಳ ಸೂಕ್ತ ತಿಳುವಳಿಕೆ ಅತಿ ಅವಶ್ಯವಾಗಿದೆ. ಹೀಗಾಗಿ ಆಕಾಂಕ್ಷಿಗಳು ಈ ವಿಷಯದ ಕಡೆ ಗಮನ ಹರಿಸುವುದು ಕ್ಷೇಮಕರ.

ವಿದ್ಯಾರ್ಹತೆ : ಅಂಗೀಕೃತ ವಿ.ವಿ.ಯಿಂದ ಪದವಿ

ವೇತನ ಶ್ರೇಣಿ : FDC Rs.7275-13350 & Assistant Rs.8000-14800

ಸದರಿ ಹುದ್ದೆಗಳಿಗೆ ಸಮಾನಾಂತರವಾಗಿರುವ ಅನೇಕ ಹುದ್ದೆಗಳಿವೆ. ಮತ್ತು ಅವುಗಳಿಗೆ ಪರೀಕ್ಷೆ ಕೂಡ ಸಮಾನಾಂತರವಾಗಿ ನಡೆಯುತ್ತದೆ. ಹೀಗಾಗಿ Special Prep ಅಂತ ಏನು ಬೇಕಿಲ್ಲ. ಇವೆರಡು ಹುದ್ದೆಗಳಿಗೆಂದು ಓದಿಕೊಂಡ ಪಠ್ಯ ಅವಕ್ಕೂ ಸಾಕು ಬೇಕಾದಷ್ಟಾಯ್ತು.

2. ಪರೀಕ್ಷೆಗೆ ನಿಗದಿಪಡಿಸಲಾಗಿರುವ ಪರೀಕ್ಷಾ ವಿಷಯಗಳು

1. ಸಾಮಾನ್ಯ ಕನ್ನಡ ಅಥವಾ ಸಾಮಾನ್ಯ ಇಂಗ್ಲೀಷ್

2. ಸಾಮಾನ್ಯ ಜ್ಞಾನ

3. ತಯಾರಾಗುವುದು ಹೇಗೆ ?

1. ಸಾಮಾನ್ಯ ಕನ್ನಡ : ಮೈಸೂರು ವಿವಿ ದಶಕಗಳ ಹಿಂದೆ ಪ್ರಕಟಿಸಿದ್ದ ಕನ್ನಡ ವ್ಯಾಕರಣ ಪುಸ್ತಕ ಎಂದಿಗೂ ಪ್ರಸಕ್ತ. ಇದರ ಜೊತೆಗೆ ಕನ್ನಡ ಸಾಹಿತ್ಯ ಲೋಕದ ಬಗ್ಗೆ ಪ್ರಾಥಮಿಕ ಜ್ಞಾನ ಬಹುಮುಖ್ಯ(ಕೃತಿ-ಕರ್ತೃ-ಕಾವ್ಯನಾಮ-ಪ್ರಶಸ್ತಿ ..ಇತ್ಯಾದಿ)

2. ಸಾಮಾನ್ಯ ಇಂಗ್ಲೀಷ್ : ಸಾಮಾನ್ಯ ಇಂಗ್ಲೀಷ್ ಪರೀಕ್ಷೆಯ ಬಗ್ಗೆ ಕನ್ನಡ ಮಾಧ್ಯಮ ವಿದ್ಯಾರ್ಥಿಗಳಿಗೆ ಮಾತ್ರ ತಿಳಿಸಿಕೊಡುವಂಥದ್ದು. ಪ್ರತಿದಿನ ಆಂಗ್ಲ ದಿನಪತ್ರಿಕೆಗಳನ್ನ ಓದಿ, ಅಲ್ಲಿ ಕಂಡುಬರುವ ನಿಮಗೆ ತಲೆಬುಡ ತಿಳಿಯದ ಪದಗಳ ತಲೆಬುಡ ತಿಳಿಯಿರಿ. ಇನ್ನು ಈ ಪತ್ರಿಕೆಯ ಯಶಸ್ಸಿನಲ್ಲಿ ಪ್ರಮುಖ ಪಾತ್ರವಹಿಸುವುದು Common Sense.

3. ಸಾಮಾನ್ಯ ಜ್ಞಾನ : ಈ ವಿಷಯ ಹೆಸರಿಗೆ ತಕ್ಕ ಹಾಗೆ ಸಾಮಾನ್ಯ ಜ್ಞಾನವಾಗಿದ್ದು, ದಿನನಿತ್ಯದ ಜೀವನದಲ್ಲಿ ಎದುರಾಗುವ ವಿಜ್ಞಾನ, ಇತಿಹಾಸ, ಭೂಗೋಳ.. ಇತ್ಯಾದಿ ಪ್ರಶ್ನೆಗಳೇ ನಿಮಗೆ ಪರೀಕ್ಷೆಗಳಲ್ಲಿ ಎದುರಾಗುವುದರಿಂದ ನೀವು ಸದರಿ ವಿಷಯಗಳ ಕಡೆ ಗಮನ ಹರಿಸುವುದು ಕ್ಷೇಮಕರ. ಇಷ್ಟಿದ್ದಾಗ್ಯೂ ಈ ವಿಷಯಕ್ಕೆ ಪರಾಮರ್ಶನ ಗ್ರಂಥಗಳ ಅವಶ್ಯಕತೆ ಖಂಡಿತ ಇದೆ. ಆದರೆ ಸದರಿ ವಿಷಯದ ಬಗ್ಗೆ ಒಂದು ಬೃಹದ್ಗಂತ್ರ ಇಟ್ಟುಕೊಂಡು ಓದುವುದು ಸಮಯ ಉಳಿಸುವಲ್ಲಿ ಮತ್ತು ಜ್ಞಾನ ಹೆಚ್ಚಿಸುವಲ್ಲಿ ಸಹಕಾರಿಯಾಗುತ್ತದೆ. Tata McGraw Hill General Studies Manual ಸಾಕು ಬೇಕಾದಷ್ಟಾಯ್ತು.

4. STUDY MATERIAL

: ಸಾಮಾನ್ಯ ಇಂಗ್ಲೀಷ್ :

--------
ಇಂಗ್ಲೀಷ್ ಕಲಿಕಾ ತಾಣ 1
ಇಂಗ್ಲೀಷ್ ಕಲಿಕಾ ತಾಣ 2
ಇಂಗ್ಲೀಷ್ ಕಲಿಕಾ ತಾಣ 3
ಇಂಗ್ಲೀಷ್ ಕಲಿಕಾ ತಾಣ 4
ಇಂಗ್ಲೀಷ್ ಕಲಿಕಾ ತಾಣ 5
--------

: ಸಾಮಾನ್ಯ ಜ್ಞಾನ :

--------

-------

: ಪತ್ರೋದ್ಯೋಗಿ

ಈಜಿಪ್ಟ್ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 14

2010-12-06T21:00:00.006+05:30

ಸುದ್ದಿ : ಈಜಿಪ್ಟ್ ಕಡಲ ತೀರದಲ್ಲಿ ಶಾರ್ಕ್ ಹಾವಳಿ

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ಜಾಗತಿಕ ನಕ್ಷೆಯಲ್ಲಿ ಈಜಿಪ್ಟ್

ನೆರೆ-ಹೊರೆ

ನೈಲ್ ನದಿಗುಂಟ ನೆಲೆಗೊಂಡಿರುವ ಚಾರಿತ್ರಿಕ ಸ್ಥಳಗಳು

ತೇಜಸ್ವಿ

ಆಫ್ರಿಕಾ ಖಂಡದ ಭೂಭಾಗ ತನ್ನ ಈಶಾನ್ಯ ತುದಿಗೆ ಏಷ್ಯಾ ಖಂಡಕ್ಕೆ ಮುತ್ತಿಟ್ಟಿರುವ ಜಾಗದಲ್ಲಿ ಸ್ಥಿತಗೊಂಡಿದೆ ಈಜಿಪ್ಟ್.
ಪುರಾತನ ಅನ್ನುವ ಪದಕ್ಕೆ ಅನ್ವರ್ಥದಂತೆ ನೆನಪಾಗುವ ಈಜಿಪ್ಟ್ ದೇಶ, ಜಗತ್ತಿನಲ್ಲಿ ಅಲೆಮಾರಿ ಮಾನವ ನಾಗರಿಕತೆಯನ್ನ ಕಂಡುಕೊಂಡ ಪ್ರಮುಖ ಚಾರಿತ್ರಿಕ ಸ್ಥಳಗಳಲ್ಲಿ ಒಂದು.
ಈಜಿಪ್ಟ್ ಎಂದು ನಮಗೆಲ್ಲಾ ಪರಿಚಿತವಿರುವ ಈ ದೇಶದ ಅಧಿಕೃತ ಹೆಸರು : ಇಸ್ಲಾಮಿಕ್ ರಿಪಬ್ಲಿಕ್ ಆಫ್ ಈಜಿಪ್ಟ್.
ಪೂರ್ವದಿಂದ ಪ್ರಾರಂಭಿಸಿ ಮತ್ತೆ ಪೂರ್ವಕ್ಕೇ ತಲುಪಿದರೆ ಕೆಂಪು ಸಮುದ್ರ, ಇಸ್ರೇಲ್, ಮೆಡಿಟರೇನಿಯನ್ ಸಮುದ್ರ, ಲಿಬಿಯಾ & ಸುಡಾನ್ ದೇಶಗಳು ಈಜಿಪ್ಟ್ ದೇಶದ ಭೂಭಾಗಕ್ಕೆ ಅಂಟಿಕೊಂಡಿರುವುದನ್ನ ಕಾಣಬಹುದು.
ಈಜಿಪ್ಟ್ ಪುರಾತನ ನಾಗರೀಕತೆ ಎನಿಸಿಕೊಂಡಿದ್ದರೂ ಒಂದು ಸಂಶೋಧನೆಯ ಪ್ರಕಾರ ಪ್ರಾರಂಭದಿಂದಲೂ ಈ ಪ್ರದೇಶ ಭಾರಿ ಅನಿಸುವ ಜನಸಾಂದ್ರತೆಯನ್ನೇನೂ ಹೊಂದಿರಲಿಲ್ಲ. ಬದಲಿಗೆ ಇಂದು ಜಗತ್ತಿನ ಅತಿ ವಿಸ್ತೀರ್ಣವಾದ ಮರುಭೂಮಿಯಾಗಿ ಮೆರೆಯುತ್ತಿರುವ ಸಹಾರಾ ಅಂದು ಹಸಿರು ಕಾಡಿನಿಂದಾವೃತವಾದ ಭೂಪ್ರದೇಶವಾಗಿತ್ತು. ಆದರೆ ಬೇರೆಲ್ಲೋ ಆದ ವಾತಾವರಣ ವೈಪರೀತ್ಯ ಆಫ್ರಿಕಾ ಖಂಡದ ಈ ಭಾಗದ ಮೇಲೆ ಪರಿಣಾಮ ಬೀರಿ ಕಗ್ಗಾಡು - ಬೆಂಗಾಡಾಯಿತು. ಈ ಪರಿವರ್ತನೆಯಲ್ಲಿ ಅಲ್ಲಿ ನೆಲೆಗೊಂಡಿದ್ದ ಜನಸ್ತೋಮವನ್ನ ಕೈಬೀಸಿ ಕರೆದದ್ದು ಪೂರ್ವದ ಕಡೆಗೆ ಹರಿಯುತ್ತಿದ್ದ ನೈಲ್ ನದಿ.
ನೈಲ್ ನದಿಯ ನಿಗೂಢ ಹುಟ್ಟು & ಹರಿವಿನ ಬಗ್ಗೆ ತಿಳಿಯಲು ನಮ್ಮ ತೇಜಸ್ವಿಯವರ ಅಲೆಮಾರಿ ಅಂಡಮಾನ್ & ಮಹಾನದಿ ನೈಲ್ ಓದಲು ಮರೆಯಬೇಡಿ.
ಸುತ್ತಲಿನ ದೇಶಗಳಂತೆ ಇದೂ ಕೂಡ ಇಸ್ಲಾಂ ಧರ್ಮವನ್ನ ಬಾಚಿ ತಬ್ಬಿರುವ ದೇಶ.
ಈ ದೇಶದ ಭೌಗೋಳಿಕ ಆಕರ್ಷಣೆಯೆಂದರೆ ಅದು ನೈಲ್ ನದಿ. ನೈಲ್ ನದಿಯ ಮೋಡಿಯೆಂದರೆ ದೇಶದ 99 ಪ್ರತಿಶತ ಜನಸಂಖ್ಯೆ ದೇಶದ 6 ಪ್ರತಿಶತ ಭೂಮಿಯಲ್ಲಿ ಮಾತ್ರ ನೆಲೆಗೊಂಡಿದ್ದು, ಅದೂ ನೈಲ್ ನದಿಯ ದಡಗಳಲ್ಲಿ !!
ನೈಲ್ ನದಿಯ ಸುತ್ತಲಿನ ಫಲವತ್ತಾದ ಭೂಮಿಯನ್ನ ಬಿಟ್ಟರೆ ದೇಶದ ಬಹುಭಾಗ ಸಹಾರಾ ಮರುಭೂಮಿ & ಲಿಬಿಯಾ ಮರುಭೂಮಿಗೆ ಆಹುತಿಯಾಗಿದೆ.
ಪಿರಾಮಿಡ್ ಗಳು, ಸ್ಫಿಂಕ್ಸ್ & ಇತ್ತೀಚಿನ ಸುಯೇಜ್ ಕಾಲುವೆ, ಇವಿಷ್ಟು ದೇಶದ ಮಾನವ ನಿರ್ಮಿತ ಆಕರ್ಷಣೆಗಳು.
ಇದೇ ಸಂದರ್ಭದಲ್ಲಿ ಪಿರಾಮಿಡ್ ಗಳ ನಿಗೂಢ ರಚನೆಯ ಬಗ್ಗೆ ತಿಳಿಯಲು ಪ್ರಯತ್ನಿಸೋಣ :

ದೇಶದ ತುಂಬೆಲ್ಲಾ ಹರಡಿರುವ ಪಿರಾಮಿಡ್ ಗಳಲ್ಲಿ ಮುಖ್ಯವಾಗಿ ಗಮನ ಸೆಳೆದಿರೋದು ಗಿಝಾ ಪಟ್ಟಣದ ಮಹಾ ಪಿರಾಮಿಡ್. ಎಲ್ಲ ಪಿರಾಮಿಡ್ ಗಳಂತೆ ಇದೂ ಕೂಡ ರಾಜನೊಬ್ಬನ ಮಮ್ಮಿಯ ಆವಾಸ ಸ್ಥಾನವೆನ್ನುವುದು ಸಾಮಾನ್ಯ ಅಂಶವಾದರೂ, ಅದರ ಬೃಹತ್ ಗಾತ್ರ(480.6 ಅಡಿ ಎತ್ತರ) ಹಾಗೂ ಅಲ್ಲಿ ಬಳಸಲಾಗಿರುವ ಕೆಲವು ಕಲ್ಲುಗಳ ತೂಕ 25000 ರಿಂದ 80000 ಕೆ.ಜಿ.ವರೆಗೂ ಇರುವ ಅಂಶಗಳು ಈ ಪಿರಾಮಿಡ್ ಅನ್ನು ತನ್ನ ಸಹಚರರಿಗಿಂತ ಎತ್ತರದಲ್ಲಿ ನಿಲ್ಲುವಂತೆ ಮಾಡಿವೆ. ಈ ಕಲ್ಲುಗಳು ದೊರೆಯುವುದು ಗಿಝಾ ಪಟ್ಟಣದಿಂದ 500 ಮೈಲಿ ದೂರದಲ್ಲಿರುವ ಆಸ್ವಾನ್ ನಗರದ ಕ್ವಾರಿಯಲ್ಲಿ. ಆ ಗಾತ್ರ-ಆ ತೂಕದ ಕಲ್ಲುಗಳನ್ನ ತಂದು, ಆ ಎತ್ತರದ ಕಟ್ಟಡದಲ್ಲಿ ಬಳಸಿ ಅಂದು ಲಭ್ಯವಿದ್ದ ತಂತ್ರಜ್ಞಾನದೊಂದಿಗೆ ಕ್ರಿ.ಪೂ.2560ರಲ್ಲಿ 20 ವರ್ಷಗಳ ಪರಿಶ್ರಮದೊಂದಿಗೆ ಅವರು ಕಟ್ಟಿದ ರೀತಿ ಇಂದಿಗೂ ನಿಗೂಢ. ಅಷ್ಟು ತೂಕದ ಕಲ್ಲುಗಳನ್ನ ಅಷ್ಟು ಎತ್ತರದ ಕಟ್ಟಡದ ತುದಿಯವರೆಗೆ ಹೇಗೆ ಸಾಗಿಸಲಾಯಿತು, ಅಲ್ಲಿರುವ ನಿಗೂಢ ಖಾಲಿ ಜಾಗಗಳು, ನಿಗೂಢ ಕೋಣೆಯ ನಿಗೂಢ ಆಕಾರಗಳು .. ಎಲ್ಲವೂ ನಿಗೂಢವೇ. ಒಂದು ವಾದದ ಪ್ರಕಾರ : ಕಟ್ಟಡದ ಬದಿಗಳಲ್ಲಿ Slope ಒಂದನ್ನ ನಿರ್ಮಿಸಿ ಅದರ ಮೇಲಿನಿಂದ ಭಾರದ ಕಲ್ಲುಗಳನ್ನ ಸಾಗಿಸಿ ಮೇಲ್ಭಾಗದವರೆಗೂ ಒಯ್ಯಲಾಯಿತು. ಸದ್ಯಕ್ಕೆ ಇದು ಕಟ್ಟಡದ ನಿರ್ಮಾಣಕ್ಕೆ ಬಳಸಿದ ತಂತ್ರಗಾರಿಕೆಗೆ ಸಂಬಂಧಿಸಿದಂತೆ ಮಾನ್ಯತೆ ಹೊಂದಿರುವ ವಾದ. ಆದರೆ ಅಲ್ಲಿರುವ ನಿಗೂಢ ಕೋಣೆಗಳು & ಕಟ್ಟಡದ ವಾಸ್ತು ವಿನ ಬಗ್ಗೆ ಇನ್ನೂ ಅನೇಕ ಸಂಶಯಗಳು ಬಗೆಹರಿಯಬೇಕಿವೆ.

: ರವಿ

PDO Study Material : ಪಿಡಿಓ ಪರೀಕ್ಷಾ ಮಾರ್ಗದರ್ಶಿ

2010-12-05T06:00:00.001+05:30

:: ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ::

1. ಮೊದಲನೆಯದಾಗಿ PDO ಹುದ್ದೆಯ ಸ್ವರೂಪದ ಬಗ್ಗೆ ತಿಳಿದುಕೊಳ್ಳೋಣ. ಏನು ಈ ಹುದ್ದೆ ? ಸಂಬಳವೇನು ? ಅಂದ್ರೆ C&R Rules(ವೃಂದ & ನೇಮಕಾತಿ ನಿಯಮಗಳು) : ಇಲ್ಲಿ ಕ್ಲಿಕ್ಕಿಸಿ :

2. ಪರೀಕ್ಷೆಗೆ ನಿಗದಿಪಡಿಸಿರುವ ಪಠ್ಯದ ಪ್ರಕಾರ ಕೆಳಕಂಡ ವಿಷಯಗಳಿಗೆ ಪರೀಕ್ಷೆ ನಡೆಸಲಾಗುವುದು.

ಸಾಮಾನ್ಯ ಜ್ಞಾನ & ಪ್ರಚಲಿತ ವಿದ್ಯಮಾನ
ಸಾಮಾನ್ಯ ಕನ್ನಡ
ಸಾಮಾನ್ಯ ಇಂಗ್ಲೀಷ್
ಕಂಪ್ಯೂಟರ್ ಜ್ಞಾನ
ಪಂಚಾಯತ್ ರಾಜ್ ಅಧಿನಿಯಮ 1993

ಸಾಮಾನ್ಯ ಜ್ಞಾನ : ಈ ವಿಷಯ ಹೆಸರಿಗೆ ತಕ್ಕ ಹಾಗೆ ಸಾಮಾನ್ಯ ಜ್ಞಾನವಾಗಿದ್ದು, ದಿನನಿತ್ಯದ ಜೀವನದಲ್ಲಿ ಎದುರಾಗುವ ವಿಜ್ಞಾನ, ಇತಿಹಾಸ, ಭೂಗೋಳ.. ಇತ್ಯಾದಿ ಪ್ರಶ್ನೆಗಳೇ ನಿಮಗೆ ಪರೀಕ್ಷೆಗಳಲ್ಲಿ ಎದುರಾಗುವುದರಿಂದ ನೀವು ಸದರಿ ವಿಷಯಗಳ ಕಡೆ ಗಮನ ಹರಿಸುವುದು ಕ್ಷೇಮಕರ. ಇಷ್ಟಿದ್ದಾಗ್ಯೂ ಈ ವಿಷಯಕ್ಕೆ ಪರಾಮರ್ಶನ ಗ್ರಂಥಗಳ ಅವಶ್ಯಕತೆ ಖಂಡಿತ ಇದೆ. ಆದರೆ ಸದರಿ ವಿಷಯದ ಬಗ್ಗೆ ಒಂದು ಬೃಹದ್ಗಂತ್ರ ಇಟ್ಟುಕೊಂಡು ಓದುವುದು ಸಮಯ ಉಳಿಸುವಲ್ಲಿ ಮತ್ತು ಜ್ಞಾನ ಹೆಚ್ಚಿಸುವಲ್ಲಿ ಸಹಕಾರಿಯಾಗುತ್ತದೆ. Tata McGraw Hill General Studies Manual ಸಾಕು ಬೇಕಾದಷ್ಟಾಯ್ತು.

ಪ್ರಚಲಿತ ವಿದ್ಯಮಾನ : ದಿನದಿನದ ಪತ್ರಿಕೆಗಳನ್ನ ಓದಿ ಪರೀಕ್ಷಾ ದೃಷ್ಟಿಯಿಂದ ಪ್ರಮುಖವೆನಿಸುವ ಸುದ್ದಿಗಳನ್ನ ಮನನ ಮಾಡಿಕೊಳ್ಳುವುದು. ಇತ್ತೀಚೆಗೆ ನಡೆದ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಈ ವಿಷಯದ ಮೇಲೆ ಕೇಳಲಾದ ಪ್ರಶ್ನೆಗಳನ್ನ ಬಿಡಿಸಿ, ಆ ಪ್ರಶ್ನೆಯಿಂದ ಒಂದು ಸಾಲಿನ 'ಸಾಮಾನ್ಯ ಜ್ಞಾನ' ಪಡೆಯುವುದು ನಿಮಗೆ ಈ ವಿಷಯದ ಶೀಘ್ರ ತಯಾರಿಗೆ ಒಂದು Shortcut. ಹೆಚ್ಚಿಗೆ ತಿಳಿಯಲು ಇಲ್ಲಿ ಕ್ಲಿಕ್ಕಿಸಿ.

ಸಾಮಾನ್ಯ ಕನ್ನಡ : ಮೈಸೂರು ವಿವಿ ದಶಕಗಳ ಹಿಂದೆ ಪ್ರಕಟಿಸಿದ್ದ ಕನ್ನಡ ವ್ಯಾಕರಣ ಪುಸ್ತಕ ಎಂದಿಗೂ ಪ್ರಸಕ್ತ. ಇದರ ಜೊತೆಗೆ ಕನ್ನಡ ಸಾಹಿತ್ಯ ಲೋಕದ ಬಗ್ಗೆ ಪ್ರಾಥಮಿಕ ಜ್ಞಾನ ಬಹುಮುಖ್ಯ(ಕೃತಿ-ಕರ್ತೃ-ಕಾವ್ಯನಾಮ-ಪ್ರಶಸ್ತಿ ..ಇತ್ಯಾದಿ)

ಸಾಮಾನ್ಯ ಇಂಗ್ಲೀಷ್ : ಸಾಮಾನ್ಯ ಇಂಗ್ಲೀಷ್ ಪರೀಕ್ಷೆಯ ಬಗ್ಗೆ ಕನ್ನಡ ಮಾಧ್ಯಮ ವಿದ್ಯಾರ್ಥಿಗಳಿಗೆ ಮಾತ್ರ ತಿಳಿಸಿಕೊಡುವಂಥದ್ದು. ಪ್ರತಿದಿನ ಆಂಗ್ಲ ದಿನಪತ್ರಿಕೆಗಳನ್ನ ಓದಿ, ಅಲ್ಲಿ ಕಂಡುಬರುವ ನಿಮಗೆ ತಲೆಬುಡ ತಿಳಿಯದ ಪದಗಳ ತಲೆಬುಡ ತಿಳಿಯಿರಿ. ಇನ್ನು ಈ ಪತ್ರಿಕೆಯ ಯಶಸ್ಸಿನಲ್ಲಿ ಪ್ರಮುಖ ಪಾತ್ರವಹಿಸುವುದು Common Sense.

ಕಂಪ್ಯೂಟರ್ ಜ್ಞಾನ : ಈ ಪರೀಕ್ಷೆಯ ಬಗ್ಗೆ

Computer Manufacturing Companies
Computer Hardware
Computer OS & Softwares : Primary Knowledge
Keyboard Shortcuts
MS Office Working Knowledge

ಇಷ್ಟು ಮಾಹಿತಿಯಿದ್ದರೆ, ಸಾಕು. ನೀವು ಉತ್ತೀರ್ಣರಾಗಬಹುದು. ಈ ಪರೀಕ್ಷೆ Just Pass ಸಾಕಾಗಿರೋದ್ರಿಂದ ಮೇಲ್ಕಂಡ ಮಾಹಿತಿಗಳ ಬಗ್ಗೆ ಪಕ್ಕಾ ಆಗಿದ್ರೆ ಸಾಕು !!

ಪಂಚಾಯತ್ ರಾಜ್ ಅಧಿನಿಯಮ 1993 : ಸದರಿ ವಿಷಯವನ್ನ ಅಭ್ಯಸಿಸಲು ಒಂದಕ್ಕಿಂತ ಹೆಚ್ಚಿನ Reference ಪುಸ್ತಕಗಳು, ಅಂತರಜಾಲ ತಾಣಗಳ ಸಹಾಯ ಅವಶ್ಯಕತೆ ಇದೆ. ಆದರೆ ಅವೆಲ್ಲವನ್ನ ಒಟ್ಟುಗೂಡಿಸಿ ನೀಡುವ ಪ್ರಯತ್ನವೊಂದನ್ನ ಮಾಡಲಾಗಿದೆ. ಸದರಿ Reference Notes ಇರುವುದು 70 ಪುಟಗಳ PDF Formatನಲ್ಲಿ. ಆಸಕ್ತರು ಅದನ್ನ Download ಮಾಡಿಕೊಂಡು Print Out ತೆಗೆದುಕೊಳ್ಳಿ.

Self Prepared Notes Link : http://www.slideshare.net/revappa/pdo-panchayat-raj-rules-1993-e-notes

---------------

ಪಂಚಾಯತ್ ರಾಜ್ ಅಧಿನಿಯಮ 1993 (ಕನ್ನಡ)(ಸಂಪೂರ್ಣ ಆವೃತ್ತಿ) : ಇಲ್ಲಿ ಕ್ಲಿಕ್ಕಿಸಿ
Panchayat Raj Rules 1993 (English)(Complete Version) : ಇಲ್ಲಿ ಕ್ಲಿಕ್ಕಿಸಿ
ಇಂದಿರಾ ಆವಾಸ್ ಯೋಜನಾ : ಇಲ್ಲಿ ಕ್ಲಿಕ್ಕಿಸಿ
MG-NREGA : ಅಧಿನಿಯಮ : ಮಾರ್ಗಸೂಚಿಗಳು : ಕೇಂದ್ರ ವೆಬ್ ವಿಳಾಸ : FAQs
ಭಾರತೀಯ ಸಂವಿಧಾನ : ಇಲ್ಲಿ ಕ್ಲಿಕ್ಕಿಸಿ
ಸಂಪೂರ್ಣ ಸ್ವಚ್ಛತಾ ಆಂದೋಲನ(TSC) : ಇಲ್ಲಿ ಕ್ಲಿಕ್ಕಿಸಿ
ಕರ್ನಾಟಕದ ಆಶ್ರಯ ಯೋಜನೆ(ರಾಜೀವ್ ಗಾಂಧಿ-ಅಂಬೇಡ್ಕರ್-ಇಂದಿರಾ ಆಶ್ರಯ ಯೋಜನೆಗಳು) : ಇಲ್ಲಿ ಕ್ಲಿಕ್ಕಿಸಿ

---------------

ಈ ಹಿಂದಿನ ಪ್ರಶ್ನೆ ಪತ್ರಿಕೆಗಳು : 20ನೇ ಸಪ್ಟೆಂಬರ್ 2009

---------------

: ಪತ್ರೋದ್ಯೋಗಿ

ಕೋಟ್ ಡೆ ಐವರಿ(Côte d'Ivoire) ಯಲ್ಲಿ ರಾಜಕೀಯ ಅಸಂಗತ ನಾಟಕ

2010-12-04T22:00:00.004+05:30

ಚುಟುಕು ಸುದ್ದಿ : ಕೋಟ್ ಡೆ ಐವರಿ(Côte d'Ivoire) ಯಲ್ಲಿ ರಾಜಕೀಯ ಅಸಂಗತ ನಾಟಕ

ಸುದ್ದಿಯ ಒಳನೋಟ :

ಸಾಮಾನ್ಯ ಶಬ್ದಗಳಲ್ಲಿ ಐವರಿ ಕೋಸ್ಟ್ ಎಂದು ಕಡೆಯಲ್ಪಡುವ ಇದು ಅಧಿಕೃತವಾಗಿ ರಿಪಬ್ಲಿಕ್ ಆಫ್ ಕೋಟ್ ಡೆ ಐವರಿ.
1960ರಲ್ಲಿ ದೇಶ ಸ್ವಾತಂತ್ರ್ಯ ಹೊಂದುವ ಮೊದಲು ಫ್ರೆಂಚರ ವಸಾಹತಾಗಿತ್ತು.
ಫ್ರೆಂಚ್ ಭಾಷೆ ದೇಶದ ಅಧಿಕೃತ ಭಾಷೆ ಹಾಗೂ Yamoussoukro ದೇಶದ ರಾಜಧಾನಿ.
ಸ್ವಾತಂತ್ರ್ಯ ಹೊಂದಿದ ನಂತರ ಮುತ್ಸದ್ಧಿ Félix Houphouët-Boigny ನಾಯಕತ್ವದಲ್ಲಿ ರಚನೆಯಾದ ಸರ್ಕಾರ ಆಫ್ರಿಕಾದಲ್ಲಿ ಮನೆಮಾತಾಗಿದ್ದ ಬಡತನವನ್ನ ದೂರವಿಟ್ಟು ಆರ್ಥಿಕವಾಗಿ ಬಲಿಷ್ಠವಾಯಿತು. ಇದರ ಸಮಸ್ತ ಶ್ರೇಯವೂ ಫೆಲಿಕ್ಸ್ ಗೇ ಸಲ್ಲುತ್ತದೆ. ಮತ್ತು ಈ ಅದ್ಭುತ ಯಶಸ್ಸಿಗೆ Ivorian Miracle ಎಂಬ ಹೆಸರಿದೆ.
ಮೊದಲು ಫ್ರೆಂಚ್ ರಾಜಕೀಯದಲ್ಲಿ ಪಳಗಿದ ಫೆಲಿಕ್ಸ್ ನಂತರ ಫ್ರಾನ್ಸ್ ನೊಂದಿಗೆ ಉತ್ತಮ ಬಾಂಧವ್ಯ ಮುಂದುವರೆಸಿಕೊಂಡು ತಮ್ಮ ದೇಶದ ಏಳಿಗೆಗೆ ಶ್ರಮಿಸಿದರು.
ಕಮ್ಯೂನಿಸ್ಟ್ ನೀತಿಯ ಕಟ್ಟಾ ವಿರೋಧಿಯಾಗಿದ್ದ ಫೆಲಿಕ್ಸ್ ದೇಶದ ಬೆನ್ನೆಲುಬಾಗಿದ್ದ ಕೃಷಿಗೆ ಪ್ರಾಮುಖ್ಯತೆ ನೀಡಿ ಅದರ ತಳಹದಿಯ ಮೇಲೆಯೇ ದೇಶದ ಆರ್ಥಿಕತೆಯ ಭದ್ರ ಬುನಾದಿ ಹಾಕಿದರು.
ಇವರ ಕಮ್ಯೂನಿಸ್ಟ್ ವಿರೋಧಿ ನೀತಿಯಿಂದ ಶೀತಲ ಯುದ್ಧದ ಸಮಯದಲ್ಲಿ ಪ್ರಬಲವಾಗಿದ್ದ ರಷ್ಯಾದೊಂದಿಗೆ ಕೂಡ ಬಾಂಧವ್ಯ ಕೆಟ್ಟು ಹೋಗಿದ್ದಲ್ಲದೇ, ಚೀನಾವನ್ನ ದೇಶವೆಂದು ಕೂಡ ಮಾನ್ಯತೆ ಮಾಡದಷ್ಟು ಗಟ್ಟಿತನ ತೋರಿದ್ದರು.
ಫೆಲಿಕ್ಸ್ ದೇಶ ಸ್ವತಂತ್ರ ಹೊಂದಿದಾಗಿನಿಂದ (1960) ತಾವು ಕೊನೆಯುಸಿರೆಳೆಯುವವರೆಗೂ(1993) ದೇಶವನ್ನು ಅಕ್ಷರಶಃ ಮುನ್ನಡೆಸಿದರು.
ಮುಂದೆ ಫೆಲಿಕ್ಸ್ ಬೆಂಬಲಿತ Henri Konan Bédié ಅವರೇ ದೇಶದ ನಾಯಕನಾಗಿ 1995ರಲ್ಲಿ ಆಯ್ಕೆಯಾದರು. ಆದರೆ ದೇಶದಲ್ಲಿ ವ್ಯವಸ್ಥೆ ಸ್ವಲ್ಪ ಮಟ್ಟಿಗೆ ಹದಗೆಟ್ಟಿತು.
1999ರಲ್ಲಿ ಮಿಲಿಟರು ಕೂಪ್ ಸಂಭವಿಸಿ, ಒಂದು ವರ್ಷದ ಮಟ್ಟಿಗೆ ಮಿಲಿಟರಿ ಆಡಳಿತ ಬಂದರೂ ದೇಶಕ್ಕೆ ತಕ್ಕ ಮಟ್ಟಿಗಿನ ನೆಮ್ಮದಿ ದೊರೆತಿದ್ದು ನಿಜ. ಆ ಅವಧಿಯಲ್ಲಿ ಭ್ರಷ್ಟಾಚಾರ ಕಡಿಮೆಯಾಯಿತು.
ನಂತರ ಬಂದಿದ್ದೇ ಈಗ ಸುದ್ದಿಯಲ್ಲಿರುವ ಬಾಗ್ಬೋ(Laurent Gbagbo). ಮಿಲಿಟರಿ ಆಡಳಿತ ಕೊನೆಗೊಂಡು ಅಕ್ಟೋಬರ್ 2000ದಲ್ಲಿ ನಡೆದ ಚುನಾವಣೆಗಳಲ್ಲಿ ಆರಿಸಿ ಬಂದ ಬಾಗ್ಬೋ ದೇಶದ ಚುಕ್ಕಾಣಿ ಹಿಡಿದರು. ಇದೇ ಚುನಾವಣೆಯಲ್ಲಿ ಸ್ಪರ್ಧಿಸಬೇಕೆಂದಿದ್ದ Alassane Ouattara ಅವರು ಅನ್ಯದೇಶೀಯರಾದ ಕಾರಣ ದೇಶದ ಸರ್ವೋಚ್ಚ ನ್ಯಾಯಾಲಯ ಅವರ ಅಭ್ಯರ್ಥಿತನವನ್ನ ರದ್ದುಗೊಳಿಸಿತು. Ouattara ಕೂಡ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ.
ಕಾರಣ : 2005ರಲ್ಲೇ ನಡೆಯಬೇಕಿದ್ದ ಚುನಾವಣೆಗಳನ್ನ ಮುಂದೂಡುತ್ತಾ ಬಂದು ಕಳೆದ ನವೆಂಬರ್ 2010ರಲ್ಲಿ ಚುನಾವಣೆ ನಡೆದವು. ಇದರಲ್ಲಿ ಬಾಗ್ಬೋ ಗೆ ಸೋಲಾಗಿ Ouattara ವಿಜಯಿಯಾಗಿದ್ದಾರೆ. ಆದರೆ ಬಾಗ್ಬೋ ತಮ್ಮ ಕುರ್ಚಿಯನ್ನ ಬಿಡಲೊಲ್ಲರು. ಒಂದು ಕಡೆ : ಅನೇಕ ಅಂತರರಾಷ್ಟ್ರೀಯ ನಾಯಕರು ಒತ್ತಡ ಹೇರುತ್ತಿದ್ದರೂ ತಮ್ಮ ಸ್ಥಾನವನ್ನ ತ್ಯಜಿಸಲು ಬಾಗ್ಬೋ ಹಿಂದೇಟು ಹಾಕುತ್ತಿರಬೇಕಾದರೆ, ಇನ್ನೊಂದು ಕಡೆ : ವಿಜಯಿ Ouattara ಹೊಟೇಲೊಂದರಲ್ಲಿ ಕುಳಿತುಕೊಂಡೇ ಸರ್ಕಾರ ಆರಂಭಿಸಿದ್ದಾರೆ !!
ತಾವು ಸೋತಿದ್ದರೂ ಚುನಾವಣಾ ಸಮಿತಿಯಲ್ಲಿರುವ ತಮ್ಮ ಬೆಂಬಲಿಗರನ್ನ ಬಳಸಿಕೊಂಡು, Ouattara ತಮಗಿಂತ ಕಡಿಮೆ ಮತ ಪಡೆದಿದ್ದಾರೆಂದೂ, ಹೀಗಾಗಿ ತಾವೇ ವಿಜಯಿಯೆಂದೂ ಘೋಷಿಸಿಕೊಂಡು ತಾವೇ ಪ್ರಮಾಣವಚನವನ್ನೂ ಸ್ವೀಕರಿಸಿದ್ದಾರೆ ಬಾಗ್ಬೋ !!
ಆದರೆ ವಿಶ್ವಸಂಸ್ಥೆ & ಆಫ್ರಿಕಾ ಒಕ್ಕೂಟ Alassane Ouattara ಅವರನ್ನೇ ಐವರಿಕೋಸ್ಟ್ ನ ಮುಂದಿನ ಅಧ್ಯಕ್ಷರು ಎಂದು ಗುರುತಿಸಿದೆ.

: ರವಿ

ಸ್ಪೇನ್ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 13

2010-12-04T21:00:00.046+05:30

ಸುದ್ದಿ : ಸ್ಪೇನ್ ನಲ್ಲಿ ಕಾರ್ಮಿಕರ ಮುಷ್ಕರದ ಮಧ್ಯೆ ತುರ್ತು ಪರಿಸ್ಥಿತಿ ಘೋಷಿಸಿದ ಸರ್ಕಾರ

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ಜಾಗತಿಕ ನಕ್ಷೆಯಲ್ಲಿ ಸ್ಪೇನ್

ಭೌಗೋಳಿಕ ಸ್ಪೇನ್ ನಕ್ಷೆ

ನೆರೆ-ಹೊರೆ

ನಮಗೆಲ್ಲ ಸ್ಪೇನ್ ಎಂದು ಪರಿಚಿತವಾಗಿರುವ ಈ ದೇಶದ ಅಧಿಕೃತ ಹೆಸರು ಕೇಳಲು ಚೆನ್ನಾಗಿದೆ : ಕಿಂಗಡಮ್ ಆಫ್ ಸ್ಪೇನ್ (Kingdom of Spain).
ಪೋರ್ತುಗಲ್, ಫ್ರಾನ್ಸ್, ಅಂಡೋರಾ & ಬ್ರಿಟಿಷರ ಆಡಳಿತದಲ್ಲಿರುವ ಜಿಬ್ರಾಲ್ಟರ್ ಎಂಬ ತುಂಡುಭೂಮಿಯೂ ಸ್ಪೇನ್ ದೇಶಕ್ಕೆ ನೆರೆದೇಶಗಳಾಗಿವೆ. ಸ್ಪೇನ್ & ಆಫ್ರಿಕಾ ಖಂಡದ ಮೊರೊಕ್ಕೊ ದೇಶದ ಗಡಿಪ್ರದೇಶ ಭಾರತ ಶ್ರೀಲಂಕಾ ಗಡಿಯನ್ನ ನೆನಪಿಸುತ್ತದೆ.
ಉತ್ತರ ಅಟ್ಲಾಂಟಿಕ್ ಮಹಾಸಾಗರ ಹಾಗೂ ಮೆಡಿಟರೇನಿಯನ್ ಸಮುದ್ರ - ಎರಡು ಜಲಪ್ರದೇಶಗಳೂ ದೇಶವನ್ನ ಸುತ್ತುವರೆದಿವೆ.
ಸದರಿ ದೇಶ ಯುರೋಪಿಯನ್ ಯೂನಿಯನ್ ನ ಸದಸ್ಯ ದೇಶವೂ ಹೌದು. ಓದುಗರು ಇಲ್ಲಿ ಗಮನಿಸಬೇಕಿರುವುದು : ಎಲ್ಲ ಯುರೋಪ್ ಖಂಡದ ದೇಶಗಳೂ ಯುರೋಪ್ ಒಕ್ಕೂಟದ ಸದಸ್ಯ ರಾಷ್ಟ್ರಗಳಲ್ಲ. ಇನ್ನೂ ಕೆಲವು ರಾಷ್ಟ್ರಗಳು ಸೇರ್ಪಡೆಯಾಗದೇ ಹೊರಗುಳಿದಿವೆ.
ಪ್ರತಿ ದೇಶ ತನ್ನ Official Language ಗಳನ್ನ ಹೊಂದಿರುತ್ತದೆ. ಅದರಲ್ಲೂ 1st Official Language ಮತ್ತೆ 2nd Official Language ..ಹೀಗೆ ಇರುತ್ತವೆ. ಹಾಗೆ ಜಗತ್ತಿನ ವಿವಿಧ ದೇಶಗಳು Adopt ಮಾಡಿಕೊಂಡಿರುವ ಸರ್ಕಾರಿ ಪ್ರಥಮ ಭಾಷೆಗಳಲ್ಲಿ(1st Official Language) ಅತಿ ಹೆಚ್ಚು ಬಳಸಲ್ಪಡುವ ಭಾಷೆ ಮ್ಯಾಂಡರಿನ್ ಬಿಟ್ಟರೆ, ಸ್ಪ್ಯಾನಿಷ್. ನಂತರದ ಸ್ಥಾನ ಇಂಗ್ಲೀಷ್. ತದನಂತರದ್ದು ಹಿಂದಿಗೆ. ಅಷ್ಟು ಚಿಕ್ಕ ದೇಶ ಇಷ್ಟೊಂದು ಜನರನ್ನ ಹೊಂದಿದೆಯಾ ಅಂತ ಅಚ್ಚರಿಪಟ್ಟಿರಾ ?! ಇತಿಹಾಸದ ಪುಟಗಳನ್ನ ತಿರುವಿ ಹಾಕಿದರೆ ನಿಮಗೆ ಸತ್ಯ ಗೊತ್ತಾಗುತ್ತದೆ. ಸ್ಪೇನ್ ಹಿಂದೊಮ್ಮೆ ಬ್ರಿಟಿಷರ ಹಾಗೇ ತನ್ನದೂ ಒಂದು ಸಾಮ್ರಾಜ್ಯವನ್ನ ಸ್ಥಾಪಿಸಿತ್ತು. ದಕ್ಷಿಣ ಅಮೆರಿಕಾ ಖಂಡದ ಬಹುತೇಕ ಭಾಗ ಸ್ಪೇನ್ ನ ಆಳ್ವಿಕೆಯಲ್ಲಿತ್ತು. ಆ ಕಾರಣಕ್ಕಾಗಿಯೇ ಇಂದು ಮಧ್ಯ ಅಮೆರಿಕಾ & ದಕ್ಷಿಣ ಅಮೆರಿಕಾದ ಪಶ್ಚಿಮ ಭಾಗ ಪೂರ್ತಿ ಸ್ಪ್ಯಾನಿಷ್ ಭಾಷೆಯನ್ನ ಅಧಿಕೃತ ಭಾಷೆಯಾಗಿ ಹೊಂದಿದೆ.
ಇದೊಂದು ಅಭಿವೃದ್ಧಿ ಹೊಂದಿದ ದೇಶ. ಸಾಕ್ಷಿ ಬೇಕೆಂದರೆ : Human Development Index(HDI) ನಲ್ಲಿ ಜಾಗತಿಕ ಮಟ್ಟದಲ್ಲಿ 20ನೇ ಸ್ಥಾನ ಹೊಂದಿದೆ(ಭಾರತ-134). ಜೀವನ ಶೈಲಿಯ ಗುಣಮಟ್ಟದ ಸೂಚ್ಯಂಕದಲ್ಲಿ ಜಾಗತಿಕ ಮಟ್ಟದಲ್ಲಿ 10ನೇ ಸ್ಥಾನ ಹೊಂದಿದೆ.
ಎತ್ತರದ ಪ್ರಸ್ಥಭೂಮಿಗಳು & ಪರ್ವತ ಸಾಲುಗಳು ದೇಶವನ್ನಲಂಕರಿಸಿವೆ.
2010ರ ಇತಿಹಾಸದ ಪುಟಗಳಲ್ಲಿ ಸ್ಪೇನ್ ತನ್ನ ಅಚ್ಚೊತ್ತಿದೆ. ಹಾಂ, ಫಿಫಾ ಫುಟ್ಬಾಲ್ ವಿಶ್ವಕಪ್ 2010ನ್ನು ಗೆಲ್ಲುವ ಮೂಲಕ.

: ರವಿ

ಹಣದುಬ್ಬರ

2010-12-04T06:00:00.001+05:30

*ಹಣದುಬ್ಬರ
> ಸರಕು ಮತ್ತು ಸೇವೆಗಳ ದರದಲ್ಲಿನ ಸರಾಸರಿ ಏರಿಕೆಯ ಮಟ್ಟವೇ ಹಣದುಬ್ಬರ. ಇದು, ಸರಕು ಮತ್ತು ಸೇವೆಗಳ ಸೂಚಿಕೆಯಾಗಿದೆ (index)

*ಹಣದುಬ್ಬರಕ್ಕೆ ಕೆಲವು ಪ್ರಮುಖ ಕಾರಣಗಳು
> ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲಬೆಲೆ ಹೆಚ್ಚಳ;

> ದೇಶಾದ್ಯಂತ ಮಿತಿಮೀರಿದ ಸಂಬಳ (ಸಂಬಳ ಹೆಚ್ಚಿಗೆಯಾಗುವಿಕೆ ಕೊಳ್ಳುಬಾಕ ಸಂಸ್ಕೃತಿಗೆ ಪುಷ್ಟೀಕರಣ ನೀಡುತ್ತದೆ.ಇದು ಹಣದುಬ್ಬರದ ಮೇಲೆ ತೀವ್ರತರವಾದ ಪರಿಣಾಮ ಬೀರುತ್ತದೆ );
>ಆಹಾರ ಮತ್ತು ಅವಶ್ಯಕ ಪದಾರ್ಥಗಳ ಹೆಚ್ಚಳ ( "ಭಾರತೀಯರು ಹೊಟ್ಟೆಬಾಕರು; ಇದರಿಂದ ಆಹಾರದ ಕೊರತೆಯುಂಟಾಗುತ್ತಿದೆ" ಎಂದು ನೋಬಲ್ ಪುರಸ್ಕೃತ ಅಮೇರಿಕಾದ ಅಧ್ಯಕ್ಷರು ಹಿಂದೊಮ್ಮೆ ನುಡಿದಿದ್ದರು ).

*ಭಾರತದಲ್ಲಿ ಹಣದುಬ್ಬರ
> ಭಾರತದಲ್ಲಿ ಹಣದುಬ್ಬರವನ್ನು ಲೆಕ್ಕಮಾಡಲು Wholesale Price Index (WPI) ನ್ನು ಉಪಯೋಗಿಸಲಾಗುತ್ತದೆ.
(Consumer Price Index (CPI) ನ್ನು ಉಪಯೋಗಿಸುವುದಿಲ್ಲ).
>ಅಮೇರಿಕಾ, ಚೀನಾ, ಕೆನಡಾ, ಜಪಾನ್, ಇಂಗ್ಲೆಂಡ್ ಸೇರಿದಂತೆ ಅನೇಕ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳು Consumer Price Index ನ್ನು ಉಪಯೋಗಿಸುತ್ತವೆ.

*ಭಾರತ Wholesale Price Index (WPI) ನ್ನು ಉಪಯೋಗಿಸಲು ಕಾರಣಗಳು
> ಅತಿ ಹೆಚ್ಚಿನ ಸಾಮಗ್ರಿಗಳು ಇದರಲ್ಲಿ ಅಡಕವಾಗುತ್ತವೆ.
> ವಾರಕ್ಕೊಮ್ಮೆ ಲೆಕ್ಕಹಾಕಲು ಅನುಕೂಲವಾಗುತ್ತವೆ.
* ಆರ್ಥಿಕ ಸೂಚಿಕೆಗಳಲ್ಲಿ WPI ಕೂಡ ಒಂದು; ಇದು 1902 ರಲ್ಲಿ ಮೊದಲಬಾರಿಗೆ ಪ್ರಕಟವಾಯಿತು; 1970 ರಿಂದ ಬಹುತೇಕ ಎಲ್ಲ ಮುಂದುವರೆದ ರಾಷ್ಟ್ರಗಳು WPIನ್ನು ಕೈಬಿಟ್ಟು CPI ನ್ನು ಉಪಯೋಗಿಸುತ್ತವೆ.

* ಭಾರತದಲ್ಲಿ ಒಟ್ಟು 435 ಸರಕುಗಳು WPIನಲ್ಲಿ ಒಳಪಡುತ್ತವೆ.

*WPI ನ ನ್ಯೂನತೆಗಳು
> ಇದು ಒಂದು ವಸ್ತುವಿನ ಬೆಲೆಯ ಏರಿಳಿತವನ್ನು ನಿಖರವಾಗಿ ತೋರಿಸುವುದಿಲ್ಲ.
> 435 ವಸ್ತುಗಳ ಪೈಕಿ 100 ಕ್ಕೂ ಹೆಚ್ಚು ಸರಕುಗಳು ಉಪಯೋಗದ ದೃಷ್ಟಿಯಿಂದ ಮಹತ್ವವಿಲ್ಲದವುಗಳು. ಆದರೂ, ಅವುಗಳು ಹಣದುಬ್ಬರದ ಏರಿಳಿತದಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ.

> ಭಾರತವು 1993-94 ರಲ್ಲಿನ WPI ನ್ನು ಆಧಾರವಾಗಿಟ್ಟುಕೊಂಡು ಹಣದುಬ್ಬರವನ್ನು ಕಂಡುಹಿಡಿಯುತ್ತಿವೆ.
* ಭಾರತೀಯ ರಿಸರ್ವ್ ಬ್ಯಾಂಕ್ ಹಣದುಬ್ಬರವನ್ನು ಲೆಕ್ಕಮಾಡುತ್ತದೆ.
*ಎಪ್ರಿಲ್ 10 ರಂದು ಆಹಾರದ ಹಣದುಬ್ಬರ ಶೇ. 17.65 ಕ್ಕೆ ಏರಿತ್ತು. ಇದು ಗರಿಷ್ಠಮಟ್ಟದ್ದಾಗಿದೆ.

*ಹಣದುಬ್ಬರವನ್ನು ಶೇ. 5 ಕ್ಕೆ ಇಳಿಸುವ ಗುರಿಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಹೊಂದಿದೆ.

: ಪವನ್

Epidemic & Pandemic

2010-12-03T22:00:00.002+05:30

ಚುಟುಕು ಸುದ್ದಿ : ಹೈಟಿಯಲ್ಲಿ ಎಪಿಡೆಮಿಕ್ ಸ್ವರೂಪ ತಲುಪಿದ ಕಾಲರಾ

ಸುದ್ದಿಯ ಒಳನೋಟ :

ಜಾಗತಿಕ ವಿಸ್ತೀರ್ಣಕ್ಕೆ ಹೋಲಿಸಿದರೆ ಒಂದು ಸಣ್ಣ ಪ್ರದೇಶಕ್ಕೆ ಸೀಮಿತವಾಗಿದ್ದು ವಿಪರೀತವೆನ್ನುವ ಮಟ್ಟಿಗೆ ಅಪರೂಪವೆನಿಸಿರುವ (ನೆಗಡಿ, ಜ್ವರದಂಥ ಸಾಮಾನ್ಯ ರೋಗಗಳನ್ನ ಹೊರತುಪಡಿಸಿ - ಕಾಲರಾ, ಹಂದಿಜ್ವರದಂಥ ಅಪರೂಪದ ರೋಗಗಳು) ಕಾಯಿಲೆಗಳು ಹರಡಿದರೆ ಅಂಥ ಸ್ಥಿತಿಗೆ ಎಪಿಡೆಮಿಕ್ (Epidemic) ಎನ್ನಲಾಗುತ್ತದೆ. ಹೀಗೆ ರೋಗ ಹಬ್ಬಿದ ಪ್ರದೇಶದ ವಿಸ್ತೀರ್ಣ ಒಂದು ರಾಜ್ಯ ಅಥವಾ ದೇಶದೊಳಗೆ ಸೀಮಿತವಾಗಿರುತ್ತದೆ.
ಮೇಲ್ಕಂಡ ಲಕ್ಷಣಗಳಲ್ಲಿ ರೋಗ ಹಬ್ಬಿದ ವಿಸ್ತೀರ್ಣ ಖಂಡಾಂತರವಾಗಿದ್ದು, ಬೃಹತ್ ಪ್ರದೇಶವನ್ನ ವ್ಯಾಪಿಸಿದ್ದರೆ ಅದು ಪ್ಯಾಂಡೆಮಿಕ್ (Pandemic) ಎನಿಸಿಕೊಳ್ಳುತ್ತದೆ.
ಇಲ್ಲಿ ಎಪಿಡೆಮಿಕ್ ಮತ್ತು ಪ್ಯಾಂಡೆಮಿಕ್ ನಡುವಿನ ವ್ಯತ್ಯಾಸವನ್ನ ಓದುಗರು ಮನಗಾಣಬೇಕು :

ಎಪಿಡೆಮಿಕ್ ರೋಗ ಸಾಂಕ್ರಾಮಿಕ ಆಗಲೇಬೇಕು ಎಂಬ ನಿಯಮವಿಲ್ಲ. ಆ ಪುಟ್ಟ ಪ್ರದೇಶದ ವಾತಾವರಣಕ್ಕನುಗುಣವಾಗಿ ಅಲ್ಲಿನ ಜನರು ಆ ರೋಗಕ್ಕೆ ತುತ್ತಾಗಿ, ರೋಗಿಗಳ ಸಂಖ್ಯೆ ಉಲ್ಬಣವಾದರೆ ಅದು ಎಪಿಡೆಮಿಕ್.
ಉದಾ : ಹೈಟಿ ಕಾಲರಾ

ಆದರೆ ಪ್ಯಾಂಡೆಮಿಕ್ ಸಂದರ್ಭದಲ್ಲಿ ರೋಗ ಸಾಂಕ್ರಾಮಿಕವಾಗಿದ್ದು ಜನರಲ್ಲಿ ರಾಜ್ಯ ರಾಜ್ಯಗಳ ನಡುವೆ - ದೇಶ ದೇಶಗಳ ನಡುವೆ ಹಬ್ಬಿ ವಿಶಾಲ ಪ್ರದೇಶವನ್ನ ತನ್ನ ಬಾಹುಗಳಲ್ಲಿ ಆಲಿಂಗಿಸುತ್ತದೆ.
ಉದಾ : 2009ರ A H1N1 ಇನ್ಫ್ಲ್ಯೂಯೆಂಜಾ

ಎಪಿಡೆಮಿಕ್ ಗಳನ್ನ ಕಾಲಕಾಲದಲ್ಲಿ ಗುರುತಿಸಿ ದಾಖಲಿಸಲಾಗಿದ್ದು ಅವುಗಳ ಪಟ್ಟಿ ಕೂಡ ಮಾಡಲಾಗಿದೆ. ಇತಿಹಾಸದ ಪುಟಗಳಲ್ಲಿ ದಾಖಲಾಗಿರುವ ಬಹಳ ಹಳೆಯ ರೋಗಜ್ವಾಲೆಗಳ ಪಟ್ಟಿಯೂ ಇಲ್ಲಿದೆ. ಅದನ್ನ ತಿಳಿಯಲು ಇಲ್ಲಿ ಕ್ಲಿಕ್ಕಿಸಿ.
ಅಂದ ಹಾಗೆ Epidemic & Pandemic ಎಂಬ ಎರಡೂ ಶಬ್ದಗಳು ರೋಗ ಹರಡಿದ ಬಗೆ ಹಾಗೂ ವ್ಯಾಪ್ತಿಯನ್ನ ಸೂಚಿಸುವ ಶಬ್ದಗಳಷ್ಟೇ. ಈ ಹೆಸರಿನ ರೋಗಗಳಿಲ್ಲ. ಆದರೆ Epidemic Cholera ಎಂಬ ಪದ ಬಳಕೆಯಾದಲ್ಲಿ ಕಾಲರಾ ರೋಗ ಹಬ್ಬಿರುವ ಪರಿಯನ್ನ ಗ್ರಹಿಸಬೇಕೇ ಹೊರತು ಅದೊಂದು ಬಗೆಯ ಕಾಲರಾ ಎಂದೆಣಿಸಬಾರದು.

: ರವಿ

ಹೈಟಿ - ಸುದ್ದಿಯಲ್ಲಿರುವ ಸ್ತಳ ನಕ್ಷೆ - 12

2010-12-03T21:00:00.079+05:30

ಸುದ್ದಿ : ಹೈಟಿಯಲ್ಲಿ Endemic ಸ್ವರೂಪ ತಲುಪಿದ ಕಾಲರಾ

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ಜಾಗತಿಕ ನಕ್ಷೆಯಲ್ಲಿ ಹೈಟಿ

ಅಮೆರಿಕ ಸಂಯುಕ್ತ ಸಂಸ್ಥಾನದ ಆಗ್ನೇಯಕ್ಕೆ ಕೆರಿಬಿಯನ್ ಸಮುದ್ರದಲ್ಲಿ ಹಿಸ್ಪ್ಯಾನಿಯೊಲಾ(Hispaniola) ದ್ವೀಪಭೂವಿಯ ಪಶ್ಚಿಮ ಭಾಗಕ್ಕಿರುವ ಪ್ರದೇಶವೇ ಹೈಟಿ ದೇಶ.
ಪೂರ್ವ ಭಾಗಕ್ಕೆ ಡೊಮಿನಿಕನ್ ರಿಪಬ್ಲಿಕ್ ನೊಂದಿಗೆ ಗಡಿ ಹಂಚಿಕೊಂಡಿದೆ. ದೇಶವೊಂದು ದ್ವೀಪವಾಗಿರುವುದರಿಂದ ನೆರೆದೇಶಗಳನ್ನ ಹೇಳುವುದು ಸೂಕ್ತವಲ್ಲದಿದ್ದರೂ ವಾಯುವ್ಯಕ್ಕೆ ಕ್ಯೂಬಾ ಇದೆ. ವಾಯುವ್ಯದ ಆಚೆಯ ವಾಯುವ್ಯಕ್ಕೆ ಬೃಹತ್ ಅಮೆರಿಕಾ ಸಂಯುಕ್ತ ಸಂಸ್ಥಾನವಿದೆ. ಪಶ್ಚಿಮಕ್ಕೆ ಜಮೈಕಾ ಇದೆ.
ಹೈಟಿ ದೇಶದ ಅಗ್ಗಳಿಕೆಯೆಂದರೆ ವಿಶ್ವದಲ್ಲಿಯೇ ಪ್ರಥಮವಾಗಿ ಮತ್ತು ಬಹು ಹಿಂದೆ ಅಂದರೆ 1804ರಲ್ಲೇ ಸ್ವಾತಂತ್ರ್ಯ ಘೋಷಿಸಿಕೊಂಡಿತು. ಅದು ಸಾಮಾನ್ಯ ಸ್ವಾತಂತ್ರ್ಯವಲ್ಲ. ಬಿಳಿ ತೊಗಲಿನ ಫ್ರೆಂಚರಿಂದ ಕಪ್ಪು ವರ್ಣೀಯರು ಪಡೆದ ಸ್ವಾತಂತ್ರ್ಯವದು. ವರ್ಣಭೇದ ನೀತಿ ಎಂಬುದೊಂದು ಹುಟ್ಟುವ ಸೂಚನೆಯೂ ಇಲ್ಲದ ಆ ದಿನಗಳಲ್ಲಿ ಅಲ್ಲಿನ ಸ್ಥಳೀಯ ಕಪ್ಪು ಜನ ಪಡೆದ ಸ್ವಾತಂತ್ರ್ಯ ಅನನ್ಯವೇ ಸರಿ.
ಅಮೆರಿಕಾ ಭೂಪ್ರದೇಶದಲ್ಲಿ ಫ್ರೆಂಚ್ ಭಾಷೆ ರಾಜಭಾಷೆಯಾಗಿರುವ ಎರಡೇ ದೇಶಗಳಲ್ಲಿ ಇದೂ ಒಂದು. ಇನ್ನೊಂದು ಕೆನಡಾ.
ಕೆರಿಬಿಯನ್ ದೇಶಗಳಲ್ಲಿ ವಿಸ್ತೀರ್ಣದಲ್ಲಿ ಮೂರನೇ ಸ್ಥಾನದಲ್ಲಿದೆ ಹೈಟಿ.

ಇದೇ ಸಂದರ್ಭದಲ್ಲಿ ಕೆರಿಬಿಯನ್ ಪ್ರದೇಶದ ಭೂಗೋಳವನ್ನ ತಿಳಿಯುವುದು ಒಳಿತು : ಉತ್ತರ ಅಮೆರಿಕ ಮತ್ತು ದಕ್ಷಿಣ ಅಮೆರಿಕದ ನಡುವೆ ಹಾಗೂ ಮಧ್ಯಅಮೆರಿಕಾದ ಪೂರ್ವಕ್ಕೆ ಹಾಗೂ ಉತ್ತರ ಅಟ್ಲಾಂಟಿಕ್ ಮಹಾಸಾಗರದ ಪಶ್ಚಿಮಕ್ಕೆ ಇರುವ ಪ್ರದೇಶವೇ ಕೆರಿಬಿಯನ್. ಈ ಪ್ರದೇಶ ಸಮುದ್ರದಿಂದಾವೃತವಾಗಿದ್ದರೂ ಕೆಳಭಾಗದಲ್ಲಿ ಕೆರಿಬಿಯನ್ ಪ್ಲೇಟ್ ಆ ಸಮುದ್ರವನ್ನ ಹಿಡಿದುಕೊಂಡಿದೆ. ಸದ್ಯ ನಾವು ಅಭ್ಯಸಿಸುತ್ತಿರುವ ಹೈಟಿ, ಗ್ರೇಟರ್ ಆ್ಯಂಟಿಲಸ್(Greater Antilles) ಎಂದು ಗುರುತಿಸಲ್ಪಟ್ಟಿರುವ ಕ್ಯೂಬಾ : ಹಿಸ್ಪ್ಯಾನಿಯಾಲೊ : ಜಮೈಕಾ : ಪೋರ್ಟೋ ರಿಕೊ ದ್ವೀಪಗಳನ್ನೊಳಗೊಂಡ ದ್ವೀಪಸಮೂಹ. ಈ ಗ್ರೇಟರ್ ಆ್ಯಂಟಿಲಸ್ ಎನ್ನುವುದು ಕೆರಿಬಿಯನ್ ಸಮುದ್ರದಲ್ಲಿ ಹರಡಿರುವ ದ್ವೀಪಗಳು, ವಿವಿಧ ಸಮೂಹಗಳಲ್ಲಿ ವಿಂಗಡನೆಯಾಗಿದ್ದು, ಅಂಥ ಒಂದು ಸಮೂಹಕ್ಕಿರುವ ಹೆಸರು. ಹಿಂದೊಮ್ಮೆ ಕ್ರಿಕೆಟ್ ಸಾಮ್ರಾಜ್ಯದ ಅಧಿಪತಿಗಳಾಗಿದ್ದ ವೆಸ್ಟ್ ಇಂಡೀಸ್ ಕೂಡ ಒಂದು ಕೆರಿಬಿಯನ್ ದ್ವೀಪ ಸಮೂಹವೇ. ಆದರೆ ದ್ವೀಪ ಸಮೂಹಗಳ ನಿಖರ ವಿಂಗಡಣೆ ಹೀಗಿದೆ :

Lucayan Archipelago
Greater Antilles
Lesser Antilles

ಕೆರಿಬಿಯನ್ ಪ್ರದೇಶದ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಕ್ಲಿಕ್ಕಿಸಿ

ಹೈಟಿಯಲ್ಲಿ 1925ರ ಮಾಹಿತಿಯ ಪ್ರಕಾರ ದೇಶದ 60% ಭಾಗ ಅರಣ್ಯದಿಂದಾವೃತವಾಗಿತ್ತು. ಆದರೆ ಬಡತನ & ಅನಕ್ಷರತೆಯಿಂದಾಗಿ ; ಅಲ್ಲಿನ ಜನರ ದಿನಿತ್ಯದ ಸೌದೆ..ಇತ್ಯಾದಿ ಉಪಯೋಗಕ್ಕಾಗಿ ; ಇಂದಿಗೆ ಆ ಅರಣ್ಯದ 98% ಭಾಗ ಕಣ್ಮರೆಯಾಗಿದೆ. ಎಂಥ ದೌರ್ಭಾಗ್ಯ !!
ದೇಶ ಗುಡ್ಡಗಾಡುಗಳಿಂದ ತುಂಬಿದ್ದು ಭೂಕಂಪಗಳ ನೆಲೆವೀಡಾಗಿದೆ. ಇದೇ ವರ್ಷ ಎರಗಿದ ಭೀಭತ್ಸ ಭೂಕಂಪಕ್ಕೆ ಸುಮಾರು 2,25,000 ಜನ ಬಲಿಯಾಗಿದ್ದಾರೆ.
Human Development Index ಪ್ರಕಾರ ಸದರಿ ದೇಶ ಉತ್ತರ ಅಮೆರಿಕಾದ ಅತಿ ಬಡ ದೇಶ. ಹೀಗಾಗಿ ಅಲ್ಲಿನ ಜನರಿಗೆ ಯಾವ ಆಧುನಿಕ ಸೌಲಭ್ಯಗಳು ತಲುಪುವುದಿಲ್ಲ ಎಂಬುದು ನಿರ್ವಾಚ್ಯ.
ಆರೋಗ್ಯ ಸೌಲಭ್ಯಗಳು ದುರ್ಲಭವಾಗಿರುವ ಹೈಟಿಯಲ್ಲಿ ಕಾಲರಾ ಕಾಳ್ಗಿಚ್ಚಿನಂತೆ (Endemic) ಹಬ್ಬಿರುವುದು ಆಶ್ಚರ್ಯದ ಮಾತೇನಲ್ಲ.

: ರವಿ

ಸೊಮಾಲಿಯಾ

2010-12-02T22:00:00.078+05:30

ಚುಟುಕು ಸುದ್ದಿ : ಸೊಮಾಲಿಯಾದಲ್ಲಿ ನಿಲ್ಲದ ಹಿಂಸೆ ; ರಕ್ಷಣೆಗೆ ಧಾವಿಸಿದ ಆಫ್ರಿಕನ್ ಒಕ್ಕೂಟದ ಸೇನೆ

ಬಡತನ

ನಿಸರ್ಗ

ಕಡಲ್ಗಳ್ಳರು

ಸೊಮಾಲಿಯಾ ಧ್ವಜ

ಸುದ್ದಿಯ ಒಳನೋಟ :

ಆಫ್ರಿಕಾ ಖಂಡದ Horn of Africa ಭೂಭಾಗದಲ್ಲಿ ಸ್ಥಿತಗೊಂಡಿರುವ ದೇಶ.
ಅಧಿಕೃತವಾಗಿ ಸೊಮಾಲಿಯಾ ಗಣರಾಜ್ಯ ಎಂಬ ಹೆಸರಿದ್ದು ಅರಬ್ ರಾಷ್ಟ್ರಗಳ ಒಕ್ಕೂಟದ (Arab League) ಸದಸ್ಯ ರಾಷ್ಟ್ರಕೂಡ ಹೌದು.
ದಿನಪತ್ರಿಕೆಗಳಲ್ಲಿ ನಾವು ನೋಡುವ ಕಡಲ್ಗಳ್ಳತನದ ಸುದ್ದಿಯಿಂದ, ಇದೊಂದು ದಿವಾಳಿ ಎದ್ದು ಹೋಗಿರುವ ದೇಶವೆಂದು ನಾವು ಬಗೆದರೆ, ಅದು ನಮ್ಮ ಅಲ್ಪಜ್ಞಾನವಾಗುತ್ತದೆ. ಕಾರಣ ಆ ದೇಶ ಬಡತನದ ಹೊರತಾಗಿಯೂ ತಕ್ಕಮಟ್ಟಿಗಿನ, ಸುಭದ್ರವಲದ್ಲದಿದ್ದರೂ ಭದ್ರ ಎನಿಸುವ ಆರ್ಥಿಕತೆ ಹೊಂದಿದೆ.
ಆಂತರಿಕ ಕಾರಣಗಳಿಂದ ದಕ್ಷಿಣ ಸೊಮಾಲಿಯಾ & ಉತ್ತರ ಸೊಮಾಲಿಯಾ ಎಂದು ಬೇರ್ಪಟ್ಟಿದ್ದ ದೇಶ, ಮುಂದೆ 1960ರಲ್ಲಿ ಒಂದಾಯಿತು. 1961ರಲ್ಲಿ ಹೊಸ ಕಾನೂನಿನ ಅಂಗೀಕಾರದ ಜೊತೆಜೊತೆಗೆ ಚುನಾವಣೆ ನಡೆದು ಪ್ರಜಾಸತ್ತಾತ್ಮಕ ಸರ್ಕಾರ ಆಳ್ವಿಕೆಗೆ ಬಂತು.
ಅರಬ್ ದೇಶಗಳೊಂದಿಗಿನ ಅನಾದಿ ಕಾಲದ ಸಂಬಂಧಗಳ ಕಾರಣದಿಂದ 1974ರಲ್ಲಿ ಅರಬ್ ಲೀಗ್ ಸೇರಿಯೂ ಆಯಿತು.
ದೇಶ ಸ್ವತಂತ್ರವಾಗಿ ಚುನಾವಣೆಯ ಮೂಲಕ ಸರ್ಕಾರ ರಚಿಸಿದಾಗ ಪಾಶ್ಚಿಮಾತ್ಯ ರಾಷ್ಟ್ರಗಳು " ಸೊಮಾಲಿಯಾ, ಆಫ್ರಿಕಾ ಖಂಡಕ್ಕೆ ಮಾದರಿ ಪ್ರಜಾಪ್ರಭುತ್ವ " ವಾಯಿತು ಎಂದು ಬಗೆದಿದ್ದರು. ಆದರೆ 1969ರಲ್ಲಿ ಅಂದಿನ ರಾಷ್ಟ್ರಾದ್ಯಕ್ಷರ ಹತ್ಯೆಯ ಬಳಿಕ ಖಾಲಿ ಉಳಿದಿದ್ದ ದೇಶದ ಮುಂಖಂಡನ ಸ್ಥಾನದಲ್ಲಿ, coup d'état ಮೂಲಕ ಸೈಯದ್ ಬಾರಿ ಎಂಬ ಮಿಲಿಟರಿ ಸರ್ವಾಧಿಕಾರಿ ಕುಳಿತುಕೊಂಡ. ತನ್ಮೂಲಕ ದೇಶದ ಆಡಳಿತ ಅವನಿಗೆ ಹಸ್ತಾಂತರವಾಯಿತು.
ಸೈಯದ್ ಬಾರಿ(Said Barre) ಚೀನಾದ ಕಮ್ಯೂನಿಸಂ ಆರಾಧಕನಾಗಿದ್ದು ದೇಶದ ಸಮಸ್ತವನ್ನೂ ರಾಷ್ಟ್ರೀಕರಣಗಳಿಸಿದ. ಅಲ್ಲದೇ ದೇಶದಲ್ಲಿ ಜಾರಿಯಲ್ಲಿದ್ದ ವಂಶಾಧಾರಿತ ಆಡಳಿತ ವ್ಯವಸ್ಥೆಯನ್ನ ನಾಶಪಡಿಸಲು ಹವಣಿಸಿ 1986ರಲ್ಲಿ ಸೊಮಾಲಿಯಾ ನಾಗರಿಕ ಯುದ್ಧಗಳಿಗೆ ಕಾರಣೀಭೂತನಾಗಿ, ಆ ಯುದ್ಧ ಇಂದಿಗೂ ಶಮನವಾಗಿಲ್ಲ.
1969 ರಿಂದ 1991ರವರೆಗೆ ಅಧಿಕಾರದಲ್ಲಿ ಕಾಮ್ರೇಡ್ ಬಾರಿ, 1974ರಲ್ಲಿ ಮಾಧ್ಯಮಿಕ ಶಾಲೆಗಳನ್ನೆಲ್ಲಾ ಮುಚ್ಚಿಸಿ ಅಲ್ಲಿ ಕಲಿಯುತ್ತಿದ್ದ ಮಕ್ಕಳನ್ನ ಕ್ರಾಂತಿಯ ಆರಾಧಕರನ್ನಾಗಿಸಲು ಅವರ ಕೈಗೆ ಬಂದೂಕು ನೀಡಿ ಮಿಲಿಟರಿಗೆ ಯುವಕರ ಪಡೆ ತಯಾರು ಮಾಡಿದ. ಅಂಥ ಮಕ್ಕಳ ಸಂಖ್ಯೆ ಆ ವರ್ಷದಲ್ಲಿ 25000 ವಿತ್ತು. ಆ ಮಕ್ಕಳಿಗೆ ಹಳ್ಳಿಗಳಿಗೆ ಹೋಗಿ ಅಲ್ಲಿದ್ದ ಅನಕ್ಷರಸ್ಥರಿಗೆ, ಕಾಮ್ರೇಡ್ ಹೊರತಂದಿದ್ದ ದೇಶದ ಹೊಸ ಲಿಪಿಯನ್ನ ಓದಲು ಬರೆಯಲು ಕಲಿಸಿಕೊಡುವ ಜವಾಬ್ದಾರಿಯನ್ನೂ ನೀಡಲಾಯಿತು.
1991ರಲ್ಲಿ ಕಾಮ್ರೇಡ್ ಅಧಿಕಾರದಿಂದ ಕೆಳಗಿಳಿದ ನಂತರ ತಾರಕಕ್ಕೇರಿದ ಕಲಹಗಳಿಂದ ಎಚ್ಚೆತ್ತುಕೊಂಡ ವಿಶ್ವಸಂಸ್ಥೆ ಡಿಸೆಂಬರ್ 3, 1992ರಲ್ಲಿ ಠರಾವು ಪಾಸು ಮಾಡಿ ಆ ದೇಶಕ್ಕೆ ಶಾಂತಿಮರುಸ್ಥಾಪನೆಗೆಂದು ತನ್ನ ಸದಸ್ಯ ರಾಷ್ಟ್ರಗಳ ಮಿಲಿಟರಿ ತುಕಡಿಯನ್ನ ಅಮೆರಿಕಾ ಮಿಲಿಟರಿಯ ನೇತೃತ್ವದಲ್ಲಿ ಕಳುಹಿಸಲು ತೀರ್ಮಾನಿಸಿತು.
ಆದರೆ ಅಮೆರಿಕದ ಕೈಚಳಕ ಈಗಾಗಲೇ ಅಲ್ಲಿ ನಡೆದು ಹೋಗಿತ್ತು. ಕಾಮ್ರೇಡ್ ಬಾರಿಯನ್ನ ತನ್ನ ಕೈಗೊಂಬೆಯಾಗಿಸಿಕೊಂಡಿದ್ದ ಅಮೆರಿಕಾ, ಸೊಮಾಲಿಯಾದ ಪ್ರಮುಖ ತೈಲ ನಿಕ್ಷೇಪಗಳಲ್ಲಿ ತನ್ನ ದೇಶದ ಕಂಪೆನಿಗಳನ್ನ ಸ್ಥಾಪಿಸಿಕೊಂಡಿತ್ತು. ಮುಂದೆ ಬಂದ ಬುಷ್ ಆಡಳಿತ ಈ ಶಾಂತಿ ಸ್ಥಾಪನೆಯ ನೆಪದಲ್ಲಿ ಆ ದೇಶದ ಮೇಲೆ ಸಂಪೂರ್ಣ ಹಿಡಿತ ಸಾಧಿಸುವ ಹುನ್ನಾರ ಮಾಡಿತು ಎಂಬುದನ್ನ ಓದುಗರು ಗಮನಿಸಬೇಕು. ಬುಷ್ ಆಡಳಿತ ಇದೇ ತೈಲದ ಮೇಲೆ ಕಣ್ಣಿಟ್ಟು ಇರಾಕ್ ದೇಶವನ್ನೂ ತನ್ನ ಸುಪರ್ದಿಗೆ ತೆಗೆದುಕೊಂಡಿರುವುದು ಇಲ್ಲಿ ಉಲ್ಲೇಖನೀಯ.
ಸದರಿ ಯುದ್ಧವನ್ನ ನಾನಿಲ್ಲಿ ವಿವರಿಸುವ ಬದಲು ಓದುಗರು Black Hawk Down ಚಿತ್ರವನ್ನ ನೋಡಬೇಕು. ಅದು ಇದೇ ಯುದ್ಧವನ್ನಾಧರಿಸಿದ ಚಿತ್ರ.
ಸೊಮಾಲಿಯಾ Civil War ಬಗ್ಗೆ ಹೆಚ್ಚಿಗೆ ತಿಳಿಯಲು ಇಲ್ಲಿ ಕ್ಲಿಕ್ಕಿಸಿ
ಈಗ ಸುದ್ದಿಯಲ್ಲಿರುವ ಯುದ್ಧ : ಇಥಿಯೋಪಿಯಾ ತಾನು ಆಕ್ರಮಿಸಿದ್ದ ಸೊಮಾಲಿಯಾದ ಭೂಭಾಗವನ್ನ ಬಿಟ್ಟುಕೊಟ್ಟು 2008ರಲ್ಲಿ ಹಿಂದೆ ಸರಿದಿದ್ದರಿಂದ ಇಷ್ಟು ದಿನ ಅಜ್ಞಾತವಾಗಿದ್ದ ಇಸ್ಲಾಮಿಕ್ ಮೂಲಭೂತವಾದಿ ಗೆರಿಲ್ಲಾಗಳು ಮತ್ತೆ ದೇಶದಲ್ಲಿ ತಮ್ಮ ಪ್ರಭುತ್ವ ಸ್ಥಾಪಿಸುವಲ್ಲಿ ದಾಪುಗಾಲಿಟ್ಟಿವೆ. ಅದರ ಭಾಗವಾಗಿಯೇ ಈ ಹಿಂಸೆ.

ಅವರಿಗೆ ದೇಶವನ್ನ ತಮ್ಮ ಸುಪರ್ದಿಗೆ ತೆಗೆದುಕೊಂಡು ದೇಶದಲ್ಲಿ ತಮ್ಮ ನಿಯಮಗಳನ್ನ ಜಾರಿಗೆ ತರುವ ಮನಸಿದ್ದರೆ, ಒಳ್ಳೆಯದೇ. ಆದರೆ ಎಲ್ಲದಕ್ಕೂ ಅವರಿಗೆ ಗೊತ್ತಿರುವ ದಾರಿ ಒಂದೇ ಹಿಂಸೆ. ಹಿಂಸೆಯೊಂದೇ ಸರ್ವತ್ರ ಸಾಧನ ಎಂದವರು ಬಗೆದಂತಿದೆ. ದೇಶ ಸ್ಥಾಪನೆಗೆ ಹಿಂಸೆ, ಅಧಿಕಾರ ಸ್ಥಾಪನೆಗೆ, ನೀತಿಯನ್ನ ಪ್ರತಿಭಟಿಸಲು ಹಿಂಸೆ, .. ಅವರ ತತ್ವಗಳು ಅವರಿಗೇ ಪ್ರೀತಿ !!

ಸುಯೇಜ್ ಕಾಲುವೆಗೆ ಸಾಗುವ ಮಾರ್ಗದಲ್ಲಿ ಸ್ಥಿತಗೊಂಡಿರುವುದರಿಂದ ದೇಶಕ್ಕೆ ವ್ಯಾಪಾರ ಕ್ಷೇತ್ರದಲ್ಲಿ ವಿಪುಲ ಅವಕಾಶಗಳಿವೆ. ಆದರೆ ಅಲ್ಲಿನ ಬಡತನ & ಆಂತರಿಕ ಕಲಹಗಳು ಅದಕ್ಕೆ ಅಡ್ಡಗಾಲಾಗಿದೆ.
ವರದಿಯೊಂದರ ಪ್ರಕಾರ ಸೊಮಾಲಿಯಾ ದೇಶದ 73 ಪ್ರತಿಶತ ಜನಸಂಖ್ಯೆಯ ದಿನದ ಸಂಪಾದನೆ $2 ದಾಟುವುದಿಲ್ಲ.
ಸೊಮಾಲಿಯಾ ಬಗ್ಗೆ ನಿಮ್ಮಲ್ಲಿ ಏನೇನು ಮಾಹಿತಿ ಇದೆ ? hm ?

: ರವಿ

ಸೊಮಾಲಿಯಾ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 11

2010-12-02T21:00:00.003+05:30

ಸುದ್ದಿ : ಸೊಮಾಲಿಯಾದಲ್ಲಿನ ಹಿಂಸೆಯನ್ನ ನಂದಿಸಲು 8000 AU (African Union) ಸೈನಿಕರು ಮೊಗದಿಶು ಪಟ್ಟಣಕ್ಕೆ ರವಾನೆ

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ಜಾಗತಿಕ ನಕ್ಷೆಯಲ್ಲಿ ಸೊಮಾಲಿಯಾ

ನೆರೆ-ಹೊರೆ

ಭೌಗೋಳಿಕ

ಕಮ್ಯೂನಿಸ್ಟರ ಕೈಯಲ್ಲಿರುವ ರಿಪಬ್ಲಿಕ್ ಆಫ್ ಸೊಮಾಲಿಯಾ ಆಫ್ರಿಕಾ ಖಂಡದ ಈಶಾನ್ಯಕ್ಕೆ ಚಾಚಿರುವ ಘೇಂಡಾಮೃಗದ ಕೊಂಬಿನಂತಿರುವ ಭೂಭಾಗವನ್ನ(Horn of Africa ಎಂದು ಭೂಗೋಳಶಾಸ್ತ್ರಜ್ಞರು ಕರೆದಿದ್ದಾರೆ) ಆಕ್ರಮಿಸಿದೆ.
ಉತ್ತರಕ್ಕೆ ಯೆಮೆನ್ ಒಳಗೊಂಡು ಏಡನ್ ಕೊಲ್ಲಿ, ವಾಯುವ್ಯಕ್ಕೆ ಜಿಬೌತಿ(Djibouti), ಪಶ್ಚಿಮಕ್ಕೆ ಇಥಿಯೋಪಿಯಾ, ದಕ್ಷಿಣಕ್ಕೆ ಕೀನ್ಯಾ ಮತ್ತು ಪೂರ್ವಕ್ಕೆ ಹಿಂದೂ ಮಹಾಸಾಗರದಿಂದ ಸುತ್ತುವರೆಯಲ್ಪಟ್ಟಿದೆ.
ಭೂಮಧ್ಯರೇಖೆಗೆ ಹತ್ತಿರವಿರುವ ಈ ದೇಶದಲ್ಲಿ ವರ್ಷವೊಂದರಲ್ಲಿ ಗುರುತಿಸಬಹುದಾದ ಅಂಥ ತಾಪಮಾನ ವ್ಯತ್ಯಾಸಗಳಾಗದೇ ಹೋದರೂ ಅಲ್ಲಿ ಋತುಗಳನ್ನ ಈ ರೀತಿ ಗುರುತಿಸಿದ್ದಾರೆ.

ಡಿಸೆಂಬರ್ ನಿಂದ ಮಾರ್ಚ್ ವರೆಗೆ : ಬೇಸಿಗೆ
ಏಪ್ರಿಲ್ ನಿಂದ ಜೂನ್ ವರೆಗೆ : ಮಳೆಗಾಲ
ಜುಲೈ ನಿಂದ ಸಪ್ಟೆಂಬರ್ ವರೆಗೆ : ಮೆದುಬೇಸಿಗೆ
ಅಕ್ಟೋಬರ್ ನಿಂದ ಡಿಸೆಂಬರ್ ವರೆಗೆ : ಮೆದುಮಳೆಗಾಲ

ಸೊಮಾಲಿಯಾ, ಆಫ್ರಿಕಾ ಖಂಡದಲ್ಲೇ ಅತಿ ಉದ್ದದ ಕರಾವಳಿ ತೀರ ಹೊಂದಿರುವ ದೇಶ.
ಸುನ್ನಿ ಮುಸ್ಲಿಮರು ದೇಶದ ಜನಸಂಖ್ಯೆಯ ಪರಿಪೂರ್ಣ ಎನ್ನಬಹುದಾದ ಭಾಗವಾಗಿದ್ದಾರೆ.
ದೇಶದ ಭೂಬಾಗ ಬಹುತೇಕ ಸಮತಟ್ಟಾಗಿದ್ದು ಉತ್ತರಕ್ಕೆ ಅರೆಮರುಭೂಮಿ, ಈಶಾನ್ಯಕದ್ಕೆ ಪರ್ವತ ಸಾಲುಗಳು - ಪ್ರಮುಖ ಎಂದು ಹೇಳಬಹುದಾದ ಭೌಗೋಳಿಕ ಅಂಶಗಳು.

: ರವಿ

Radia TapeGate

2010-12-01T06:30:00.009+05:30

ಚುಟುಕು ಸುದ್ದಿ : ನೀರಾ ರಾಡಿಯಾ Tape ಗಳನ್ನ ತನ್ನೆದುರಿಗೆ ಹಾಜರುಪಡಿಸಲು ಆದೇಶಿಸಿದ ಸರ್ವೋಚ್ಚ ನ್ಯಾಯಾಲಯ

ಸುದ್ದಿಯ ಒಳನೋಟ :

ಮೇಲ್ಕಂಡ ಸುದ್ದಿಯನ್ನು ಪ್ರಕಟಿಸಿದ ಬಹುತೇಕ ಪತ್ರಿಕೆಗಳಲ್ಲಿ ಕಂಡುಬಂದ ಒಂದು ಶಬ್ದವೆಂದರೆ : Tapegate. ಅದೇ ರೀತಿ ವಿಕಿಲೀಕ್ಸ್ ಬಿರುಗಾಳಿಯ ಜೊತೆಗೂ ಇದೇ ಪದ ಬಳಕೆಯಾಗುತ್ತಿದೆ - Cablegate ಅಂತ.
ಇಲ್ಲಿ Cable ಓಕೆ ? Gate ಯಾಕೆ ? ಅಂತ ಪ್ರಶ್ನೆ ಬಂದೇ ಬರುತ್ತದೆ. ಅದಕ್ಕೆ ಉತ್ತರ ಇಂತಿದೆ.
ಒಂದು ವಾದದ ಪ್ರಕಾರ : 1970ರ ದಶಕದಲ್ಲಿ ಅಮೆರಿಕದಲ್ಲಿ ನಡೆದ Watergate ಹಗರಣದ ನಂತರ ಅಲ್ಲಿನ ಸುದ್ದಿಪತ್ರಿಕೆಗಳು ಪ್ರತಿಯೊಂದು ಹೊಸ ಹಗರಣದ ಜೊತೆಗೆ Gate ಎನ್ನುವ ಪದ ಸೇರಿಸತೊಡಗಿದವು. ಅಂತೆಯೇ ಅದು ದಿನಪತ್ರಿಕೆಗಳು ಬಳಸುವ ಹಾಗೂ ತನ್ಮೂಲಕ
ವಾಟರ್ ಗೇಟ್ ಕಟ್ಟಡ ಸಂಕೀರ್ಣ
ಜನರ ಭಾಷೆಯಲ್ಲಿ ದೊಡ್ಡ ಮಟ್ಟದ ಕಳುವು, ಮೋಸ, ಹಗರಣ ಗಳ ಹೆಸರಿನ ಜೊತೆಯಲ್ಲಿ Gate ಎನ್ನುವ ಪದ ಬಳಕೆ ರೂಢಿಗೆ ಬಂತು ಎನ್ನಬಹುದು. ಉದಾಹರಣೆಗೆ : ನಾನು ನಿಮ್ಮ ಪುಸ್ತಕವೊಂದನ್ನ ಕದ್ದರೆ ಅದನ್ನ ನೀವು Bookgate ಎಂದು ಕರೆಯಬಹುದು. ಆದರೆ ದೊಡ್ಡ ಮಟ್ಟದ ಹಗರಣ(Scandal)ಗಳಿಗೆ ಮಾತ್ರ ಆ ಪದವನ್ನ ಸೇರಿಸಿ ಬಳಸುವುದು ಆ ಪದಕ್ಕೆ ನೀಡುವ ಮರ್ಯಾದೆಯಾಗಿದೆ. ಆದರೆ ತಮಾಷೆಯೆಂದರೆ ಆದಿಯಲ್ಲಿ ಬಳಕೆಯಾದ Watergate ಪ್ರಕರಣದ Gate ಪದಕ್ಕೆ ಅರ್ಥವೇ ಇಲ್ಲ. ಕಾರಣ ಅಮೆರಿಕಾದ Watergate Complex ಎಂಬ ಕಟ್ಟಡದಲ್ಲಿ ನಡೆಯಿತೆನ್ನಲಾದ ಪ್ರಕರಣವದು. ಮುಂದೆ ದೇಶದ ಅಧ್ಯಕ್ಷ ನಿಕ್ಸನ್ ರ ರಾಜೀನಾಮೆಗೆ ಕಾರಣವಾಯಿತು ಈ ಹಗರಣ. ರೋಚಕ ಮಾಹಿತಿಯೆಂದರೆ ಇಲ್ಲಿಯತನಕ ರಾಜೀನಾಮೆ ನೀಡಿ ಪದತ್ಯಾಗ ಮಾಡಿದ ಅಮೆರಿಕಾದ ಅಧ್ಯಕ್ಷ ಅವರೊಬ್ಬರೇ.
ಇದೇ ಅರ್ಥವನ್ನ ಇಂಗ್ಲೀಷಿನಲ್ಲಿ ಹೇಳುವುದಾದರೆ Adding "Gate" to the end of a word is meant to convey the perceived presence of scandalous activity.

ಒಂದು ವಿಷಯವನ್ನ ನಾವಿಲ್ಲಿ ಗಮನಿಸಬೇಕು. ಪಶ್ಚಿಮದ ಸಂಸ್ಕೃತಿ ಅಂತ ನಾವೆಲ್ಲ ಕರೆಯುವ ಸಂಸ್ಕೃತಿ ವಾಸ್ತವದಲ್ಲಿ ಅಮೆರಿಕ ಸಂಸ್ಕೃತಿ. ಅಮೆರಿಕ ಸಂಸ್ಕೃತಿಯ ಎರಕದಲ್ಲಿ ನಾವಿಂದು ನಮ್ಮ ಭವಿಷ್ಯವನ್ನ ರೂಪಿಸಿಕೊಳ್ಳುತ್ತಿದ್ದೇವೆ ಎಂಬುದನ್ನ ಭಾರತದ ಅನಾದಿ ಸಂಸ್ಕೃತಿಯ ಆರಾಧಕರು ಮತ್ತು ಪ್ರಗತಿಪರರರಾದಿಯಾಗಿ ಎಲ್ಲರೂ ಒಪ್ಪಲೇಬೇಕಾದ ವಿಷಯವಾಗಿದೆ. ಆದರೆ ಸದರಿ ಎರಕ ನಮ್ಮ ಮಣ್ಣಿಗೆ ನಮ್ಮ ದೇಹಕ್ಕೆ ನಮ್ಮ ಪೀಳಿಗೆಗೆ ಎಷ್ಟು ಸಹಕಾರಿ ಎಂಬುದನ್ನ ನಾವು ಭಾರತೀಯರು ವೈಯಕ್ತಿಕ ವಿಮರ್ಶೆಯ ಮೂಲಕ ನಿರ್ಧರಿಸಬೇಕಿದೆ. ಪತ್ರಿಕೆಯ ಸಂಪಾದಕನೊಬ್ಬನ ಸಂಪಾದಕೀಯ ನಮ್ಮ ಬಾಳಿಗೆ ದಿಸೆಯಾಗಬಾರದು.

ಇಲ್ಲಿ ನನ್ನ ಮೇಲೆ ಮಡಿವಂತಿಕೆಯ ಆರೋಪ ಬರಬಹುದು. ಆದರೆ ನಾನಿಲ್ಲಿ ಹೇಳಹೊರಟಿರುವುದು Creativity ಗೆ ಹಿಡಿದಿರುವ ತುಕ್ಕಿನ ಬಗ್ಗೆ. ನಾವು ಸಭ್ಯಸಾಚಿಗಳಾಗುವ ದಾರಿಯನ್ನೂ ನಾವು ಅಮೇರಿಕನ್ನರಿಂದ ಕಲಿಯಬೇಕಾಗಿರುವುದು ನಮ್ಮ ದುರದೃಷ್ಟ. ನಮ್ಮ ದಿನನಿತ್ಯದ ಸಭ್ಯತೆ(Etiquette)ಗಳನ್ನೂ ನಾವು ಅಮೆರಿಕದ ಯಾವುದೋ ಮೂಲದಿಂದ ಎತ್ತಿ ತರುವುದು ಎಂಥ ಜಾಣತನ ? ನಮ್ಮ ಹಿರಿಯರು ಅವನ್ನ ಬರೆದಿಟ್ಟಿಲ್ಲವೇ ? ಅಥವಾ ಹಿತ್ತಲ ಗಿಡ ಮದ್ದಲ್ಲವೇ ? ಇಷ್ಟೇ ಅಲ್ಲ ಇಂದು ಅನೇಕ Advertisemnt ಗಳೂ ಬೇರಾವುದೋ ಮೂಲದ ನಕಲುಗಳು. ಉದಾ : ಐಪಿಎಲ್ ಮೊದಲ ಆವೃತ್ತಿಯ ಬಣ್ಣದೋಕುಳಿಯ ರೀತಿಯಲ್ಲಿ ಮೂಡಿಬಂದ ವಿಜ್ಞಾಪನೆ ಅಮೆರಿಕದ ಬೇಸ್ ಬಾಲ್ ಪಂದ್ಯಾವಳಿಯ ಯಥಾವತ್ ಅನುಕರಣೆ ಎಂದರೆ ನೀವು ನಂಬಬೇಕು.

ಆದರೆ ನಮ್ಮ ದೇಶದಲ್ಲೂ ಅವರನ್ನ ಮೀರಿಸುವ ಕ್ರಿಯಾಶೀಲರಿದ್ಧಾರೆ ಎಂಬುದನ್ನ ನಾವೆಲ್ಲಾ ಒಪ್ಪಕೊಳ್ಳಬೇಕು. ಒಪ್ಪಿಕೊಳ್ಳೋಣ. ಇದರ ಜೊತೆಯಲ್ಲೇ ಅಲ್ಲಿನ ಅಂದ್ರೆ ಅಮೆರಿಕದ ಜನರಿಗಿರುವ ರಾಷ್ಟ್ರದ ಬಗೆಗಿನ ಜಾಗೃತ ಅಭಿಮಾನದ ತೀವೃತೆ ನಮ್ಮಲ್ಲಿ ಬಹುಶಃ ಬರದೇ ಹೋಗಬಹುದು ಎಂಬ ನಿಷ್ಠುರ ಸತ್ಯವನ್ನೂ ಒಪ್ಪಿಕೊಳ್ಳೋಣ. ಕಾರಣವೂ ನಿಚ್ಚಳವಿದೆ, ದೇಶಕ್ಕೆ ಲಭಿಸಿದ ಸ್ವಾತಂತ್ರ್ಯಕ್ಕೆ ಬಸಿದು ಹೋದ ರಕ್ತದ ಕೋಡಿಯ ಕಥೆಯನ್ನ ಹಾಗೂ ದಿವ್ಯಾತ್ಮಗಳ ಪರಿಶ್ರಮವನ್ನ ಯಥಾವತ್ ಅನುವಾದಿಸಿ ಮುಂದಿನ ಪೀಳಿಗೆಗೆ ದಾಟಿಸುವಲ್ಲಿ ಎಡವಿದ ನಮ್ಮ ಹಿರಿಯರ ಅವಜ್ಞೆ. ಅವರೇ ಇಂದು , ಇಂದಿನ ಯುವಪೀಳಿಗೆ ಅಮೆರಿಕದ ಪಾಲಾಗುತ್ತಿರುವ ಬಗ್ಗೆ ಅಲವತ್ತುಕೊಳ್ಳುತ್ತಿದ್ದಾರೆ. ಎಂಥ ವಿಪರ್ಯಾಸ !

ಅಂದು ಅವರು ತೋರಿದ ಅವಜ್ಞೆ ಇಂದು ಜಗತ್ತಿನ ಪ್ರಬಲ ದೇಶವೊಂದರ ಆಕರ್ಷಕ ಆದರೆ ಟೊಳ್ಳಾದ ಸಂಸ್ಕೃತಿಯೆಡೆಗೆ, ಸಮೃದ್ಧ ಮತ್ತು ನೈತಿಕಮೌಲ್ಯಗಳ ಮೇಲೆ ನೆಲೆಗೊಂಡಿದ್ದ ಸಂಸ್ಕೃತಿಯ ನೆಲೆವೀಡಾಗಿರುವ ಇಡೀ ದೇಶವನ್ನ ಸೆಳೆಯುತ್ತಿದೆ. ಇಲ್ಲಿ ನಾನು ಮತ್ತೊಂದು ಅಲವತ್ತುಕೊಳ್ಳುವ ಪ್ರಸಂಗವನ್ನ ನಿಮ್ಮೆದುರು ತೆರೆದಿಡುತ್ತಿಲ್ಲ. ಬದಲಿಗೆ, ದೇಶ ಮೊದಲು ಎಂಬ ಕಲ್ಪನೆಯ ಈ ದಿನದ ತುರ್ತಿನ ಬಗ್ಗೆ ಜ್ಞಾಪಿಸಲು ಹೊರಟೆ ಅಷ್ಟೇ. ದೇಶ ಮೊದಲ ಆದ್ಯತೆಯಾದಾಗ ಅದರೊಟ್ಟಿಗೆ ದೇಶದ ಸಂಸ್ಕೃತಿಯೂ ನಮ್ಮ ಆದ್ಯತೆಯಾಗುವುದರಲ್ಲಿ ಸಂಶಯ ಬೇಡ.

"When we were young kids growing up in America ,

we were Told to eat our vegetables at dinner and not leave them.
Mothers said, think of the starving children in India And finish the dinner.''

And now I tell my children:

''Finish your homework.

Think of the children in India Who would make you starve , if you don't. "

: Thomas L Friedman

ಇದರ ಜೊತೆಗೆ ಒಬಾಮಾ , ಫ್ರೀಡ್ ಮನ್ ಮುಂತಾದವರು ತಮ್ಮ ದೇಶದ ಯುವಕರಿಗೆ " ಬೆಂಗ್ಳೂರ ಹುಡುಗರನ್ನ ನೋಡಿ ಕಲಿಯಿರಿ " ಎಂದು ನೀಡುತ್ತಿರುವ ಹಿತವಚನಗಳಲ್ಲಿ, ನಮ್ಮದು ಬೆನ್ನು ತಟ್ಟಿಕೊಳ್ಳುವ ಸಾದನೆಯೇನಲ್ಲ ಎಂಬುದನ್ನ ಸ್ವಲ್ಪ ವಿಮರ್ಶೆ ಮಾಡಿದರೆ ನಮಗೆಲ್ಲಾ ತಿಳಿದೀತು. ಯೋಗರಾಜ ಭಟ್ಟರ " ಲೈಫು ಇಷ್ಟೇನೆ.. "ಗೀತೆಯಷ್ಟೇ ಸರಳವಾಗಿದೆ ನಮ್ಮ ಜೀವನ. ಅಮೆರಿಕದ ಹುಡುಗರು ನಮ್ಮನ್ನ ನೋಡಿ ಕಲಿಯುವುದು ಅಷ್ಟರಲ್ಲೇ ಇದೆ. ಆದರೆ ನಾವು ಅವರ Country First ಎಂಬ Built in Software ಅನ್ನ ನಮ್ಮಲ್ಲಿ ಅಳವಡಿಸಿಕೊಳ್ಳೋದು ಯಾವತ್ತು ? ಅವರ ಎಲ್ಲ Software ಗಳನ್ನ ನೋಡಿ ಓದಿ ಕಲಿತ್ರೂ ಇದು ಮಾತ್ರ ಕಷ್ಟ. ಅಲ್ಲಾ ?

ಸತ್ಯ ಏನಂದ್ರೆ ನಮ್ಮೆಲ್ಲರೊಳಗೊಬ್ಬ ಸುಭಾಷಚಂದ್ರ ಬೋಸರಿಸದ್ದಾರೆ ! ತಿಲಕರಿದ್ದಾರೆ ! ಸಂಗೊಳ್ಳಿ ರಾಯಣ್ಣ - ಕಿತ್ತೂರು ಚೆನ್ನಮ್ಮ ರಿದಾರೆ !! ಆದರೆ ಅವರನ್ನ ಸ್ವಾತಂತ್ರ್ಯ ದಿನಾಚರಣೆಗಳಂದು ಅಥವಾ ಅದನ್ನ Attend ಮಾಡಲು ಆಗದಿದ್ದರೆ Rang De Basanti ಸಿನೆಮಾ ನೋಡುವಂದು ಆವಾಹಿಸಿಕೊಳ್ಳುವುದು ನನ್ನನ್ನು ಸೇರಿಸಿಕೊಂಡು ನಮ್ಮೆಲ್ಲರೊಳಗಿರುವ ಹವ್ಯಾಸವಾಗಿಹೋಗಿದೆ. ಅವರು ನೆನಪಾದಷ್ಟೇ ವೇಗದಲ್ಲಿ ಮರೆತೂ ಹೋಗಿರುತ್ತಾರೆ. ಇದನ್ನ ಅಳಿಸಿ ನಾವೆಲ್ಲಾ 'ದೇಶ ಮೊದಲು' ಭಾವನೆಯನ್ನ ಬೆಳೆಸಿಕೋಳ್ಳೋಣ ಎಂಬುದು ಈ ಕೊರೆತದ ಕರೆ. ನೀನೇ ಮಾಡದ್ದನ್ನ ನಮಗೆ ಬೋಧಿಸ್ತೀಯಲ್ಲಾ ಅಂತ ನಿಮ್ಮ ವಾದವಾದರೆ ...

ತಪ್ಪುಗಳನ್ನ ಗುರುತಿಸಿ-ಪಾಲಿಸಿ ಬೋಧಿಸುವುದು Best ಆದರೆ, ಗುರುತಿಸಿ ಜೊತೆಜೊತೆಯಾಗಿ ನಿವಾರಿಸಿಕೊಳ್ಳುವುದು Good, ಎರಡೂ ಮಾಡದಿರುವುದು Bad. ಅಲ್ವಾ ?!

ಇನ್ನೊಂದು ವಾದದ ಪ್ರಕಾರ : ಇನ್ನೊಂದು ವಾದ ಯಾವುದೆಂದು ನಂಗೆ ತಿಳಿದೇ ಇಲ್ಲ. ನಿಮಗೇನಾದ್ರು ಗೊತ್ತಾ ? ಹೋಗ್ಲಿ Watergate ಪ್ರಕರಣದ ಬಗ್ಗೆ ಗೊತ್ತಾ ?

: ರವಿ

ವೆನೆಜುಯೆಲಾ - ಸುದ್ದಿಯಲ್ಲಿರುವ ಸ್ಥಳ ನಕ್ಷೆ - 10

2010-12-01T06:00:00.000+05:30

ಸುದ್ದಿ : ವೆನೆಜುಯೆಲಾದಲ್ಲಿ ಭೀಷಣ ಮಳೆ ; ರಾಷ್ಟ್ರೀಯ ತುರ್ತು ಘೋಷಣೆ

ಸುದ್ದಿಯಲ್ಲಿರುವ ಸ್ಥಳ ನಕ್ಷೆ :

ಜಾಗತಿಕ ನಕ್ಷೆಯಲ್ಲಿ ವೆನೆಜುಯೆಲಾ

ನೆರೆ-ಹೊರೆ

ಭೌಗೋಳಿಕ

Tepuis ಪರ್ವತಸಾಲು

ಆ್ಯಂಜೆಲ್ ಜಲಪಾತ

UP Animation ಚಲನಚಿತ್ರದ ಒಂದು STILLPHOTO

ಅಧಿಕೃತವಾಗಿ ಬೊಲಿವಾರಿಯನ್ ರಿಪಬ್ಲಿಕ್ ಆಫ್ ವೆನೆಜುಯೆಲಾ ಎನಿಸಿಕೊಳ್ಳುವ ವೆನೆಜುಯೆಲಾ ದಕ್ಷಿಣ ಅಮೆರಿಕ ಖಂಡದ ಉತ್ತರದಲ್ಲಿ ಸ್ಥಿತಗೊಂಡಿರುವ ಜಗತ್ತಿನಲ್ಲೇ ಅತಿ ಹೆಚ್ಚು ಜೀವವೈವಿಧ್ಯ(Biodiversity) ಹೊಂದಿರುವ 17 ದೇಶಗಳಾದ

ಪಪುವಾ ನ್ಯೂ ಗಿನಿಯಾ
ಆಸ್ಟ್ರೇಲಿಯಾ
ಫಿಲಿಪ್ಪೀನ್ಸ್
ಇಂಡೋನೇಷಿಯಾ
ಮಲೇಷಿಯಾ
ಚೀನಾ
ಭಾರತ
ಮಡಗಾಸ್ಕರ್
ದಕ್ಷಿಣ ಆಫ್ರಿಕಾ
ಇಕ್ವೆಡಾರ್
ಕಾಂಗೋ
ವೆನೆಜುಯೆಲಾ
ಕೊಲಂಬಿಯಾ
ಬ್ರೆಝಿಲ್
ಮೆಕ್ಸಿಕೋ
ಪೆರು
ಅಮೆರಿಕಾ

ಪಟ್ಟಿಯಲ್ಲಿ ಅಂದ್ರೆ MegaDiverse Countries ಪಟ್ಟಿಯಲ್ಲಿ ಇದೂ ಇದೆ.

ಹಿಂದೊಮ್ಮೆ ಬಹುತೇಕ ದಕ್ಷಿಣ ಅಮೆರಿಕಾದ ದೇಶಗಳಂತೆ ಇದೂ ಕೂಡ ಸ್ಪೇನ್ ದೇಶದ ವಸಾಹತಾಗಿದ್ದು 1821ರಲ್ಲಿ ಸ್ವಾತಂತ್ರ್ಯ ಪಡೆಯಿತು.
ಪಶ್ಚಿಮಕ್ಕೆ ಕೊಲಂಬಿಯಾ, ಉತ್ತರಕ್ಕೆ ಕೆರಿಬಿಯನ್ ಸಮುದ್ರ & ಕೆರಿಬಿಯನ್ ದ್ವೀಪಗಳು, ಪೂರ್ವಕ್ಕೆ ಗಯಾನಾ ಮತ್ತು ದಕ್ಷಿಣಕ್ಕೆ ಬ್ರಾಝಿಲ್ ನೆರೆಹೊರೆಯಾಗಿ ಸುತ್ತುವರೆದಿವೆ.
ದೇಶದ ಈಶಾನ್ಯದಂಚಿಗೆ ಉತ್ತರ ಅಟ್ಲಾಂಟಿಕ್ ಮಹಾಸಾಗರ ಕೂಡ ಇಣುಕಿದೆ.
ವಿಸ್ತೀರ್ಣದಲ್ಲಿ 33ನೇ ಅತಿ ದೊಡ್ಡ ದೇಶ.
ದೇಶದ ಉತ್ತರಕ್ಕಿರುವ ಆ್ಯಂಡಿ ಪರ್ವತಗಳು ಮತ್ತು ದೇಶದ ಬ್ರೆಝಿಲ್ ಕಡೆಗಿನ ದಕ್ಷಿಣ ಭಾಗಕ್ಕಿರುವ ಅಮೆಜಾನ್ Basin ಈ ದೇಶದ ಪ್ರಮುಖ ಭೌಗೋಳಿಕ ಅಂಶಗಳಾಗಿವೆ.
ಜಗತ್ತಿನ ಅತಿ ಎತ್ತರದ ಆ್ಯಂಜೆಲ್ ಫಾಲ್ಸ್ ದೇಶದ ಆಕರ್ಷಣೆಗಳಲ್ಲೊಂದು.
Tepuis ಎನ್ನುವ ಸಮತಟ್ಟಾದ ಶಿಖರವುಳ್ಳ ಪರ್ವತ ಮಾದರಿಗಳೂ ಈ ದೇಶದ ಆಕರ್ಷಣೆಯ ಬಿಂದುವಾಗಿವೆ.
ಪೆಟ್ರೋಲಿಯಂ & ನೈಸರ್ಗಿಕ ಅನಿಲ ಈ ದೇಶದ ಪ್ರಾಕೃತಿಕ ಸಂಪತ್ತಿನಲ್ಲಿ ಅಗ್ರ ಸ್ಥಾನದಲ್ಲಿವೆ.
ಜೂನ್ ನಿಂದ ಅಕ್ಟೋಬರ್ ವರೆಗೆ ಮಳೆಗಾಲವಿದ್ದು ಇನ್ನುಳಿದ ವರ್ಷವಿಡೀ ಒಣಬೇಸಿಗೆ ರೂಪದ ವಾತಾವರಣವಿರುತ್ತದೆ.

ಆದರೆ ಅದೇಕೆ ಈ ಡಿಸೆಂಬರ್ ನಲ್ಲಿ ಇಂಥ ಕುಂಭದ್ರೋಣ ಮಳೆ ಸುರಿಯುತ್ತಿದೆ ಅಂತೀರಾ ? ನಾವು ಮಾಡಿದ ಪಾಪವನ್ನ ನಾವೇ ಉಣ್ಣಬೇಕಲ್ಲಾ !! ಪ್ರಕೃತಿಗೆ ಧಕ್ಕೆ ನೀಡುವಾಗ ಬರದ ಚಿಂತೆ ಅದು ಮುನಿಸಿಕೊಂಡಾಗ ಏಕೆ ?!! ನಮಗೆ ಯಾರಾದರೂ ತೊಂದರೆ ಮಾಡಿದಾಗ ನಾವು ಅವರಿಗೆ ತಿರುಗಿ 'ನೀಡು'ವುದು ಎಷ್ಟು ನ್ಯಾಯಸಮ್ಮತವೋ ಪ್ರಕೃತಿಯ ಈ ಮುನಿಸೂ ಅಷ್ಟೇ ನ್ಯಾಯಸಮ್ಮತ. ಅಲ್ವೇನ್ರೀ ?!!

ಇದೇ ನೆಪದಲ್ಲಿ ಡಿಸ್ನಿ ಪಿಕ್ಸಾರ್ ನವರು ತಯಾರಿಸಿರುವ UP ಚಿತ್ರ ನೋಡಲು ನಿಮಗೆ ಸಲಹೆ ನೀಡ್ತಿದೀನಿ. ಆ ಚಿತ್ರ ಇದೇ ಭಾಗವನ್ನ ಕಲ್ಪಿಸಿಕೊಂಡು ತಯಾರಿಸಲಾಗಿರುವ Very Cute Animation ಚಿತ್ರ. ಚಿತ್ರ ನೋಡೋದನ್ನ ಮರೀಬೇಡಿ ಮತ್ತೆ. ಹಾಗೇ ಪ್ರತಿಕ್ರಿಯಿಸೋದನ್ನ ಕೂಡ !!

: ರವಿ

Diplomatic Cable Leak

2010-11-30T06:05:00.033+05:30

ಚುಟುಕು ಸುದ್ದಿ : Diplomatic Cable Leak ಹಾವಳಿ ; ರಾಜತಾಂತ್ರಿಕ ಸಂಬಂಧಗಳಲ್ಲಿ ಬಿರುಗಾಳಿ

ಸುದ್ದಿಯ ಒಳನೋಟ :

ಎಲ್ಲ ದಿನಪತ್ರಿಕೆ , ಸುದ್ದಿವಾಹಿನಿಗಳು ತಮ್ಮ ಸುದ್ದಿವಿತರಣೆ ಮಾಡುವ ಶೈಲಿಯ Sophistication ತೋರಿಸುವ ಇರಾದೆಯಿಂದ ಮೂಲದಲ್ಲಿ ಬಳಕೆಯಾದ ಪದವಾದ Diplomatica Cable / CableGate / CableQuotes ಎಂಬ ಪಾರಿಭಾಷಿಕ ಪದಗಳನ್ನ ಬಳಸುತ್ತಾ ಇರೋದನ್ನ ನೀವೆಲ್ಲ ನಿನ್ನೆ ಮೊನ್ನೆ ಎರಡು ದಿನಗಳಲ್ಲಿ ಓದಿರುತ್ತೀರಿ , ಕೇಳಿರುತ್ತೀರಿ.
ಏನಿದು CableGate ? ಅಲ್ಲಿ Cable ಅಂದ್ರೆ ದೂರವಾಣಿಯ Cableಆ ? ಮತ್ತೊಂದಾ ? ಹೌದು. ಒಂದು ರೀತಿ ಅದೇಥರ.

ಪ್ರತಿ ದೇಶ ಜಗತ್ತಿನ ಇತರ ದೇಶಗಳೊಡನೆ ರಾಜತಾಂತ್ರಿಕ ಸಂಬಂಧ ಇರಿಸಿಕೊಳ್ಳುವುದು ರೂಢಿಗತ. ಅಂತೆಯೇ ಸದರಿ ಸಂಬಂಧಗಳ ತುರ್ತಿಗಾಗಿ ಪ್ರತಿ ದೇಶದಲ್ಲಿ ಒಬ್ಬ ರಾಜದೂತ(Ambassador)ನನ್ನ ತಮ್ಮದೇ ಕಚೇರಿ (Embassy) ಸ್ಥಾಪಿಸಿ ಇರಿಸುತ್ತವೆ. ಹೀಗೆ ಸ್ಥಾಪನೆಯಾದ Embassy ಸದಾಕಾಲ ತನ್ನ ಮಾತೃಇಲಾಖೆಯಾದ ವಿದೇಶಾಂಗ ಇಲಾಖೆಯ ಜೊತೆ ಸಂಪರ್ಕದಲ್ಲಿರುತ್ತದೆ. ಅಂದರೆ Foreign Ministry ಯಿಂದ Embassy ಗೆ ಸೂಚನೆಗಳು ಮತ್ತು Embassy ಯಿಂದ Foreign Ministryಗೆ ಮಾಹಿತಿಗಳು ರವಾನೆಯಾಗುತ್ತಿರುತ್ತವೆ.

ಹೀಗೆ ಏರ್ಪಡುವ ಸಂಪರ್ಕ ಪ್ರತಿ ದೇಶದ ಹಿತದೃಷ್ಟಿಗನುಗುಣವಾಗಿ ರಹಸ್ಯ(Classified)ವೆಂದು ಗುರುತಿಸಲ್ಪಟ್ಟು ಸದಾ ತನ್ನಗುಣಧರ್ಮವನ್ನ ಕಾಯ್ದುಕೊಳ್ಳುತ್ತದೆ. ಈ ರೀತಿ ರಹಸ್ಯವಾಗಿ ಕಳುಹಿಸಲ್ಪಟ್ಟ ರಾಜತಾಂತ್ರಿಕ ತಂತಿ ಸಂದೇಶ ( Diplomatic Telegram ) ಗಿರುವ ಇನ್ನೊಂದು ಹೆಸರೇ Diplomatic Cable ಅಥವಾ Embassy Cable.

ಇಲ್ಲಿ Telegram ಅನ್ನುವ ಪದಬಳಕೆಯಾಗಿರುವುದರಿಂದ ವಾಚಕರು ಹಳೆಕಾಲದ telegramನ್ನ ಮನಸಲ್ಲಿ ಮೂಡಿಸಿಕೊಳ್ಳಬಾರದು. ಯಾಕಂದ್ರೆ ಇದೊಂದು ಸೂಚ್ಯವಾಗಿ ಮತ್ತು ಹಿಂದೆ ಬಳಸುತ್ತಿದ್ದ ಸಾಧನದ ನಿಮಿತ್ತ ಸೃಷ್ಟಿಯಾದ ಹೆಸರು. ಅದೇ ಹೆಸರು ಮುಂದುವರೆದಿರುವುದರಲ್ಲಿ ಯಾವುದೇ ಗೊಂದಲ ಬೇಡ.

ಮತ್ತು Cable ಎಂಬ ಪದವೂ ಕೂಡ ಹಳೆಯದೇ ಅನ್ನಿ. ಅದಕ್ಕೆ ಕಾರಣ ಈ ಮೊದಲು ಬಳಸುತ್ತಿದ್ದ ಸಮುದ್ರದಡಿಯಲ್ಲಿ ಸಾಗಿದ್ದ ಕೇಬಲ್ ( Submarine Communication Cable ) ಗಳ ಮೂಲಕ ಸಂದೇಶ ರವಾನೆಯಾಗುತ್ತಿತ್ತು.

ಇಂದು ಸಾಧನಗಳು ಬದಲಾಗಿರಬಹುದು. ಆದರೆ ರೂಪ ಮಾತ್ರ ಅದೇ ಇದೆ. ಅಂದರೆ Text Format. ಅಂದು telegram ಇದ್ದಾಗಲೂ ಈ ಮಾಹಿತಿಗಳು text ರೂಪದಲ್ಲೇ ರವಾನೆಯಾಗುತ್ತಿದ್ದವು. ಇಂದು Satellite Phone ಯುಗದಲ್ಲೂ Text ರೂಪದಲ್ಲೇ ರವಾನೆಯಾಗುತ್ತಿವೆ. ಅಂತೆಯೇ ಮೊನ್ನೆ WikiLeak ಮಾಡಿರುವ Leak ಕೂಡ Document Format ನಲ್ಲಿದ್ದು, ಹಲವು ವರ್ಷಗಳ ಮಾಹಿತಿ ಅದಾಗಿರುವುದರಿಂದ ಮತ್ತು ಅನೇಕ Embassyಗಳನ್ನ ಅದು ಒಳಗೊಂಡಿವುದರಿಂದ ಅಪಾರ ಪ್ರಮಾಣದಲ್ಲಿದೆ. ( ಇಂತಹ ಸಂದೇಶಗಳು Encrypted ಇರುತ್ತವೆ ಅನ್ನೋದನ್ನ ಮರೆಯಬಾರದು.) [Encrypted = ಸಂದೇಶ ಗೂಢಲಿಪಿಯಲ್ಲಿದ್ದು ಮಾಹಿತಿ ನೋಡಬೇಕೆಂದರೂ ಅದಕ್ಕೊಂದು Password ಇರುತ್ತದೆ.]

" ಮತ್ತೆ ಮಾಹಿತಿ Encrypted ಇದ್ದು Classified ಅನ್ನಿಸಿಕೊಂಡಾಗ್ಯೂ LEAK ಹೇಗಾಯಿತು ? " ಅನ್ನುವ ಪ್ರಶ್ನೆ ನಿಮಗೆ ಕಾಡಿ ಉತ್ತರ ಹುಡುಕಲು ನೀವು ತಯಾರಾಗಿದ್ದರೆ ಅಮೆರಿಕಾ ಸರ್ಕಾರ & CIA ನಿಮಗೆ ಸಂಪೂರ್ಣ ಬೆಂಬಲ ನೀಡುತ್ತದೆ !! ತಯಾರಾಗಿದೀರಾ !?

ಹೀಗೆ ಅಮೆರಿಕಾದ ವಿದೇಶಾಂಗ ಇಲಾಖೆ ಮತ್ತು ಅದರ ಅಧೀನದ Embassy ಹಾಗೂ Ambassador ಗಳ ನಡುವೆ ಹರಿದಾಡಿದ ಮಾಹಿತಿಗಳೇ ಮೊನ್ನೆ ರವಿವಾರ ಸ್ಫೋಟಗೊಂಡಿದ್ದು.
ಆದರೆ ನಮ್ಮ ಪತ್ರಿಕೆಗಳು / ಸುದ್ದಿವಾಹಿನಿಗಳು ತಮ್ಮ ಸುದ್ದಿ ಸ್ಫೋಟಿಸುವ ಭರಾಟೆಯಲ್ಲಿ, ವಾಚಕರ ತಲೆಗೆ ಹುಳ ಬಿಡುವ ಪದವಾಗಿರುವ Diplomatic Cable Leak ಅಂಥವುಗಳನ್ನ ಮೇಲಿಂದ ಮೇಲೆ ಬಳಸಿದರೂ ಅದರ ಅರ್ಥವನ್ನ ತಿಳಿಹೇಳದೇ ; ತಮ್ಮ Sophisticationಗೆ ಗರಿ ಎಂಬಂತೆ ಮಗುಮ್ಮಾಗಿ ಇರುವುದ ತಪ್ಪಲ್ಲವೇ ?
ಪತ್ರಿಕೆಗಳು / ಸುದ್ದಿವಾಹಿನಿಗಳು ತಮಗೆ ಲಭ್ಯವಾಗಿರುವ ಸುದ್ದಿಯನ್ನ ಸ್ಫೋಟಿಸುವ ಮೊದಲು ತಮ್ಮ ಸುದ್ದಿ Encrypted(ವಾಚಕರಿಗೆ ತಲೆಬುಡ ತಿಳಿಯದ ಹಾಗಿರುವುದನ್ನ) ಆಗಿಲ್ಲದಿರುವುದನ್ನ ಖಚಿತಪಡಿಸಿಕೊಳ್ಳುವುದು ಒಳಿತಲ್ಲವೇ ?

: ರವಿ